رواية قمر وخالد

الجزء السادس
الفصل الاول ........

وصلوا فينيسيا قبل 4 ايام .. بس لان خالد كان مشغول شوي يدور على شقه فاخرة بفينيسيا لان البيت تحت الصيانه من رطوبه الصيف القويه. .لا قُمر ولا خالد كانوا يدرون وانصدموا بهذا الشي يوم وصلهم اوتيلو السايق .. سكنوا بفندق ليما يلقى خالد شقه مناسبه لهم .. حجز بالفندق سويت فخم فيه حجرتين وصاله وحمام واحد مشترك .. وللحين اهو يدور على شقه .. يتصل بمعارفه لكن كلهم مسافرين .. مما اضطره انه يوقف عمليه البحث شويه ..
قُمر كانت تحس باروع الاحاسيس .. ما يهمه لو كانو يعيشون تحت الجسور المنتشرة اهم شي انها تكون ويا خالد .. يوم عن يوم يزيد حبها لخالد .. وتزيد المشاعر الجميله له .. اقل الحركات اللي يقوم بها تخليها تنعجب فيه .. مرة كانوا يتمشون باحد طرقات فينيسيا .. كانت قُمر شارده واهي تطالع البيوت والمباني المنتشرة ولا منتبهه للشارع .. وكان هنا ك جزاز مرمي بالشارع خالد انتبه له ووقفها بيده ودفعه بعيد عن دربها .. اهي ابتسمت له ابتسامتها المعتاده .. اللحين صارت الخواطر تتدفق عندها .. تكتب بدون توقف .. بس يختفي خالد عن نظرها تختلس الوقت وتكتب خاطرة سريعه.....

(( جسور فينيسيا))
" اسير معه .. بشوارع فينيسيا الضيقه..
اتقى رطوبتها بملابس فاتحه .. واسترشد الطرقات بمسكه يده ..
كم تغير .. واصبح شخصا اخرا .. يشبه احدا كنت اعرفه ..
شخصا كنت انشد ه .. وانشد لقياه .. باصعب اوقاتي
لم اعد احتاجه بعد الان .. لدي هو .. هو فقط ...))

سكرت الدفتر على قدوم خالد وقامت وياه ... كملوا الدرب واهم يتمشون .. اشياء ناعمه تشتريها قُمر كتذكارات لخواتها وارفيجاتها واصدقائها ... لولوة مثلا شرت لها خاتم وعقد من المرجان الاحمر خفيف الديزاين ودورت ليما لقت وياهم تراجي تناسب .. البياع عطاها وياهم منديل احمر مناسب وخلتهم مع بعض باللف وحطتها على جهه للولوه .. وكل مرة تتصل بالبيت مروة توصيها على شي لدرجه انها كرهتها بالاتصال للبيت اشترت لجاسم وطلال وخليفه اشياء متشابهه .. قميص فاخر ولا ساعه ولا عطورات ايطاليه لاسامي بارزة . وبكل مرة تشتري شي لخالد بس تخليه عنه عشان تعطيه اياه لين راحوا بيتهم حزة اللي بيزهب .. اشترت لامها وعمتها شالات ومجوهرات حلوة وتناسب سنهم .. واشترت لعمها وخالد نفس الهديه خاتم بماسه للخنصر .. تخيلته على يد خالد .. بدوي اصيل ..
شكثر تحب خالد .. لو على خاطرها انها تقول له وتخلص نفسها من هذي المشاعر القويه اللي ما ترسيها ابدا تحس نفسها عايمه بالجو .. ما درت ان الحب يمكن يكون جذي .. تقارن بينه وبين الانجذاب اللي حسته لزايد اخو لولوه لكن مسرع ما تمحي من بالها هالذكرى لانها مجرد طيف المراهقه والمدرسه .. لان خالد ملك كل شي فيها بظر ف3 اسابيع بس .. الله يعينها لباجي العمر ..
خالد ....... اممممممممم شقول عن خالد ّ .. خالد ما عاد خالد المحبط ابدا .. استوى خالد قبل .. النشيط المرح المغرور شوي .. بس غروره كان محتمل لان قُمر ما كانت تقل غرور عنه .. ويحس انهم يتلايمون على بعض .. صار ما يقدر على فراق قُمر ابدا .. ما يدري ليش .. لين تختفي عن عيونه يصير مثل التايه .. عيونه تتلفت يمين ويسار ليما يلاقيها ويهدى باله .. يحسها مثل النسمه اللي تضيع بسرعه.. يتذكر مرة يوم طلعوا محلات ثياب .. المارت كان كبير لدرجه ان خالد تعب من المشي ويا قُمر واستراحوا شوي على احد الكراسي .. شوي الا والبياعه اتيي صوب قُمر عشان تجرب احد الفساتين .. وراحت وياها.. و لكن تاخرت بالرده ..خالد بدى يحاتيها ..راح سال احد البياعه وقالت له انها طلعت من المارت.. خالد فكر انها طلعت راحت محل جريب لكن لا.. دخل محل مجوهرات .. يشوفها يمكن هناك هم لا.. بعد جوله بين المحلات والخوف يستحله شوي شوي على قُمر .. رد المحل يشوفها لقاها قاعده على المكان نفسه اللي كانوا قاعدين عليه واهي هادئه ولكن حزينه وكانها مضيعه شي
خالد : وين رحتي قُمر
قُمر بمفاجاه: ما رحت مكان .. هني .. اجرب فستان
خالد: انا دورت عليج يوم تاخرتي علي وقالت لي البياعه انج طلعتي
قُمر : ما رحت مكان .. كاني مكاني
خالد : مرة ثانيه قولي لي .. لاتخليني جذي مثل التايه ..
قُمر بحزن: انت بعد .. لا تختفي جذي مرة وحده ..
خالد يبتسم: حصل خير .. نمشي..
قُمر: لا لحظه بعد شي واحد...
راحت قُمر عنه.. كانت مساع تطالع دبابيس قمصان وشرت واحد ثاني غير عن دبوس ميلان .. كان عليه رسمه نسر ذهبي خذته وطلبت منهم يلفونه بورق ازرق ... وردت لخالد واهي تبتسم ...

جهز البيت من بعد التصليح وانتقلوا له .. البيت كان قصر صغير.. متفرد بمنطقته .. مو باي بنايه او مجمع عمارات مثل روما ..كان فيه بوابه وحديقه وغرفه تشميس والصاله كانت كبيرة ودائريه اثاثها شرقي والحوايط معظمها من الجزاز الملون .. قُمر حست انها ردت ياهل اول ما دخلت البيت.. كان بمثابه بيت لعب .. حتى خالد كان متعجب من الديكور اليديد بس كان معطي المجال كله لقُمر .. قُمر حست انها بالبيت لان صور العايله كانت منتشرة .. عمها وابوها وعمتها وعمها المرحوم بو سعود .. يدها سبع ويدتها نوفه .. حتى انها لقت صورة لها واهي صغيره مصفوفه يم صورة جاسم ومن بعدها صورة خالد واهو شباب.. شكل الصورة مصورة برع لان كان واقف يم نهر ..
خالد: عجبج المكان
قُمر تاخذ نفس : وايد
خالد: حسيتج بتنعجبين بالمكان .. لانه وايد عائلي
قُمر: من متى وعند عمي البيت هذا؟
خالد: البيت شراكه لعايله بن ظاحي كلها .. شروه قبل 15 سنه .. كلفهم ثروة بس يستاهل.
قُمر: أي والله يستاهل .. الخدم اللي هني عرب ولا اجانب
خالد: شوي عرب وشوي ايطاليين .. بس لاتحاتين .. الطباخه عربيه..
قُمر: هههههههههههههههههههههههههههههههههههههههههههه زين
خالد: ههههههههه ادري فيج.. بروح ارتاح انا .. وايد تنقلت وما رقدت زين وقظيني على الساعه 2 اوكيه
قُمر: ان شالله ..
خالد واهو يركب الدري: وانتي بعد ريحي .. من الصبح قاعده
قُمر: لا تو الناس .. بشوف البيت اول ..
خالد : على راحتج
قُمر: نوم العوافي
خالد بنظرة حنونه: الله يعافيج ...

قعدت قُمر تدور بالبيت.. وتشوف الخدم العرب والايطاليين كانوا يتكلمون انجليزي .. طلعت برع بالحديقه .. الشمس ساطعه والسما صافيه .. ردت داخل خذت دفترها من جنطتها اللي بالصاله وطلعت برع على احد الكراسي المصفوفه .. قعدت تكتب شي من خاطرها


(( كم هو لجميل حنانه
احس بالعظمه معه
وكانتي ملكه النساء اجمعين ..
لا حبور كحبوري معه
ولا هناء كهناي بحظنه..
هل هو دائما هكذا
ام حبي له قد جمله
احبه .. واحبه... ولااعرف كيف
تغلغل حبه فيا هكذا....
كل اللذي اتمناه..
ان يكوون لي .. الى الابد ...))

(خاطرة من قلبي)

دخلت من بعدها البيت وخذت جنطتها تروح دارها .. رن التلفون واستغربت منه .. من يمكن يتصل فيهم..
قُمر: الوو
وتسكر الخط ...
قُمر استعجبت.. حتى بايطاليا اكو تحرش... ما يندرى .. وراحت فوق .. توهقت قُمر.. ماتدري أي غرفه غرفتها .. لكن بالحس راحت عند اول غرفه.. فتحت الباب وشافتها كبيرة.. مثل الجناح اللي بروما .. حتى ان كان مزين بورد بالوسط .. راحت عند الورد .. قعدت تتحسس اوراقه .. مخمليه ناعمه.. عطرة .. اخذت نظرة على الغرفه واقشعر بدنها .. شكثر بتكون محظوظه لو ان اهي وخالد كانو يتبادلون نفس المشاعر ..
طلعت من الغرفه وراحت للغرفه الثانيه .. شافت ان فيها سرير لشخص واحد وشكلها رجاليه شوي وطلعت منها .. دخلت على الصاله وشافت 3 ابواب .. توجهت لاول باب تبي تدخل منه وفجاه ينفتح باب ثاني .. كان خالد طالع من الحمام ولابس بشكير سباحه .. وقف خالد من الدهشه وقُمر مثله .. هالمرة ما شردت قُمر مثل ذيج المرة بس غضت بصرها
خالد بارتباك لكن بابتسام: هاذي غرفتي .. غرفتج انتي الثانيه ..
التفتت قُمر .. الغرفه كانت ملازقه لغرف خالد .. ما يفرق بينهم الا جدار..
قُمر بحيا: شكرا..
خالد: العفو
راحت قُمر دارها بكل هدوء ودخلت وصكت الباب من وراها .. خالد ظل واقف مكانه .. تنهد ..
لو شوي دخلت داري من دون ما تدري ورحت فيها وياها .. ضحك ضحكه شريرة ودخل داره من بعدها .. كان يغني اغنيه كاظم الساهر بصوت ساخر شوي قُمر قعدت تتسمع صوته من دارها واهي تضحك .. راحت عند الطوفه اللي بين دارها ودارها عشان تسمع بوضوح .. تغيرت الاغنيه .. اللحين يغني اغنيه اجنبيه واهو يميل بصوته مثلهم ويرفع الدرجات ويضخم وينعم من صوته واهي تضحك عليه
يحليله خالد لين مرتاح .. ولا احد يتحداه .. يخلي الواحد يضحك ويرتاح بعد .. اهي بعد طلعت ثيابها من الجنطه وطلعت عشان الحمام الخارجي .. لان ماكو

يتبع.............

حمام بدارها .. خذت شاور سريع وطلعت من بعده وشافت خالد واقف على دارها يطق الباب
قُمر من وراه بهدوء: نعم
خالد انتفض
قُمر تضحك عليه: هههههههههه
خالد: يا معوده علامج تسوين جذي
قُمر: هههههههههههه مسامحه بس ما قدرت ايود روحي .. خير بغيت شي
خالد: سلامتج بس...
قُمر: بس شنو..
خالد: عندج قراضه.. اضافر
قُمر : أي عندي .. تبيه
خالد بمرح: أي .. بعد اذنج طبعا
قُمر: هههههههههههههه اكيد لحظه شوي
دخلت قُمر دارها وخلت الباب مفتوح .. قعدت تحوس بمخابي الجنطه وطلع بالغلط فستان النوم على دخله خالد للغرفه قُمر ما قدرت تخبيه لان خالد كان سريع ودخل الدار واكيد شافه
خالد: ها لقيتيه
قُمر كانت ساكته واهو استغرب سكوتها طالع الجنطه وشاف الفستان على السرير .. تصاعد الدم كله براسه من الفستان ونعومه .. واثارته وبسرعه..طلع من الدار
خالد: لين لقيتيه ييبيه لي الصاله
قُمر والحيا ذابحها: ان شالله
طلع خالد وقُمر صكت الباب من وراه .. الله يغربلج يا مريوم على عملتج السوده .. ويغربلني بعد ليش اني طلعته اللحين .. صج ما عندي سالفه .. الحين خالد شبيقول عنها .. يا ربي شهالفشيله .. رمت روحها على السرير واهي تبي تبجي بس الموقف كان يضحك اكثر من انه يبجي ..
خالد بره الغرفه كان للحين يحس بالحرارة بويهه .. بس متدارك الموضوع .. وبسرعه تذكر مكالمه مريم بروما .. قُمر كانت تلومهن على شي واكيد ان الفستان اهو الشي .. لان قُمر مستحيل تسوي جذي او تشتري فستان مثل ذاك الفستان .. ضحك على خفه دمها .. شكثر خجوله وشكثر تستحي .. حبابه والله .لكن مريوم السباله راح يجازيها على هالحركات البايخه ...
بعد خمس دقايق طلعت قُمر ومعاها علبه الاظافر كلها ..
قُمر بحيا وعيونها بالارض: تفضل
خالد: زاد فضلج
حطت العلبه وراحت غرفتها
خالد: قُمر
من دون ما تلتفت له: نعم
خالد: ممكن تقصي لي انتي اظافري.. مااحب اقصصهم لحالي
سكتت قُمر .. تقص اظافره . .معناته راح تلمسه .. يا ربي .. هاذي المصيبه
خالد حس بخجلها : على راحتج طبعا
قُمر قوت نفسها: ان شالله
راحت لعنده ويلست حذاله.. لاول مرة تكون بهالقرب منه واهو صاحي .. او مو طالعين برع .. قعدت تقصص اظافره بخفه ..تقلب باياديه وتلمس صوبعه كله .. يده كانت حلوة.. ناعمه واصابعه طويله ونحيله.. اخذت المبرد وحفتهن وعدلتهن وصارت القعده حلوة لها لانها تحب تعدل الاظافر وردتها هاذي الهوايه لذكريات لعمها جاسم واخوانها وخواتها.. اخذت المنظف وقعدت تنظف اظافره من الزوايد البيضه واخذت لوح التلميع وعلى الخطوات الثلاث . الحك .. التبريد .. والتلميع . .يوم خلصت كانت مبتسمه : فوولا
خالد يطالع اظافره .. يمين يسار من فوق ومن تحت .. كانوا اظافر يديده .. ومعتني فيها
قُمر: شرايك
خالد: وايد زين .. اول مرة اظافري يصيرون جذي.. اشتغلتي قبل بصالون
قُمر: هههههههههههههههههههههههههههههههههههههه لا .. هههههههههه هاذي نوفه اختي علمتني جذي وانا غلبتها .. قبل الكل يصطف او يحجز معاي موعد اعدل له اظافره.. عمي جاسم طلال .. نوفه حتىخالتي ام خليل ..
خالد باعجاب: انا منبهر .. بس هاا من يوم ورايح ماكو الا اظافري..
قُمر: ليش يعني انانيه
خالد: مرتي وانا حر .. بس ابيها لي .. اكو مانع؟
استحت قُمر ونزلت راسها .. يطالعها باستغراب ورفع راسها بيده
بصوت ناعم: ليش انا قلت شي غلط ..
قُمر بحيا: ماادري ..
خالد: قُمر ... انتي زوجتي .. ولا الغرف المنفصله نستج هالشي..
زاد الحيا بقُمر .. اهو صاج بكلامه .. بس اهي ما تقدر توافقه على هذا الشي.. لانها بتموت من الحيا ..
زاد قرب خالد من قُمر : قُمر انا .....
يرن التلفون ويقطع الكلام من بيناتهم..
خالد باستغراب: انتي قلتي لاحد اننا وصلنا فينيسيا ..
قُمر : لا محد ..
خالد: غريبه...
راح خالد يرد على التلفون .. رفعه
خالد: الووو
الطرف الثاني: ....................
خالد: الووووو

يتبع
--------------------------------------------------------------------------------

الطرف الثاني: ...............
خالد احتار.. من اللي بيتصل ويقعد ساكت .. والمكالمه يبين عليها دوليه .. منو يا ترى..
خالد: last call hello
ندى: هاي خالد ....
خالد انصدم ... اهو يعرف هالنبرة . هاذي الهاي .... مو غريبه عليه: h.. hii
ندى: اكيد عرفتني
خالد مرتبك .. كل شي فيه فوق تحت... شصاير... ندى متصله ... ندى المتصله ..
يرد بانجليزيه مرتجفه شوي: just a sac (يلتفت لقُمر) برد عليه من غرفتي
قُمر: خير؟؟
خالد: الخير بويهج بس برد عليه من غرفتي ...
قُمر: ان شالله
خالد يرد للتلفون: I`m back ..dial on my room ext it`s 7
ندى: اوكيه ... باي
خالد: باي (يتلفت لقُمر بعصبيه) بشله من غرفتي انتي صكيه اوكيه
قُمر باستغراب: ان شالله
راح خالد بسرعه غرفته وقفل الباب من وراه وقُمر حامله السماعه سمعت رفعتها بدار خالد ونزلتها بسرعه..
شصاير .. منو المتصل .. خالد تغيرت ملامحه نهائيا .. الف والف شعور ظهر على شكله .. السعاده .. الارتباك .. الحيرة .. الاستغراب... منو المتصل فيه .. ردت قُمر دارها واهي مشغوله البال .. بس مسرع ما نست اللي صار وردت حق كلام خالد قبل المكالمه ... كان بيقول شي مهم .. بس المكالمه وقفت كلامه.. نفضت الافكار عنها وقعدت ترتب اغراضها وتصفها بالادراج والكبت .. لان قعدتهم بتطول في فينيسيا غير عن كل المناطق الباجيه .. من بعدها بيروحون باليرمو لمده بسيطه ومنها لروما مرة ثانيه وبعدين الكويت ... وينتهي شهر العسل ..

خالد: الو
ندى بارتباك: شلونك خالد
خالد بحزن عميق : ابخير.. انتي شخبارج
ندى: بخير..... ماادري ..... شوي بخير.....(انهارت ندى) انا مو بخير خالد ... .حيل مو بخير
خالد بغضب ونعومه بنفس الوقت: سلامتج .. ما تشوفين شر ....
صمت بيناتهم .. ما يدري شنو يقول لها .. ما توقع اتصالها ابدا .. بس فرح للاتصال.. معناته ان ندى للحين ما نسته .. ندى للحين تذكره... ما نست ذكرياتهم ويا بعض..بس للليش متصله فيه.. تذكر اخر مرة كلمها يوم رفضته وخلته يرد الكويت ويتزوج من قُمر .. زاد حقده والمه
ندى والبجي بصوتها: ليش يا خالد ... ليش ايطاليا بالذات... نسيت وعودنا .. نسيت الكلام اللي مبيناتنا .. ان محد منا ينزل ايطاليا الا ويا الثاني ..
خالد بالم عميق: كنتي تقدرين تكونين اللي وياي .. بس انتي ما بغيتي هالشي
ندى: تكفى خالد .. لا تذكرني .. ما تدري شكثر انا نادمه .. نادمه يا خالد.
خالد: من بعد شنو .. من بعد ما بعتيني ..
ندى : تكفى خالد ... كافي .. والله كافي ... احس اني بتقطع .. بس انت تعرف انا ليش سويت اللي سويته
خالد: أي ........... ادري....
ندى واللوعه باوصالها: خالد .......i missed you
تنزل من خالد دمعه الم ولوعه من خاطر....
ندى: احبك خالد ....... والله العظيم احبك ..... come back to me pls I need you
وبدت ندى نوبه من البجي العظيم .. تشهق والعبرة ماخذه انفاسها وخالد مو مستحمل ابد ... اهو يحب ندى .. مهما كان .. يحبها ..
خالد: تكفين ندى كافي.. لا تسوين في روحج جذي...
ندى: مااقدر يا خالد.. اكبر مني هالشعور .. اكبر مني
خالد: انزين عشان خاطري سكتي
وظلت تبجي
خالد: عشان الحب اللي جمعنا... سكتي..اذا انا مااستحمل شي بالدنيا فاهو دموعج الغاليه ...
هدأت ندى نفسها شوي ..: خالد.... رد لي بليز ... بليز خالد .. رد لندن .. ولحياتنا ... ولجامعتنا ... بليز
خالد: شقاعده اتقولين .. انتي ناسيه اني متزوج .. ولا ما كنتي انتي اللي حضرت زواجي ..
ندى: بلى ... بلى ... خالد .. لازم اشوفك .. بييك فينيسيا .. لازم اتكلم وياك ..
خالد: كاه تتكلمين وياي..
ندى: التلفون ما ينفع .. لازم اشوفك ..
خالد بعصبيه: مستحيل ندى ..
ندى بتوسل: ارجوك خالد تكفى .. تكفى حبيبي .. اذا كنت تحبني .. وافق.. وافق خالد وانا على اول طائرة لروما
خالد بسخريه: احنا بفينيسيا ولا انتي ناسيه
ندى: لاتقول احنا .. لا تدخلها بالموضوع
خالد: اهي كل الموضوع
ندى بصوت مشجون : ارجوك خالد .. اذا بقلبك رحمه لا تييب لي طاريها .. I hate her
خالد: why hah ليش ... شسوت لج ..
ندى بصوت عالي: اخذتك مني .. اخذتك مني وحرمتني منك
خالد بعصبيه: انتي اللي بعتيني لها .. واهي قبلت فيني
ندى تغمض عيونها من الالم: خالد بليز ..stop saying this you are killing me with these words
من دون أي اعتبار لكلماتها: ... face it ندى .. انتي خسرتيني .. لصالحها .. انا خلاص.. ملكها .. ملكها اهي بس
ندى بصياح عالي: خاااااااالد حرام عليك
خالد واهو يزيد: خلاص .. خالد اللي عرفتيه مات .. حل مكانه خالد اللي يحب قُمر .. ويتفرد بقُمر كل يوم وكل ليله وكل ساعه.. مو بس قلبه .. الا كله وكل اهله ملك لها
ندى واهي تتوسل: خالد ارجوك ... لا تذبحني ... ارجوك
وقعدت تبجي وصوتها واصل للتلفون ... حس خالد انه يبي يقتلها .. صج انه مو معاها .. بس يبي يقتلها بالكلام ... لانها قتلته يوم ردته لقُمر .. توه الا قايم من صدمتها .. وترد ترجع لحياته .. شالهدف .. شمقصدها من هالرده..
خالد: خلصيني شتبين
ندى: ابيك.....
خالد: سوري .. you are to late honey انا مملوك ... مملوك لقُمر
ندى بحقد: عساها الموت
خالد: قص بلسانج .. ان ما تت قُمر انا اموت معاها ..
ندى بعجب: تموت معاها .......... خالد انت بديت تحبها..
خالد ما يدري شيجاوب .. بس الحقد اللي ملا قلبه وكان المسيطر عليه: أي .. احبها .. سامعتني يا ندى .. احبها .. اموت فيها .. اعشقها .. اذوب فيها .. ماا قدر اتصور نعمه ربي اللي مرزقها علي بزواجي من قُمر .. قُمر صج قُمر .. شلون استحلتني ما دريت .. احبها .. احبها يا ندى .. احبها .. احبها كثر كرهي لج .. احبها كثر حقدي عليج .. احبها .......
راح صوت خالد يبجي .. ما يقدر يستحمل الضغط اكثر ... ما يقدر يقاوم اكثر
خالد: لا... مستحيل انا احب غيرج .. بس انتي جرحتيني ندى .. you gave me up nada
ندى: والله ما بعتك حبيبي ... احد يبيع روحه .. احد يبيع قلبه
خالد: أي .. الضعيف.. قليل الثقه .. البارد .. الانسان اللي ما يبادل الشخص المحبه
ندى: انا ماابادلك المحبه .. نسيت السنوات يا خالد .. اربع سنوات من الحب والغرام نسيتها
خالد: انساها .. بالله عليج انا بايطاليا .. شلون انسى.. ما تفهميني شلون انسى..
ندى: ليش اخترت ايطاليا.. كنت تقدر تروح فرنسا .. بلجيكا .. ألمانيا ... ليش ايطاليا .. ليش فينيسيا ...
خالد: تبين تعرفين ... فكري .. انا ما عندي كلام وياج ولا تحاولين انج تتصلين مرة ثانيه .. حشمي زوجتي
ندى بغضب: to hell with her قلما تعنيني هالانسانه ..
خالد: صج .. متاكده .. عيل ليش ييتي العرسس
ندى: عشان اشوفك ..
خالد: تشوفيني
ندى: أي
خالد : تشوفيني ولا تشوفين قُمر اللي باخذها .. قُمر إلى سحرت ابوي وخلته مثل المارد جدامها .. كل اللي تبيه تلقاه .. حتى لو ما طلبت .. يتنفذ لها اللي تبيه ...
ندى: كل شي يمكن أي الا انت لا
خالد: كل شي يمكن لا الا انا أي ... قصدج
ندى باستنكار: لا تقولي انك .......
خالد: وليش لا ... مو زوجتي اهي .. مو شريكه حياتي ...
ندى: مااصدق .. مستحيل يا خالد .. مستحيل تسويها ..
خالد: لاتتحديني ندى .. اقدر اسوي أي شي ..
ندى تعرف خالد وتحدياته.. ما تبي تتحداه .. لانها اهي اللي راح تخسر: تكفى خالد .. لا تموتني .. انا شوي واموت .. لا تموتني اكثر بهالكلام .. انا احبك خالد احبك
خالد: well you didn`t love me enough ماحبيتني كفايه يا ندى عشان تكونين بمكان قُمر .. وخسرتي ..
ندى: ابي اعوض
خالد: بعد ما فات الفوت ما ينفع الصوت
ندى: بلى يا خالد .. عطني فرصه .. اثبت لك حبي .. وهالمرة .. ما راح اعتبر لاحد
خالد: خلاص ندى .. بعطيج فرصه ليش لا .. بنشوف قدراتج ... وهل راح تقدرين ترديني لج .. ولا لاء
ندى: اوكيه خالد .. راح تشوف .. وتشوف بالايام اليايه شنو راح اسوي عشانك خالد : بشوف.. يالله .. انا الحين بسكره ..
ندى: going some where
خالد باستفزاز: زوجتي تنتظرني
ندى: احبك خالد
خالد بصدق: حتى انا يا ندى .. بس انتي ذبحتيني .. مااقدر اغفر لج .. مااقدر ..
سكر خالد الخط واهو مثل الطير الجريح .. من بعد ما قرر انه خلاص ينهي هالفصل بحياته مع فصل يديد ويا قُمر ردت ندى ترفع الاقلام لكتابه الفصل من يديد.. يا ربي ساعدني .. انا ليش طحت بهالموقف.. ليش؟؟

يتبع....

الفصل الثاني ................
مر اليوم ابطئ من المتوقع.. قُمر يا بدارها يا تلف بالبيت بروحها .. تحس بالحزن .. خالد من يوم دخل داره ما طلع منها .. واهي ولا شافته .. مر الغدى والعشى واهو ما اكل ولا شي .. اكيد متضايق .. بس من شنو .. ما تدري ..
صحت قُمر باليوم الثاني والظروف كانت على حالها.. الهدوء والكابه محايطه البيت .. ونفس الشي . قعدت على الغدى والعشى لروحها .. خالد طلع من الصبح وما رد الا بوقت متاخر بالليل .. كانت قاعده تنتظره .. اهو مر عليها سلم ودخل داره وخلاص .. ما طلع منها... حست قُمر بالجو متوتر .. وخالد رد شكله اصفر .. ويدخن وايد .. لا يكون بس رد على اكتئابه .. باليوم الثالث والرابع والخامس .. ليما صار لهم اسبوعين بفينيسيا تطلع وترد مع الخدامات وخالد على حالته واهي تزيد الامها وحيرتها وحبها له .. بس اوتعت انها مااتصلت باهلها من اول ما وصلت فينيسيا ..
اتصلت اول شي في امها لكن طلال من رفع التلفون
طلال: يعلج العافيه يالقاطعه... مالت عليج قمور ولهت عليج يالسباله وانتي ولا تحسين صار لج شهر بايطاليا ولا احد يدر ي عنج بس مقيوله من لقى احبابه نسى اصحابه
قُمر تبتسم بكابه: حبيبي طلول والله مشغوله ما صار عندي وقت .. ويا طلبات مروة كل يوم لازم اروح 4 مرات السوق
طلال بحمق: اشعليج من هالخبله اخر زمن بعد مرووو احد يسمع كلامها هاذي تطنيش تام .. انا مسوي لها بلوك وديليت من زمان
قُمر: لا طلال لا تقول جذي . مهما كانت اختنا ..
طلال: مالت عليها من اخت .. خلينا منها .. وقولي لي ياقُمر بن ضاحي .. شخبارج
شقول لك يااخوي .. اقول لك اني من بعد الوناسه البسيطه ردت كل احزاني لا وزادت بعد .. خالد بابتعاده عني قاعد يحرق اعصابي كلها بس احس ان مالي حق عليه ...
قُمر: بخير.. وانت شخبارك
طلال: تمام .. بدخل كليه الشرطه قمور شرايج باخوج .. تخيليني النجوم مصففه على جتوفي
قُمر: والشركه
طلال: شسوي لها .. عمي وابوي وعيال عمي وجسوم وخلوف فيها .. انا مالي شغل هناك
قُمر: بس هاذا حلالك
طلال: لا يا حبيبتي .. هاذا حلالنا كله .. وانا مااعرف لشغل المكاتب.. زين مني خلصت الثانويه بعد اروح جامعه.. no can do
قُمر تبتسم: اتمنى لك التوفيق بكل شي تبيه وتكمله وتتوفق فيه
طلال: الله يسمع منج يا مال الخير .. وحشتيني قُمر متى بتردين
قُمر بحزن: والله ودي اليوم قبل باجر
طلال: والله .. ليش عسى ما شر
قُمر: هاا.. ألشر ماييك بو فهد .. الا اقول .. من مساعه وانا اهذر وياك وين امي
طلال: امي والبنات كلهن رايحات بيت عمتي ونيسه.. اليوم ملجه صبحه هههههههههههههههه
قُمر: اااااااااااه .. صبوحه ما غيرها هههههههههههههههه والله وكبرتي واستويتي عروس صبوحه

طلال: شفتي عاد .. أم كشه بتتزوج ههههههههههههههههه تذكرين قُمر قبل لين نلزق العلج بشعرها
قُمر: ههههههههههههههههههههههههههه لا تذكرني .. انا ما اسوي شي انت ابو العمايل كلها ..
طلال ببراءة: انا . .. افا قمووووووووور استويت انا المجرم ..هين يا مرت خلود ان ما سويت السوايا ببنتج السوده مااكون طلول بو عبود ..
قُمر : انت حاول .. وراها رياييل ولا انت ناسي اهي بنت منو ..
طلال: لا والله ما نسيت .. قمور مستعيل بطلع ياسباله ما حصلتي الا هالوقت ..
قُمر: لا اصلا انا بسكره بتصل في عمي بو خليل .. يالله سلم على امي والبنات وعلى ابوي وخلوف ورهف .. وحب البطه وديموه عني ..
طلال: يوصل يا بنت ضاحي .. يالله حبيبتي .. بمشي عنج .. سلمي على خالد
قُمر: الله يسلمك .. مع السلامه
طلال: الله يسلمج

سكرت قُمر عن طلال وردت تتصل في بيت بو خليل .. فكرت تتصل بالبيت بس يمكن اهم بعد رايحين بيت عمتها ونيسه .. لذا اتصلت على تلفون عمها ..
بو خليل بصوته المبحوح: الووو
قُمر: هلا براعي احلى الووووو
بو خليل عرفها: هلا بالقاطعه.. هلا بقُمر سماي المختفي .. وينج يا معوده
قُمر: بقلبك يا عمي الغالي .. شخبارك عمي شلون صحتك
بو خليل: ابخير يا حبيبتي .. أسال عنج وينج انتي.
قُمر: من جم من يوم وصلنا فينيسيا .. واتصلت فيكم
بو خليل: حمد لله على السلامه .. شخبار خالد
قُمر بحيرة : والله تمام .. يسلم عليك
بو خليل: عندج اهو
قُمر :لا عمي طلع
بو خليل مستغرب: طلع.. وين راح
قُمر : ماادري عنده شغل وطلع من الصبح بس اللحين بيرد .
بوخليل : ماعلينا .. انتي شخبارج بنيتي
قُمر بحزن.. ليش تسالوني .. مااعرف اجذب ولا اعرف اشكي الحال: ابخير عمي .. ابخير
بو خليل: كاهو ابوج يمي تبين تكلمينه
قُمر بفرح كبير.. من زمان ما كلمت ابوها الغالي: أي عمي تكفى
بو خليفه: هلا بقُمر حياتي هلا
قُمر والدموع تلمع بعيونها من صوت ابوها الناعم: هلا بمال الخير وراس القبيله بو خليفه حبيب حياتي شخبارك يوبا .. سامحني يوبا مااتصلت فيك ولا سالت عنك .. بس تدري انت بالقلب والروح
بو خليفه: يا بعد قلبي يالقُمر .. مسموحه يا حلال خالد مسموحه يا بنتي .. انتي شخبارج شلونج شمسويه شعلومج
قُمر: ابخير يوبا.. بس انتوا وايد واحشيني .. انت ويمه وخواتي ... كلكم .. (بدت تبجي قُمر )
بو خليفه: لا يابوج .. ماابيج تبجين .. انتي اللحين حرمه .. سند لولد عمج .. ما ابيج تبجين ..
قُمر: ان شالله يوبا.. ما راح ابجي مرة ثانيه .. بس هالمرة ضعفت ... بو خليفه: اللله يخليج يا بنتي
قُمر: يوبا مضطرة اسكره اللحين .. بس وصل سلامي لامي واخواني وكل الاهل .. وحشتوني حيل
بو خليفه: واحنه اكثر يالغاليه وانتي بعد سلمي على خالد .. وقوليله سرع الرده يا بو وليد ..
قُمر: يوصل .. يالله يوبا .. تامرني بشي
بو خليفه: ذكر الله يابنتي .. تراه ينفع بكل وقت..
قُمر: لا اله الا اللله .. ان شالله يوبأ.. لا توصي حريص .. يالله يوبا مع السلامه
بوخليفه: الله يسلمج ...
سكرت قُمر عن ابوها واهي تمسح دموعها .. قعدت تذكر الله وتستغفر وتتوكل عليه .. وقامت راحت دارها .. قعدت تمشي فيها .. وايد حزينه اهي اليوم .. وما عندها اللي يواسيها .. وما عندها اللي تقدر تشكي همها له .. قُمر ما تعودت انها تشكي همومها .. تسمع هموم غيرها بس ما تقول شي عن نفسها ..
سحبت دفتر الخواطر .. عشان تكتب.. وتصب نهل حزنها فيه
كل اللي كتبته على الصفحه كان
(( انا اليوم حزينه ... حزينه جدا ))
وانهارت قواها .. تبجي من الخاطر .. تبجي من دون توقف .. ما تدري شنو السبب.. بس اهي ما تقدر تحبس دموعها اكثر ... وظلت تبجي ليما رقدت مكانها .. على الصوفا ...
خالد رد البيت على المغرب ... كان متضايج .. طول هذيج الايام واهو يفكر بمكالمه ندى اللي ما تكررت .. يروح عند النهر ويركب الجندولا .. يفكر ويفكر ويفكر .. من دون أي احساس بالوقت.. حتى قُمر ما عاد يشوفها .. ما يبي يشوفها .. يحس انه خاين .. وغدار .. يخون قُمر بحبه لندى .. يغدر فيها واهي البريئه .. ساعات يقول انها اهي بعد تخونه ويا خواطرها بس يحس بالسخف .. الومها على شخصيه خرافيه .. انسان مايتحقق الا في بال الرومانسيات الحالمات امثال قُمر .. يتمسكن بالمستحيل
واهي اصلا مو حاسه فيه .. من ايام اهو مختفي عنها ما تسال عنه الا حزة العشا ولا الغدى او لين بيطلع..

يتبع.......

دخل البيت وسال الخدامه عن قُمر .. قالت له ان المدام من دخلت دارها الظهر ما طلعت منها .. على عكس عوايدها كل يوم .. خالد استغرب ... يمكن قُمر مريضه .. بس اهو ما يدري .. شلون يدري .. أصلا اهو من اسبوعين ما يدري عن قُمر .. ولا يدري عن هوا دارها .. شتسوي شعامله مع الجو اليديد؟ اكيد متضايجه .. بس اهي ما بينت .. تمشي بهدوء ولا كانها شي هامها .. بس يمكن اهي كاتمه اللي بقلبها عنه ..

راح الطابق الثاني .. عند غرفه قُمر .. طق على الباب .. محد يرد عليه .. حاول يفتحه كان مقفول .. رد طق على الباب بقوى اكبر.. خاف .. محد يرد عليه
خالد: قُمر ... قُمر فتحي الباب .. قُمر هاذا انا خالد ..
قُمر اوتعت على الصوت .. بس للحين كانت تعبانه...
خالد والخوف يتصاعد فيه: قُمر ... قُمر تكفين فتحي الباب لا تسوين جذي ... قُمر فتحي الباب
قامت قُمر تفتح الباب ... تعثرت بالطاوله من الظلام وطاحت بصرخه
خالد سمع صرختها .. وما قدر اكثر .. قعد يحرك في حركه الباب ويدزه .. وقُمر طايحه تتعفر من ريلها ..
خالد مع الدفع القوي انفتح الباب المقفول .. ما شاف شي الظلام يلف المكان .. سمع ونين قُمر .. فتح الليتات وشافها قاعده على الارض واهي تبجي .. راح لعندها بخوف
خالد باهتمام: قُمر ... قُمر علامج
قُمر تبجي بصمت ... وتمسك ركبتها..
خالد يطالع ريلها : تعورتي؟
قُمر تهز راسها
خالد: خليني اشوف
قُمر: روح عني ... ماابيك تشوف شي .. اطلع برع
خالد انصدم.. اشفيها قُمر: قُمر .. تكفين خليني اشوف يمكن جرح جايد
قُمر رفعت راسها وبين شكلها المتالم: توك عارف اني يمكن انجرح .. يمكن انا من ايام هني طايحه مكاني .. توك داري عني .. من 3 ايام ..
خالد زاد المه ... اذن قُمر حست لغيابه .. مو مثل ما كان متوقع...
قُمر: تكفى.. روح عني ... ماابي اشوفك .. مالي خلق اشوفك
خالد ولا معبر كلمه من اللي يقولها وقام طلع من الغرفه.. قُمر حست باللوعه.. طلع عنها .. رد راح .. بغاها من الله .. نزلت راسها تبجي بصمت ... وبحرقه قلب.. على حظها التعس
رد خالد الغرفه واهو حامل علبه اسعافات اوليه ...
خالد بصرامه: وريني ركبتج
قُمر: ماابي
خالد : قُمر عن اليهاله ووريني ركبتج
قُمر: ماابي.. روح عني .. مالك شغل فيني
خالد بصوت عالي: قُمر قلت لج عن حركات اليهال ووريني ركبتج
قُمر انصاعت لكلامه وشالت يدها عن ركبتها تكشف جرح بسيط ولكن ينزف بغزارة .. خيس فستانها الناعم ويدها .. حتى الارض.. خالد رفع الفستان .. شوي شوي وقعد ينظف الجرح باحتراف .. حط المطهر اللي حرق قُمر شوي ويودت على يد خالد وباعدتها بعد نظرة غريبه من خالد بعيونه الساحرة.. حط اللزقه الكبيرة .. ولفها بالشاش الخفيف وثبته باللاصق ..
يلم الاغراض والقطن المتوصخ : مو عميق بس نزفتي وايد ...
قُمر ساكته .. تطالع يدها المتوصخه .. خالد يطالعها بحنيه .. تكسر الخاطر بشكلها .. مايدري ان كانت ردت ياهل ولا كبرت على عمرها 10 سنين...رفع شعرها النازل على ويهها وطالع شكلها .. طالعته وعيونها متورمه من كثر البجي .. حس انها كانت تبجي .. وحزينه .. خالد يقدر يحس بقُمر باقل نظرة على ويهها.. لانها مثله .. ويهها يفضح مشاعرها ..
خالد بنعومه: ليش كنتي تبجين
قُمر بانكار حزين: ما كنت ابجي ..
خالد: كاهو شكلج تعبان..
قُمر: كنت راقده .. والراقد يتعب ..
خالد: انزين ليش عيونج حمرة ..
قُمر : مو شغلك
خالد يمسك قُمر من يدها: قُمر
تدفع يده بعيد عنه. . روحها انقلبت من مكسورة الى قتاليه: لاتلمسني...
خالد رد يده مكانه: على كيفج .. بس انتي لا تزعلين.....
قُمر مسكت الطاوله عشان تقوم .. ومن دون وعي ركزت كل قوتها على ريلها المتعورة مما خلاها تفقد توازنها وتطيح مرة ثانيه .. خالد مالحق عليها لان طيحتها يات سريعه.. قامت قُمر مرة ثانيه .. بس كانت اضعف من انها تقوم وردت طاحت .. وظلت مكانها هالمرة .. متكورة على عمرها .. وتبجي .. خالد ذاب قلبه من منظرها .. يتقطع له القلب.. متكورة على حالها .. ومغطيه ويهها بيدينها ... مسح على شعرها .. وظل مكانه
قُمر اخيرا تكلمت: محد يحبني ... محد يبي يكون وياي.. اللي يبوني بعاد عني .. واللي ابيهم ما يبوني..
خالد مات قلبه...من تقصد كلامها .. لا يكون بس .........
قُمر: عمي وابوي يبوني اليوم قبل باجر .. لكن امي وطلال وخواتي ما يبوني .. ما قعدوا بالبيت ينتظروني .. راحو بيت عمتي احسن لهم مني .. وانت ... من 3 ايام وانت ما تسال عني ولا تفكر فيني ولا انك تخبرني انت وين تروح ولا وين اتيي.. شسويت لكم انا .. انا اللي اعطي واللي اهتم ولا احد يفكر فيني .. ليش خالد .. انا شسويت .. بروحي بالبيت .. امشي .. اعيش ولا كاني مروة .. ولا كاني انسانه تستاهل احد يسال عنها .. (تشهق) من اسبوعين وانا احترق ابي اعرف شغلط فيه وانت يالس تعاقبني عليه ... والله انا مااحب جذي.. بس مااقدر اتكللم .. ليش اني ساكته خلاص.. انا احترق من داخلي بس شسوي بعمري .. مااحب اشكي .. مااحب
خالد يمسح على شعرها وعيونه متروسه دموع... شجاوبج .. شقول لج .. ماكو كلام من بعد كلامج يا قُمر .. يا مسكينه يا مظلومه العايله .. اثاري سكوتج كان من حرقه قلبج .. وانا الاناني ما افكر الا بحالي ولا افكر فيج يالضحيه ياللي طحتي بقدري التعيس ..
خالد بصوت متالم: سامحيني قُمر .. ما كان قصدي والله .. ماكان قصدي ..
قُمر تخش ويهها عنه.. اهي ماتحب تالم خالد وكاهو يكلمها بالم .. لامت نفسها الف مرة على اللي قالته بس اهي ما قدرت تحبس اكثر..
خالد: قُمر تكفين .. سامحيني ..
قُمر تمت تطالع خالد .. تبي حنانه .. تبي عطفه .. مثل ما عطفت عليه بذيج الليله .. وخالد حس فيها وراح لعندها
قُمر: ابيك تحن علي شوي .. بس شوي ..
خالد والدموع بعينه: ما طلبتي حياتي ..
.. رفع جسمها الخفيف ولمها بحظنه... يمسح على شعرها ويخليها تبجي .. واهو يكفر عن ذنبه تجاهها طول الايام اللي فاتت..
قُمر حست بروحها متعلقه بهاذا الريال عديم الاحساس .. ما يحس فيها .. حببها فيه وخلاها تتلوع بحبه واهو مو هامه .. شلون يهتم وانا بعد ما سالت عنه .. اطالعه يطلع من البيت ولا اقوله وين رايح وين ياي ولا تبي ما تبي او اساله علامك ما فيك .. انا بعد الغلطانه .. تمت تندب حظها وتبجي حبها لخالد.. ليما رقدت .. حبها خالد على جبينها ورفعها لسريرها .. مثل الياهل تكورت على السرير ورفع الغطى وغطاها..

قبل لا يطلع من الغرفه انتبه لدفتر الخواطر .. راح لعنده .. شافه مفتوح على صفحه ..

(( انا اليوم حزينه .. حزينه جدا ))
سكر الدفتر وخلاه مكانه وطالع قُمر .. اسف يا قُمر .. اسف على اضطرارج انج تعانين وياي مدى حياتج .. بس ان شالله اقدر اعوضج .. مو بالحب .. بالحنان ..
خالد يحس بالارتباك بحياته .. من بعد ما صمم انه ينسى ندى ويوجه مشاعره لقُمر رد حبه الأول يدق أبواب حياته يطالب بالدخول لكن شلون .. وقُمر .. من لقُمر .. اذا اهو صار اناني ودخل ندى لحياته مرة ثانيه شنو راح يصير بقُمر .. هذا انا اسبوعين هاملها ولا اكلمها وصار فيها جذي.. ان عرفت اني يوم من الايام اخونها شراح تسوي.. بس قُمر ما تبيني كزوج لها .. واهي اللي تبي هالنوع من الحياه لا قُمر تغيرت.. صج انها تستحي بس الخجل من ملامحها .. يمكن قُمر تبيني اكون زوجها بمعنى الكلمه.. لكن انا.. شنو اللي ابيه ..ان اقتربت مني .. اخاف عليها .. وان بعدتها بعد اخاف.. شهالحيرة .. شهالبلوة.. قُمر ولا ندى ..
قعد بدار قُمر .. واهو يفكر .. يقارن ما بين وجود ندى بحياته ووجود قُمر..
ندى عطته اجمل احساس بالعالم.. الحب .. الفرح .. الطمأنينه .. الالم.. الجرح العميق... ندى جرحته يوم خلته يتزوج من قُمر ويوم اتيي زواجه بعد .. ليش سووت جذي ما يقدر يتصو ر... كان يقدر يواصل ماساته من دون وجودها لكن حضورها للزواج اهو اللي مرضه من التفكير .. ليما استقر اخيرا مع قُمر ..
قُمر الحنون .. قُمر الساذجه الصغيرة.. الناعمه .. ألهادئه ... اهو لين يشوف قُمر يحس انه قاعد بجنه.. واللي وياه ملاك او حوريه .. من هدوئها الكبير.. وجمالها وحنيتها عليه.. اهي صج مغرورة بس لين تبي تعطيه الحنان تعطيه من دون أي اساله ... واذا تصرفت مثل تصرفات الليله فانا استبعد عنها صفه البرود
قُمر هادئه ولكن تتفجر فيها براكين غضب من دون محد يدري ..

يتبع.

تم يطالعها واهي راقده ... جميله.. تسر النظر .. تمتع القلب .. ليش مااحبيتها اهي .. قبل خمس سنوات. اول مرة شفتها .. صج اني انصعقت من جمالها .. بس ما دخلتها قلبي ولو انها كانت الهام اشعاري ..
كان لين يبي يكتب شعر عن الحنين يتذكر قُمر بنت عمه .. انحفظ شكلها بذاكرته من قبل خمس سنوات.. ويوم شافها بالعرس وشاف اخر ما وصلت اليه .. تغيرت مشاعره بالكامل .. حتى حس بالشبه ما بينهم .. لكن يا قُمر من اللي يقدر يتحكم في مشاعره .. من اللي يقدر يتحكم في عواطفه .. شلون احبج .. شلون احبج.. علميني احبج .. بالقدر اللي انتي تستاهلينه..
ردت المشاعر الجميله تنبض بقلبه .. من ذكر الحب ومع قُمر ترد له هاذي الاحساسيس بسرعه .. ما يقدر يوصفها ولا يعطيهااسم لانه مرتبك وغير واثق من مشاعره... لذا قام من مكانه يطلع من الغرفه لكن قبل لا يطلع سحب الشال المرفوع على المنظرة شماه لقى عبير قُمر فيه وخلاه معاه...من يوم ورايح لازم اعلم نفسي على قُمر ... ندى لازم تنتهي من حياتي يوما ما ومن بيظل لي غير قُمر .
انسدح على فراشه .. وقعد يمرر الشال الوردي على وجهه.. ريحته حلوة.. ريحه يد قُمر .. قعد يتقلب بفراشه ...وررقد
بالوقت نفسه عباره حطت باحد مواني فينيسيا تعلن قدوم ندى وهبوب العواصف.. شراح يصير ؟؟ ... هل ندى راح تنفذ اللي ببالها... خالد وقُمر .. راح ينتهي شهر العسل .. ولا لاء؟؟؟

الجزء السابع

الفصل الاول ......
مر الصبح على خير .. قُمر اوتعت وحست بالمرض من ريلها لذا تحت تعليمات خالد اللي صحى قبلها عشان يتطمن عليها ما بتقدر تطلع من السرير . كل اللي تبيه راح يتنفذ لها واهي بدارها .. قُمر للحين زعلانه منه بس اهتمامه الكبير نساها شوي من الزعل وخلاها تبتسم له ابتسامه الصباح اول ما دخل دارها.. بحركاته اللي شافتها حست انه رد خالد القبلي بس تلاحظ عليه بعض الشرود او الحزن او نظرات الالم .. سرعان ما يخفيها بابتسامه ولا نظرة ثانيه ...
ندى من طرف ثاني ما قدرت ترقد واهي تحس بالسعاده .. الانانيه طغت عليها ونستها كل المشاعر الانسانيه .. حبها التملكي لخالد وصلها لفينيسيا ونساها قُمر المسكينه إلى ما تدري شنو راح يصير فيها لو ظهرت ندى بحياتها وحياه زواجها الغريب... ندى هني بقصد واحد واهو انها تسترد خالد .. بس شلون ما تدري ما تقدر تروح له البيت ..و لا تقدر تتصل فيه شلون بتقدر تشوفه ..
فكرت انها تزور قُمر بالبيت وتاخذها كحجه ... تعرف ان قُمر طيبه وراح تعذر قدومها .. لانها ما تدري .. ما تدري شنو راح يصير بين خالد وقُمر بهاذي الايام ...

بعد اربعه ايام من الحادثه قُمر ردت الاوليه ولو انها تعري شوي بس قامت عن السرير وطلعت بره الدار طول هالايام وخالد معاها حتى انه طبخ لها الاومليت المشهور مع العسل واهي اكلته وعجبها الطعم ..
خالد عزم قُمر بجوله بالجندولا .. قُمر رفضت اول شي لانها شوي للحين زعلانه ولكن اصرار خالد وياها قنعها والرحله بتكون باجر العصر ..
طلع خالد لباجي اليوم يجهز حق كل شي ويستاجر الجندولا اللي راح يركبونها ..وقبل لا يرد البيت دق عليه جاسم
خالد بفرح : هلاااااااااااااااااااااااااا بحبيب قلبي بو محمد هلا فيك
جاسم: جب يا القاطع ياللي ما تستحي ياخاين العشرة
خالد: ههههههههههههههههههههههههه حياتي بو نوفه
جاسم: اللحين .. اللحين صرت حياتك وقمور النحسه اللي نستك حتى ارفيج العمر
خالد يتنهد لذكر اسم قُمر: الله يا جاسم .. لا قُمر ولا غيرها تنسيني اياك بس تدري .. مااقدر افارجها دقيقه وحده
جاسم: اوه اوه اوه شقاعد اسمع.. لا يكون بس
خالد: اسكت يا جسوم والله ماادري شقول لك .. قُمر وين كانت عني طول هالسنين .. والله انها تسحر الواحد ..
جاسم: ههههههههههههه ذوقي والله ذوقي انا عمري كنت اقول قُمر لخالد وخالد لقُمر بس ماادري من وين طلعت هالندى
خالد: لا تقول جذي .. ندى بعد بقلبي
جاسم: خالد انا ما حبيت اقول لك اللي بقوله بس انت اللحين ريال متزوج .. ندى كانت من المستحيل انها تتزوجك او انت تتزوجها .. وحتى لو تزوجتوا انا ما كنت متوقع لزواجكم انه يستمر .. احلى زواج اهو ليما تتزوج من البنت وبعدين تحبها مثلك انت
خالد:هههههههههههه انا ما قلت احب قُمر
جاسم: عيل منو اللي يقول (يقلد على صوت خالد المبحوح شوي) سحرتني .. ماادري وين كانت عني طول هالسنين .. كلت قلبي .. ملكت روحي .. سحت شعري
خالد ناقع من الضحك: هههههههههههههههه على بليسك جسوم والله وحشتني
جاسم: امبين .. الا اقول لك وين قُمر
خالد: بالبيت
جاسم: انت وين
خالد: برد البيت الحين رايح حاجز لنا جندولا
جاسم: شنو؟
خالد: جندولا بيم يالبدوي بيم
جاسم: ايييييييه قول بيم من الصبح ترقي روحك ليش .. اول واحد يروح ايطاليا..
خالد: لا بس اول واحد يروح ايطاليا ويتكلم ايطالي ويتعامل ويا ايطاليين مو شرات بعض الناس
جاسم يتنحنح بصوته: احم احم بس بس بس لازم يعني تذكرني

يتبع...........

خالد: ههههههههههههههه تذكر جسوم ذيج السفرة
جاسم : ايه والله فشله عمري بس بالله عليك بنت حلوة يقولون لها بله .. والله حاله (الحلوة با

لايطالي Bella ) خبري يسمونها الحب .. العذاب.. القُمر .. الرعبوب هههههههههههههههه
خالد : هههههههههههههههههههههههههههههههههههههههههههههههههه هههههههههههه
جاسم: اقلب ويهك قاعد ويا عادل امام انت تضحك جذي.. يالله انا بسكر وراي مكالمه هامه ..
خالد: منو هالمرة
جاسم: اااااااااه بقصد عنها لان الكلام العادي ما يقدر عليها
بالبحر لاقني بين المرجان .. لولو اصيل مزهر اللون
رعبوب حساس ملكني .. وضيعني ما بين زوايا الكون
شبيه الغزال بطلعه محياه.. والعين بالسحر الاسود مسنون
يجافيني ومعذبني بحلاه.. بس دخلك علي سره مكنون
لا يعلم به القاصي والداني .. نسل اشراف واصل من البون
(سوري بالقصيد انا فاشله)
خالد: الله الله عليك يا بو محمد تقصد .. بس انا عرفتها منو
جاسم مستغرب: منو
خالد: لولوة ارفيجه قُمر مو؟
جاسم: الله عليك بو وليد انت جذي تقنصها واهي طايره
خالد: هههههههههههههههههههههههههههههههههههه
جاسم: يالله حبيب قلبي اخليك انا اللحين
خالد: بالسلامه خوي تامرني بشي
جاسم: ذكر الله
خالد: لا اله الا الله .. سلم على الاهل
جاسم: يبلغ
سكر خالد عن جاسم واهو متشقق حيل .. واخيرا جسوم اتصل فيه وقدر يبوح ولو شوي من اللي بقلبه يعرف انه ما راح يخيب ان خبر جاسم بهاذا الشي لانه بيفرح له ..
بالليل قُمر كانت يالسه بصاله الطابق الثاني.. بس جذي تريح عن اليوم .. اليوم كان يوم جميل .. خالد ابتسم لها لاكثر من مرة .. وعاملها مثل ما يعامل الزوج زوجته .. خلاص .. اهي زوجته.. ومعاملتها له راح تتغير .. حتى ان ردوا الكويت راح تشاركه بالغرفه .. و تغيرت ملامحها على ذكر هالشي.. وردت مخاوفها .. لو يرد خالد عن هذا الطبع بالكويت .. شراح يصير لها .. راح تموت اكيدا .. ما تستحمل مزاجه الكئيب والانفرادي .. ان شالله ينسى هالاكتئاب بس نوصل الكويت..
قعدت تطالع باب الجناح .. كانت تبي تدخله ليش ما تدري ؟ تحس انه من حقها تدخله .. قامت على طولها وراحت لعنده .. فتحت الباب ..الجو كان مظلم لانها الساعه 8 بالليل وفتحت الليت شافت ان باقه الورد تغيرت .. اليوم كان زنبق طويل .. راحت لعنده تشم الريحه وتتحسس الاوراق .. تلمس المزهريه الناعمه وتمرر يدها على الطاوله وعلى الغطاء اللي عليها .. راحت عند الدريسر .. تطالعها وتطالع فخامه التنجيد .. اكيد كل اهلي عاشوا بهاذي الغرفه بزياراتهم لهني .. حست بالمرارة .. يمكن ماتكون لها ابدا حياه زوجيه مع خالد .. ويمكن ما راح تشاركه ابدا نفس الغرفه .. ما تقدر توثق بمزاجه وكآبته المفاجاه..ما راح تشيب وياه مثل يدتها نوفه .. بس راح تحبه اكثر من أي شي بالدنيا لان خالد خلاص.. ملك روحها وحياتها .. التفتت عشان تطلع واهي تمسح دمعتها ولقت خالد واقف وراها .. النور كان خافت بالغرفه لانها فتحت الليتات الصغيره .. تفاجات ووقفت مكانها وكل شي كان صمت بينها وبينه الا دمعه نزلت من عيونها وسرعت تمسحها بس خالد سبقها .. مسحها بصبعه ..
قُمر والالم بصوتها: لو سمحت بطلع...
خالد بتصميم: لا ... اليوم لا .... ماكو تنفيذ لاوامرج ...
وسكر خالد الباب......
صحت قُمر واهي منتعشه ... تفتح عيونها ببطء من ضوء الشمس .. انتبهت لعواميد السرير وقعدت تتلفت عرفت انها بالجناح ... خالد مو وياها اكيد صحى قبلها .. راحت الحمام تاخذ شاور ... يوم طلعت لقت خالد بالدار .. انصب الدم كلها بويهها .. استحت يوم شافته ..كان حالق ولابس ومتعطر بعد ..
خالد بصوت اسر: صباح الخير
قُمر بهمس: صباح النور ...
وراحت عند الدريسر تسحي شعرها ودقات قلبها تهز بدنها وترتعش يدها ..
خالد كان يطالعها من المنظرة ويتمتع بجمالها ... واهي مسكينه الحيا ماخذها ...خلصت تسحي وطلعت تروح لدارها ..
خالد: وين رايحه
قُمر بحيا: بروح داري
خالد : من يوم ورايح هاذي دارج .. وداري
قُمر ماتت طبعا من الحيا وما ردت ...
خالد: قلت للخدامه انها تييب اغراضج واغراضي هني لين طلعنا .. يالله ما بتزهبين
قُمر: اللحين.؟
تقرب منها خالد: وفي وقت احسن من اللحين ..
قُمر نزلت عيونها للارض ورفع خالد ويهها
خالد بهمس: ما اصدق اني يوم من الايام راح اقول لج جذي بس... احبج قُمر .. احبج
قُمر تمت تطالعه.. بكل حب .. وبكل غرام وعشق .. يحبني ... خالد يحبني ... مثل مااحبه يحبني
قُمر: وانا بعد ...
خالد يبتسم بانتصار مع ان ماكان هاذا الرد اللي يبيه بس اليوم طويل جدامهم: يالله .. انا ناطرج تحت ... لا تصيفين
قُمر: ان شالله..
راح خالد واهي طلعت وراه ... اليوم من اسعد ايام حياتها .. اكتشفت ان خالد يحبها.. مثل ما تحبه .. واهي رغم خجلها قدرت تعترف له بحبها له ...

خالد من طرف ثاني مستغرب من اللي قاله لقُمر بس الكلمه بدت له احسن شي يمكن يقوله لها ..ما حس بالندم على العكس تماما حس بقليل من الراحه والهدوء النفسي...اهو من صج بدى يحب قُمر .. يحبها حب غريب .. يكسح بحياته وفكر ان كان شي بالدنيا قُمر تستاهله .. اهو الحب.
زهبت قُمر .. لبست فستان وردي تافتاه قصير شوي ولبست من تحت البوت الابيض اللي لبسته قبل مع سويتر جينز وشوي كثرت من الماكياج بالتحديد عيونها بالوان ورديه ناعمه وازرق احتارت تلبس أي جنطه .. اختارت البيضا وهاذي المره لبست السوار الابيض والخاتم الماسي طبعا معاهم وحملت دفتر خواطرها والخاتم اللي شرته لخالد عشان تعطيه اياه... طلعت من دارها واهي عارفها انها ناسيه شي.. قعدت تفكر وتفكر . وردت داخل مرة ثانيه .. كانت تدور الشال إلى اخذه خالد بس من ضيق الوقت خلته وتذكرت الدبله اللي نستها .. لبستها واهي تزفر من مخها التعبان .. شبيقول خالد لين ما شاف الدبله .. تذكر باول الايام كانت ما تلبسها وايد ومرة بالصدف يوم كانو بروما خالد سالها عن الدبله..
كانوا قاعدين عند البلكون .. واهي تمرر يدها على شعرها ...
خالد: قُمر .. وين دبلتج
قُمر تطالع يدها باحرا ج بالغ .. وين خلتها .. ما تذكر: اه .. بداري
خالد: وليش ما تلبسينها
قُمر: شوي واسعه ..
خالد: انزين عطيني اياها باخذها يضيجونها

يتبع.........

قُمر : ان شالله
وبالفعل خلاهم يضيجونها لها ولبستها .. ومن يومها ما تفصخها الا لين تسبح .. لبست الدبله وتعطرت مرة ثانيه وطلعت ...
نزلت لخالد ولكن ماكان موجود .. نادت على الخدامه
قُمر: stella where is mr khalid
ستيلا: he received a phone call and left he asked to wait for him he won`t take a lot of time
قُمر: ohhh I see thanx stella
ستيلا: ur welcome seniora

وين راح خالد .. توه كان هني .. واللحين طلع .. من اللي اتصل فيه وطلعه من البيت ماحطت في بالها وايد وقعدت بالصاله تنتظره..
واقف برع بعيد شوي عن البيت يم المسبح
خالد: ندى ليش متصله
ندى: انزين ما بتقولي حمد لله على السلامه
خالد باستغراب: ليش.
ندى: احزر انا وين
خالد حس بالخوف ..لا يكون بس يات هني : وين؟؟
ندى: انا هني بفينيسيا
خالد تحققت مخاوفه وصاح : شنوووووووو
ندى تبتسم :أي حبيبي .. انا ييت عشانك .. حقك .. شنو انت نسيت اني قايله لك اني بييك ايطاليا..
خالد: ما فكرت انج تسوينها صج
ندى: surprise surprise ههههههههههههههههه ما توقعت موو
خالد واهو يتنهد شهالمصيبه: ابدا ... ولو اني اعرفج بس ماتوقعتج اتيين لي من صج
ندى: انا اطوف الدنيا عشان بس اشوفك حبيبي.. يالله وين بتاخذني اليوم .. ترا وحشتني جولاتك
خالد حس بسخف ندى .. صج ما عندها سالفه: ومن قالج اني بطلع وياج اصلا انا ماابي اشوفج
ندى: يالله حبيبي للحين زعلان مني بس عاد لاعت جبدي ما هقيتج حنان جذي
ايا السخفيه : لا حنان ولا شي بس اليوم انا بطلع ويا حرمتي .. تراج نسيتي اني متزوج
ندى بغرور: قلت لك to hell with her انا ماتهمني الانسانه اللي اسمها زوجتك انا كل اللي يهمني انت . وانت بس ..
خالد: مو فاضي لج ندى .. باي
ندى: لحظه
بس خالد ما انتظر .. انقهر من ندى .. حسها بايخه وسخيفه وما عندها منطق.. اهي كانت جذي دوم بس ليش يحسها اليوم زايده عن الحد . تذكر قُمر اللي تنتظره بالبيت عشان يطلعون اليوم ورد داخل ..
قُمر كانت يالسه بالصاله ودخل عليه خالد
خالد : ها زاهبه
وقفت له قُمر : أي ..
تم خالد يطالعها.. شحلوها اليوم قُمر .. خدودها متوهجه وعيونها تلمع والماكياج ناعم والستايل كاشخ
خالد: كل هاذا حقي
قُمر تضحك : ههههههههه صل علىالنبي ..
خالد: لا صج بينتيني مبهدل حذالج
قُمر تمت تطالعه ان كان أي شي بشكل خالد مبهدل اهو وقفته المايله .. ولا كشخته شي .. لابس بانطلون جينز وقميص بني مفتوح عند الكم وقصير من تحت .. كان لابس وياه بوت جلد بني وشعره مخفف وشواربه كلاسيك ...
قُمر: والله الا انا المبهدله حذالك ..
خالد راح لعندها: دوم لبسي وردي .. احلى عليج مايفرق الواحد ليما يشوفج ان كنتي ورده ولا ادميه
قُمر احترق ويهها من الاطراء: صج بدوي
خالد بغرور: ابا عن جد .. هههههههههههههههههههههههههه
وعلى الضحك طلعوا من البيت .. خالد كان شوي خايف من ندى .. وكل ساعه كانت تتصل فيه على جواله بس اهو ما يرد عليها جدام قُمر .. واخيرا سكر الجهاز .. حس بالذنب باللي يسوويه لندى اهو اللي جراها لهنيه واخرها يتنكر لها .. بس قُمر ما تستاهل بعد .. ااه ياقُمر .
مشوو شوي لعند مطعم مفتوح عشان يتريقون بس الحماس اللي كان فيهم خلاهم يقومون بسرعه .. راح خالد لعند الميناء اللي اتفق وياه مع راعي الجندولا.. ركب خالد وتم ناطر قُمر اللي تخاف من الماي بشكل رهيب ..
خالد: الماي بعد تخافين منه
قُمر بحيا: أي
خالد: في شي ما تخافين منه
قُمر بتفكير: الورد
خالد: يالله عاد غمضي عينج ونزلي
قُمر بتوسل: لاخالد مااقدر
خالد: شالحل يعني
قُمر: ما نركبه ..
خالد : لا صج .. احلى شي بفينيسيا اهو الجندولا
قُمر: لا جندولا ولا غيره مو راكبه يعني مو راكبه
خالد: تتحدين
قُمر تبتسم: مااتحداك بس مو راكبه
خالد: نطري شوي
رد خالد للميناء وحمل قُمر اللي تمت تتعفر بيدينه تبي تنزل واهي ميته من الضحك والاحراج . والكل يطالعهم واهو يضحك ويتنهد على الرومانسيه اللي بيناتهم .. قعد خالد قُمر
خالد: عشان مرة ثانيه ما تتحديني وتقعدين تتحرطمين مثل اليهال .. (يقلد عليها) مو راكبه مو راكبه
قُمر: هههههههههههههههههههههههههه انت صج مينون شلون حملتني جدام الناس
خالد: والله كيفي واللي يبي يتكلم خله يتكلم .. علبالج احنه بالكويت لا يوبا هني الناس تتمنى تشوف مثل هالحركات ..
قُمر : صج والله
خالد بثقه : صج والله ..
قُمر تسند راسها بيدها وخبث بريء: انزين بس هالحركات ولا اكو حركات ثانيه
خالد والخبث بعيونه: لا اكو حركات بس ماادري انتي قدها ولا لا
قُمر : جربني
خالد قرب من قُمر وهمس باذنها بشي شب الضو بويهها
قُمر: بس بس .. اعوذ بالله شهالكلام
خالد : ههههههههههههههههههههههههههههههههههههه ما قلت لج مو قدها ..
قُمر منحرجه من اللي قاله خالد: صج اوروبيين ماكو اصاله فيهم

يتبع..........

خالد: علبالج الكل ربيب سبع..
قُمر بابتسام: أي والله ههههههههههههههههه
تم القارب يسبح ببحيرات فينيسيا وخالد وقُمر عليه .. سوالف وضحك وشويه غزل من خالد اللي يخلي خدود قُمر مثل الطماط .. قُمر ما تقدر توصف شعورها .. تحس بالحياه .. بالفرحه .. بالامل يشع بحياتها ويا خالد .. وخالد بعد .. نسى سالفه ندى تماما مع قُمر وسوالفها عن ربعها وعن اللي تحبه واللي ما تحبه واشياء وايد .. خالد كان يضحك او يسمع باهتمام لكلامها او يواسيها لين تذكر شي حزين .. متنوس واهو يعرف هذي الاشياء اللي يمكن تكون عند قُمر شي بسيط بس اهي كبيرة المعنى عنده لانها تخصها .. بلسانه ماكان يناديها الا حبيبي .. واهي من الخجل ما تقدر تقوله الا خالد .. كل ما كان يتلتف اهي تقعد تكتب شي بدقتر خواطرها ولين رد لها تخليه ..
خالد يطالع دفتر الخواطر اللي حاملته قُمر .. حس بالكره ناحيته ولو على وده يقطعه..
خالد بتصنع: شنو هاذا
قُمر تلتفت لوين يده تاشر: هاذا دفتري ...
خالد: دفتر شنو.(اونه ما يعرفه)
قُمر بهدوء: دفتر . .اكتب فيه اشياء .. تمر على بالي او اقراها عشان لاانساها ..
خالد: خواطر يعني
قُمر: تقدر تقول
خالد: وبعد ..
قُمر: ولا شي .. بس خواطر
خالد يحتال: انزين ... اقدر اقراه
قُمر بحيره: اذا قلت لا بتزعل؟
خالد ينزل راسه واهو يلعب بذيل فستانها : ما بزعل بس .. بحس انج ما تبين تعرفيني على نفسج
قُمر: ماكو شي فيه خالد .. بس كلام تافه .. حتى اني ما اعيد قرائته
خالد: انزين خليني اقراه
قُمر : ماادري
خالد يقاطعها: بس شي واحد .. واحد بس ..
قُمر بحيرة: ماادري.....
خالد بتوسل: بليز
قُمر بتحذير: بتتغشمر؟..
خالد استوى بقعدته واهو يحط يده اليمين على قلبه: احلف لج اني ما بتغشمر
قُمر: ههههههههههههههههههه انزين .. واحد .. بس شي واحد
خالد يدري انه ما بيخلي الدفتر بس جاراها: أي واحد ...
قعدت قُمر تتصفح الدفتر ولكن خالد خذاه من عندها: لا خلني بختار لك
خالد: انا بقرى اللي بقراه .. عشوائيا
قُمر بخوف: انزين...
خالد يعرف صفحه الخاطرة (ها قد كبرت ) من ستيكر الفراشه اللامعه اللي بالدفتر ..وتوه بيصفح عليها الا شاف خاطره يديده .. شكلها فريش ... قُمر حست بانتباهه ينشد لها ويودت على قلبها .. لايكون يقرى رساله زوجه لزوجها ...
بالفعل خالد كان يقراها حتى انه تحرك من مكانه شوي عشان قُمر ما تشوف اللي يقراه
(( رساله من زوجه لزوجها))

زوجي الغالي ... خ
اشواقي .. كيف ابثها لك .. كيف اعبر لك عن مدى حزني وتوقي للمسك .. حبيبي الغالي .. انت قريب مني وايضا بعيد عني .. لماذا؟ لماذا لا تقترب مني .. وتفتح لي باب حياتك ان كان باب قلبك موصد بالاقفال الصدئه .. احبك .. الا تقدر ان تحس بي .. امشي من وراك .. واعبر من امامك ... الاتحس بتيارات العشق بي .. بحرارة حبي لك .. لما علي ان اظل ساكته وهادئه رغم العواصف اللي تبعثرني يمنه ويسرة.. اعثر علي .. واعدني .. معك للحياه .. فبدونك حياتي كالمقبرة المهجورة ..
احبك حبيبي .. أحبك

من زوجتك المعذبه .. قُمر

خالد انصدم .. الكلمات كانت تبث احساس قُمر كله .. ما قدر يتصورها يوم عاشقه .. مغرمه .. وفي من؟؟ فيه .. قُمر تحبني .. من متى.. وشلون ماعرفت .. مر علينا شهر بايطاليا وتوني عارف انها تحبني .. وين اعرف .. وبالي بعيد عنها .. اربع وعشرين ساعه وانا افكر في ندى .. حتى يوم فرغت لها بروما هم ماقدرت احس لها لاني كنت مشغول بغيرتي وافكاري عن خواطرها ..
طالع قُمر بنظرة ما قدرت تعرفها .. هل اهي غضب .. ولا ارتياح.. زعلان ولا فرحان.. كل اللي سواه انه سكر الدفتر وعطاها اياه . بعد ما دخلت الدفتر سحب يدها واهي تفاجئت... باس يدها
خالد: كاني هني .. وياج ..
قُمر غرقت بالخجل والفرحه .. كل إلى قدرت عليه انها تبتسم له ويلس حذالها واهو يضمها بيده...
ساعتين مرت عليهم واهم بالجندولا.. صج كانو صاخين لكن احلى الكلام يمر بيناتهم ... قُمركانت تبتسم من دون أي سبب وخالد كل دقيقه والثاينه يلتفت لها واهو ماسك يدها .. الدنيا كانت ولا احلى.. ولا صفاء كان مثل صفاء ذاك اليوم.. لكن قُمر وايد انخدعت بمثل هاذا الهدوء وما تدري ليش حست ان العواصف بالدرب...

خلصت الجوله وطلعوا من الجندولا وقبل لا يمشون البحار عطى قُمر ورده عرفانا لجمالها ولاحلى ساعتين قضاها ويا احلى ثنائي على حد تعبيره .. قُمر ابتسمت ويا خالد وكملوا دربهم .. متشابكين اليدين .. يمشون ذراع بذراع .. خالد كان يغني اغنيه (زيديني عشقا) بهدوء وسكت شوي وقُمر اللي تموت على كاظم الساهر (عكس ما قالت له طبعا حياله البنت ) كملت عليها
قُمر: يا لون البحر .. يا روح الروح .. يا نبته شكي ويقيني
خالد يبتسم ويطالعها : يا طعم الثلج .. وطعم النار .. ويا واحات الزيتون
قُمر تزيد من تمسك يدها بخالد: اشعر بالخوف..
خالد : اشعر بالخوف من المجهول فاويني
قُمر: اشعر بالبرد ...اشعر بالبرد
خالد: اشعر بالبرد فغطيني .. غطيني (يلتف لها ويوقف المشي ويكمل من كل قلبه) وظلي قربي غني لي فانا من بدء التكوين ابحث عن وطن لجبيني عن حب امراءة ياخذني لحدوووووووود الشمس ويرميني ...
قُمر تصفق له وخالد يحني راسه بغرور : احم احم
قُمر: هههههههههههههههههههههههههههههههههههه
وكملوا السيرة .. من دون ما يحسون للشخص إللي يمشي وراهم من اول ما نزلوا للميناء للحين ... ايوة .. محد غيرها .. ندى اللي كانت تتبعهم وقلبها يحترق من الغيض .. كانت تبجي من القهر والالم والحقد على قُمر يشب بضلوعها .. تكرهها .. من كل اعماقها .. خالد كان ممسك قُمر من يدها مثل العاشقين وكل الناس تطالعهم لين مروا لانهم كانوا لافتين للنظر من ناحيه الشكل ومن ناحيه الرومانسيه
اهي ما تنكر ان خالد كان رومانسي اضعاف اضعاف هالموقف بس بعد .. حز بقلبها حبيبها يكون لغيرها وكملت مسيرتها ناحيه خطتها الجهنميه ...
واهم يالسين على الغدى باحد المطاعم
خالد: قُمر...
ترفع عيونها الناعمه: عيون قُمر ..
خالد : تسلم لي عيونج ... قُمر ابي اعترف لج....
قُمر: بشنو؟
خالد يحس بالاحراج والحيا من اللي بيقوله .. بيطلع فضولي وياهل بالحركه اللي سواها: انا عن غير قصد (راجع نفسك خالد شنو من غير قصد) قريت دفتر خواطرج مرة...
قُمر بهت لونها .. وظلت تطالعها بنظرة تقفط الواحد وخالد نزل عيونه عن شكلها: كانت ليله بروما انتي كنتي راقده والباب مفتوح .. رحت اسكره وشفت الدريشه مفتوحه والجو كان بارد.....
سكت لان قُمر بدت الوان اشارة المرور تلعلع بويهها .. خالد دخل عليها واهي راقده.. يدخل دارها واهي راقده يا حسرة عمرج يا قُمر .. الا بتستوين نكته الكويت؟
خالد يحاول يبرر بس من دون أي اقتناع: كان الجو بارد قُمر .. وانتي ما كنتي متغطيه زين وخفت عليج لا تبردين
قُمر زاد الاحراج عندها ..بعد مو متغطيه . .بس يا زينه ما يبيني ابرد .. احبه والله احبه لكن يا ويلك على هالعمله
خالد باحراجه اهو الثاني: غطيتج وقبل لا اطلع لفت انتباهي دفترج وقريت منه خاطرة وحده
قُمر بعتب: انت ما شفت وصيتي فيه
خالد بحيا : ايه ..
قُمر: وكملت قرايه
خالد يعاتب: وانتي ليش معصبه جذي
قُمر: يعني ما يحق لي
خالد: بلى ... بس مو جذي
قُمر: صج والله
خالد بحيا: ...... ايه
قُمر : انزين ... واي خاطرة قريت
خالد بشكل مضحك يبتسم : لخاطره اليوم عيدي ..
قُمر بمفاجاه: شنووووووو
خالد : بس والله اسلوبج حلو
قُمر مااستحملت اكثر.. صج انه فضولي .. ليش ما يحترم خصوصياتها واهي ما تلمس حتى ثيابه .. صج انه يقهر ..قامت من على الكرسي واهي تشب ضو وايد معصبه كانت ومشت عنه
خالد دفع الحساب للاكل اللي للحين ما وصل ولام نفسه على التسرع

يتبع

واهو يمشي وراها : قُمر.. قُمر نطري شوي
قُمر مو معبرته وتكمل مشيها بسرعه
خالد يسرع بخطوته ليما وصل لها: قُمر تكفين لاتزعلين
قُمر من دون ماتطالعه: لا والله .. صج
خالد منبهر بشكل قُمر واهي معصبه صج جنان: أي لازم انا اللي اعصب عليج مو انتي
قُمر وقفت مكانه .. صج انه يقهر تطالعه بحمق واهو يخزها بعين ورافع حاجب الثانيه
قُمر بهدوء: انت من صجك ولا تتغشمر
خالد وواهو عاقد ذراعينه على صدره: اكيد من صجي ياهل انا اتغشمر
قُمر وفكها يرتجف وتمشي عنه...
خالد يمشي وراها ويوقفها من يدها: قُمر يالله عاد من صجي انا اتكلم
قُمر واهي تهمش بس بغضب: ما تحس لنفسك انت لين تسوي لي جذي.. انت الفضولي وانت اللي دخلت داري وانت اللي خذيت الدفتر وقريته على الرغم من اني مااوافق على هاذا الشي واطلع انا الغلطانه مو انت..
خالد يرفع راسه بتفكير: عمليا .. صج
قُمر توها بتمشي لانها خلاص بتنفجر اعصابها وخالد يوقفها: علامج؟
قُمر تحاول تتكلم بهدوء: خالد تكفى .. خلني اروح ..
خالد بمرح: وين تروحين .. جمعيه الحرمين مو هني بالشارع الثاني
قُمر : تستخف بدمك
خالد يضحك اول مرة بنت تقول له جذي: يالله عاد
قُمر: ماابي
خالد: الا تبين
قُمر: تغصبني ..
خالد يطالعها بنظرة ساحرة: وانتي راضيه
حست بالنار بعيونه وهدأت.. محد قط ثورها جذي .. كل يوم واهي تكتشف اشياء في نفسها عمرها ما كانت تدري عنها قبل ما تتعرف على خالد ..
حسها هدأت شوي : هدأتي
قُمر بنص عيون: شوي
خالد يكمل: انا صج تعديت على اغراضج بس انا لي حق
قُمر: لا مو ....
قطعها خالد: بلى .لي حق انا زوجج .. ما يصير تخبين اسرار عني او تحتفظين فيها لنفسج انا وانتي صرنا واحد ومو من العدل انج تكونين شخصيه مستقله عني ..
قُمر تسمع كلامه واهي بتطير كل اللي قدرت عليه انها تضحك
خالد يبتسم واهو مستغرب: كلامي يضحك
قُمر: لا .... بس ...
خالد: شنو
قُمر تلفت ويهها عنه: ولا شي .. حلو كلامك
خالد : كلامي حلو؟
قُمر: أي .. مااقدر اصدق انك انت نفسه خالد اللي تزوجته قبل شهر .. كان حتى ما يبي يحط عيونه على خيالي.. واللحين ... الحمد لله
قُمر حست بالدموع تتدافع بعيونها واهو يطالعها.. صاجه .. من توقع انه ينغرم في قُمر جذي .. احبها .. قعد يردد الكلمه في قلبه وكل ما يرددها يزداد اقتنااع بحبه لقُمر .. يحبها .. يحبها حيل
خالد: قُمر.. قوليها
قُمر بحيا: شنو؟
خالد: قولي انج تحبيني
ولع ويها: مااقدر...
خالد: ليش.
قُمر: شنو ليش استحي
خالد: هههههههههه انتي كلمه والثانيه قلتي استحي .. تراج مللتيني بحياج
قُمر: يعني شنو تبيني احط عيني بعينك واهاوشك وارد عليك واظل جاسيه عين
خالد يفكر: اممممممممم تقريبا
قُمر: ههههههههههههههههههههه مستحيل
خالد:ههههههههههههههههه ادري فيج .. خجوله .. احبج قُمر .. احبج
قُمر استخفت: وانا بعد
خالد: انتي شنو
قُمر : تعرف .. مثلك .. أللي قلته
خالد بمرح: انا ما قلت شي
قُمر باستغراب: اللي اللحين قلته
خالد يعذبها: استخفيتي تتخيلين اقوللج اشياء .
قُمر:خالد
خالد: علامج قُمر هههههههههههههههههههه
قُمر: مو توك قايل لي احبج
خالد: ايه
قُمر: أي انه بعد احبك..
خالد : واخيييييييييييييييييييرا
قُمر انصب الدم بجسمها ..... حيال قص عليها ..يحليله لكن اينن تحبه
خالد بجديه: تحبيني قُمر
قُمر: اااااه .. مو بس احبك .. الا احبك احبك احبك احبك ليما اتعب بظل احبك ...
خالد حس بالدنيا تتفتح ورودها مرة ثانيه بحياته .. قُمر تحبه.. يا الله .. وكانه حلم مستحيل.. شلون قدرت تسحره جذي.. شلون صار حبها مناله واماله كلها ..
خالد بحرارة: تصدقين قُمر ... انتي سحرتيني .. شلون.. ماادري .. بس تكفين .. لا توقفين بالسحر لاني اسعد انسان ليما اكون وياج
قُمر سالت دموعها.. هاذي فرحه اكبر من طاقتها: ولا يهمك .. ما طلبت يا حبيبي ..
ظلوا بالصمت والهدوء ..
خالد: لاتبجين قُمر
قُمر: ههههههه دموع الفرح .. ماعليك ( واهي تمسح دموعها)
خالد : بس انا للحين ما لقيت رضوتي ..
قُمر: اللي تامر فيه..
خالد: ابي دفتر خواطرج
قُمر: لازم يعني
خالد: ماابيج تكتبين خواطر من يوم ورايح.. اغار من الصفحات.. اغار من الحبر اللي يعبر عن مشاعرج وانا موجود
قُمر بصوت ناعم: الله عليك حبيبي
خالد: أي .. انا جذي.. (ابدا اهو ما كان جذي شاللي سوت فيه قُمر ما يدري )
قُمر : ولا يهمك .. هاك (تطلع الدفتر من جنطتها) تفضل .. هديتي لك..
خلد اخذ الفتر قعدت يتصفح فيه .. اتحرك عن قُمر شوي .. ود جسمه لورى وحذف الدفتر ليما وصل الى البحيرة وظل عايم وقُمر واقفه متجمده
خالد بانتصار: هم وانزاح
قُمر: هههههههههههههههههههههههههههههههههههههههههههههههههه ههههههههههههههه
خالد بعتاب: تضحكين .. ادري فيج بيوحشج حبيبج الخيالي
قُمر بدلال: والله ان ماكو حبيب غيرك
خالد تشعللت عروقه بس: أي أي باين
التفت عنها واهي تمشي وراه وسرع بخطوته
قُمر: خالد هههههههههههههههههه تكفى خالد مافيني اركض وراك
خالد من دون ما يلتفت: والله تبيني لحقيني
قُمر وقفت: هههههههههههههههههه
التفت لها خالد واهو يضحك وكمل دربه .... ومرة وحد ه وقف.. الارض تزلزت من تحت ريله .. الريحتهب وتعصف بحياته .. الدقايق اللي طافت مساعه مرت جدام عينه .. الحزن والهم والالم يعلن وصوله .. ندى واقفه جدامه ....

يتبع

الفصل الثاني .............
خالد تجمد مكانه.. يحس بالرعب والعواصف والزلازل تعلن هجومه على حياته .. يتلفنت بعيونه يمين يسار وكانه يبي ينقذ شي يمكن انقاذه بس اهو كان واثق ان كل شي راح ينتهي من عيون ندى..
ندى والحقد بعيونها: قوة حبيبي..
خاالد والمفاجاه طاغيه عليه: الله يقويج..
ندى لاحظت استغراب قُمر وتقربها لذا قطت القنبله على خالد: ما قدرت ايود نفسي اكثر وييت لك حبيبي .. عشان نكون مع بعض
قُمر سمعت اخر كلمه قالتها ندى وانهدت قوتها .. انقلبت الابتسامه الى برود بالبدن.. شقصدت بالكلام اللي قالته .. اهي متاكده انها شافت هاذي البنت من قبل بس وين..
ندى تكمل وخالد ما يدري ان قُمر وراه: انا اسفه خالد .. جبرتك تتزوج من بنت عمك وانت تحبني هدمت حياتك وحياتي .. انا ادري ان رفضي لك اهو السبب الوحيد اللي خلاك تتزوجها .. احبك خالد احبك

قُمر انتهت حياتها .. حواسها انشلت .. بدنها خارت قواه .. حست بالموت بحياتها .. خالد تزوجها غصبن عنه.. تزوجها واهو يحب ...

خالد ماكان يدري ان قُمر واقفه وراه: ندى .. اشمييبج هني
ندى: ييت على اوامرك حبيبي يوم اتصلت فيك ..
خالد بصوت خافت مفجوع: انا ماقلت لج تعالي
ندى: قلت لي ان كنتي تحبيني بتييني
خالد: ندى..
لاحظ بريق عيون ندى واهي تطالع وراه وفجاه التفت ... قُمر كانت واقفه وراه جريبه منه .. يطالعها بعيون متالمه .. سمعت كل شي .. او ولا شي.. ما قدر يتاكد لان ملامحها كانت ميته ..

قُمر بس سمعت الاسم تذكرت .. هاذي ندى اللي يات عرسهم ... اللي كان شكلها تعبان وخالد تضايج من اول ما يات حذالهم .. وقرر انهم يخلصون الحفله .. اذا اهو يحب ندى..

خالد حس بروحه بتطلع منه .. قُمر سمعت كل شي .. ما يندرى .. توه بيروح عنده الا وندى تمسكه
ندى بصوت حزين كاذب: خلاص حبيبي .. كل شي انتهى .. العذاب والفراق والالم . انا هني .. لاتحمل هم .. (تطالع قُمر بحقد) محد راح يوقف بيناتنا .. أبدا..
قُمر انهارت خلاص....
خالد يفج نفسه من ندى واهو يطالع قُمر: قُمر لا تسمعين كلامها.........
ضاع كلام خالد لان قُمر ردت بدربها واهي تركض توه بيلحقها الا وندى ميودته
ندى: خلها خالد .. كان لازم يصير جذي اهي السبب باللي يصير بيناتنا
خالد بعصبيه وصوت عالي: خليني يا ندى ..
فج ندى عنه وراح ورى قُمر .. اختفت قُمر من عيونه .. وينها ... يمشي شوي ويركض .. وندى وراه ..
خالد: قُمر .. قُمر ..
قعد يركض واهو يدورها .. يدخل بين الطرقات الملتويه وينصدم بالماي من كل صوب .. وقف عند الميناء يطالع القوارب واللي عليها لكن ماكو اثر لقُمر .. وين راحت .. اهو ما يدلي المكان زين شلون اهي .. قعد يناديها باعلى صوته ..
قُمر كانت يالسه باحد الطرقات .. تسمع صوت خالد بس ما ترد عليه .. دموعها تسجب من حر قلبها .. جذب عليها .. غدر فيها .. مثل عليها الحقير.. النذل .. قامت واهي تمسح دموعها وتكمل دربها المجهول .. يقودها حزنها العميق وجرحها النازف ..

خالد وقف مكانه واهو يتنفس بسرعه .. التدخين ضعف قدرته على الركيض ووقف ياخذ نفس الام تتدافع في بطنه بس يحاول يتناساها.. يحس بالموت والخوف على قُمر .. وين راحت وين اختفت .. ما تدلي مكان بفينيسيا .. وندى طبعا ما فارقته..

ندى بغضب سخيف: خالد علامك تبي تروح خلها تروح انت ليش تلحق وراها
خالد حس بالقهر منها ويودها من ذراعاتها: ما كفاج اللي سويتيه فيني واللحين يايه تكملينها بقُمر
ندى: حبيبي انا احبك
خالد يقوى من قبضته عليها: انا مااحبج ولا ابيج ولا ابي اشوف رقعه ويهج مرة ثانيه ..
ندى : لا حبيبي لاتقول جذي
خالد: الا بقول جذي .. ندى انتي خلاص فصل منتهي بحياتي مستحيل ارد لج مرة ثانيه فاهمه مستحيل..
خلاها ومشى شوي ورد لها يمسكها بقوة خلتها تنتفض مكانها: وان صار شي في قُمر .. ما تلومين الا نفسج ..
هالمرة ندى تجمدت مكانها .. مستحيل يكون هاذا خالد اللي تعرفه .. مستحيل .. هاذا انسان ثاني .. ظنت انها بتسعده لين ياته اهو صج رفض قدومها بس ظنته يتكلم من حزنه على اللي صار بيناتهم بس ماكانت تفكر ابدا انه يعاملها جذي .. عشان منو .. عشان زوجته اللي تزوجها غصبن عنه... ما يصير.

مر الليل وخالد للحين يدور على قُمر .. يسال المطاعم .. اصحاب القوارب .. ألناس . .المارة .. كل شخص .. محد شافها .. حاول يتصل بالبيت بس التلفون كان مفضى .. راح عند احد المحلات وقعد يرن
التلفون ولا احد يشيله... نزل السماعه ورد اتصل .. هم محد يشيله ومرة ثالثه ورابعه ... ليما..
الخدامه: Bin thahimansion
خالد: stella this is me kalid did gomar come to themansion
الخدامه: no sir she didn`t come
خالد: not even called
الخدامه: yes sir she called few minutes before you asking about you and I told her youare not in the house then she asked me prepare here suit case
خالد استغرب.. وين بتروح قُمر عشان تزهب اغراضها: thank you stilla I`m coming home right now ifshe came before me don`t let her leave
الخدامه: ce seniore
سكر خالد من عند ستيلا واهو مطمن ان قُمر بترد البيت اللحين كل اللي عليه انه يرد قبلها عشان ما يخليها تطلع مرة ثانيه .. ندى كانت وراه طول هاذاك الوقت .. يطالعها بغضب
خالد: شتسوين وراي
ندى: ماابي اخليك
خالد: ندى ارجوج علامج ماتفهمين كل اللي بيناتنا انتهى خلاص
ندى: خالد تكفى لا تقول جذي لا تعذبني
خالد: يا ندى خلاص ما تشوفين ان كل اللي يصير بسببج بسببج قُمر راحت عني ولاادري عنها بسببج حياتي اللي بعد عناء قاعده تتصلح شوي شوي وكاهي انتهت من يوم ييتي .. شتبين مني ندى شتبين

يتبع

ندى: ابيك خالد
خالد: لاتكونين سخيفه ارجوج .. مو انتي اللي تراكضين ورى الواحد لانج تحبينه ..
ندى بحزن: خالد لاتكلمني جذي
خالد: خلاص ندى .. انا ما توقعت اقولج جذي يوم بحياتي لكن كل اللي بينا انتهى خلاص .. خلاص
راح خالد عن ندى اللي تمت متجمده مكانها واللوعه بقلبها .. حياتها انتهت من دون خالد وعشان منو .. عشان الدخيله قُمر .. قُمر اللي ماتدري شلون سحرته وخلته يكرهها بعد الحب العميق اللي كان يجمع بينهم ..اكرهج قُمر .. اكرهج .. يا ريتج تموتين .. بس ياريتج ..بس بعد ما استسلمت .. بتحصل على خالد يعني بتحصل عليه ..

خالد مشى طول الدرب للقصر ووصل بعد 45 دقيقه مشي واهو يحس بالالم بمعدته وظيج بالتنفس .. دخل البيت بسرعه واول من شاف في ويهه اهو الخدامه المرتعبه
خالد: what`s going onstella
الخدامه: it`s mrs gomar she went crazy breaking the glasses, the vasesand every thing she put her hands on I tried to stop her but she collapsed
خالد : لا حول ولا قوة الا بالله go now stilla
الخدامه: yes sir
راح خالد مثل البرق على الدري واخر عتبه وقف عليها انكسر من تحت ريله جزاز .. قعد يطالع المكان اللي انقلب لساحه حرب ... كل شي مكسر وكل شي معفوس .. شسوت قُمر دقيقه وحده بالمكان .. سمع صوتها واهي تبجي مثل الياهل وراح لعندها .. حاول يفتح الباب لكن كان مقفول .. قعد يطق الباب : قُمر .. قُمر فتحي الباب..
محد يرد عليه
خالد برعب: قُمر تكفين حبيبتي فتحي الباب ..
هم محد يرد ..
قعد يدز الباب بس ما كان فيه قوة .. طول اليوم واهو يمشي وكان تعبان وايد.. نزل لستيلا يسالها عن الباب
الخدامه: I locked the door on her
خالد بصوت: شنووووووووووو
الخدامه انصدمت من صرخه خالد عليها: you told me sir
خالد فقد اعصابه ومسك الخدامه: انا قلت لج تقفلينه عليه يابنت الجلاب وين المفتاح؟
الخدامه تحيرت ما تفهم عربي والخوف كان بطرف ثاني
خالد: where is the key
ستيلا: her yougo
خذ خالد المفتاح وراح فوق بعد ما رمى الخدامه بعيد عنه ..راح فوق وفتح الباب وماشاف شي.. الظلامه لافه الغرفه وتحسس الطوفه عشان يفتح الليت .. فتح الليت وياريته مافتح .. الغرفه كانت معفوسه فوق تحت .. شراشف السرير على الارض والمزهريه مكسورة والاغراض اللي على الدريسر مكسرين على الارض .. مشى شوي الا ويدوس على التمثال اللي شراه لها بميلانو ..حمل قطعه منه وقعد يدور قُمر بعيونه .. بس قُمر ماكانت بالغرفه .. تحرك خالد بصعوبه بالغرفه واهو ينادي على قُمر .. لف على السرير وشافها .. تقطع قلبه وماتت روحه وضاع الكلام منه قُمر كانت مسندة راسها على حد السرير الجانبي وواهي متكورة على عمرها تشهق من البجي .. حاول يشوف ويهها لكن خصلات شعرها كانت مغطيته فكر يتقرب منها لكن يخاف انها تثور عليه.. كفايه البيت اللي انعفس فوق تحت .. بس ما هانت عليه ..
تقرب منها بشويش وناداها: قُمر
مالتفتت له ورد مرة ثانيه: حبيبتي قُمر.
مالتفتت لكن زاد تكورها وطلع منها انين يذوب القلب..
خالد ما استحمل اكثر وراح لعندها .. قعد حذالها : قُمر .. قُمر حبيبتي علامج .. ليش سويتي جذي
خالد ماكان يدري شنو يقول لانه يدري ان روح قُمر خلاص راحت منها ومستحيل ترد قُمر الاوليه مستحيل .. والالم يتزايد في بطنه
بعد سكوت بسيط تكلمت قُمر بصوت مبحوح: ابي ارد الكويت .. اليوم .. اللحين.
خالد: ان شالله اليوم نرد الكويت
قُمر رفعت راسها وبين ويهها المتالم : انا اللي برد الكويت .. مو احنا
خالد توقع هالجواب منها: بس قُمر ما يصير اخليج تسافرين بروحج
قُمر ضاقت عيونها من البجي وتورمت جفونها وشكلها كان متعذب بهمس قالت له: ما عليك مني .. بتحمل بروحي .. بس دزني لكويت ..
خالد : قُمر مااقدر .. ما تهونين علي
تربعت قُمر .. ورفعت راسها فوق .. تسري دمعه مريرة على جانب ويهها الحسن: يا ربي ..
خالد نزلت دمعته : قُمر تكفين .. لاتسوين جذي في حالج .. انا احبج
التفتت: بس خالد .. ماله داعي تجذب . انا عرفت الصج .. خلاص لاتجذب علي لا تمثل ما له داعي تطيب خاطر ربيبه سبع سامعني خلاااص
خالد انصدم قُمر كانت تصرخ من قلب .. ما تصدق انه يحبها ..
خالد: قُمر تكفين .. لاتقولين جذي
قُمر قامت عنه: ماقول شنو ..بعد تبي تجذب علي .. بعد تبي تزيد من التمثيليه .. اللحين عرفت.. المزاج الزفت بميلان .. والاكتئاب بروما .. وطيحه المستشفى.. كله علشانها .. وانا الغبيه ( تمسك ويها من الطرفين) إللى قعدت اعابلك وادعي لك بالصحه وابجي عليك والوم نفسي لاني انا اللي متعتبك برفضي لك صج غبيه صج غبيه شلون طلعت غبيه جذي شلون.
وردت قُمر تبجي بصوت عالي وحرقه قلب وخالد منزل راسه للارض ما يقدر يتكلم ولا يحبس دموعه ولا شي من اللي بيقوله يمكن يرد قُمر الاوليه .. شالحل يا ربي .. شسوي ..
تكمل قُمر: مااقدر اصدق اني يوم من الايام فكرت بطيبه تجاهك .. مااقدر اضبط نفسي لين افكر اني احبك .. انا مستحيل احب انسان مثلك .. مستحيل اصدق ان اقدس شي بحياتي الحب إللي كنت اكنه في خاطري للشخص اللي يمكن يقبل انه يحبني وهبته لك وانت....(تسكت قُمر وتكمل نوحها )....
خالد قام لها: لا قُمر لاتقولين جذي.. قُمر والله العظيم انا احبج
قُمر تتحرك عنه: روح بعيد عني.. روح لها .. وينها اللحين .. لا يكون تركتها بالشارع وين مااهي واقفه.. خلصت التمثيليه .. (تفكر بعيون حايرة) ولا طلعه اليوم كانت مخطط لها من زمااان عشان تقول لي او تفهمني اني مجرد شي انغصبت عليه .. شي ماتبيه شي ثقيل على قلبك.
تنهار قُمر وتقعد على الارض واهي تبجي بصوت عالي ..
خالد راح حذالها: قُمر حرام تقولين جذي.. انا ما فكرت جذي.. والله يا قُمر صدقيني انا احبج
قُمر واهي تبجي: ماتحبني .. انت تحبها .. كنت تتصل فيها وتقول لها انك تبيها واني ثقل على حياتك.
خالد : قُمر تكفين والله تجذب عليج ما قلت لها جذي
قُمر تلتفت له: لاتجذب علي .. انا عرفت كل شي .. ذاك اليوم اول ما وصلنا اتصلت اهي مو؟
خالد: ............
قُمر بصوت عالي: مووووووو؟
خالد: ايه
قُمر تبجي: واليوم قبل لا نطلع كنت تتفق وياها على المكان اللي بنطلع فيه عشان اتيي وتقول اللي قالته مووووو ؟

يتبع

خالد واهو يبجي: لا والله قُمر انتي تتوهمين هالشي
قُمر: لاتحلف باسم الله انت اتفقت وياها على كل شي.. فينيسيا والجندولا والمطعم ودفتر الخواطر .. (تذكرت دفتر الخواطر) دفتري مشاعري كلها تخلصت منها وخليتني اعتمد عليك وانت ماتبيني ..
قامت عنه تبي تجرحه بس ما تقدر .. اهو صج يبجي وياها بس مو معناته انه مجروح.. تبي تجرحه بالصميم وما فكرت الا بليله امس
قُمر: حتى ليله امس انت اتفقت وياها مووووو
خالد وقف علىطوله من الصدمه: جااااااااااااااااااب
وكفخ قُمر كفخه طيرت مخها وطيحتها على الارض... خالد تدارك نفسه.. شسوى.. ضرب قُمر.. خالد ضرب قُمر .. ضربها بكل قوته وبكل قهره وبكل غضب..قُمر ظلت على الارض تتلوى وخالد واقف مكانه يرتجف .. يحس بجبده تتلوع من الالم .. الم غريب يتدافع فيه .. لوعه عجيبه تسري في دمه وجسمه ما حس فيها الا يوم كانو بروما يبي يروح لقُمر لكن الدوخه خذته واهو ييترنح بالمشي .. سم بالرحمن على نفسه وحاول يتناسى الالم ..
خالد راح لعند قُمر: قُمر ... انا اسف قُمر .. قُمر سامحيني الغاليه سامحيني ..
قُمر قومت نفسها بقوة .. كف خالد طيحها بقوة بس بين لها انها جرحته بالصميم وحتى انها بدت تلوم نفسها على استهزائها به ..
قومت قُمر نفسها بس ما حطت عينها بعين خالد .. سمعت صوته واهو يبجي بس ما ردت عليه ..
قُمر بهدوء: اطلع بره..
خالد ما رد عليها واحتفظ باللي بقى له من كرامه وطلع من الغرفه .. الحمد لله انها نست سالفه السفر .. بس كانت يده تحرقه .. الكف اللي عطاها اياه وايد قوي كان .. حس انه ناقص رجوله لان صفع بنت رقيقه مثل قُمر .. اهي ما كانت بوعيها يوم قالت اللي قالته .. بس بعد مو من حقي اني اصفعها ..
قبل لا يطلع من الحجرة التفت لقُمر: انا اسف قُمر .. اسف
قُمر صكرت عيونها وخلت دموعها تنهمر بهدوء.. اول ما طلع خالد التفتت للباب .. وكانت تصرخ في بالها .. لا تروح .. محتاجه لك خالد .. لاتروح .. وقعدت على الارض تكمل نوح وبجي على حظها التعس ..
خالد ظل واقف عند باب الغرفه .. الم قلبه ولوعه جبده واعصابه اللي تلفت من السالفه كانوا باتجاه وروحه المجروحه من كلام قُمر باتجاه ثاني .. كان يطالع يده .. يحس نفسه مجرم .. وتفجرفيه غضب مخيف خلاه يرتجف من راسه لقدمه وما قدر يهدي هالغضب الا بضربه قويه على الطوفه مرة ومرتين وثلاث ليما فقد الاحساس بيده وحسها انكسرت بس ما تالم .. حمل نفسه وراح داره ورمى نفسه على السرير .. خلاص.. الحلم الجميل انتهى .. والمستقبل اللي ما انولد مات.. والحب اللي بقلبه انقلب الى الام واحزان فوق احزانه القديمه .. من صج خالد تمنى الموت هاذي الليله .. تمناه رحمه لنفسه التعبانه وكرامته المجروحه ...
الجزء الثامن
الفصل الاول ....
اول يوم من بعد الصدمه .. البيت للحين بحاله من الهدوء الحزين .. خالد راقد بكل تعب بداره وقُمر بعد .. ما رقد الا بويه الفجر صلى ورقد .. قُمر ظلت مكانها تعبت من البجي وظلت ساكته...
الاف الامنيات اللي تمنتها تبخرت بالهوا .. خدعها خالد .. وجذب عليها من دون أي سبب.. ليش سوى لها جذي.. كل الانصياع للاوامر والموافقه على الغرف المنفصله بس لان الوضع كان يناسبه .. اكرهه .. اكرهه من كل اعماق قلبي.. والله يا خالد بحرق قلبك مثل ما حرقت قلبي .. راح اعيشك بالمر مثل ما مررت حياتي واخليك تحس بالوحده مع وجودي وياك..

خالد اوتعى من الرقاد واهو لابس ثيابه .. يده كانت متورمه حيل وتعوره راح الحمام غسل ويهه وحط راسه تحت الماي عشان يخف عليه الصداع.. كره ايطاليا وكره اليوم اللي ياه ايطاليا.. ماكان يقدر يحب شي بهالدنيا غير قُمر .. حرام يا قدري اني بعد مااحب قُمر اهي تكرهني .. يا ربي ساعدني ياربي .. والله مااصبر على الحياه من دونها .. مااصبر..
طلع من الحمام وبدل ثيابه وعورته يده وايد وحس انها مكسورة وظل حاملها عند خصره .. لبس له ثياب مريحه وطلع من الدار.. شاف كل شي مرتب ومعدل ولا كانه امس ساحه حرب..
راح عند غرفه قُمر.. وقف عند الباب يخاف يطرق على الباب.. خلى الباب عنه ونزل للطابق التحتي .. دخل غرفه التشميس وقعد .. يحس بالتعب وكانه حامل الدنيا على راسه .. يده تعوره ومعدته بعد تتلوى عليه من امس .. قعد يدخن بقو ليما خلص القوطي كله .. وظل قاعد مكانه ليما ياته الخدامه الثانيه انابيلا اللبنانيه الاصل
انابيلأ: good morning sir do you want to eat?
خالد: no anabila I don`t feel like eating.. Did Mrs gomar come down?
انابيلا: no sir I went to check on her and she dimissed me
خالد: ااااااااااه الله المستعان thanx anabila
انابيلا: حازرين استاز ..

راحت انابيلا عنه وظل يالس مكانه .. اليوم بيكمل رحلتهم لايطاليا وبالليل بيرد روما ومنها يردون الكويت .. خلاص خلص شهر العسل وانتهى كل شي.. مستحيل يظل هني اكثر وندى موجوده.. اهي راح تهدم كل اللي ظل بينه وبين قُمر عشان تشفي غليلها .. حمايه لقُمر لازم يرد الكويت اليوم او باجر

قُمر طلعت من الحمام بعد شاور طويل.. تحس بالالم بكل جزء بجسمها.. قعدت يم الدريسر المكسور تطالع ويهها .. خدها اليسار متورم حيل من كف خالد.. لكن مالامته ابد .. اهي جرحته وهاذا يزاها .. بس حست انه انتصار على خالد .. ما تقدر تفكر شلون انقلبت مشاعرها بهاذا العنف وهاذي العدائيه تجاهه .. ماتبي تفكر انها حبته ولا وجهت له أي نوع من المشاعر او العواطف..
لبست جلابيه يديده اول مرة تلبسها كان لونها بدم الغزال شيفوت ومن تحتها حرير اسود والجلابيه كانت فنانه
لمت شعرها الطويل كامل وطلعت من الدار.. توها بتنزل تحت ولاحظت نظافه المكان .. شسوت فيهم امس لعوزتهم من الزين .. طالعت دار خالد وكان الباب مفتوح .. راحت بشويش عند الغرفه .. طلت عليها ما لقت احد .. تنهدت والتفتت تنزل تحت الا خالد جدامها .. انتفضت بالبدايه ولكن ردت هادئه
خالد بقق عيونه على وسعهن من شكل قُمر .. شسوه فيها .. ليش شوه جمالها بغبائه وعمااه اشكثر اهو حقير وقليل اصل يطق بنت عمه..
خالد بخجل: صباح الخير..
قُمر تطالع يده المتورمه: .... صباح النور
خالد تحمد الله لانها ردت عليه: شخبارج ..
قُمر بسخريه: اشتتوقع.. احس بانتعاش عمري ما حسيت فيه من قبل...
خالد حس باستهزائها بس بعد: دوم ان شالله مو يوم ..
قُمر راحت عنه.. وقفها بصوته: قُمر..
قُمر دق قلبها .. تكرهه شكثر تكرهه: نعم؟
خالد: زهبي اغراضج .. بنرد روما الليله وعلى باجر ان شالله احنا بالكويت
قُمر اكتئبت.. انتهى الحلم .. وانتهت الاماني .. واهلا وسهلا بالاحزان..: انزين..
راحت عن خالد واهي تحبس دموعها.. خالد ظل واقف مكانه .. ودخل داره.. حمل بوكه ولبس ساعته وطلع
نزل تحت نادى على انابيلا قال لها جم كلمه وراحت عنه وتوجه لباب البيت عشان يطلع .. كل هاذا صار جدام قُمر اللي وقفته قبل لا يطلع من البيت
خالد باهتمام: لبيه؟
قُمر: وين رايح
خالد: بروح المستشفى
قُمر: ليش.
خالد: تعورت يدي امس وبروح اشوف شصار فيها شما صار وبعدين بروح اشتري تذاكر عشان اليوم وبرد.
قُمر: اهااا
خالد: يالله مع السلامه ..
ما ردت عليه وحز بقلبه وطلع.. طول الدرب واهو يتلوى من معدته ..علامه بطنه يعوره جذي.. كله من قله الاكل .. وقعد يدخن ويدخن ليما وصلوا المستشفى.. بالفعل اللي بيده طلع كسر.. جبروها وحطوها بحماله ..

يتبع

قُمر كانت تمشي بالبيت .. تدخل صاله التشميس وتطلع منها تروح عند المسبح وتمشي بالحديقه ولا تقدر تبعد ندى وخالد عن بالها .. كل ما تتذكر الكلام اللي قالته ندى تحس بالموت.. شلون قدر يخدعها.. اول شي ماكان مهتم لكن بروما .. ويوم طلعتهم .. ليش ما كان صادق وياها من البدايه .. شنو اللي بيستفيد منه اذا جذب عليها بهاذا الوقت.. يبي يبين انه حن وعطف عليها باخر الايام عشان تكون رايته بيضه .. حقير.. بس احبه .. ليش احبه ماادري.. مستحيل احب انسان حقير مثله .. ممثل بارع.. خله يولي بستين الف داهيه يوم اللي نرد الكويت بطلب منه الطلاق.. اطلب الطلاق.. وعمي.. ابوي.. هلي وناسي كلهم .. شراح يقولون .. شراح يفسرون هالتصرف مني .. بس محد يدري ان علاقته تعدلت وياي ويمكن محد يسال..بس اهم متوقعين شي ثاني .. مو مستعده اني اضحي بنفسي الف الف مرة عشانهم .. انا خلاص.. مااقدر اضحي بنفسي اكثر.. والكل لازم يزهب نفسه لانفصالي عن خالد

بالكويت وين محد يدري بشي .. العشق كان لاعب لعبته .. وسيمه اللي خبت عن الكل علاقتها بطلال اخو قُمر وجاسم اللي كل يوم عماله يدوب في هوى لولوة .. مريم اللي بتنخطب لولد عمها المرحوم عبد العزيز وبعد عشان يردون العلاقات لبعضها .. بالرغم من رفض مريم للزواج الا ان كثر الكلام والحنه على راسها اقنعتها بالزواج وتسليم امرها لله ..صبحه بنت عبدالعزيز انخطبت لعبيد اللي بغى يحرق الديرة على راسهم بزواج قُمر من خالد وكترضيه له انخطبت له بنت خاله اللي تعتبر من احلى بنات العايله .. ومروة على حالها اهي ونوفه .. الكل يحاول يتقرب منهن بس الخوف من خليفه اخوهن وابوهن يمنع الكل من التكلم عليهن ..
في بيت انيسه خالتهن كانت قاعده ويا بناتها نورة وشيخه ومروة المتزوجه
ام ناصر: اييه والله وحشوني بنات اختي ام خليفه
نورة: أي والله يمه وحشتني نوفو وايد ..
ام ناصر: والله فشيله ما رحنا لهم حتى نبارك لزواج ربيبه سبع
شيخه: يا ترى شلون استوت قُمر .. اكيد قُمر
نورة بحلم: أي والله ..انتي شوفي زوجوها لمن .. لخالد العرب ههههههههههه
مروة: ايييه والله تذكرن نروح هناك على امل نشوفه واخر شي طلع مسافر لندن
شيخه: بس الزين يستاهل الزين
مروة بطرف عينها: شقصدج
نورة تطالع شيخه واهي تضحك: هااا.. ولا شي اختي حياتي مااقصد شي هوو لاتشبينها علي
مروة : ادري فيج تتغشمرين على مشاري
شيخه: اووووه يا مروة محد يتغشمر عليه الا انتي والله محد ملاحظ كونه خال
نورة تضحك وام ناصربعد الا مروة: والله فيج خير دوري لج ريال حلاته ..
شيخه: انا بنت بدرالمصباح ادور لي على ريل .. هو خلصوا .. أللي يبيني ايي لعند بيكب ابوي هههههههههههه
نورة: أي والله بيكب ابوي هههههههههههههههه
ودخل عليهن سبع العايله ناصر: يا بعد عمري ضحكات الحلوات..
ام ناصر: هلا والله حبيبي هلا بالغالي
ناصر يحب راس امه: هلا بالغاليه دامه الله ظلج ولا يحرمنا منج
ام ناصر: وياك يالغالي
نورة: يا عيني .. انا بعرف الامهات ليش يموتن على ولادهن ولا يعبرن بناتهن
ام ناصر: ذلفي والله كلكن من فوادي بس ناصر اهو الريال الوحيد بالعايله سندي من بعد ابوه الله يخليه
شيخه ونورة ومروة يدعين: يا رب .
ام ناصر: ناصر وليدي ابيك تفضي نفسك يوم الخميس عشان بننزل الجهرا بيت خالتك ام خليفه
ناصر بنظرة شك: ابوي يدري؟
ام ناصر: ماعليك من ابوك انا اكلمه ..
ناصر: ان شالله يمه بس يمكن يتاجل لليمعه لان فرس بيوصل لي يا اليوم يالاربعاء ..
نورة: ياااااااه انت ما تمل من الفروس كل يوم فرس
ناصر: والله الفروس احسن من ويهج يا اليحه
نورة بغرور تطالع اخوها وشيخه تون عليها .. هههههيو .. مسكينه نورو .. يالله يالله بنروح الجهرا بروح ازهب اغراضي
ام ناصر: وانتي عويش بتيين ويانا
مروة: لا يمه مشاري عنده دورة وابي ايلس وياه اونسه
شيخه: شتونسين فيه .. اهو بروحه ظلامه بتخافين عووشوو صدقيني
مروة: انتي ماتيوزين ويا الكلام
ام ناصر: يووووووووه شيخو بسج عاد عيب عليج (تكلم مروة) على راحتج حبيبتي ريلج اولى
شيخه تضحك: والله انا ماادري انتوا شعاجبكم فيه .. خال يا ناس لا يكون بس انا اللي اشوفه خال.
ناصر من دون اهتمام لاخته: يالله يمه اترخص منج بروح عند الربع .. قام ناصر وزقر على نورة

برع عندالباب
نورة بعتاب: شتبي مني
ناصر: الله اختي .. مالج نفس تكلمين اخوج .
نورة: تغشمر علي وحاربني جدام شيخوه الدعله
ناصر: تاكل تبن شيخوه اتي حذالج والمثل يقول ولا تلقي على السفيه جوابا..
نورة: هاذا اهو ..
ناصر: خلاص صافيه لبن سمعيني نورو .. ابيج تتصلين اليوم بنوفه بنت خالتج وتقولين لها اننا بنيي لهم
نورة بمرح: هااا بدينا بالمواعد
ناصر: جبي زين والله انها وحشتني من اخر مرة كلمتها صكت التلفون بويهي وما كلمتني من بعدها
نورة: وانت من صجك تكلمها بالتلفون صج قلت الخيرة يا ولد بدر ..
ناصر: تكفين نورو عصبن عني بتينني البنت بموت فيها ولا اهي حاسه فيني
نورة بخبث: تحبها..
ناصر يسند نفسه بيده على الطوفه: واكثر من ما تتصورين
نورة: انزين حبيبي تامر امر اليوم اتصل فيها ..
ناصر: يعلني مااخلى منج يا بعد روح بابوه هههههههههههه
نورو: يعلك العافيه ما ظل الا بابوه وشيخو من لها بعدين
ناصر: ههههههههه وانتي الصاجه
راح ناصرعن نورة وعلى وقت المغرب اتصلت في نوفه
نوفه: هلااااااااا بهل النزهه شخباركم شلونكم وينكم قاطعينا
نورة: هلا فيج يا بعد قلبي وحشتيني حيل نوفو
نوفه: ما بين وينكم بعرس قُمر ولا نسيتو غلاها ربيبه سبع
نورة: انتي تعرفين ابوي ومخاصمه ويا ابو خليل ..
نوفه: ايييييه معلينا يالغاليه ابو ناصرومعروف بطبايعه بس هديه خالتي الله يخليها ولا احلى قُمر بتستخف عليها
نورة: الا شخبارها

يتبع

نوفه: عال العال للحين بايطاليا ويا روميوها ههههههههههه
نورة: الله يهنيها ان شالله .. أقلج .. لج سلام حار مغلف بدقات القلب ومعطر بجوري الحب هههههههههه
نوفه عرفت قصدها شنو: والله ما نبي سلامه وخله يولي ولا يجابلني سامعتني خبريه شقردي..
نورة: هههههههههه نوفو حرام عليج نصور يموت عليج وهو موصيني اخبرج اننا بنييكم بزيارة يوم الخميس
نوفه: حلللللللللللفي هاذي الساعه المباركه بس الشقردي لا تييبونه وياكم
نورة: لا حبيبتي اهو الاصل ولاابوي لو نموت وما يقطنا عيل احنه شنو اللي عطلنا بعرس قُمر مو اهو
نوفه: اييييييييييه تنور الجهرا بييتكم يالغاليه ..
نورة: النور نوري ههههههههههه ولا انتي ناسيه ههههههههههههه
نوفه: هههههه لا والله ما نسينا ومرة وحده نورو بنعرفج على بنت عمنا مريم حليلها اتينن تستخفين من الضحك وياها ..
نورة: يصير خير يالغاليه اللحين بخليج تامريني بشي
نوفه: ذكر الله ياطويله العمر
نورة: هههههههههههه مسافرة انا
نوفه: مافيها شي الغاليه
نورة: لا اله الا الله يالله مع السلامه
نوفه: الله يسلمج

سكرت نورة عن نوفه ونزلت تحت شافت ناصر وخبرته واهو طلع من اول ما سمع الكلام وراح يتصل في نوفه
نوفه شافت رقمه وسوت ريجكت للرقم.. سكرت جهازها ونزلت تحت ويا خواتها ..
ناصر تسكرت الدنيا بعيونه وقعد يدز صور ومسجات ليما تعب ورد داخل ..
نوفه ويا امها وخواتها
نوفه: يمه خالتي ام ناصر بتيينا يوم الخميس ان شالله
ام خليفه تهلل ويها: حياها الله زارتنا البركه والله وحشتني خويتي ام ناصر
مروة : لا يكون بس بتييب وياها بناتها والله مااشتهيهن
نوفه: انتي منو تحبين بالله عليج غير روحج
مروة : احب امي الغاليه العزيزة
ام خليفه: ايييييييه شوفوا شتبي مني هالشقرديه ويايه تتلزق
مروة : افا عليج يمه انا اتلزق اصلا انا احبج يمه .. من زماااااااااان يالله يمه مده يدج 100 دينار
ام خليفه: حشى عليج مرووو مو توني ماعطتج 50 قبل يومين
مروة : يمه ما يكوفون وانتي تدرين الجامعه على الابواب..
ام خليفه: امري لله والله ماادري وين تصرفين هالفلوس
مروة : بالحلال يمه بالحلال

في دار طلال
طلال: ههههههههههه حياتي بسج عاد ذبحتيني من الضحك
وسيمه: سلامه عمرك حبيبي ماتشوف شر اذبحك انا شنو بنت اللحام
طلال: ماادري علامج مزوده البطاريه حبتين اليوم
وسيمه : من الحب حبيبي من الحب .. تصدق قمت اتكلم بروحي لين مااكون وياك
طلال: حاسبي على عمرج حياتي تراج غاليه ما تنفعيني بينونج
وسيمه بدلال: اهون عليك تقول لي جذي
طلال: والله اللي خالقني محد علقني فيج الا خبالج ولا منو بهالزمن يحب وحده اسمها وسيمه
وسيمه: انت حياتي انت.. احبك طلول
طلال: الله يا حياتي احبج اكثر عنج بمليون مرة انتي عمري وانتي حياتي وانتي غناتي وابوي
وسيمه: الله الله الله كل هاذول فيني وانا اقول من وين لي الكيلوات اليداد..
طلال: خخخخخخخ من حبي لج الغاليه ..
وسيمه: بس عاد بسك مغازل وقول لي . شخبار قمور
طلال: والله بخير.. كلمتها قبل سبوع وكانت بخير تسلم على الكل
وسيمه : الله يسلمها .. حبيبي الوحش اخوي شكله وصل بسكر عنك
طلال: اوووووووووف انتي اخوج هاذا ما بيموت
وسيمه: سلامه عمره حرام عليك تحرق قلب امي
طلال: والله محد بيذبحه غيري عندي شوزة بسيارتي شرايج اروح اقنصه اليوم
وسيمه: طالع هاذا تبي تدخل سجن يعني فيه خله ما يستاهل .. يوم اللي بنتزوج ما بيقدر يتكلم لي
طلال: ااااااااااه وسوم حياتي متى بس متى.. متى ادخل الكليه واتزوجج وافتك وانييب من بعدها عبادي حبيبي يلعب ويا الضب والفار والتيوس
وسيمه: يعع عليك هاذا تفكيرك صج مسطح
طلال:هههههههههههه سطحي حبيبتي سطحي
وسيمه: never care يالله حبيبي باي
طلال: خهههههههههههههه باي حياتي في بيت سبع بن ضاحي جاسم كان قاعد يتسمع اغاني يوسف المطرف وبالتحديد اغنيه كشفو سر الهوى.. صار له اللحين شهر واهو مو بوعيه وغرقان بحب لولوة.. يبي يكلم ام خليل عنها بس مستحي وينتظر ليما ايي خالد من السفر ..بس ماكو راحه بلياها .. شلون حبها جذي.. اهو صج بسرعه يحب الحلوات بس لولوة ملكت مشاعره كلها .. الله يهنيج يا لولوة بقلبي وروحي ويرزقني الخير بحبج يالغاليه

في بيت بو خليل بن ضاحي ام خليل وحرمه خليل ومريم كانوا يسولفن عن المرحوم عبد العزيز ويتذكرون ايامه
ام خليل بحزن: من مات بو سعود كل شي تغير وكل شي تبدل والقطيعه سادت بين الاخوان والخوات..
وضحه مرت خليل: ايه خالتي وانتي الصاجه بس اللحين خالد تزوج قُمر وان شالله بزواج مريم وسعود كل شي بيتغير وبعد لا ننسى ضاري ومطلق والرعبوب حمود واحد لمروة والثاني لنوفه والثالث لولوة ارفيجه قُمر حبابه وحليوة ويا حظنا لو تدخل العايله
ام خليل: وانتي الصاجه حبوبه البنت وتدخل القلب واصيله بعد ولو انهم مو بدوو..

يتبع

مريم واهي رافعه حواجبها بغرور: اصلا لولوة ما بتتزوج الا عمي جاسم وهاذا قرار نهائي
ام خليل: وانتي من موكلج على هالسالفه لا يكون بس مشتغله خطابه
مريم بحرقه قلب: لو خطابه جان خطبت لروحي مو قبلت بهالزواج اللي حيا الله مني والدرب
ام خليل: هاذا ولد المرحوم الغالي مو أي واحد وان شالله من بتلقين احسن منه
مريم: أي واحد .. ألا اهو ..
ام خليل: يالله عاد لاتقلبينها لنا فلم هندي..
مريم: انزين انزين .. بس عمي جاسم ما بياخذ الا لولوة.
وضحه: والله مادري يا مريم بس عمج هالايام مختفي عن عيوننا ..
مريم: احم احم .. الغايب عذره معاه
بدخله خليل: الله الله وانا اقول منو اللي اييب طاريي اثاريها حبيب قلب اخوها
مريم بدلع: ايه والله منو غيري يعني
انيي لخليل شويه .. ذكرناه في بدايه القصه بس بالكلام وما تعمقنا بشخصيته وراح انتعمق لان خليل راح تكون ماساته متوحده وفريده من نوعها...
خليل شاب ولا كل الشباب اخو خالد الاكبر عمره 33 سنه اول العنقود.. دس بجامعه البترول والمعادن بالسعوديه وتخرج بس استنغنى عن كل الشركات وانضم الى شركه العايله الجبيرة.. تلبيه لرغبه ابوه وعشان يملي مكان عمه المرحوم .. حباب وحليو وراعي سوالف ونكت .. وكل شي راح يتغير بحياته بسبب المصايب اللي بتحل على حياته فجاه..
وضحه: الله وامرى اللحين يعني انا مااذكرك
خليل يلس يم مريم: والله ماادري .. قلبي اليوم كان يدق يدق بعنف وقوة وانا يبت اسمج عشان اشوف يهدى لكن ما هدى .. قلت اكيد مريوم ولا ست الغوالي ..
وضحه بزعل وقامت: عن اذنج خالتي شكله الوحام بدى عليي
وراحت وضحه واهي حاقرة ريلها
مريم : ههههههههههههههههههههه كفك بو برهوم حرقت دمها ههههههههههههههههههه
خليل: ويلي ويلاه منها بانزين هالحرمه بسرعه تحترق ههههههههههههههههه
ام خليل: من الحب يا ولدي والله الحرمه ما يحترق دمها الا بسبه الغيرة والحب
مريم: هاااااا يمه قمتي تتكلمين بلسان نزار قباني ..
ام خليل: نزار منو
خليل بغشمرة: يما نزار قباني .. هاذا شاعر سنافي يمه يتحدى حامد زيد
ام خليل: يذلف اهو وربعه ما ايبون ولد الطيب حامد اقلك ان تعرفه وصل له كلامي
خليل: بسم الله علي يمه تبين تموتيني الريال مات وتحولت عظامه الى رميم
مريم: ههههههههههههههههههههههههههههههههههه خلول والله انك ذبيحه
خليل: هع هع هاذا انا خلول بن برهوم كفج مريم بس كفخ
ام خليل: خليل
خليل يحاول يتناسى التهزيبه: قلي يا خلي من اللي ياخذك مني وانا اللي توقف ايامي في بالي .. وضحو يا حبيبه قلبي ويحك اين انتِ؟
مريم: انها بخيمتها تحلب اليوهرة
خليل: خيمه تهب على راسج وبقرة تسقي من مرعاج لاتتغشمرين عليها .. بنت العرب هاذي فديت خشمها الزعوله .. يالله انا بدخل اللحين ارفعن اياديكن بالدعاء اطلع سالمن غانمن فايزن بحربي ويا بنت الدانه
مريم نقعت من الضحك على اخوها وكلامه وام خليل بسذاجه رفعت يدها: منصور غانمن يا ولد نيمه ..
خليل: لو سمحتي .. بن ابراهيم .. ريال شكبري شيبي برز تقولين لي ولد نيمه الله يخلي خلود وين راح
ام خليل: اااااااااااه على خلود اثاريها سحرته بنت سعد يحليلها والله قُمر بن ضاحي ..
مريم: ايو الله اثاريهم اللحين يتوسدون ثرى بحر باليرمو ويتكلمون باسرار العشق والغرام
خليل: صدقتي يا بقرة امج الغاليه .. بس والله ما يتحدوني بالغرام انا ووضحو
مريم باهتمام: صج صج علمنا علمنا
خليل توه بيتكلم ورفع حاجب على مريم: ها مريوم .. اشوفج ميته على هالسوالف شهالحركات
مريم انحرجت: اعنبووووووو شقلت انا انت اللي فاضح عمرك
خليل: جب ولا كلمه .. اخر مرة اسمع منج هالكلام لا ماكو حب شمسي باجر
مريم: خل الحب لروحك ماابي شي منك
خليل: انزين قومي قصي لي يحه
مريم: يحه هالحزة حشى ولا بصراوي
خليل: ايه انتي صاجه بس انا احاول العب بالوقت قبل لا تلعب النظرات بعمري .. اثاريها وضحوا اللحين مشخطه الدار بروحتها وييتها ولا موتر بو قزوز دبابه تنتظرني .. بروح لها والله يحليلها يمه قط شكرتج على حبيبتي وضحه
ام خليل: مليون مرة
خليل: فلتجعليها المليون وواحد .. 1000001 عدل مريوم
مريم: هههههههههههههههههههههههههههههههههههه عدل عدل ..
خليل بطريقه ساخرة: في امان الله اماه انا رايح الحرب .. مريم عدلي خشمج بس عشان الدرب..
نقعن الحريم على خفه دم خليل وراح عنهن يراضي وضحه
دخل عليها الدار: ليله .. لوباقي ليله .. عمر ي ابيه الليله واسهر .. بليله عيونك ذي ليله عمر
ما تعطيه ويه واهي تسحي شعرها الطويل
ويكمل مغني زمانه: وضحه يا وضحه وشكثر انتي جميله
وضحه بغرور: ادري من دون ماتقول لي ..
خليل: اوووووووووف خليني اشوف حرارتج (يحط صبعه بالماي اللي على الطاوله ويمس يد وضحه) فيششششششششششششششششششششش حريجه وضحو اعنبوج بتيننيني هههههههههههههههههه
وضحه بعصبيه: خليل تراك ذبحتني بالغشمرة انا من صجي معصبه وانت تتغشمر
خليل: هههههههههه شسوي فيج يا عمري .. الدنيا يومين ومن يدري باجر انا اموت وانتي بتظلين يعني جذي معصبه علي
وضحه: قص بلسانك لا تقول جذي. .الله لا يحرمني منك يا بعد روحي
خليل: ااااااااااااااااااه يا قلبي تحبيني وضحه
وضحه وشوي شوي تنسها زعلها: مو بس احبك.. انا روحي فيك
خليل واهو يمثل بالعوار: وانا اقول علامي احس بالطيران الا من روحج الحرة يالدلوعه..
وضحه: انا مو دلوعه.. بس انا ابيك تدللني جدام هللك
خليل: ما له داعي ياعمري .. حنا مفضوحين جدام الاهل ,, حتى ان الناس يعرفونا من بعيد لين نمر .. كاهم العاشقين .. وضحه وخليل .. كاهم هناك كاهم هني .وين الدفتر وين القلم ابي التوقيع

يتبع

وضحه: هههههههههههههههههههههه يالمايع
خليل: افاااا اانا مايع ..
وضحه: واحلى مايع بعد شعندك
خليل: ما عندي شي اخر دينار صرفته على البانزين
وضحه: من يوم ورايح لازم تخصص.. ولا نسيت البيبي
خليل: انا انساه .. يخسي اهو واللي يابوه الا ناطره على احر من الجمر .. الا اقول لج ما تحرك اليوم ما تكلم وياج ما دق ..قاطع هاذا من شهرين ما ندري عنه
وضحه: باجر عندي موعد بالمستشفى حقه ..
خليل: اييه اقول لج ان تكلم وياج وطول لسانه على طول حوليه لي وانا بتصرف وياه اوكيه حياتي
وضحه: يا ربي متى بتصير جاد انت بحياتك
خليل: اممممممممممممممممممممم ابدا .. شرايج
وضحه: هههههههههههههههههههههههههههههههههههههههههههه احسن

جاسم حس حاله متضايج وايد ويحس بالكابه وماله الا خالد يفش له مزاجه
اتصل فيه لقى تلفونه مسكر .. فكر يصل بالبيت ومرة وحده يكلم قُمر اللي وحشته حيل
اتصل على البيت وظل التلفون يرن ليما انرفع
انابيلا: bin thahi mansion
جاسم تورط .. شكلمها تطلع لي ايطاليه واخربط وياها: hi this is jassim bin thahi where is gomar
انابيلا: just a moment sir
خذت انابيلا التلفون لقُمر اليالسه بصاله التشميس ضايعه بحزنها
انابيلا: phone call from mr jassim
قُمر: هاتيه ..( لعمها) الووووو
جاسم: الواااااااااااااات ملايين هلا بالغاليه مرت الغالي
قُمر تبلع الغصه: هلا عمي هلا الغالي .. شخبارك
جاسم: ابخير الحمد لله انتو شخباركم شعلومكم
قُمر بصوت حزين: بخير عمي عايشين وحشتوني عمي وايد وحشتوني
جاسم حس ان السالفه فيها غلط: وانتي اكثر قمور.. علامج قُمر فيج شي
قُمر توهقت ويا عمها شتقول له .. جاسم وايد دقيق ويلاحظ اقل تغير لذاحاولت تغير النبرة: سلامتك عمي مافيني شي بس مليت من هني ابي ارد لكويت
جاسم: بعد عمري والله بس خلاص قولي لخالد واهو ما بيرد طلبج
قُمر: ادري عمي ادري..
جاسم: ايه قُمر .. وصيتي فيج اهو خالد .. تصبري عليه .. تراه يحبج ويعزج
حتى انت يا عمي انقص عليك .. مسكين انت يا عمي : ان شالله عمي اللي تامر فيه ..
جاسم: عفيه على البنات الا وينه خالد
قُمر: طلع راح يسوي جم شغله وبيرد من بعدهن ..
جاسم: ايه الله يوفقه .. يالله حبيبتي اخليج وراي شغل
قُمر: براحتك عمي ... توصيني بشي
جاسم: ذكر الله يالغاليه
قُمر: ااااااااه ونعم بالله
جاسم :مع السلامه الغاليه
قُمر :الله يسلمك
سكر جاسم عن قُمر واهو يحس بشي غلط قاعد يصير.. قُمر صوتها كان حزين وكانت تتكلم من قلب ومو معقوله ان كان يصير اللي خالد يقول عنه وقُمر تظل جذي تعبانه .. تعوذ من بليس وقعد على النت يحس بالسخف من حاله ليما يقعد على النت بس شيسوي يقضي وقت.. قعد يصمم خلفيات فلاشيه باغاني راشد المايد بحيث يطلع الكلام من البحر او كدموع او يفتح رساله ويطلع منها الكلام .. ويكتب من تحت عاشق اللولو.. حس بالوحده.. صار له اكثر من 3 سنوات يعيش لحاله من بعد وفاه ابوه .. بيت شكبره يعمر ديار واهو يالس فيه لحاله .. وتخيل لو لولوة كانت زوجته .. يا الله راح تكون احلى عيشه وياها ..

صارت الدنيا ليل وخالد للحين ما رد .. الشكوك بدت تتصارع بقُمر بس قلبها المجروح يتمنى لو انه ما يرد ابدا .. ولا تضطر انها تشوفه او تتعامل وياه ابدا .. قعدت تفكر لو ردوا الكويت شلون بيعيشون مع بعض .. راح يعيشون في بيته .. بغرفه وحده واهي ماتبي.. بتخليه يشتري لها بيت او شقه ليما تتقوى على نفسها وتطلب منه الطلاق.. نزف قلبها مرة ثانيه.. الطلاق.. انا اصير مطلقه.. انسانه منفصله عن زوجها.. شالحياه اللي راح اعيشها .. شهالموت البطيء اللي ناويته على عمري .. ليش .. انا ليش يصير وياي جذي.. بس ماعليه .. ابلعها واهي بارده.. بس مستحيل اعيش ويا خالد بمكان واحد وانا اعرف ان قلبه يود وينشد غيري.. مستحيل..
خالد كان قاعد بالحديقه .. من زمان وصل البيت بس ما حب يدخل داخل .. ما يبي يشوف قُمر ويشوف اجرامه فيها .. قعد بالحديقه واهو يتنسم الهوا اللي يمر عليه وكانه رحمه من الله عن العذاب اللي يعيش فيه .. ليش ندى سوت جذي في حياته .. مو كفايه انها رفضته وخلته يتزوج قُمر .. واخيرا يوم بدى قلبه يحب قُمر تدخلت مبيناتهم وهدمت كل امل وذبحت كل امنيه بقلبه .. طلع علبه الزقاير شافها فاضيه.. هاذا ثالث علبه يخلصها باليوم الواحد .. ولا يحس بعد بالراحه .. حس باليوع ينهشه واخيرا قوم نفسه عشان يدخل البيت.
قُمر كانت يالسه بصاله زجاجيه اضيفت حديثا بالبيت.. كلها جزاز وتكشف اللي داخل وتعتم من برع .. قعدت تتنسم الهوا اللي يمر بالصاله من الدرايش المفتوحه .. كانت هلكانه وتحس بتعب الدنيا كله فيها
خالد دخل البيت وسكر الباب.. رمى الجاكيت اللي كان حامله وبوكه وساعته وراح للمطبخ
ستيلا: good evening sir
خالد: hello stilla.. Where is gomar?
ستيلا: she is in the sollarion hall do you want me to serve the dinner?
خالد: yes please
راح خالد عنها .. ما يتذكر انه امس شوي ويذبح ستيلا يوم عرفت انها حبست قُمر بالدار.. راح عن باله وقف عن باب الصاله واهو يطالع قُمر .. كان منظرها اثيري .. واقفه وشعرها مفتوح عاقده ذراعاتها ومغمضه عيونها تتمتع بالنسيم .. تمت على شكلها جذي ليما اهو قطع الهدوء
بصوت يذوب له الصخر: قُمر ..
قُمر انتفضت.. صوت خالد .. لدقيقه وحده نست امس بس ابتسامتها وجعت خدها المتورم وتذكرت.. فتحت عيونها وملامحها متغيرة والتفتت له
قُمر: وايد تاخرت.. على مااظن مو اليوم بنرد لروما
خالد واهو واقف مكانه: ايه .. ماكو رحلات .. خبرج الوقت صيف وكل الناس اتيي على ايطاليا.. باجر بنطلع من هني بنروح روما ويمكن نمر ميلان ومنها نرد الكويت
قُمر باستغراب: حسبت ان ميلان ما راح نطبها مرة ثانيه
خالد واهو يقعد: لا مضطرين لان هناك عندنا طيارة خاصه وتقدر تردنا الكويت
قُمر ما ردت.. ومشت تطلع من الصاله
خالد بصوت تعبان: وين رايحه
قُمر فز قلبها: بروح داري
خالد يطالعها: ما بتتعشين وياي
قُمر من دون ما تلتفت له: ماابي اكل
خالد: قُمر لازم تاكلين
قُمر تطالعه باشمئزاز: اللحين شنو .. قبل كان واجب اللحين شفقه
خالد : لا يا قُمر...
قاطعته: بس عيل.. قلت ماابي .. يعني ماابي...
خالد باستسلام: على راحتج
وكملت قُمر دربها .. اهو بعد كان تعبان مثلها .. ما قدرت تحط عيونها بعيونه .. تخاف تضعف جدامه .. راحت دارها بسرعه واهي تمسح دمعه ساخنه حرقت روحها قبل خدها..

يتبع

خالد قعد مكانه واهو متلوم حييييييييل على نفسه.. للحين ما يقدر يصدق انه مد يده على قُمر .. قُمر الضعيفه إلى مالها قوة.. اللي قالته من غير قصد من حرقه قلبها .. تبي تجرحني مثل ما جرحتها.. وانا عاقبتها بهاذي الصفعه اللي تدوخ الواحد .. الله يعينه ليما يردون الكويت .. الحرب راح تكون حاميه بالكويت .. لانهم بيعيشون بدار وحده وخالد من المستحيل يطلع بره بيتهم ..
زهب العشا وقعد ياكل بهدوء على الرغم من يوعه القاتل.. شرب من بعده قهوة ويا حبوب مسكن للالام لان يده تالمه .. استغنى عن الدار وانسدح على احد الكراسي المريحه وراح في سابع نومه..
قُمر كانت يوعانه بس لان خالد اللي عزمها ماحبت تروح تاكل وياه .. ما تبي تشوف رقعه ويهه .. الحقير النذل .. يحاول يرد كل شي على طبيعته لكن مستحيل.. تمت بدارها ودقت جرس للخدامات ايبون العشى لها فوق..
انابيلا اللي ياتها بدال ستيلا ..
قُمر: انابيلا وينه خالد
انابيلا: استاز خالد نايم تحت.. هيئته كتير تعبان .. ايده ع الجفصين
قُمر: ليش اهو متعور
انابيلا: ما بعرف ستي صحى اليوم وطلع واجا هيكي .. بدك شي تاني
قُمر: لا سلامتج .. شكرا انابيلا
انابيلا: العفو ...

اهو صج قال لها اليوم الصبح انه بروح المستشفى لان يده تالمه .. بس لانها ما شافته ما لاحظت الجبيرة .. من شنو متعورة يده .. والله انا شيهمني .. لو يتكسر بكبره ما يهمني .. وقعدت تاكل ..
خالد كان راقد بسابع رقده واهو على الكرسي.. ما يحس بولا شي .. حتى انه كان ماد يده باستسلام .. قُمر نزلت بعد ما ملت من القعده لحالها .. دخلت الصاله وما شافت احد التفتت عشان تطلع وشافت خالد .. كان مثل الميتين برقاده .. خافت .. وحست بالرعب راحت عنده بهدوء.. تبي تتحسسه ان كان ميت ولا لاء.. كان ماد يده ويتنفس بهدوء .. راحت قعدت عنده بكل هدوء واهي تراقب ملامحه .. بعد تفكير راحت جريب من ويهه عشان تحس لنفسه.. جربت وجربت واخيرا حست لشي.. كان يستنشق ويزفر بهدووووء تام .. شم ريحتها وقعدت يبتسم يفكر نفسه بحلم.. قُمر تطالعه وتطالع شكله قاعد يتبسم ومرة وحده خالد قعد يتكلم برقاده : قُمر .... ماابي .. ليش لازم ... بعد ما حبيتج...

دق قلب قُمر من كلام خالد .. يتكلم واهو راقد .. ويفكر فيها .. يحلم بها .. وليش يعني .. اهو ما يحبني .. وشقاعد يقول . .لا يكون صاحي وهاذي تمثيليه من تمثيلياته .. توها بتقوم عنه الا ويرن التلفون .. كان الجو هادئ وسكون وطلع صوت التلفون مرة وحده وقُمر انتفضت على مسمعه وطقت يدها بيد خالد وواتعى .. كان منتفض ما يدري شصار
خالد: قُمر.
قُمر كانت يمه ومن دون وعي: لبيه
انتبه لوجودها .. ما يصير كان يحسب انه يحلم فيها بس اهو شم ريحتها ليش قاعده يمه ..
قُمر حست بالحرج من نظراته:......... التلفون
انتبه خالد له وقام يرد عليه: الو ...
جاسم: الو .. خلوووووووود
خالد يطالع الساعه... الساعه 10 بتوقيت فينيسيا معناته الساعه 11 بالكويت ..
خالد: هلا هلا جاسم .. شخبارك
جاسم: تمام الحمد لله .. انت شخبارك
خالد يطالع قُمر ويطالع يده .. شالمفروض يكون حالي .. بظيج: الحمد لله عايشين
جاسم حس بنفس اللي حساه يوم كلم قُمر: متاكد؟
خالد يعرف جاسم وتاكد انه حس بشي: ايه .. خلك مني وقول لي شخبار الاهل ..
جاسم: انا متصل فيك عشان اخبرك ان مريم ملجتها بعد سبوعين على سعود ولد اخوي المرحوم عبدالعزيز
خالد نسى همه وبدى له هم ثاني .. مريم تتزوج .. ومن منو.. سعود : شنوووووووووووووو
جاسم: علامك يا خالد .. مريم بتتزوج من سعود .. تقدم لها قبل سبوعين وابوك وافق ..
خالد :ومريم.؟
جاسم: وافقت
خالد انصدم: صج؟
جاسم: أي صج علامك مومصدق.. سعود تراه ولد عمها مو أي غريب
خالد: يعني لازم تعيدون نفس الكلام بكل عرس.. ولد عمها يعني خلاص خلصوا الرياييل.
قُمر انتبهت للي يقوله خالد .. بس ما قدرت تفهم هل اهو يرثي حاله ولا حالها .. وزاد حزنها وقامت تروح دارها .. واهي تمشي مسكها خالد من يدها عشان تنتظر
خالد: أي جاسم .. بعد يومين احنا بالكويت .... بس خلاص ملينا من ايطاليا... لا مانبي نروح مكان ثاني ..... اههههه يمكن ..... ... لا اله الا الله .. الله يسلمك .... ان شالله ع هالخشم جم بو محمد عندي ..... ههههه اكيد ... الله يسلمك ... الله يسلمك ..
سكر خالد التلفون وقُمر واقفه يمه..
خالد من غير تصديق: مريم بتتزوج ... من سعود ولد عمي عبد العزيز .. واهي وافقت
قُمر بسخرية: ما كفاهم معزة وحده يابوا الثانية يخلصون عليها ....
راحت قُمر عنه لكن يد خالد كانت أسرع ومسكها
خالد: شقصدج قُمر
قُمر : قصدي واضح .. وحده الغبي اللي ما يفهم ..تسمح تخلي يدي ..
خالد هد يدها وراحت عنه قُمر.. وقبل لا تركب الدري
قُمر بحقد ولؤم غريب: بس قبل أي شي تأكد ان قلبه مو مملوك لغيرها لا بعدين تنسم وتكره حياتها ..

يتبع

تألم خالد زود من كلام قُمر .. جرحها عميق وينزف بغزارة .. بس اهي صاجه.. لو ما تزوجها واهو على حبه لندى جان ما صار اللي صار ولا راحت روح قُمر الطيبة ..يحس نفس مجرم .. مجرم بحقها ومجرم بحقه ومجرم بحق ندى بعد .. ما يدري عن ندى .. أكيد ردت لندن من بعد تهزيبه أمس .. والا منو بظل من بعد الكلام الجارح اللي قاله بس اهو أتخذ القرار المناسب.. لقُمر وإكراما لزواجه اللي ما يدري شنو مصيره من بعد اللي صار أمس .. بس مستحيل يترك قُمر لو كان هذا الشي اهي اللي تبيه .. مستحيل يفرط فيها وفي زواجهم اللي صار بالنسبه له حبل النجاه من بعد ماكان حبل المشنقة..
الفصل الثاني............
تلبست قُمر وقعدت تنتظر انابيلا تناديها عشان تنزل .. تبجي على شهر العسل اللي انتهى قبل لا يبدى .. صج انه اتعس شهر عاشته بحياتها .. خسرت روحها ... وخسرت دفترها.. وخسرته اهو .. اللي ما يتعوض .. خالد ... تنزل دموعها بغزارة واهي تمرر يدها على كل شي بالجناح .. الكراسي .. الطاولات .. المزهريات المليانه بورود الاوركيد الابيض.. تبتسم واهي مجروحه.. تتذكر طلعه ذاك اليوم قبل لا تهب عاصفه ندى على حياتها .. بس الحمد لله ان الحقيقه انكشفت لها قبل لا تغوص اكثر بحب خالد .. مع ان قلبها تعلق فيه وفي هواه الا انها بتحاول تموت هذا الحب ولو كان اخر شي تسويه بحياتها..
انطق الباب وقُمر تمسح دموعها بنعومه وترد: تفضلي انابيلا..
ما كانت انابيلا..: انا خالد ...
التفتت له قُمر .. ودموعها سيلان يهز القلوب المتحجرة .. نست حقدها وانتقامها للحظه وقعدت تلومه وتعاتبه بنظراتها..
كان واقف بهدوء وجسمه مايل من التعب اللي فيه .. معدته تصرخ بانواع الاالام الغريبه اللي عمره ماحس بمثلها .. بس متحمل عشان يردون الكويت باسرع وقت.. دموعها كانت بمثابه لسان حالها المزري .. تطالعه و عتب القلوب واللوم المذيب موجه له ..
خالد بحزن: الوقت صار .... قبل لاتفوتنا الرحله
قُمر ما ردت عليه .. ظلت تطالعه بنظرة العتاب... واهو ما عاد يستحمل اكثر
خالد: قُمر تكفين. .خلينا نطلع من هالكابوس .. ونرد للكويت ..
قُمر تبتسم بالم: كان من الممكن ان يكون هذا المكان الجنه .. الحلم الوردي .. حلم الف بنت وبنت تمنى السعاده الشرعيه ببدايه حياتها الزوجيه .. بس انت من الانانيه انك قضيت عليها .. وقضيت على حياتي .. وتناسيت حقوقي عشان نفسك .. الله يجازيك كل الخير خالد .. على اللي سويته فيي.
تمت تبجي وملامحها متعذبه .. خالد زادت الامه .. ليش تقول له جذي .. تسم روحه وتجرعه العذاب .. اهو يحبها .. ليش ما تصدقه
خالد: قُمر .. انا احبج .. علامج ما تصدقيني .. ليش تقولين لي هالكلام اللي يذبحني بكل مرة اضطر اني اسمعه..
قُمر تمسح دموعها وتحمل جنطتها ومن دون ما ترد تطلع من الدار... ويظل خالد .. يسترجع ذكريات ذاك الصباح اللي كان مقرر انهم يطلعون .. كانت قُمر شي .. وقُمر اللي كانت هني قبل شويه شي ثاني
ليش الحياه لازم تتعقد ..مستحيل يعني يعيش حياته بهدوء .. مستحيل يلاقي الراحه اللي الكل يتمناها .. هل هذي انانيه ولا حرام عليه .. ماقدر يستحمل اكثر وطلع من الدار .. قبل لا يطلع حس بشي تحت ريله .. باعدها لقى السوار الابيض اللي كانت قُمر لابسته .. قفله مكسور ومطروح على الارض.. شبيه بحاله زواجه ويا قُمر .. رفعه .. شمه وباسه وحطاه بجيب بانطلونه ..وطلع.
بعد ما طلعوا بنص ساعه ندى كانت واقفه عند الباب .. متوترة وخايفه من رده فعل خالد لو شافها بالبيت.. بس اهي لازم تتكلم وياه اهو وايد عصب عليها بس مستحيل يكون عنى الكلام اللي قاله ..
دقت على الجرس واخذت نفس..
ندى: bon jorno ..ke seniore kalid
ستيلا لاحظت اللغه المكسرة وردتعليها بالانجليزي: good morning mr khalid idnot here he left last night back to his home!
ندى انصدمت.. رد البلاد .. بهاذي السرعه.. ليش؟؟
ندى بلعثمه: ok thank you..
ستيلا سكرت الباب وندى مشت بطريج غير واضح لها .. خالد رد الكويت .. ليش.. ليش واهو يدري اني هني بايطاليا علشانه .. شقصده من هاذي الحركه.. لكن وين بيروح عني .. بروح له الكويت..


على الطيارة قُمر كانت هاديه اكثر من المتوقع .. اهي كانت متوترة من الطيران بس قوت نفسها على خوفها السخيف.. بدت تحس بحياتها سخيفه .. تعيش تحت ظل كثير من المخاوف اللي ما تنفعها بشي .
خالد كان قاعد واهو مسند راسه .. الام بطنه كل ما ايي لها تزيد .. الدوخه زادت عليه وجبينه يزخ عرق.. يحس بالمرض .. اكيد يده اهي السبب ... بلع حبوب مسكنه للالام وحاول يرقد بس ماكو وقت..الرحله قصيرة من فينيسيا الى روما .. لذا بس غمض عيونه .
في الجهه الثانيه كانت بنت عربيه قاعده واهي تمسح دموعها .. قُمر استعجبت منها .. مسكينه تبجي من يدري شفيها .. سكتت عنها لمده خمس دقايق بس بطبيعتها الطيبه ما قدرت تصبر اكثر ..
مدت يدها بالكلينكس للبنت بابتسام: هاااج
التفتت لها البنت وشافتها قُمر .. بنت حلوة ملامحها هادئه وعيونها متورمه من البجي ..
خذت منها الكلينكس : شكرا..
ابتسمت لها قُمر وسكتت عنها.. بس البنت ما فارقت بالها .. وردت لها
قُمر بحنيه: من الخليج.
البنت: السعوديه ..
قُمر: حيا الله هل السعوديه
البنت بابتسام: الله يحيكِ.. وانتي ؟
قُمر: من الكويت.
البنت وكانها تذكرت شي مؤلم: هلا والله ...
قُمر: شسمج
البنت: منايات
قُمر: هلا والله منايات.. انا قُمر
منايات: اسم على مسمى قُمر عاشت الاسامي
قُمر: عاشت ايامج .. علامج تبجين
منايات: امي توفت قبل سبوعين .. وقعدت تبجي مرة ثانيه

قُمر حست بالحزن على البنت.. امها تتوفى بالغربه ومبين ان ماكو احد معاهن: عظم الله اجرج يالغاليه الله يرحمها ويغمد روحها الينه
منايات: اميين يا رب العالمين
قُمر : ما عليه.. الغاليين لازم نخسرهم بس الامتحان يكون ليما نتقبل حكمه ربنا ونرضى فيها ..مو؟
منايات تسمح دموعها الغزيرة: صح .. بس امي كانت حيل غاليه علي
قُمر شوي وتبجي: الله يرحمها.. ماكو ام بالدنيا مو غاليه على قلوب عيالها .. (تذكرت امها وقعدت تدعي لها بالصحه والعافيه)
منايات: صدقتي .. الله يرحمها ويجعل مثواها الجنه يا ربي..
قُمر: امين
منايات: اسفه اختي ظيقتك معايا بس غصب عني اعمل كذا
قُمر: لا ماعليه .. غاليه وعزيزة ..
منايات: الله يخليكِ قُمر..
تلتفت لخالد وترد لها: اكيد زوجك ؟
قُمر: ايه زوجي .. رادين من شهر العسل
منايات: الف مبروك .. ولو انها متاخرة
قُمر بابتسام: الله يبارج فيج ...
ابتسمت لها منايات والتفتت عنها واهي تغمض عيونها .. قُمر عيونها دمعت وحست بالحزن على البنت .. كانت تظن ان ماكو احد حزين مثلها .. لكن كاهم الناس يخسرون اعز الناس على قلوبهم ويتصبرون من دون أي انذار .. الله يرحمج يا ام منايات والله يخليج لي يا يمه.
التفت لها خالد واهي تمسح دموعها .. بعدها تبجي قُمر .. والله ما تدري انها تعذبني بدموعها
خالد بحنيه: قُمر علامج ..
قُمر تشهق بالبجي: ما فيني شي..
خالد : تكفين قُمر .. احلفج باللي اغلى على قلبج لاتبجين .. جريب نر د الكويت وترتاحين مني بس لاتبجين اللحين .. مااقدر استحمل دموعج .
قُمر استغربت .. كلام خالد كان غريب.. علباله اهي للحين تبجي على اللي صار مبيناتهم قبل لا يطلعون بس كلامه كان مؤلم .. عيونها كانت تاكل ملامحه .. خالد كان يبين تعبان حيل ومريض.. اشفيه يا ترى كله من يده المكسورة .. حست انها زودت نظرتها ونزلت عيونها واهي تقول : ان شاء الله...
خالد ابتسم لها .. اشوي رحمته وردت قُمر الاوليه .. الهادئه المطيعه.. قعد يتذكر اول يوم من زواجهم .. شكثر كانت حلوة وخجوله .. وتذكر يدها اللي مسكته يوم طارت الطيارة .. ويوم تتوسله عشان الطيار يخفف الطيران وكانه اهو له سلطه على الطيار.. حب اعتمادها عليه .. واتكالها عليه .. يحبها .. يحبها ويموت فيها .. شلون حبها جذي.. شلون دخلت قلبه باليوم اللي انهدت حياتهم كلها .. اهي بعد تحبه قالتها له .. اكثر من مرة بنفس الوقت.. مستحيل يتحول كل الحب الى كره .. لا يقدر .. كاهو يكره ندى من كل اعماق قلبه على اللي سوته فيهم .. نسى اربع سنوات من الحب بلحظه وحده عشان قُمر شنو ببال قُمر عيل .. اللي ماصار لها اكثر من شهر واهي تعرفه.. حس بالالام ببطنه تزيد وتزيد .. يا رب صبرني ليما نوصل روما .. وغمض عيونه مرة ثانيه
قُمرالتفتت لخالد .. شافته يعرق وايد .. خافت عليه مبين انه صج مريض ما يمثل .. بغت تساله وتمسك يده توازره على مرضه بس ما تقدر ..الرفض اقوى منها .. ما تقدر تغفر له .. من تطالعه تشوف ندى فيه وتتذكر كلامها ويقسى قلبها اكثر واكثر..
تحمل خالد ليما وصلوا المطار.. بالغصب كمل اغراضهم وراحوا مع السايق غويليرمو .. ركب خالد السيارة واهو يتنفس بقوة.. الالام كل ما ايي لها تزيد وقُمر يزيد رعبها عليه .. خالد وايد تعبان .. شلون قدر يستحمل السفر واهو حالته جذي..
قُمر بخوف: علامك خالد.. اكو شي يالمك
خالد واهو يرتجف: مافيني شي.. لا تخافين .. الحين بنروح البيت وبرتاح .. شويه تعب.
قُمر ما صدقت ولاكلمه من اللي قاله .. ويهه كان مبيض ويرتجف وجبينه يصب عرق.. خالد قال اللي قاله عشان تهدى شوي ويقدر يرتاح .. تمت قُمر تطالعه طول الدرب واهو يمسك بطنه بيده واهو يشد على قميصه.. بدال ما تكون يدي اللي تمسكه يمسك قميصه ..
وصلوا البيت وخالد مشى بسرعه وركب لداره.. فقد توازنه عند الدري بس كان لازم يوصل للدار.. حس بلوعه شديده وكانه بيرجع وراح لعند الحمام وطاح على ركبتيه واهو يرجع من حر جبده.. قُمر كانت تحت وشافت خالد يروح وكانه يبي يشرد من شي.. يبي يشرد منها .. سلمت على زينا وخلت السايق يدخل اغراضه لدارها ..
ركبت قُمر وشافت باب الحمام مفتوح .. اتقربت شوي تشوف منو داخل الحمام وما شافت الا ريولات خالد ممدده واهو يرجع.. ارتعبت من صج ودخلت عليه .. شافته يرجع علىالارض.. واهو يتلوى من الالم وفقدت كل احاسيسه وراحت لعنده
قُمر برعب: خالد ... علامك خالد
خالد ما يرد عليها .. يرتجف مثل الورقه ويرجع.. ماتدري شتسوي معاه .. اهو قوتها كلها وكاهو يرد من حر قلبه مسكته من جتوفه واهي تمسح عليه بحنيه وتبجي
قُمر: سلامه عمرك خالد .. تكفى قول علامك
خالد رد على ورى وانسدح بحظن قُمر .. يشيل الدم من طرف حلجه واهو يكح .. حست برجفته على ريولها وكل اللي قدرت تسويه انها تضمه بكل قوتها .. تضمه وكان علاجه وياها.. حست بهدوء خالد بحظنها وقعدت تهزه
قُمر: خالد .. خالد ... خالد قوم .. قوم خالد تكفى حبيبي قوم .. . زي نا
زينا وينج .. زيناا
يات لها زينه واهي مرتعبه: شوفيكي ستي
قُمر والبجي ذابحها: دقي على سيف.. سيف العثماني .. خليه ايي اللحين
زينا تطالع خالد بخوف: ماله الاستاز خالد .. شوفيه
قُمر: روحي اتصلي في سيف بسرعه.. روحي
راحت زينه وقُمر تمت تلم خالد باياديها واهي تبجي .. كل هاذا يسويه حبه لندى.. هالكثر يتعذب عشانها .. حرام تسوي فيه جذي.. حرام .. حبيبي خالد .. لا تموت .. ماقدر اعيش من دونك مااقدر.
بعد خمس دقايق واهي بحالتها ذيج سيف كان عندها .. ماتكلم ولا قال شي بس اخذ نفس قوي وحمل خالد لبرع الحمام .. جره لوسط الصاله وين ما طاح اول مرة واهو يوعيه
سيف: خالد ... خالد .. (يوجه كلامه لقُمر) متى وصلتوا
قُمر بصوت مبحوح: قبل نص ساعه.. وصلنا هني.. واهو قعد يرجع و............ راح صوتها بالبجي
سيف: من متى واهو مريض؟
قُمر: ماادري
كسرت خاطره لان شكلها وكانها بتموت وسكت عنها.. قامت قُمر بعد شوي وراحت تتصل
جاسم وصوته مليان رقاد: الوووو
قُمر: الحق علي جاسم .. الحق علي
جاسم بفزع: قُمر؟
قُمر: خالد بيموت جاسم.. الحق علي عمي ..
جاسم: علامج قُمر علامج .. اشفيه خالد
قُمر: ماادري.. ماادري جاسم .. تعال واللي يسلمك تعال مااقدر اعابله بروحي ..
جاسم : ان شالله ماطلبتي .. اليوم انا يايكم ايطاليا.. انتوا وين اللحين
قُمر: احنا بروما ... تكفى جاسم تعال
جاسم: ان شالله انتي بس هدي بالج خالد يحتاجج قويه ..
قُمر بتموت من البجي: مااقدر اعيش من دونه جاسم .. تكفى..
جاسم: هدي روحج قُمر وانا بييج اليوم ..
قُمر سكرت عن جاسم من دون ما تودعه لان الاسعاف وصل.. مثل اللي صار قبل صار مرة ثانيه .. وهالمرة قُمر راحت ويا خالد بالاسعاف .. دخلوه غرفه الطوارئ واهم يحاولون يعالجونه ..خالد بغرفه المعالجة وقُمر تطالعه من برع الغرفه واهي تحس ان خالد ما بيرد لها ..
جاسم على طول قام واتصل في وكاله خطوط طيران الامارات وحجز له رحله اليوم لروما الساعه 6 المغرب .. زهب له شنطه على السريع وراح الدوام
اول من دخل عليه اهو خليل
خليل: هاااااااااا عمي وينك اليوم منحاش..
جاسم: هلا خليل لا منحاش ولا شي ..
جاسم كان يرتب اوراقه ويوقع على بعضها ويصفها .. دق علىحبه التلفون
سهى: امر استاز
جاسم: سهى تعالي بسرعه..
خليل مستغرب: شالسالفه
جاسم: بعدين
دخلت سهى..
جاسم: سهى كاهم اوراق تعهد البناء وصليهم لبو خليل وخليفه يوقعونهم وبعدين دزيهم بالميل لصالح النعسان والاوراق الباجيه عطيها خليفه
سهى: امرك استاز
جاسم: واي احد يتصل فيني قوليله اني مسافر
خليل: مسافر.؟
سهى: امرك استاز (وطلعت من الغرفه)
جاسم راح لعند خليل: خليل بقول لك شي ما يوصل لابوك ولا لسعد ..
خليل بفزغ: خير؟
جاسم: خالد تعبان بايطاليا وقُمر اتصلت فيني اليوم وخبرتني عنه وانا بروح لهم .. ماابي احد يدري بالسالفه اللي يسال عني قول له اني مسافر السعوديه حق مشروع الخفجي..
خليل: انزين بروح وياك انت مابتقدر تسوي كل شي لروحك
جاسم: ودي والله بس محتاجك بتعهدات مشروع النهله لانك تعرف عنه وانت اللي بتكلم بو خليفه والزباين
خليل: اووووووووووف حزتي اطلع مهم بموضوع.. انزين اللي تبيه بيصير..
جاسم: مشكور يا خليل اردها لك ان شالله ..
خليل: دير بالك على حالك وخبرني باخر التفاصيل
جاسم: ان شالله .. يا الله انا بروح
خليل: الحين رحلتك
جاسم: لا الساعه 6 بس بروح اخذ اختك حق الصالون وجم مشوار انا واعدها فيهن..
خليل: يصير خير .. يالله روح بسرعه
جاسم: مع السلامه
خليل : بامان الله ..

راح جاسم لمريم بس اهي كنسلت الطلعه لان اليوم خاله بنات عمها بتوصل بزيارة .. جاسم حس بالفكه من الشي وقعد بالصاله لروحه ... كان يفكر بخالد وشممكن صار فيه وخلاه يتعب.. توه مكلمه قبل ليله وكان احسن من الفروس .. رن التلفون ومحد كان موجود وجاسم اللي رد
جاسم: الو
لولوة: السلام عليكم
دق قلبه من الصوت: وعليكم السلام والرحمه
لولوة: مريم اهني ..
جاسم: أي هني من اقول لها.
لولوة: لولوة
جاسم استخف .. لولوة المتصله .. لولوة محد غيرها .. يا ربي شهالصدفه .. الحمد لله انه إلى رد على التلفون ..
جاسم بلعثمه: ان شالله .. دقايق ..
شيسوي اللحين .. ينادي مريم ولا يبوق رقمها .. والله حاله ..
جاسم بصوت عالي: مريم ... يا الريم
مريم طلعت له من المطبخ: علامك تصارخ
جاسم بهمس: لولوة.. لولوة على التلفون
مريم ويدها متوصخه: شنووووووو
جاسم: اقلج لولوة على التلفون
مريم: اووووووووووهههههههههههههههه اشوفك مختبص هههههههههههه انزين افتحه على السبيكر ..
فتحه جاسم
مريم: هلا بلولوة هلا بالدانه هلا
لولوة: هلا فيج .. شخبارج مريوم ..
مريم تطالع عمها : والله بخير ..
لولوة: والاهل ..
مريم تضحك: كلهم بخير الا واحد خانت حيلي
جاسم بهمس: يا سباله
لولوة: خير ان شاللهمريم تسوي حركه اوص حق عمها: لا ولا شي بس عمي جاسم تعبان شوي وخذوه المستشفى امس.
لولوة مسكت عمرها جاسم تعبان: سلامته ما يشوف شر .. اشفيه
مريم تمسك بطنها: والله سلامتج مافيه شي بس عيارة يبي اجازة.. سووله تخطيط قلب وطلع غير مستقر
يا حسرة عمري : ما يشوف شر..انزين ما قالوا السبب
جاسم سرح بكلام لولوة ومريم: والله قالوا له واحد من الاثنين .. يا عندك القلب يا تحب.. انتي شرايج
لولوة ابتسمت بحيا .. وحست ان مريم تبي تلعوزها : يمكن اول واحد ..
مريم : ههههههههههههههههههههههههه يا حمارة فال الله ولا فالج .. عمي هاذا ولد سبع وسبع ما يوقف قلبه الا الحب ..
لولوة: بس بس عاد .. جذابه ممثله .. خلصيني شخبار قُمر
مريم: ويه ما دريتي .. يمكن يردون بعد جم من يوم
لولوة: خير
مريم: بويهج بس ملوا من ايطاليا وبعد انا وحشتهم وايد هههههههههه ومن جذي بيون
لولوة: ايييييييييه أي أي هاذا اهو السبب اكيد هههههههههههه
مريم: ليش علبالج مريم هينه . ويه ذكرتيني لولوه انتي معزومه اليوم في بيت قمور ومرة وحده ييبي وسيمه وناديه والعيميه ..
لولوة: ههههههههههه اسمها شهلا
مريم: الا اهو .. لا تنسين اوكيه
لولوة: ان شالله .. بس تعالي شالمناسبه
مريم: خالتها بتيي بزيارة ونبيج تتعرفين على نورة وشيخه بناتها حليلاتهن مثلي
لولوة: يصير خير .. يالله باي
مريم: بايات حبيبتي .. ماتبيني اوصل سلام لاحد
لولوة بحيا: خلهم ليما يحسون على دمهم
جاسم مات على عمره .. اهي بعد تحبه مثل ما يحبها يااااااااااااااااااااااي وقعد يرقص وسط الصاله الدائريه واهو يجالع ومريم ناقعه من الضحك عليه
لولوة: ويه استخفت البنيه .. يالله اخليج مع السلامه
مريم تمسح دموعها: ههههههههههههههههههههههه الله يسلمج ..
سكرت لولوة عن مريم واهي تضحك على خبالها .. مريم اكبر من لولوة بس ما يبين عليها ابد .. دايما تضحك وتضحك الكل وياها.. يمكن ماخذه على جاسم .. لان من العرس واهي تحسه حباب ومغشمرجي.. نزلت تحت بالصاله تقعد ويا امها واخوها ..
لولوة: اوه اوه اوه زايد عندنا حيا الله بزايد الخير..
زايد: انا ولا حاكم الامارات
لولوة واهي تقعد: انت واهو .. اثنيناتكم عزيزين على قلوبنا والا شنو ماما..
ام زايد: ما يبيلها كلام ..
زايد يبتسم: زين زين .. الا لولوة.. شخبار قُمر
لولوة تطالعه بعيون حزينه لكن نبرتها كانت مرحه : تمام ..حيل مرتاحه ويا خالد .. بترد الكويت بعد جم يوم ..
زايد ينزل راسه: الله يردها بالسلامه
ام زايد بحنيه: وانت زايد.. مو ناوي تتزوج وتكمل نص دينك
زايد رفع راسه يطالع امه: يمه سماي فيها قُمر واحد .. مو اثنين
ام زايد: يا وليدي البنت تزوجت واستوت حلال غيرك .. ما يصير تخليها في بالك للحين
زايد: يصير خير .. وانتي لولوو.. شناويه تدرسين بالجامعه
لولوة: خدمه اجتماعيه .. احسن شي .. يناسب البنات وما يضطرني اني اشتغل بالدواير يمكن اصير مشرفه بمدرسه ولا شي ثاني
زايد: زين وايد زين ولو انج اشطر من انج تكونين مشرفه بس هذارة تنفعين
لولوة: هههههههههه طالع هاذا اللحين انا الهذارة ولا انت اللي بالع راديو
ام زايد: بس يا عيال .. بروح انجب لكم العشا
توها الام بتقوم وقعدها زايد: لا يمه اليوم انتي ارتاحي انا ولولووو بننجب العشا شرايج اللول
لولوة: good idea

الساعه 6 بتوقيت ايطاليا و7 بتوقيت الكويت جاسم وصل .. السايق غويليرمو كان ينتظره .. جاسم راح وياه مباشرة للمستشفى .. قُمر كانت قاعده بغرفه خالد واهو فاقد الوعي من 12 ساعه تقريبا .. الاطباء شخصوا حالته بانها نزيف شديد بالمعده نتيجه لضغوط نفسية كان يتعرض لها .. اول ما شافت قُمر جاسم طارت له ودموعها سيلان جارف.. كانت تحس بالخوف ويوم شافت جاسم الامان اللي صابها بجاها وريحها..
جاسم : بس قُمر بس حبيبتي لا تبجين جذي..
رفعت راسها قُمر واهي تمسح دموعها: ان شالله ..
جاسم يبتسم : عفيه على البنات.. وينه خالد شقال الدكتور..
جاسم انتبه لسيف اللي قاعد وسال قُمر: منو هاذا
قُمر انتبهت لسيف: هاذا... سيف العثماني ارفيج خالد .. لو ما اهو جان خالد للحين .....(ردت تبجي)
جاسم يلمها مرة ثانيه .. يدري بحساسيه قُمر و رقتها الزايدة ؟؟ مسكينه قُمر .. شلون قعدت لروحها ويا خالد .. جاسم بدى يحس بغلط زواج خالد من قُمر .. لان قُمر وايد صغيرة على الزواج .. بس ليش صار هاذا وخالد قال له انه بدى يحب قُمر .. السالفه فيها شي...
بعد ساعتين بالمستشفى جاسم عرف كل اللي صار بين قُمر وخالد .. من اول يوم لاخر شي بلقى ندى .. حس جاسم انه لو يقدرذبح ندى على جرأتها الكبيرة انها تلحق ورى خالد لايطاليا.. طبعا ما صدق الكلام اللي نقلته له قُمر بلسان ندى .. عن ان خالد اهو اللي متواعد معاها هني وانه يتصل فيها .. اهو يعرف عزة خالد واعتداده بنفسه بس ما حاول انه يجذب قُمر اللي مبين انها خلاص.. لو تذرها نسمه هوا بتطير.. خالد للحين ما منه حركه زادت المخاوف عند قُمر ..الدكتور يطلع ونظرات الشك بعيونه.. النرس تدخل وتطلع عليه وقُمر تفز من مكانه تطالع غرفه المعالجه إللي رفضوا يدخلون أي احد لها .. خالد كان راقد ولكن حواجبه كانت معقوده وكانه بالم .. ردت قُمر مكانها واهي تتحسر .. كل هذا عشان ندى.. يمرض جذي عشان حب وحده تخلت عنه وخلته يتزوج من ثانيه بالقهر.. والله انج ما تستاهلين يا ندى.. ما تستاهلين .. احتار مخها اكثر واكثر بالتفكير.. اهي تبي تنفصل عن خالد بس ما تبي يخسر كل شي.. اذا خسر ندى مرة وحده ما يصير يخسرها مرة ثانيه .. اهو يحبها .. يحبها حب فوق التصور ليش لازم يتعذب عشان الكل .. ما صدقت نفسها قُمر . تاثر مصلحته على حياتها اللي راح تتهدم لا مستحيل اخليه يتهنى .. وانا اللي اتعذب.. لكن هاذا خالد .. خالد حبيبي .. اللي ملكني وملك روحي ماارضى عليه بالعذاب.. حسيت بالموت يوم اني فكرت انه ما راح يكون لي شعباله اهو اللي ماادري من متى يحب ندى.. قبل لانرد الكويت .. انا لازم اريح خالد .. لازم ...

محد يقدر يدري شنو في بال قُمر .. لانها سكتت ومسحت دموعها ونظرة التصميم برقت بعيونها....

بعد نص ساعه خالد فتح عيونه .. بتعب وارهاق قدر انه يوتعي .. ياخذ نفس عميق ويزفره بقوة... يحس بالزلازل بجسمه .. رعشه بمعدته .. وطعم مر بحلجه .. يحس بالعطش .. عطشان حيل.. النرس خبرتهم ان خالد وعى وقُمر فزت دخلت الدار ويا عمها وراحت لعنده.. شافت يده تتحرك وكانه يدور على شي .. تلقائيا مدت يدها له واهي تبتسم .. انتبه لها خالد واهو يبي يناديها بس الحرقه اللي في بلعومه ما تخليه .. كل اللي قدر يقوله اهو: ماااي
قُمر انتفضت عروقها كلها: ان شالله (تصد للنرس) excuse me can I have a glass of water
النرس بابتسام: sure
راحت النرس وردت ويابت ماي بعود عشان خالد .. قُمر مدته لخالد واهو شرب ورد مكانه.. مغمض عيونه.. للحين ماانتبه لجاسم .. يوم قُمر بتشل يدها عنه عشان ترد القلاص للنرس خالد شد على يدها وفتح عيونه : ........... وين؟
دق قلبها بجنون : ولا مكان ....
رد خالد غمض عيونه وراح في سابع نومه.. تمت تطالعه واهي تمسح على يده وكل شوي تبوسها.. جاسم استاذن عشان يروح للطبيب يشوف اشفيه خالد .. تورط لكن لانه ما يعرف يتكلم ايطالي ذاك الزود .. لكن سيف بطيبته تدخل
سيف: انا بروح وياك اعرف اتكلم ايطالي
جاسم بابتسام: وينك يا ريال من زمان تراني مااعرف لغتهم حيل..
سيف بابتسام: معليه انا بعلمك اياها
جاسم بغشمرة: بس علمني الكلمات الحلوة عشان خبرك
سيف: افاا عليك وانا ابوك ههههههههههههههههه
جاسم : ههههههههههههههههه شقردي على عم ارفيجك
جاسم ارتاح لسيف وسيف بالمقابل حس بالاخوة تجاه جاسم مع انه اصغر منه .. بس اللي يشوف موقف جاسم مع قُمر وخالد يحس فعلا انه عم ولو انه صغير بسنه .. الاتكال عليه كان فظيع من قبل قُمر .. سيف ظل يفكر بقُمر .. يحس بمشاعر غريبه تجاهها.. جميله وناعمه ورقيقه .. لو كانت زوجتي مستحيل اعرضها لمثل هالمواقف.. اللي تربك حياتها وتزلزل كيانها الضعيف.. حس لنفسه .. شقاعد يقول هاذي مرت ارفيجه العزيز شلون يتمناها زوجه له .. استغفر ربه وراح ويا جاسم..
ما قدرت قُمر تقاوم النوم اللي بعيونها اكثر .. حاولت وحاولت ولكن عيونها تسكر من نفسها .. اخيرا حطت راسها جنب خالد عشان تريح عيونها شوي .. وارقدت.. المكان بدى يظلم شوي شوي الا من قسم الطوارئ اللي اهم فيه .. خالد انتبه مرة ثانيه .. وفتح عيونه بسهوله عن المرة القبليه .. لا يكون بس كان يحلم على عوايده بقُمر.. حلم فيها انها ماسكه يده ويمشون مع بعض.. بدرب فينيسيا .. قعد يحرك يده اليسار وشاف انها مو خاليه.. طالعها الا يد قُمر الصغيرة بيده .. واهي منزله راسها ومسكرة عيونها .. تم يطالعها ويطالعها من غير ملل.. احبها.. احبها يا ربي احبها.. مستحيل احب انسان كل هاذا الحب واعيش بصحه بهالدنيا .. شسوت فيني .. شالسحر اللي شربتني اياه .. ساحرة .. من راسها الى قدمها..عيونها ولا خدودها المتوردات ولا يدينها الحنونتين ولا شعرها الاسود .. احبها يا ربي .. احبها
سالت دمعه بزاويه عينه .. يحس نفسه اهو والدمع اخوان.. ما تنفع الممانعه والرجوله بهاذا الوقت .. دموعه تواسيه اكثر من رجولته اللي قست على قُمر .. وضربتها.. يده المجبرة كانت على بطنه اللي يحس انه فارغ .. قعد يتذكر اللي صار بالبيت قبل المستشفى.. كان يرجع دم بحر جبده.. حس باللوعه تسري فيه مرة ثانيه وتصلب جسمه وشد من قبضته على يد قُمر اللي اوتعت .. طالعت خالد حسته يتالم لانه يشد على عيونه ويصر على اسنانه .. بتخليه عشان تنادي النرس لكن يده كانت حاكمه عليه بقوة.. انتبه لها: ....... وين ..... رايحه
قُمر برعب: بنادي الدكتور..
خالد:.............. خليج وياي........ انتي دواي..
قُمر: تكفى خالد .. مااقدر اشوفك جذي .. خلني اروح اشوف الدكتور ايي لك ويعطيك شي يهديك
عن غير عمد خالد رخى قبضه يده وحسبت انه موافق وراحت عنه لكن خالد انتبه ليدها طايره من يده وما قدر يسوي شي .. الا ونوبه الم فظيعه تجتاحه .. يتعفر بدنه على هالسرير واهو ما يتحمل .. بيض ويهه وعرق بدنه اكثر الا ودخله الدكتور وجاسم وقُمر وسيف..
الدكتور حاول يهدي خالد بس كانت النوبه اقوى منه .. حس ان روحه بتطفر من بدنه وسلم بالامر انه راح يموت ... تم يناظر قُمر بعيونه ويشوف رعبها وسالت منه الدمعه.. الدكتور حاول يطلعهم من الغرفه بس قُمر ما رضت.. دخلن النرسات وياهن دكتور ثاني .. وقُمر ويا الدكتور الاول تتجادل انها ما تبي تطلع من الغرفه .. جاسم سحبها وطلعت قُمر وبعيونها نظرة خالد المستسلمه ..
قعدت قُمر والصدمه ماليه حشاها .. نظرته.. تذكرت هذي النظرة ... وين شافتها .. وين شافتها من قبل.. نظرة مستسلمه مهزومه مافيها روح بن ضاحي القتاليه .. عمها ابراهيم .. لا .. مو عمي ابراهيم .. يدي سبع... ماكو الا اهو ... فتحت عيونها على وسعهن واهي تسترجع ذكريات ذاك اليوم يوم مات يدها .. كان قاعد وياها بالعريش اللي في بيته الكبير.. كانت تقرى له قرآن مثل كل يوم بهذاك الوقت.. كان يطالعها بنظرة مهزومه .. يدري انه بيموت وبيخلي قُمر بلياه .. بس ما باليد حيله .. سلم امره للموت وظل يطالعها بنفس نظرة خالد .. معناته خالد بعد .......يموت
وقفت مكانها: لا ... لا .. مستحيل يموت.. مستحيل
جاسم: صلي على النبي قُمر .. استهدي بالله ما راح يصيبه شي ..
قُمر بتفكير: لا عمي .. نظرته ... نظره يدي سبع .. نفس النظرة عمي ... نفس النظرة....
لمها جاسم بحظنه: لا يا قُمر تكفين لاتقولين جذي.. خالد بيرد لنا ..لي ولج ولمريم ولامه والكل .. خالد مستحيل يخلينا ويروح .. ما يقدر .
جاسم حس بالرعب التااااام من كلام قُمر.. اهي الوحيده اللي كانت ويا يدها يوم يموت.. واذا تكلمت جذي فهي بتتكلم من صج مو عن غشمرة.. وبالله من يتغشمر بالموت ..
في النص ساعه اللي الاطباء يحاولون يسعفون خالد .. قُمر كانت تدعي لربها وتستغفره وتحمده وتسبح باسمه .. ما كان عندها مسباح لذا استغنت عنه بفواصل صبوعها.. حست بالايمان القوي يعمر بيسدها .. ماتدري ان كان ايمان ولا تشبث بخالد .. مستحيل خالد يروح عنها.. لانها راح تروح وياه على طول ..
بعد الاسعاف الطارئ لخالد ... استقرت حالته .. والاطباء قعدوا يسوون له عمليه تنظيف للمعده..
طلع الدكتور واهو يبتسم لقُمر: see he is fine now and you are the one who broke the hospital on our heads
قُمر تطالعه من غير تصديق.. تحس انها ما تفهم لولا كلمه قالها .. شقصده.. شقاعد يصير.. تشبثت بجاسم اللي كان مبتسم ويتحمد الله
قُمر: شصاير.. اشفيه خالد
جاسم والدمعه بعيونه: مافيه الا العافيه ... كل العافيه قُمر
قُمر ما قدرت تصدق اللي يقوله جاسم والتفتت للدكتور: can I see him
الدكتور: he is under the sterlizer and I advise you to let him sleep in calm and you go home and rist.. He won`t wake until tomorrow
قُمر تعترض: but doc…
جاسم: سمعتي اللي قاله يالله بسرعه جدامي البيت وباجر انا من الصبح بييبج هني ..
قُمر: لكن عمي
جاسم: ا ا ا ولا كلمه ..
قُمر: انزين بس بشوفه
جاسم يجرها لبره المستشفى وسيف معاهم: باجر يصير خير ..
قُمر بدلال: عمي حرام لا تسوي جذي ... بقعد لروحه طول الليل..
جاسم: سبع ولد سبع ويالله بسج من هالهرج ..
قُمر بملل: ان شالله ..
جاسم راح ويا قُمر البيت وسيف ظل واقف مكانه .. يفكر في خالد وقُمر.. شكثر قُمر تحبه واهو يحب ندى .. وين بيحصل حب مثل حب قُمر له .. وين ..

يتبع

الجزء التاسع
الفصل الأول
-------------
وصلت عايله ام ناصرالجهراء من بعد عناء طويل باقناع بو ناصراللي متعادي ويا بو خليل من بعد وفاه المرحوم بو سعود.. قبل لا يوصلون بشويه طرش ناصرمسج لنوفه (جايك وكل الاشواق والمحبه معايا.. عساه ملقاك يبري جروح سنين فرقاك يالغالي)
ما ردت عليه لكن خدودها شبوا ضو من كلامه.. يحليله ناصر لكن انا اللي اوريه ..
وصلوا لداخل البيت.. وقف ناصرسيارته الجيب لكزس والحريم نزلن.. كانن نورة وشيخه وام ناصر ومعاهن ياسمين زوجه مبارك اخو بو ناصر.. زيارة تعارف.. طلع لهم طلال اللي راح بالحضن ويا ولد خالته العزيز.. طلال يحب ناصر موووت ليش انهم بنفس العمر ويتشاركون نفس الطبايع وتربوا مع بعض قبل لا تصير القطيعه امبيناتهم ..طلال وناصر يتوايهون
طلال: هلا والله .. هلا بالسبع هلا .. شلونك عساك طيب
ناصر: بسك عاد اللي يقولون مصريه .. خلصت ويهي بحلجك
طلال: ههههههههههههه شسوي ولهت عليك يالقاطع حتى القنص ما عدت اتينا فيه
ناصر: احد أي قنص بن ضاحي وعبيد الشعلان هناك
طلال باشمئزاز: لا تقول ما يحتاج لاني مثلك ..
ناصر: زين زين ..
طلال للحريم المتغشيات: هلا والله هلا بخالتي انيسه شخبارج خالتي ان شالله بخير..
ام ناصر : هلا فيك يالغالي بخير الله يسلمك يا بعد عيني
شيخوه ماتت على طلال ولد خالتها وما كنت تتخيل انه كبر وصار بهالحلا...
طلال: شخباركن بنات الخاله ان شالله ابخير
شيخه بمرح: هلا والله بطلال الخير بعد عيني يعلني مااافقدك راعي السنكرز
طلال انصدم من كلام البنت وياه .. أكيد هاذي شيخوه: هلا والله بشيخه البنات شيخه المصباح
شيخه: ويييييييه على عمري .. هلا فيني الف وملايين ومليارات هههههههههه الا اقول لك ما تحس ان الجهراؤ منورة
طلال بزهو علباله الكلام موجه له: الله يخليج النور نورج
التفتت شيخه لنورة: ما قلت لج .. ويا ويهج ويه على عمري ..
طلال انحبط لكن ضحك على بنت خالته .. باين عليها ام سوالف.. مثل وسوم حبيبته ..دخلن الحريم والخوات توايهن وبجن على سنين الفراق اللي عاشوها من بعد وفاه عبد العزيز بن ضاحي ..
ام خليفه: هلا والله . .هلا بنصي الثاني هلا باختي الغاليه
ام ناصر: هلا فيج هلا بالشيخه ذولهت عليج يا ام خليفه
ام خليفه: انا بعد .. سنتين من اخر مرة شفتج فيها مو شويه وانا اختج
ام ناصر: ايييييييه يالله الحمد لله على كل حال
ام خليفه: الحمد والشكر له ..
شيخه لناصر: نصور ليش ما تيب فروسك هني وتمشيهن والله يتعبن واعليه
طلال ضحك وناصر ويهه تغيرت الوانه: انتي ماتحشمين احد كله لسانج يلوط اباطج
شيخه : شقلت انا عبارة مجازيه على ان البيت كبير ... غلط بشي يا طلال
طلال ناقع من الضحك من طريقه شيخه السريعه بالكلام: لا والله ما غلطتي ..
شيخه لناصر: شوف الاوادم اللي تعرف مو انت المجعمجي
ناصر: يالله بس وايد تسولفين روحي سلمي على خالتج
شيخه راحت لام خليفه : هلا هلا ببنت الغاليه هلا
ام خليفه ضحكت : هلا فيج شيخوه للحين مينن
شيخه: فديتني مااتغير .. لو سيارة تكنسلت.. مو انتي بنت سميرة الغاليه الله يرحمها ..
ام خليفه: الله يرحمها والله تدرين محد اخذ منها كثرج يا مال الخير
شيخه بزهو: ادري حلاتي انا ..
ضحك الكل وسلمت ام خليفه على ياسمين وطلال شال ناصر وطلعوا من البيت عشان الحرمات ياخذن راحتهن
نوفه بدارها على اعصابها: مروو يالله بسرعه ننزل اكيد وصلوا
مروة تحط لها مسكرا: لحظه عاد خليني اعدل ويهي الله ياخذج انزل لهم جذي مثلج
نوفه طالعت روحها بالمنظرة وشكلها كان مقبول: مافيني شي والله بس يالله سرعي شبيقولون عنا
مروة بغرور: يقولون اللي يقولونه مالي شغل والله محد قالهم ايونا
نوفه: بس .. غير هالكلام ماعندج انتي .. انا بنزل عنج انزين
ونزلت نوفه وظلت مروة بدارها: ويييييييه عاد تكفين منو ياينا شيخوه الرقله ونورو الهذارة وعووش مرت الخال .. منو يعني ..
لبست نوفه شال على راسها تحسبا لناصر ونزلت لهم .. ماكا ن ناصر موجود وراحت لخالتها..
ام ناصر: هلا والله هلا بالعروس هلا بنوفه الغاليه
نوفه بحيا: هلا خالتي .. شخبارج ..
ام ناصر: ابخير يا بعد قلبي دامج ابخير
نوفه: دوم ان شالله مو يوم ..
ونزلت مروة من بعدها واهي بكامل اناقتها.. اناقتها تناسب اناقه قصر بو خليفه الكبير.. بكل غرور نزلت وسلمت على خالتها: هلا خالتي شخبارج
ام ناصر تطالعها بكل اعجاب: ابخير يامال الخير وانتي شخبارج
مروة : الحمد لله
نوفه راحت لنورو وحظنتها بقو: يالسباله وحشتيني
نورة: والله ماادري منو اللي يخلص رصيده واهو يتصل فيج
نوفه: ههههههههههههههههههه حبيبتي انتي والله معاي بكل لحظه
نورة: فديت عمرج والله ..
نوفه لشيخه: منو هاذي الرعبوب اهلا اهلا
شيخه بزهو: هلا فيج .. بس بس عاد تبين توقيعي ..
نوفه: ههههههههههههههههههه ما تيوزين انتي كله جذي ههههههه وحشتيني شواخ
شيخه بنص عيون: والله ماادري منو اللي ما رضى يعطيني رقم تلفونه يخاف اتصل فيه
نوفه: ههههههههههههههههه هاذا انتوا يابنات خالتي كله تلومون .. لا بس شيخوه من صج كبرتي وحليويتي عن اخر مرة شفتج فيها بعرس عووش
شيخه بمرح: بس عاد ياي .. ادري اني حلوة (تطالع مروة ) احلى عن بعض الناس
مروة بخاطرها.. تتمنين يا بنت المصباح : هلا هلا بشيخه
شيخه بنفس الغرور: هلا فيج الغاليه .. شخبارج شلونج
مروة بثقل دم: والله امس كنت حمرة واليوم على جلابيتي .. ورديه
شيخه تضحك بطريقه سينمائيه: ها ها ها يا خفه دمج والله خفيفه انتي
مروة عرفت قصد شيخه وطالعتها بنظرة : من ذوقج
شيخه واهي تيلس يم نوفه: الله يخليه ..
وتمن الحريم يسولفن عن اخر الاخبار والعرس والبنيات راحن دار قُمر يسولفن عنها ويتذكرونها ..
شيخه: يالله عاد متى بنشوف شريط العرس
نوفه: ليش .. عشان تشوفين خالد ماكو
شيخه: الله عليج ليش تحرمينا الريال معرس مافيها شي ان طالعناه حلال مو حرام
نوفه: جبي لا مو حلال من قالج حلال.. وتعالي .. شسالفه الغشاوي
شيخه تفصخ الشيله والغشوة: اووووووووووووووووووف لا تسالين والله نصور يننا
نورة : واحد من ربع ناصر من دون ما يدري قعد يغازل شيخوه ذاك اليوم بالمجمع وناصر يوم عرف عصب على اخره ولبسنا الغشاوي لين نطلع..
نوفه تبتسم بداخلها.. يحليله ناصر اصيل ما يحب الا الستر: زين زين الستر زين
مروة اللي قاعده على الكرسي: والله اعتقد هاذي حركه متخلفه منه واحد يطالع شيخه (باشمئزاز تلفظ اسمها) ييقوم يلبسكن كلكن غشاوي .. يعني شيخه عادي لانها جيكر بس نورة شحلوها
شيخه : ها هاهااهاهي مسكو لي بطني لا ينفجر.. انتي محد قالج لج ان سوالفج مليقه.. طالعه على منو انتي جذي..حتى عمي بو خليفه راعي سوالف وضحك
مروة : والله مو شغلج ان كنت مليقه ولا لاء.
شيخه: انا مالي شغل لكن الناس اللي تجابلج شذنبها
نوفه ونورة يضحكن على سوالف شيخه ويا مروة ومرة وحده ينفتح الباب بقو
مريم: ايا الشيناااااااااات وينكن انتن
نوفه: ههههههههههههههههههههه بسم الله الرحمن الرحيم علامج هابه علينا مثل سوبر مان
مريم تحرك عباتها يمين ويسار: والله ما سوبرمان الا انتي.. وانتن (تكلم بنات ام ناصر المدهوشات) ما تقمن تسلمن على مريم بن ضاحي
شيخه: هههههههههههههههه هلا والله هلا بالشيخه مريم
مريم تسلم عليهن بغرور وكانها ملكه: هلا هلا .. أي رساله عندكن حق بناء ولا حق تسليك تتسلم لسكرتيري طلال بن ضاحي
شيخه : ههههههههههههههههههه والله خوش حكومه
مريم ردت طبيعيه: هلا والله بهل النزهه والله وحشتونا من زمان ما شفناكم
نورة :هلا فيج ... والله تدرين بالظروف يا بنت بن ضاحي .. مو بيدنا
مريم: ايييييييييه بيد الخس واليزر هههههههههههههه شخباركن بعد
نوفه: بس عاد .. الا قوليلي لولوة بتيي ويا البنات
مريم: سوت لي الو وانا قلت لها .. بس البنيات ماادري عنهن ..
مروة واهي تطلع من الغرفه: كملت الحفله
بس طلعت مروة ماتن البنات من الضحك عليها وعلى غرورها .... وقعدن البنات يسولفن وعلى العصر لولوة وناديه وشهلا حضرن...
مريم: الا وينها وسوم
لولوة: ماادري عنها اتصلنا بيتهم اخوها قال انها راقده.
مريم: والله لو ما عندها اخو جان اتصلت فيها اللحين وزفيتها
شيخه: منو هاذي وسوم
نوفه: وسيمه رابع ارفيجه لقُمر بالمدرسه .. الا قول مريوم يبتي الشريط
مريم : ايه وانا ابوج ماادري بنت عمج هههههههههه
شيخه يالله شغلوه خلونا نشوف
مريم: شوفي بتطالعين لا تطالعين اخوي من اللحين اقلج الريال متزوج
شيخه: امحق
نوفه: هههههههههههههههههههههههههههههههههههه
نورة: سكتي بس عاد والله فشلتينا .. بتموت على الرياييل
شيخه : عيل اموت على منو على الحريم والله انج خبله
مريم: كفج تعجبيني
ووقعدن البنات وانضمت لهن ياسمين وحلوت السوالف وبعدين طلعن الصاله لانه فيها فيديو وتلفزيون جبير.. خذن البنات حريتهن وفصخن العبي.. كل شوي يتغشمرن على شي ولا ما غيره.. شوي يطلع جاسم واهو يرقص ولولوة تتخبل عليه والبنات يلاحظنها ومريوم ما تخليها.. يطلع طلال واهو يرقص على اغنيه بدويه لميامي وتخضر شيخه وتحمر.. يحليله والله وسامه بدو يعلني افداه.. اول ما طلع خالد بالشريط سكت البنات كلهن.. متعجبات من حلاتها
شهلا: ايييييييييييه للحين حلو علبالي صار خسف من اخر مرة شفته
البنات نقعن من الضحك عليها .. وطلعت قُمر ..
شيخه: ما شاء الله قمور ... من وين لج هالحلاه كلها
مريم: طالعه على بنتعمها نظر عيني مريوم
نوفو: الا طالعه علي ..
شيخه: لا انتي ولا اهي (تصد على مروة ) طالعه على المها هههههههههههههههههه
مروة تطالع شيخه بكل احتقار وشيخه: وييييييييييييييييييييه حريجه هههههههههههههه
البنات خفن من الضحك ..واستمرت المطالعه.. ليما وصلوا للزفه ويه واحد يشابه خالد بس اسمر عنه بس عيونه لوزيه وفيه سكسوكه خفيفه ولاف شماغه بطريقه حلوة ويضحك ويوزع ابتسامات وصار انه يطالع الكاميرا ويبتسم ونورة التغتت له وقلبها يدق.. يا زينه.. صج وسيم.. بس باين عليه جبير شوي ... صج وسيم.. عيونه حلوة وجميله ..
نورة: منوو هذا
مريم: هاذا خليلي اخوي بعد قلبي ..
نوفه توضح: هاذا اكبر عيال ابراهيم بن ظاحي واكبر واحد بالعايله.. حلو موو لو تشوفونه غشمرجي وراعي سوالف كشخه..
مريم: ايه طالع علي اخوي حبيبي والله .. اييييي بييبون له بيبي بالطريج تخيلو بيبي خليل .. بموت
نورة انحبطت : الله يهنيه بحياته ...
وعلى جذي خلص الشريط على صورة لقُمر وصورة لخالد وكانهم يطالعون بعض بديزان بطاقه عرس تنصك وتطير .....
شيخه : ايييييييييييييه الزين ماخذ الزينه
نورة: هههههههههه لا تسمعج عووشو لا تاكلج
شيخو: وييييه عاد مرت الخال من صجها تعصب لين يبنا طاري ريلها ..
لولوة: يعني وحده وتتغشمرين على ريلها شتبينها تقول لج
شيخه: لو كان مثل خالد ولا جاسم جان ماعليه من حقها .. لكن مشاري .. سوري فري سوري بت هي از خال..
نوفه: هههههههههههههههههههه يقطع سوالفج يا شيخوه. .يالله قومن خلونا ننزل بموت من اليوع وخلينا الحريم لحالهن ..
البنات لبسن شالاتهن الا شيخه الا كانت اغراضها بدار قُمر : نطروني بلبس اغراضي يالحاله ..
راحت شيخه تتلبس والبنات نزلن عنها.. تدور شيلتها ما لقتها تذكرت انها غلتها بالصاله.. راحت وراسها مكشوف وشعرها مفتوح عشان تاخذها الا بييه طلال.. طلال انصدم وظل واقف مكانه وشيخه بعد بس طلال سرع من خطوته ودخل داره واهو: مسامحه ما دريت ان احد هني
شيخه متجمده مكانه: مسموح
دخل طلال داره واهو مفقق عيونه من اللي شافه.. ولا حوريه.. ولا ملكه جمال.. ما شاء الله عليها.. مثل قمور.. تهوس العقل.. هاذي شيخوه ام كشه الصغيرونه .. والله انها كبرت وحلوت.. والا الشعر .. لا يكون بس غريمه قمور بالحلاه ... رن تلفونه .. الحب متصله
طلال: هلا بالحب وينج مو ويا البنات
وسيمه واهي تبجي: طلال .. طلال الحقني .. يبوني يذبحوني البيت ..
طلال وقف قلبه: علامج حبيبتي علامج تبجين
وسيمه واهي تشهق من البجي: اخوي... يبي يخطبني لرفيجه .. وانا ماابيه.. يو اليوم يخطبوني وانا ما ابي
طلال راحت روحه.. وسيمه حبيبته بتطير من يده: الا يخسي اخوج واللي يابوه والي انسلوه بعد يعطيج لغيري انا الليله عندكم بخطبج
وسيمه: خايفه حبيبي لا يشك فيك وبعدين يحرق قلبي وقلبك ويغصبني
طلال: مو من منبت رياييل ان سوى جذي شنو غصب الزواج.. زهبي روحج انا الليله بييكم ويا ابوي وواخوي بس انتي هدي بالج ولا تبجين واخوج هاذا ان ما ذبحته مااكو طلال.
وسيمه: ان شالله حبيبي .. مع السلامه
طلال: الله يسلمج حبيبتي ..
سكر طلال عن وسيمه والدنيا ضايجه فيه..شلون يتزوجها واهو ما كون حياته للحين.. بس خلاص.. من باجر بيداوم بالشركه وما بروح كليه الشرطه ولا وسيمه تظيع من يده.. دخل عليه ناصر
ناصر: وينك انت بتييب الشريط وقعدت
طلال واهو متضايج: نسيت ..
ناصر: علامك طلال ..
طلال: ولا شي..خلنا نروح ..
طلع ناصر وطلال لديوانيه ربع طلال.. وطول الدرب واهو يفكر في وسيمه وفي حياته ويحس ان كل شي بناه باحلامه مع وسيمه راح يتهدم..
بعد المغرب ردت عايله المصباح للنزهه بعد ما تواعدن البنات انهن ما ينقطعن عن بعض مرة ثانيه.. ومريم عزمت البنات على حقله خطوبتها اللي بتصير بعد شهر والكل بارك لها على الشي.. نوفه عطت نورة ورقه كاتبه فيها شعر حق ناصر.. بالسيارة نورة كانت قاعده جدام يم ناصر الهادئ.. تبي تحرق دمه وتلعوزه شوي
نورة تكلم امها: يمه ما دريتي
ام ناصر: شنو
نورة: نوفه بنت خالتي تقدم لها واحد
ناصر التفت لنورة واهو ناسي انه يسوق سيارة: شنووووووووووو
نورة: طالع الشارع لا تطالعني
انتبه ناصر ولكن حس روحه بتطلع من خشمه
نورة تكمل: وسيم وغني ومن عايله معروفه بعد واهم شي انه يموت عليها
ام ناصر: وانتي شدراج
نورة: اهي قالت لي .. بس حسافه يمه تدرين شنو فيه هالريال
ناصر يدعي له بالمرض بقلبه وام ناصر تسال: اشفيه
نورة: وايد خجول .. وما يرضى حتى يكلم امه عشان تخطبها له ..
ناصر يطالع نورة بنظرات اجراميه ولكن ارتاح لانها كانت تعنيه
ام ناصر: لا يستحي ولا شي اكو ام بالدنيا ترفض هالطلب من ولدها الا بتنقي له احلى بنت بالديرة تناسبه وتناسب غلاه ونوفه ولا كل البنات احلى عنها ماكو الا مروة اختها
شيخه اللي كانت راقده اوتعت: تف تف تف الا هاذي الشاذيه.. المينون اللي بياخذها يزهب حاله حق الشقا والعذاب.. بل بل عليها صج لي قالوا البدويات غرور وعزة نفس
ناصر بصوت واطي: بعد قلبي البدويات..
نورة تضحك عليه ...
ام ناصر: يحليلها مروة والله الا انتي الرقله جانزين عندج نص عقلها .. والله البنت هادئة وحبابه ولو فيها شويه غرور
شيخه: شويه.. يمه تعرفين شكثر يطلع الفقع بالكويت
ام ناصر: وايد
شيخه: شفتي شكثر.. كل هذا ولا اييب غرور بنت اختج
ام ناصر: يالله عاد سكتي .. صج انج ملقوفه قاعده وراي بعد ماتبيني اهفج بكف
شيخه: عشان مروو .. مو بس كف الا بكسات بس ولا اسكت ... هاذي يبيلها واحد مثل مشاري ولا عمي مبارك عشان تخفف شوي
ياسمين تكلمت لاول مرة: والله اشفيه عمج مبارك .. ريال والنعم فيه ينشد به العزم ..
شيخه: ويييييييييييييييييييييييييه طالع الحب .. انتي من وين لج هاللسان
ياسمين: ما شفتي شي وان ما سكتي اللحين بالباجه على عينج
ناصر: ههههههههههههههههههههههههههههههههههه عليها يالربع يالله مرت عمي واحد صفر
شيخه قعدت مكانها واهي تضحك بمرح: ههههههههههههه والله انج قدساويه مافينا عليج
وكملوا درب بالضحك على شيخو ولقافتها ..واول ما وصلوا راحت نورة دارها تغير هدومها وتروح لاخوها تعطيه الامانه.. طقت على الباب بهدوء
ناصر: دخلي
نورة: شدراك اني دخلي مو ادخل
ناصر يبتسم: اكو ريال غيري بهاذا البيت ..
نورة: ابوي
ناصر: ابوي ماله حس من بعد التسع ولا انتي ناسيه
نورة: خخخخخخخخخخخ أي صج .. اسمعني .. عندي لك امانه .. جم تدفع لها
ناصر وقف مكانه واهو يطالعها بنظرة: نوفه
نورة قعدت على السرير: يعتمد .. ما سمعت للحين مبلغ
ناصر : والله ما عندي فلوس نورو كل فلوسي راحت على الفرس
قامت نورة تطلع من الغرفه: يوم اللي عندك تعال لي عشان اعطيك
ناصر قام لها: لا لا يا معوده شنو تروحين ... تكفين بطلع لج تلفون
نورة : ماابي تلفون .. عندي
ناصر: بركبج على الفرس
نورة: شنو ريال انا ماابي
ناصر: اوووووووووووف نورو
نورة: ههههههههههههه انزين انزين هو كليتني يامعود بعطيك اياه بس انت قول لي تم
ناصر: تم وانا ولد ابوج
نورة: تكلم امي عشان تخطب لك نوفه من خالتي
ناصر: انا من زمااااااااااااااان مفكر بهالموضوع وانتي توج يايه تقولي لي .. يالله عطيني المرسوم (مد يده ياخذه منها بالقو(
نورة: ااااااااااي عورت يدي يالهمجي .. ما صارت . .صج لي قالوا الحب عذاب
طلعت من الدار وخلت ناصر قاعد يفتح الورقه مثل الملهوف فتحها شاف ابيات شعر .
يامن يعيض القلب عنه ليا غاب يا من يزيل الهم عني فبعده
القلب دونه ماله اصحاب واحباب القلب دونه عايش الكون وحده
مضنون عيني خاطري منه ماطاب في يوف خفاقي انتشى حيل وده
كل ما ذكرته ولع القلب شبّاب والقلب همه فالمعاليق هدّ
ان قلت بسلي قالت الروح كذاب وان قلت بصبر لعنبو الوقت جدّه
من شاف شخصه انحنى حب واعجاب من حسن طيبه ما وقف يوم ضده
وش هو بيدي ياملا صرت مصطاب حيران قلبي ما درى وش بيده
لا جيت ابين ما خفا النفس ارتاب اخشى شعوري يرتفع فوق حده
واخشى العيون دمعها حب صباب تشرق فليل قاسي حيل برده
واخشى حروفي تنشر العشق بكتاب نسناس شعرٍ انثر فوح ورده
يا عل قلب يرفق بقلب منصاب صابر ويرقب فالحيا فجر وعده
يحكم ويقضي وانا له حيل طلاب الشور شوره والامر صار عنده
قعد ناصر على الفراش.. يحس بدوخه من كلام الشعر.. تحبني.. تحبني مثل مااحبها.. يا فرحه عمري ما يدري شيسوي بعمره ناصر. يرقص ولا يبجي ولا يروح يقول لامه عشان تخطب له نوفه.. كل اللي سواه انه انسدح على فراشه بعد ما شغل المسجلة على اغنيه نوال يا انتظاري.. وقعد يغني وياها من قلب ويتقلب على فراشه ليما رقد ..

الفصل الثاني
-------------
الساعه خمس الفير بايطاليا.. خالد وعى واهو يحس براحه عجيبه.. ماكان يعاني من اوجاع ببطنه ولا غيره ..طعم المرارة بحلجه ويبي يشرب ماي.. تلفت يمين ويسار ما لقى احد.. رد راسه على الوساده واهو يفكر باللي صابه.. ليش يرجع دم؟؟ اشفيه.. لا تكون بس السالفه جايده.. متى ارد الكويت.. والله اني مليت من هني.. وينها قُمر.. اكيد ردت البيت.. تعبت وردت البيت.. لحظه.. بس انا شفت جاسم.. شفته ولا تخيلته.. اييييييه شكلي استخفيت ..
مرت النرس عليه وشافته صاحي.. سالته عن احواله قال لها انه بخير بس يبي ماي.. يابت له الماي وشربته اياه وراحت مرة ثانيه وظل مكانه.. لا رقاد ولا تعب.. حس بنغزة في معدته بس مسرع ما راحت كان بوده يدخن بس قعد يفكر ان التدخين اهو اللي يابه لهني.. ولازم يسوي حل وياه.. اهو لا كان مدخن ولا غيره..اعنبو المشاكل اللي تودي الواحد لدروب مستحيله.. ردت له النرس على الساعه خمس شافته بعده صاحي
النرس: why are you still wake do you want something else?
(لماذا انت صاحي للان اتريد شيئا اخرا؟)
خالد: No I`m waiting for my wife
(لا انا بانتظار زوجتي)
النرس بابتسام: she won`t come until 8 or 9 o`clock are you attempting to stay awake till that time?
(لن تاتي قبل الساعه الثامنة او التاسعة صباحا .. اتعزم ان تبقى صاحيا حتى ذلك الوقت)
خالد بابتسامه ساحرة: why not. She deserve the waiting
(لما لا.. هي تستحق الانتظار)
النرس تضحك عليه: you are strange mr bin thahi hope she comes early just for the sake of your eye
(انت غريب يا سيد بن ظاحي واتمنى ان تاتي قريبا فقط من اجل عيونك)
خالد بثقه: she will
(ستأتي)
يغمز للنرس اللي كانت وياه واهي تضحك عليه من جهه ومعجبه بشخصيته من جهه ثانيه . الحريم ما منهن امان..
في البيت قُمر صحت الساعه خمس وربع.. صلت صلاه الفير وما قدرت ترقد من بعدها.. خذت لها شاور عشان بعدين تروح المستشفى لخالد.. طلعت من الحمام واهي منتعشه من بعد 8 ساعات نوم متواصله ..تحس بالخوف والوحده بس تدري ان جاسم راقد بالغرفه الثانيه.. غرفه خالد.. حبيبي خالد.. كانت تبي تدخل عشان تزهب له اغراض يلبسها لان يمكن اليوم يرخصونه ويطلع.. ما تدري ماتدري ماتبي تفكر اكثر.. نزلت تحت وزينا كانت صاحيه.. وتقرى قرآن.. قُمر قعدت يمها واهي تغطي شعرها وتسمع.. من زمان ما قريت قرآن.. فينيسيا اكلت وقتي كله ..استغفر الله ربي واتوب اليه لين رحت المستشفى بقرى لخالد شوي.. يحب يسمع ترتيل القرآن.. حبيبي.. شسوي وياك.. ماابيك تموت ولا تروح عني.. بس انت ما تقدر تعيش من دون ندى وياي.. وانا مااقدر اعيش من دونك.. كنت سخيفه يوم فكرت اني انفصل عنك والله اختبرني بمرضك هذا ومااقدر اتركك يا خالد ولو انه اكبر مني.. انا لازم احاول اجمع بينك وبينها ولو انها ما تستاهلك.. يا ربي شيصبرني انا على زوجه ثانيه لخالد ..زوجه تحصل كل الحب وكل العطف وكل قلبه وانا.. مالي الا الفتات وجم ساعه باليوم ..ماابي هالساعات.. بس اشوفه مرة وحده باليوم.. يا ربي.. قعدت تبجي بحرارة على اللي تفكر تسويه بحياتها اللي للحين ما تدري شنو بيصير فيها .. بس بالله عليكم ..احد يفكر بهدم حياته ولا يفكر بمثل هالافكار ويكون قلبه صاحي.. اكيد لا.. قُمر قلبها موجوع.. موجوع من كثر الحب اللي ما تقدر تعطيه احد.. ما تقدر تعطيه خالد ..ولا تقدر تعطيه احد ثاني.. بس يا ربي شهالمصيبه.. لمتى بظل جذي.. انا لازم اشوف حل لخالد.. لازم اشوف ندى واتكلم معاها بهذا الموضوع.. بس كل اللي اطلبه منك يا ربي انك تصبرني على اللي انا ناويه اسويه.. ماابي افقد اعصابي او افقد رباطه جأشي ..ابي اكون قويه.. قويه بمعنى الكلمه ..
صحى جاسم على الساعه خمس وربع مثل قُمر.. صلى ورد لرقاده.. وتنبه بعدين على الساعه 7:30 باله وايد مشغول على خالد ..امس كلام الدكتور ما طمنه وخلاه يخاف وايد ..
الدكتور: he is suffering from massive periodic blood drains in the stomach nearly
Comes from syclogic problems or smoking large amount of cigarettes you have to pay attention to him as I suppose this is his second time inters to the hospital for the
Same reason?
)يعاني من فترات تحركيه لنزيف دم شديد بالمعده.. تاتي من اسباب نفسيه او تدخين لاعداد كبيرة من السجائر عليكم ان تضعوه تحت الاهتمام وعلى ماظن انها المرة الثانية التي يدخل فيها المستشفى هنا لنفس السبب؟(
جاسم توه بيرد على لا لكن سيف سبقه: yes doctor
جاسم انصدم.. هذي ثاني مرة خالد يدخل المستشفى في روما لنفس السبب ولااحد يدري عن الموضوع.. محتار.. وخايف على مستقبل قُمر وخالد .. امبين من كلام قُمر انها تحبه ومن كلام خالد القليل انه يحبها.. ندى ليش تسوي جذي.. عزم انه لازم يكلم هاذي البنت ويوقفها عند حدها وان ما نفع وياها.. عنده الطرق اللي تقدر توقفها.. قام اخذ له شاور سريع.. تلبس وتكشخ وطلع.. نزل تحت وشاف قُمر قاعده وشكلها مهموم ..
جاسم بمرح يحاول يغير الجو: صباح النور يااحلى قُمر بالدنيا..
قُمر تبتسم لعمها الغالي: هلا هلا عمي ..
جاسم معفس ويهه: احنه مو بالكويت ناديني جاسم اخاف بنيه تسمعج وتقول عني عيوز
قُمر تضحك: اشوفك وايد مهتم بنظرة البنات عنك
جاسم بحلم: والله كلهن ما اين حذالها يعلني افداها ..
قُمر باستغراب: ومنو هاذي ؟؟
جاسم انتبه لنفسه : ها .. مو احد .. انتي شعليج
قُمر بنظرة ماكرة: ها جسوم.. اشوفك تحب.؟
جاسم بنبرة كوميديه: ها قُمر .. وين راحت كلمه عمي
قُمر بحيرة: توك تقول لي ..
يقاطعها: يالله عن الكلام الزايد .. ابي ريوق محترم..عشان انروح المستشفى
قُمر: عمي خلنا نتريق هناك .. ماابي اتاخر على خالد ..
جاسم: لا ما عليج ما بنتاخر بالعكس تلاقينه للحين راقد .. هذا خالد وطارحين له مطرح ما يخليه قبل لا يقطعه..
قُمر: ههههه على قولتك .. يالله بروح اسوي لك ريوق
راحت قُمر وجاسم ظل مكانه.. زهبت الريوق واكل جاسم ومعاه قُمر اللي ما جاسته خير شر.. شافها ما تاكل..
جاسم: قُمر اكلي ..
قُمر : مالي نفس عمي
جاسم: شنو مالج نفس .. الاكل وايد حلو .. تراج وايد مختفيه اكلي شي
قُمر: ماعليك مني عمي ان يعت باكل لا تخاف
جاسم باستلام: كيفج ..
كمل جاسم ريوقه وشرب قهوة واشر عليها تقوم تتزهب.. راحت قُمر تتزهب.. ما تدري شنو تلبس.. مالها بارض تتعدل ولبست لها طقم شيله وعبايه عليهن نفس التطريز.. راحت دار خالد طلعت شويه ثياب خفيفه رياضيه له وخذت له ساعه تدري ما يقدر يعيش من دون ساعته وبوكه وادوات صحيه خاصه فيه.. ردت دارها وحملت القران حطته ويا الجنطه اللي فيها اغراض خالد حملت جنطتها المفتوحه وقبل لا تطلع طاحت منها الجنطه وطاح من داخلها علبه خاتم خالد اللي اشترته له.. تمت تطالعه واهي تتذكر المفاجاه اللي بغت تسويها له.. خلت العلبه على الطاوله وطلعت.. نزلت تحت لجاسم اللي ابتسم لها واهي بادلته الابتسام بس غصبن عنها..غويليرمو اللي خذاهم للمستشفى لان جاسم ما يحب يسوق برع الكويت.. طول الدرب والهدوء يعم السيارة.. جاسم بطبعه ربش ما يحب الهدوء ويدري عن قُمر ما تسكت بالسيارة لازم تدور لها موضوع او سالفه تتكلم فيها.. بس اليوم اهي هادئه على غير عوايدها
جاسم بحنيه: قُمر ... علامج ساكته
قُمر تنتبه له: ها..
جاسم: اسالج علامج ساكته .. خايفه انتي.؟
قُمر: لا .. مو خايفه بس متوترة شوي..
جاسم: قُمر .. ماعليج من شي .. لا تفكرين وايد بالموضوع وانا وياج .. انا اللي بحل الموضوع مثل ما وعدتج ..
قُمر : لا عمي عادي ... تعودت.. بس خايفه ان خالد يكون طبعه ثاني .. ما تعرفه انت كل يوم مزاج
جاسم: ايييييه هاذا اهو خالد .. يوم حلو وعشرة مر .. تعودت عليه انا
قُمر تبتسم: يعني ويا الكل مو بس انا
جاسم: أي قُمر .. ما شفتي شي .. بسالج .. ياب لج طاري ان الزعل يسوي شكلج يلوع الجبد؟
قُمر: ههههههههههههههههههه لا مو الزعل البجي ..
جاسم: هاذا اهو خالد ما يتغير .. بس ماادري .. يمكن انتي غيرتيه
قُمر حز بقلبها وبغت تغير الموضوع: الا شخبارهم الاهل
جاسم: تمام.. مريوم مستخفه ما تبي تعرس على سعود ..وعمج بسوي عزيمه بعد ردتكم ومرة وحده ملجه مريم.. صبحه بنت عبدالعزيز انخطبت لعبيد المطفوق وشكله نساج.. طلول هذا اهو خبل وكله قنص.. اييييه تعالي خالتج انيسه زارت امج امس ويا بناتها
قُمر ابتهجت: قول والله
جاسم يضحك: والله
قُمر: خسارة .. حسافه والله جانزين انا كنت وياهم .. اكيد وناسه
جاسم: والله ماادري ماقعدت وياهم بس مريم لاول مرة تكنسل طلعه عشان تروح بيتج
قُمر: ياه .. شكلها الاحوال عال العال.. خالتي تزورنا .. ومريم تروح بيتنا
جاسم: وازيدج من الشعر بيت.. خلول بيبون له ياهل ..
قُمر :الله ..يطلع مثل خليل .. عجايب
جاسم: هههههههههههههههه أي والله مطفوق خلول
قُمر: حرام .. بس سوالفه والله نكت .. يحليله
جاسم: ان كان على سوالفه لا تتكلمين .. ذاك اليوم يايني بالمكتب يسالني ان كان عندي طرشي .. خف الريال
قُمر: طرشي بالمكتب هههههههههههههههههههههههههههههه الله عليه خليل
جاسم: ولا وبعد بقول لج . . فاتح خط باسم ولده .. ابراهيم خليل ابراهيم بن ظاحي
قُمر: ههههههههههههههههههه واذا طلعت بنت
جاسم بثقه: علبالج مفوتها البنت لها خط بعد .. العنود بن ظاحي
قُمر تدمع عينها من الضحك: قويه عمي ههههههههههههههههههههههههههههههههههه
جاسم : من صج .. ما اجذب عليج
قُمر: هههههههههههههههههههههههههههههههههههههه مااصدق مااصدق
جاسم: كيفج والله .. لين ردينا الكويت بتصدقين
ظلت قُمر تضحك على سوالف عمها وشوي نست من الافكار اللي تعبتها وتعبت عقلها .. وصلوا المستشفى وجاسم كحركه فكاهيه على خوف قُمر : الله يطلعنا من مزاج خالد اليوم معصب ولا معصف ولا مصيف مثل السالميه ..
قُمر: ههههههههههه يالله عاد مو جذي.. صج محد يقدر يتوتر وياك انت
جاسم: انتي اللي مطوله السالفه واهي قصيرة كلمه وحده ولا نظره بايخه منه صميه بطراق
قُمر تذكرت الطراق اللي طرقها خالد اياه وفكرت بطراقها اللي يمكن تعطيه اياه.. بارد مثل الثلج عليه
دخلوا المستشفى وراحوا قسم الطوارئ.. قالو لهم انتقل لغرفه خاصه رقم 12 بالطابق الثاني.. دخلوا محل الهدايا وشروا له بوكيه ورد وشويه حلاو وراحوا.. دخل جاسم اول وقُمر كانت واقفه ويا النرس تعطيها الاغراض حق خالد.. دخل جاسم لخالد اللي عيونه كانت على الباب.. جاسم من صج هني..
خالد باندهاش: جاسم ؟؟؟؟؟؟؟
جاسم: هيهيهيهيهيهيهيههي مفاجاه مو ..ماتدري اني انا العم اللي يتدخل في شهر عسل ولد اخوه هههههههههههه
خالد توايه ويا جاسم وحظنه يييييييل: لا والله حبيبي اهلا وسهلا فيك يالغالي والله انك وحشتني جاسم
جاسم: هلا فيك حبيبي والله انت اكثر وحشتني .. خرعتنا يا الشايب
خالد بحزن: ادري..
جاسم: ماعليك .. تعبك راحه بو وليد .. الا قول لي ..شخبارك اليوم
خالد: ابخير الحمد لله .. وايد احسن عن امس
جاسم: زين زين.. الزينه تراها وايد متوترة وخايفه.. ان كان مزاجك زفت غيره
خالد: أي زفت الا انتظرها من الساعه 4 الفير
جاسم: صج والله
خالد: أي والله .. الا وينها .. لا يكون....
جاسم: لا لا يات .. يابتني وياها بس برع تتكلم ويا النرس وتعطيها اغراض لك
خالد يبتسم: حبيبتي والله ..
جاسم: يا عيني ..
دخلت قُمر ..والاثنين التفتوا لها.. فتحت عيونها على اخر وحست انهم كانوا يتكلمون عنها.. تطالع جاسم واخيرا عيونها راحت عليه.. خالد.. عيونها التصقت بعيونه.. يطالعها من فوق لتحت واهي بعد تطالعه من راسه لريله.. نظرته عجيبه وكانه اول مرة يشوفها.. بس امبين عليه احسن عن امس بوايد.. خالد ما شال عيونه عن قُمر.. يحليلها.. حبيبتي والله.. بس باين عليها تعبانه.. هالات سوده عند عيونها وتبين اضعف عن قبل.. ولا الاسود مسويها جذي.. بس بعد حلوة.. عيونها الساحرة ولا خدودها المورده ..تحسف على جاسم الموجود.. جان زين ما كان هني والا ترحيبه بقُمر راح يكون ثاني
قُمر بحيا وقلب خافق: شخبارك خالد
خالد: تمام .. بشوفتج
استحت: الله يخليك .. امبين ان صحتك احسن اليوم
خالد: ما قلت لج .. بشوفتج
جاسم حس ان قُمر بتحترق مكانها : انزين انا بروح شوي وبرد ..
مشى شوي
قُمر يودته: وين رايح
جاسم: بروح عندي شغل مااقدر اقولج عنه!
قُمر: وتخليني بروحي
جاسم : وين بروحج انتي ويا ريلج .. خليني زين .. دلاعه بنات.
راح جاسم وظلت قُمر مكانها ..ما تقدر تروح عند خالد ولا تقدر تطلع.. يطالعها بنظرات غريبه.. يحسها خجلانه ..وكانها تشوفه لاول مرة.. اهو نفسه يحس ان يشوف قُمر لاول مرة.. خلابه.. تمتلك القلب كله.. بس علامها واقفه هناك.. ليش ما تتجدم اكثر.
خالد بمرح: تدرين من امس لليوم وانا اطالع المكان اللي انتي واقفه فيه.. حسيت ان فيه شي غير عن الاماكن
قُمر تطالع المكان ببراءة: مافيه شي .. عادي
خالد: هههههههههههههههههههههههههههههههه
ضحك خالد وشكله كان روعه.. صج تعبان بس ضحكته ردته لسنوات ورى عمره.. بين صغير.. ووسيم بشكل فظيع.. ضحكت له بالمقابل
باستغراب: علامك.
خالد واهو يمسح عيونه: مافيني شي.. سلامتج
قُمر حست بالثلج يذوب شوي شوي بينها وبين خالد.. وراحت لعنده شوي.. قعدت على الكرسي اللي يمه واهي تطالعه بحنان
خالد: شخبارج قُمر
قُمر وعيونها بالارض: تمام
خالد يطل عليها من تحت: متاكده
قُمر رفعت راسه له.. شقول لك يعني ..اخبرك باللي قلبي يفكر فيه : ايه متاكده..
خالد: زين ... ممكن طلب قُمر.
قُمر :عيوني .
خالد: سلامه عيونج .. اظافري..
قُمر تبتسم: ان شالله..
قامت عشان تروح للنرس تاخذ منها الاغراض
خالد: وين رايحه
قُمر : بروح للنرس عشان اخذ منها الاغراض
خالد: اذا فيها طلعه بس خلاص لين ردينا البيت
قُمر: بس النرس هني...
خالد: لا بس خلاص ..ماله داعي .. قعدي وياي ..
قُمر: على راحتك...
قعدت قُمر ويا خالد ساكته ما تدري شنو تقول ..وخالد بالمثل.. يحس قُمر متغيرة عن فينيسيا.. وشكلها بعد مو زعلانه للحين.. قُمر كانت تفكر في خالد.. مرتاح حيل.. ان شالله دوم مو يوم..
قُمر: قال لك الدكتور متى تقدر تطلع من هني
خالد: لا ما قال لي .. اصلا للحين ماياتي .. الساعه للحين 8:30

قُمر بحيا: شكلنا يينا مبجر
خالد: احسن.. اصلا انا ناطرج من الساعه 4 الفير..
قُمر اندهشت .. ليش ينتظرها: ليش؟
خالد: ببالج ليش انتظرج؟ عشان اشوفج .. (مسك يدها) وحشتيني قُمر .. وحشتيني حيل!!!!
قُمر ذابت روحها بيد خالد ..ليش يسوي لها جذي.. ماله داعي يكون ممتن لها بهاذي الطريقه اللي سوته يسويه أي شخص.. سحبت يدها من يده وخلتها بحظنها وابتسمت له ابتسامه كلها الم
خالد باستغراب: علامج قُمر؟
قُمر: ولا شي .. (وترد تبتسم له وتسكت(
ظلوا على حالهم جذي.. السكوت والهدوء.. خالد يتسائل.. للحين قُمر تفكر بموضوع ندى.. ما قدرت تعرف الحقيقه من الجذب.. وليش هالنظرة بعيونها.. والله انها تهاوشني وتحقرني ارحم من هالنظرات اللي تذوب لها الروح ..
دخل جاسم: عندي لكم احلى خبر.. اجازتي بايطاليا بتطول.. بتظل هني لمده سبوعين تحت المعاينه وبعدين حنا شاخطينها رده لكويت الحريه
قُمر+خالد: سبوعين
خالد: انا توقعت اليوم نرد الكويت ولا غيره بعد انتظر سبوعين
جاسم: والله الدكتور قال جذي . وما يصير ترد الكويت وانت تعبان
خالد بعصبيه خفيفه: بس انا مو تعبان ابد ..
دق عليه الم في بطنه سكته وظل يتالم واهو يغمض عيونه.. قُمر يودت يده
جاسم: شفت شلون.. وتقول مو متعور ..خلك تصحى ولو شوي وبعدين انا اللي بشتري لك طيارة وبردك الكويت..
خالد يسند راسه على الفراش: الله يعيني ليما ارد ..
هدأ شوي ويد قُمر تنسحب من يده.. فتح عيونه على خفيف يطالعها وشافها ساكته وسكت عنها.. ماله بارض يتسائل ويفكر لانه خلاص مزاجه تعكر.. بيظل بايطاليا اكثر.. وين ما ندى يمكن تكون موجوده وتيي مرة ثانيه وخلاص.. تهدم حياته كلها.. حاول يسترخي وشوي شوي هدى بس ظلت عيونه مسكرة ..قُمر حست ان خالد تضايج يوم عرف انه ما بيرد الكويت.. ليش يبي يرد بهاذي السرعه.. لا يكون بس مواعدها هناك بعد.. اوووووف يا ربي لمتى بظل افكر بهاذا الشي ..
خالد فكر مرة وحده: تعال .. انا ما صليت الفير.. ولا العشا؟
قُمر: تبي تتيدد؟؟
خالد: أي .. جاسم ييب لي ماي عشان اتيدد واصلي
قُمر انحبطت .. ليش طلب من جاسم وما طلبه مني ..
جاسم :ان شالله ..
راح جاسم داخل الحمام وياب معاه ماي وقعد خالد يتيدد بشكل خفيف وطلعت له قُمر شي يسجد عليه من جنطتها وبدى صلاه واهو قعود.. قُمر سكتت وجاسم بعد.. تذكرت القرآن وطلعت تييبه من عند الممرضه ..خالد فرغ من فرض العشا قضاء وعصب زود من روحه قُمر.. بستين داهيه.. سمى بالرحمن وصلى فرض الفير.. دخلت قُمر واهو يسلم ومعاها القرأن ومن دون ما يطالعها
خالد بحقارة: ما تقدرين تنتظرين دقيقه انشغل فيها الا وتطلعين
قُمر: ما رحت مكان بس يبت..
قاطعها خالد: بس بس لا تبدينها علينا بجي ومناحه ..
قُمر انقهرت من اسلوب خالد وياها بس ما ردت عليه
جاسم: علامك خالد؟
خالد بعصبيه : مافيني شي .. تسمحون تطلعون .. ابي ارتاح شويه ..
جاسم توه بيتكلم بس قُمر مسكته عشان يسكت عنه وراحت تاخذ جنطتها من جنب خالد واهو يطالعها بنص عيون وبنظرة انتقاميه وكانه يبي يذبحها على برودها.. خافت منه وطلعت بسرعه ويا جاسم وظل خالد لروحه بالدار.. يفكر شكثر اهو حقير وتافه على الحركات اللي تطلع منه.. سكت شوي وقعد يسبح ويتحمد في الله ليما اخذه الرقاد ورقد.. الساعه 9:30 دخل جاسم مرة ثانيه لخالد وشافه راقد.. اشر لقُمر انه راقد وراح لعندها
جاسم: يالله قُمر نرد البيت
قُمر: انت رد انا بقعد هني ..
جاسم: راقد شتسوين وياه .. وبصراحه ماابيه يناجرج ولا يقول لج شي جارح
قُمر تبتسم: انت اللي تقول هالكلام .. خلاص انا تعودت عليه .. وعلى مزاجه..
جاسم:علامج قُمر
قُمر: انا ادري سبب هالمزاج.. وبتكلم وياك عنه بعدين لين رديت تاخذني ..
جاسم :يعني ما بتيين وياي
قُمر: لاعمي .. انت روح وانا بظل وياه هني ..
جاسم: على راحتج .. دقي علي انزين ..
قُمر: ان شالله ..
جاسم: يالله مع السلامه
قُمر: الله يسلمك
راح جاسم وظلت قُمر لروحها بعرين الاسد.. دخلت الدار بهدوء وراحت يلست عنده يم الدريشه.. فتحت القران وقعدت تقرى بصوت خافت.. الخشوع عم المكان وخالد اللي كان راقد صحى بس ظل مسكر عيونه يسمع... قُمر وياي.. ما راحت .. ما راحت ..

الجزء العاشر
الفصل الأول
مر الاسبوعين بسرعه عكس ما توقعوا.. خالد ترخص قبلهم وظلوا يومين زياده يتشرون اخر الاغراض حق اللي نسوا يشترون لهم.. جاسم قعد اهو الثاني يتشرى اغراض حق نفسه وحق مرييم اللي ما قصرت بالطلبات.. بعد بس قُمر اخذت منه هالمهمه وقعدت تشتري لها احلى الاغراض.. اشترت لارفيجاتها ولصديقاتها.. ومثل كل مرة تشتري شي لخالد.. سمعت عن طريق الغلط ان عيد ميلاده جريب.. وعشان تهديه شي شرت له ساعه فخمه ماركه روليكس فضيه اللون ..قعدت تتمنظر فيها واهي سرحانه.. تتخيل موقف ثاني.. بعيد عن الواقع واهي تهدي خالد االساعه بمنتهى الرومانسيه.. عشى حالم وجو شاعري واخر العشا تهديه الساعه.. ومن بعدها يطلعون يتمشون باي مكان.. ولا احلى.. نست الحلم ووعت على الواقع المرير ..بس ما وقف قرارها انها تشتري الساعه وبالفعل شرتها.. ومن بعدها اختارت له ربطه حلوة انيقه سوده فيها رسم دواير لامعه شوي.. وخذت له بعد عطر اوبسيشن لكالفن كلاين .. وخلاص..التفتت بالمحل واهي تنتظر البايع يسوي حسابها الا وبنت تناديها
منايات: هلا والله بقُمر
قُمر مستعجبه: هلا بمنايات هلا
منايات: كويس ما نسيتييني
قُمر: وانا اقدر انساج
توايهن البنات بكل محبه وكانهن ارفيجات من زمان
قُمر: والله صدفه حلوة
منايات : أي والله .. شخبارك يالغاليه
قُمر: ابخير الحمد لله .. وانتي شخبارج
منايات تتنهد: الحياه مستمرة وياي .. مع غياب الغاليه
قُمر: الله يرحمها
منايات : ويرحم الجميع .. الا قوليلي .. شخبارك .. للحين بايطاليا؟
قُمر: ايه .. بعد يومين بنرد الكويت.. وانتي
منايات: كنت برجع السعوديه قبل اسبوع .. بس لاقيت صحابي واقنعوني اني ابقى اكثر .. اتسلى وارد السعوديه ..
قُمر: خسارة .. لمتى بتظلين هني
منايات: باكر راح ارد السعوديه .. تخيلي الحظ
قُمر: أي والله .. بس رب صدفه خير من الف ميعاد
منايات: بالفعل.. تتسوقين؟
قُمر تبتسم: ايه والله اخر الشروة حق اللي نسيناهم ..
منايات: واللهي ان كان على التشري انا خلاص اعلنت افلاسي غاليه حيل روما
قُمر: اييه والله هههههههههه انتي هني لحالج؟
منايات: لا والله وياي صحابي.. كاهم هناك
تاشر منايات على مجموعه بنات وقُمر تطالع.. وانصدمت.. ندى ويا البنات.. وامبين ان ندى لاحظت قُمر.. واهي الثانيه انصدمت بعد.. جاسم يه لعند قُمر بس شاف بنت واقفه يمها لذا بعد شوي عنها بس لاحظ ان قُمر شوي مصدومه.. قعد يطالع اللي تطالعه وشاف.. ندى هني.. يا ساتر.. شناويه هالبنت.. ندى اول ما شافت قُمر رد الحقد وياها.. وراحت لعندها.. قُمر تطالعها واهي تبي تشرد بس ما قدرت
اول ما وصلت ندى لعند منايات: اعرفك يا قُمر على صحبتي الغاليه .. ندى.
قُمر تطالع منايات.. صاحبتج الغاليه.. اكثر انسانه اكرهها بحياتي تطلع اغلى ارفيجه لج ..تمت قُمر تطالعها بنظرة عدم تصديق
ندى وكانها ما تعرف قُمر : قوة قُمر.. شخبارج
قُمر:................. ابخير
منايات: ندى مثلك كويتيه .. بس تعيش بلندن ويا امها .. صدفه حلوة
قُمر بالم فظيع: يا مكثرها.. عن اذنج منايات لازم اخليج اللحين مستعيله
ندى تتلفت تشوف ان كان خالد وياها ولا لاء .. ماكان خالد . كان واحد يشابه خالد شوي بس ما تذكرت من اهو..
منايات: يالله قُمر .. ان نزلت الكويت ان شالله اعمل لك تلفون .. عندك خط ..
قُمر: .... انتي عطيني رقمج وانا اللي بدق عليج ..
منايات: كويس
منايات قعدت تكتب رقمها لقُمر اللي ما شالت عيونها عن ندى اللي من حقارتها قامت تكلم قُمر
ندى: سياحه قُمر؟
قُمر بخوف: ..... أي
ندى: بروحج ولا ويا الاهل
منايات: ويا زوجها .. صح؟
قُمر:......... أي صح
ندى تاشر على جاسم: هاذا زوجج
قُمر حست بحقارتها .. من صجها ما تعرف من زوجي: لا .. مو زوجي
منايات: هاك الرقم .. ولا تحرميني من صوتك ..
قُمر: ان شالله .. اخليكن اللحين.. عن جد فرصه حلوة منايات..
منايات: ايه والله .. باي قُمر
قُمر واهي تاخذ اغراضها: باي..
راحت عنهن قُمر واهي تحس بالموت وتبي تبجي .. مسكها جاسم اللي كمل حسابه وظل ينتظرها
قُمر بهمس لعمها: طلعني من هني .
جاسم مر على ندى وطالعها بنظرة احتقار..جاسم دخل قُمر وظل اهو برع.. فرصه وسنحت له انه يكلم التعبانه ندى ويوقفها عند حدها.. قُمر مااعترضت على اللي يبيه عمها بالعكس راحت ويا غويليرمو وظل جاسم مكانه .. دخل المحل وراح لعند ندى
جاسم بكل غرور: ممكن كلمه اختي لو سمحتي
ندى التفتت له وشافت النظرة...: sure why not
راحت ندى ويا جاسم وخلت منايات والبنات مصدومات من حركتها .. طلع جاسم ويا ندى وراح لعند كوفي شوب جريب .. وقعدوا ..
جاسم: على مااظن عندج فكرة انا شنو ابي اقول لج ..
ندى واهي تبتسم ابتسامه خبيثة: وتدري شنو رأي بالموضوع
جاسم حس بمدى حقارتها : يا انسه ..اخلاقج مو اخلاق بنت محترمه مربيه تربيه سنعة من قبل اهلها .. انج تلاحقين واحد متزوج كان مستعد انه يوفر لج الحياه اللي انتي يمكن ما تتصورينها باحلامج وانتي بنفسج رفضتي هذا الشي
ندى تقاطعه: مرة ثانيه للموضوع نفسه
ويقاطعها جاسم واهو يكمل: لانج مو من مستوى انج تكونين زوجه لبن ظاحي
ندى تمت تطالعه بنظرة كلها شر: مو من مستواي.. انت اكيد جاسم .. مو؟
جاسم بغرور عمره ما حس فيه: بالنسبه لج .. جاسم بن ظاحي .. يا ندى.
ندى تذكرت كلم خالد عنه وشلون جاسم مغرور ومعتد بنفسه من جذي بدت تفكر بكلامها قبل لا تقوله
ندى: اهي كلمه وحده ماكو غيرها .. khalid is mine ومو بنت ظاحي اللي بتقدر تاخذه مني
جاسم يبتسم: انتي ما عرفتي قُمر للحين
ندى: قُمر اللي ماعرفت ندى للحين .. انا نسفتها بفينيسيا .. وما باجي علي الا التشطيبات وقُمر خلاص تنتهي
جاسم حس بالكره تجاهها: انتي وايد شايفه في حالج
قامت ندى: انا بنت وتحب واحد من اربع سنين رافجته على الحلوة والمرة .. مو بنت تافهه مثل بنت اخوك اللي اتيي وتفرج امبيناتنا .. عن اذنك
جاسم ظل مكانه وردت له ندى مرة ثانيه: أي ووصل رساله لخالد .. الكويت ولا ايطاليا.. انا راح اكون معاه .. بكل خطوة... bye
راحت ندى لكن كلامها ظل مكانه باذن جاسم.. ما تحرك ولا قال ولا كلمه.. لو قام لها جان طرقها بذاك الطراق اللي بينعش حياتها.. بس اهو صبر نفسه ولبس قناع البرود.. صج انك عمي يا خالد يوم حبيت هالحيه اللي اسمها ندى.. لكن وين عني يا بنت امج .. انت ماخليتج تكرهين حياتج .. انتي بس جربي تدخلين حياه قُمر مرة ثانيه.. ما تلومين الا نفسج ..
قُمر ردت البيت واهي تعبانه حيل من شوفه ندى.. هزتها.. صج انها قويه.. وتمتلك قوة عجيبه ..يمكن من جذي خالد حبها.. لانها تبين قويه للناس.. قعدت على الكرسي واهي تسند راسها.. واول ما سكرت عيونها نزلت دموعها المحبوسه.. لمت حالها على الكرسي واهي تبجي بهدوء .. تحس بقله الحيله لانها بنت .. بنت صغيرة .. ما تقد تجابه مرة مثل ندى .. قاسيه وما عندها قلب وتقدر تحطمها بنظرة..
طلع خالد من المطبخ واهو يضحك ويا زينه وشاف قُمر قاعده واهي مغمضه عيونها .. راح لعندها واهو مستغرب
خالد بنعومه: قُمر ؟؟
قُمر انتبهت له: شصاير..
خالد : ما صاير شي سلامتج .. شفيج ..
قُمر تطالع خالد وتتذكر ندى وقامت عنه: ما صاير شي
راحت على الدري واهي تبجي من خاطر
زينه: شوفيها ستي ..
خالد واهو حاير: ماادري..
راح وراها ... وصل الصاله وقُمر صكت باب دارها .. راح لعندها يطقه
خالد: قُمر .. علامج قُمر ..
قُمر من ورى الباب: مافيني شي ... روح عني ... مافيني شي
كان صوتها حزين وكله بجي ..
خالد حط يده على الباب وما سكت: قُمر .. علامج .. ما يصير مافيج شي .. انتي ما تبجين على شي تافه.. يالله قُمر فجي الباب
قُمر استغربت منه .. ماابيك تدخل : ماابي اشوفك .. ولا ابي اتكلم وياك .. فاهم
خالد احتار زود .. اشفيها بعد .. ما بغى انها شوي تنسى زعلها بوجود جاسم وكاهي ردت مثل قبل
خالد: قُمر حبيبتي .. علامج
جاسم من وراه: خالد.. تعال هني
التفت له خالد وراح لعنده: علامها قُمر ..
جاسم : تعال وياي تحت وبقول لك
نزلوا الشباب تحت وقُمر بدارها.. فصخت عباتها والشيله وانسدحت على السرير واهي تبجي ..تحس بالكابه تسري فيها من كل طرف.. وتحس بالضعف.. وايد تغيرت.. صارت اهي والحزن نفس الشي.. كله تبجي والتفكير ذابحها.. كثر التفكير عطب حياتها.. وسكتت شوي ورقدت ...
خالد : علامها قُمر
جاسم واهو يقعد: خالد .. قُمر شافت ندى اليوم بالمحل ..
انصدم خالد .. ندى للحين هني : منووووووو
جاسم: ندى ما غيرها .. قُمر شافت بنت تعرفها بالمحل والبنت طلعت ارفيجه ندى
خالد: أي بنت ...
جاسم: ماادري كانه اسمها منايات..ماتعرفها؟
قعد خالد يتذكر الاسم .. ما يعرف وحده اسمها منايات من ارفيجات ندى .. يعرف شيماء والعنقاء وريم ولانا بس ما يعرف منايات: مااعرفها ..
جاسم: الحقيرة ندى يات حذالها وقعدت تتحداها وتكلمها وقُمر فقدت اعصابها ورديتها البيت.. من جذي اهي تعبانه وايد
خالد بدى فكه يتقرطع من الحمق: صج انها ........ وين شفتوها؟
جاسم: كانت بسنتر الديالوجي ..
خالد: قوم وياي .. اذا للحين هناك اوريها
جاسم: ماله داعي انا كلمتها ... وبدت مصرة على اللي براسها
خالد : وشنو اللي براسها؟
جاسم: انها تردك لها
خالد فقد اعصابه وصرخ: تخسي اهي واللي يابوها بنت الجلاب.. هيئتها ما تهزبت من ريال قبل..
جاسم يبتسم باستهزاء: اللي يشوفك يقول انك ما تحبها من اربع سنين
خالد يهدى: انا صج حبيتها.. حبيتها بعمى يا جاسم.. ما ادري شلون يعني فكرت اني اوجه لها أي نوع من المشاعر.. ماكانت جذي.. كانت هاديه وناعمه ولو ان فيها بعض الميول الحقيرة بس كانت عاديه ... لها عيوبها ولها ميزاتها .. شاللي غيرها
جاسم: الحب ..
خالد: انا هذا اللي قاهرني.. لو انا اللي رافضها يعني ببرر لها موقفها.. بس اهي اللي ارفضت اللي كنت بقدمه لها.. يعني مالها حق ترد لي مرة ثانيه
جاسم: والله انا احس البنت مو سويه .. ولا يفوتك بعد تقول لك انها راح تلحقك بكل مكان تروحه .. وياك وياك
خالد: هااااه .. خلني اشوفها بس .. والله بنسى اني مربى واني انسان عاقل وبطيح فيها طيحه
جاسم: ههههههههههههههههههههههههه الله يهداك يا خالد ..
خالد: لا يا جاسم .. ندى طافت حدها .. ولازم اوقفها انا .. قبل لا تتغلغل في حياتي اكثر.. لذا بنجدم الرحله وبنرد الكويت باجر
جاسم باحباط : مو يوم الخميس ؟
خالد: لا .. بنرد باجر .. انا وانت وقُمر
جاسم: وليش انا بعد
خالد: لاني مااوثق فيك.. بتعفس الديره على راسنا بيوم واحد.. ماادري شلون صبرت سبوعين
جاسم: اااااااااااااه .. من مالك قلبي وسلطان روحي
خالد : اووووووووووووووه نسيت ... ال احم اللولو
جاسم: ااااااااااخ .. احس ان الغوص رد مرة ثانيه بالكويت.. واني مثل البحار اللي ماله بحر وماله نصيب باللولو الزين
خالد: لا تقول جذي.. انت قدها وقدود بومحمد .. والله نسيت انك بن ظاحي
جاسم بنظرة سينمائيه: لا وانا عمك ما نسيت .. واول ما نرد الكويت.. بكلم ام خليل .. ومن بعد ليلتين ملجتي قايمه ..
خالد : هههههههههههههههههههههه الله عليك يا بو محمد ..
جاسم: اااااااااه على عمري..

الفصل الثاني
-------------
بعد يوم بالكويت ..
مريم : اوووووووووف يا نوفو انتي ما بتيين وياي منو بيي وياي بالله عليج
نوفه: هههههههه مريم علامج .. الا عزيمه ما يحتاي انيي
مريم : لا والله .. اقلج بيدخل عشان يشوفني ابي احد يقعد وياي وخبرج مقطوعه من شيره..
نوفه:ههههههههههههههههههههه مريوم شنو مقطوعه من شيرة ويا ويهج .. انزين لا تحاتين بييج بس بييب وياي بنات خالتي
مريم: اكيد .. ولا عاد هاذي شيخه والله انها عجبتي وايد ..
نوفه: اولهن شيخوه .. الا اقلج ..قُمر وخالد متى بيردون؟
مريم: بعد باجر .. وعمي جاسم بعد بيرد بهذاك الوقت
نوفه: عجيبه عمي ليش مسافر
مريم: ماادري خلي قال لي انه مسافر السعوديه وتعرفين خليل ما يقول كلمه وحده من دون ما يتغشمر وما فهمت له كلمه وحده.
نوفه: هههههههههههههههههههه فديته ولد عمي والله حليله .. يالله اخليج الحين بتصلل في خالتي عشان اخبرها ..
مريم: بايات كول ....
سكرت نوفه عن مريم واتصلت في بيت خالتها ..ناصر كان قاعد بالصاله من بعد الغدى ويا ابوه ويسولفون .. رن التلفون ورد على التلفون..
ناصر: الو
نوفه دق قلبها: السلام عليكم ورحمه الله
ناصر : وعليكم السلام والرحمه . نعم.
نوفه: الله ينعم عليك اهني خالتي
ناصر دق قلبه: من وياي؟
نوفه: اشعليك ناد خالتي ..
ناصر: انتي نوفه ؟؟
نوفه تورطت .. صج حمار نصور ليش يسوي جذي: أي اقصد لا انا مروة
ناصر عرفها انها نوفه: هلا والله بمعاليق قلبي
نوفه ماتت من الحيا: هلا فيك ناصر .. شلون عرفتني
ناصر: نبض قلبي زاد علي وقلت اهي اهي .. شخبارج الغاليه
نوفه: بخير.. وانت
ناصر: بخير بسماع صوتج ..
نوفه: وين خالتي ..
ناصر: نظر عيني راقده خالتج .. تبين شي ..
نوفه: لا بس بغيت اخبرها ان قُمر بترد باجر وبنفس الوقت عزيمه ملجه بنت عمي مريم بتصير ونبيكم اتيون وتخلون الفرحه فرحتين ..
ناصر: ما طلبتي يا حياتي .. باجر من الصبح احنه عندكم
نزلت شيخه ومبين عليها صاحيه من الرقاد من كشتها.. شافت ناصر شوي وياكل التلفون
شيخه: خل التلفون لا تاكله شنو خلص اكل البيت..
نوفه: هههههههههه شيخوه هاذي
ناصر باشمئزاز : منو غيرها ام كشه ..
نوفه: انزين خبر خالتي ويالله مع السلامه
ناصر: وين وين .. ما صار تكلمت شي
شيخه : منو اللي متصله.. (تسحب يد ناصر عن السماعه) من انتي؟؟
ناصر يدزها بعيد: ذلفي لا بارج الله فيج .. الو .. الو ... سدت الخط زين جذي
شيخه : ههههههههههههههههههههههههههه وايد زين
ابو ناصر :اوووووش يا بنت
شيخه: بنت.. شنو بنت .. انا بنت.
بو ناصر: والله بصوتج هاذا ما تبينين بنت من ولد
ناصر بعصبيه: انتي ليش جذي رقله ووايد حمارة
شيخه : وايد حمارة .. هيه انت لا اللحين طراق ..
ناصر: جب شيخو والله الا اذبحج اللحين
دزها وشوي راحت لعند ابوها وطاحت على ريله : يوبا طالع هاذا
بوناصر عصب: علامكم انتو الفار والقطو ما تسكتون الناس ظهر تبي ترتاح وانتو ماكو راحه وياكم ..
شيخه ظلت مكانها على ريل ابوها وتمسح عليه: يوبا علامك لا تعصب
بو ناصر دزها اهو الثاني: كله منج انتي يا الرقله ما تستكين اخوج يتكلم بالتلفون وانتي بكشتج تصارخين عليه ..
شيخه: يوبا ... انا ماقصدت بشي والله نصور بعد وايد دلوع ...توجه كلامها لناصر... طالع على من انت .. مو ابوي ابوي ما يتدلع
ناصر: بوريج الدلع اللحين
الا ام ناصر نازله : علامكم يا عيال قالبين البيت فوق تحت ...
بو ناصر: هاذي بنتج المصبنجيه والله انها ما تيوز دوم تتحارب ويا اخوها
شيخه: ها بدر باين تبي تتهاوش وياي
قام لها بو ناصر: بدر بعينج
ما خلته يكمل وراحت حظنته ومسرع ما طفت حمقه بابتسامه واهو يطقها خفيف على راسها: والله انج حمارة .. واحلى حمارة
شيخه : يا بعد عيني يا شيخ المصابيح ياحلو الحمارة بحلج لو كان نصور اللي قايلها شليت بلاعيمه
ناصر يشد شعرها واهو يضحك: ناصر اصغر عيالج
ردت شيخه عن ابوها ولمت اخوها الثاني: يعلني فداك يا روح انيسه والله اني احبك حيل .. ههههههههه ياي شقارة كله رياييل
ناصر يباعدها: سود الله حظج يالباهته تموت على الرياييل
بو ناصر: عيب عليك ناصر اختك لاتقول لها جذي
شيخه: خله يوبا... والله من حقي احب الرياييل ان كنت انت واهو منهم يعلني فداكم يا ربي .. نوفو المتصله؟
ناصر: أي يمه مريم بنت ابراهيم عازمتج على عزيمه ملجتها باجر ومرة وحده رده قُمر من السفر
بو ناصر: بعد بيت بن ظاحي
ام ناصر تتجاهل كلام ريلها: ان شالله باجر من الصبح احنه عندهم
بو ناصر: واللي يقول ماكو؟
ام ناصر: الله يهديك يا بو ناصر لمتى يعني حرام هاذا الرحم واحنه اللي نسويه مخالف لامر الله
بوناصر: انتي ناسيه من بعد ببو سعود شقالوا لنا
ام ناصر: المسامح كريم الله يسامح يا بو ناصر شعبالك انت البشر وصدقني لو ترد لهم بتشوف شي غير عن اللي تتوقعه
بوناصر: انتي تبيين تروحين روحي .. لكن انا ماانسى كلمه ابراهيم ما دام راسي يشم الهوا
شيخه: خشمك براسك يوبا
ناصر ير اخته لفوق: انتي ما تيوزين .. شنسوي فيج يعني ..
نورة اللي كانت تسمع اغنيه عبد الرب ادريس المفضله لها : الحفل : كانت سرحانه واهي ناشرة شعرها القصير على وسادتها واهي سرحانه بفكرها .. تتذكر خليل اخو خالد اللي شافته .. مريم قالت لها انه متزوج ومرته حامل وبتولد بعد جم من شهر .. وايد عجبها .. ما تدري ليش .. مع انه وايد جبير عليها ب13 سنه .. دخل قلبها من دون استئذان.. قعدت تضحك واهي تهز راسها: صج ينيت احب ريال معرس هههههههههههه ..
دخل ناصر دار نورة واهو يشد شعر شيخه
شيخه: خل شعري لا اخلخل ظروسك اللحين
ناصر يضحك: مافيج خير ويا ويهج ياليحه
نورة: ههههههههههه علامكم انتو توم وجيري كله مناجر
شيخه تفج روحها من ناصر وتدزه: ما تشوفين عاشق الغفله اخوج والله ما يصير اقل له كلمه الا وير شعري ..(تدزه) حمار
ناصر : هااا شيخوه ما كفاج
نورة: اووووووووص قولولي .. شصاير..
شيخه تصفق من الوناسه: بنروح بيت خالتي ام خليفه باجر من الصبح
نورة: حلفوووووووووووووووووو اقوم اتصل في نوفو
ناصر قعد على السرير: أي قومي اتصلي فيها
نورة: أي بعد ما تطلع انت ..
ناصر انحبط: افا نورة
شيخه : هههههههههه طاع ويهه هذا هههههههههه انت من صجك ما تستحي انت ما تعرف ان نوفو وايد محترمه وما تحب هالسوالف ويالله اطلع بره خلنا نتفق على الاشياء ويا بنت عمنا
نورة: أي اشياء
شيخه: اوووووص انتي يالله نصور برع
ناصر واهو يطلع: امحق من بنات صج مال فقر
شيخه : يالله out out خلنا ناخذ راحتنا
طلع ناصر وشيخه طبت على نورو: اتصلي في بيت خالتي
نورة: ليش بتصل على رقم نوفو
شيخه : ويهج اتصلي في البيت ...
نورة: وليش بالله
شيخه: هاا.. ولاشي .. بس تكفين اتصلي في البيت
نورو: يا ويلي ويلاه منج انتي يالشيطانه صج من تحت السواهي دواهي .. بس تدرين خلينا نتصل
واتصلت نورة في البيت .. طلال كان بيطلع من البيت عشان يروح الدوام الثاني .. ورن التلفون .. راح يرد عليه ونورة وشيخه يتهاوشون عليه وشيخه خذت التلفون
طلال: الو
شيخه : وخري زين .... الو
طلال استغرب: نعم؟
شيخه تعدل من صوتها : السلام عليكم ورحمه الله
طلال: وعليكم السلام والرحمه خير ..
شيخه: الخير بويهك يا راعي المرسدس
طلال : هههههههه من وياي..
شيخه: افا ... ما عرفتني .. وياك شيخه المصابيح ..
طلال: اوه اوه اوه هلا واللله السموحه يالغاليه ماعرفناج هلا والله بشيخه المصباح
شيخه بغرور: هلا فيك يا بن ظاحي .. شخباركم شعلومكم
طلال: أبخير الحمد لله انتو شخباركم
شيخه: الاهل ابخير ويسلمون عليكم وانا بعد تمام اسال عنكم قاطعينا ما تسالون
طلال: المشاغل زادت بعرس بنت عمي وقُمر بترد باجر بعد بس ان طفتوا عن العقل ما رحتوا عن القلب..
شيخه استخفت من كلام طلال : وانتوا بعد .. يالله طلال مدت يدك
طلال: خهههههههههههههههههه ليش
شيخه: شنو ليش بنييكم باجر ان شالله وبصراحه نبي فلوس البانزين وماجله الطريج
طلال: هههههههههههههههههههه بنت خالتي الله يهديج بس انتو صرفوا اللي عندكم ولين وصلتوا تلاقون اللي تبونه
شيخه: كل شي ؟؟ حتى السنكرز .
طلال: هههههههههههههههههههه ما تنسين شي انتي
شيخه: وين انسى .. ماانسى الظروس الطايحه ولا السنكرز ولا العلوج اللي يتلصق بشعري ..
طلال: هههههههههههههههههههههههههههههههههههه يا شيخه الله يهديج بس المسامح كريم
شيخه: وانا مو كريمه .. انزين لكن انا بطلع كل هذا من عيونك يوم إلى انييكم
طلال: زارتنا البركه والله واوامرج مطاعه ان شالله.. شيخه بغيت استسمح منج على ذيج المرة
شيخه انحرجت واهي تتذكر: ايه زين ذكرتني عشان تزيد الطلبات
طلال: ههههههههههههههههههه الله عليج تامرين امر انتي يالغاليه
شيخه: فديتني هههههههههه يالله .. في وداعه الله
طلال: لا خلج والله وناسه السوالف وياج
شيخه: من قال اصلا الدقيقه ب10 دينار وياك والعداد للحين يشتغل
طلال: بل بل عليج كله حياتج قلوس ..
شيخه: مصباحه موو ان ما فكرت بالفلوس افكر في شنو
طلال: ههههههههههههههههههه وانتي الصاجه يالله بنت الخاله تامرين بشي
شيخه: سلامه راسك يالشيبه
طلال: ههههههههههههههههههههههههههههههه الله يسلمج
شيخه: يالله في وداعه الله
طلال: ههههههههههههههههه في حفظ الرحمن ..
سكرت شيخه عن طلال اللي ظل يضحك على سوالفها .. وقعد يتذكرها يوم يشوفها .. ما فارجت خياله ولا تفكيره من ما شافها .. واذا بغى ينسى همه ويا وسيمه يتذكر سوالفها .. اااااااه يا وسيمه .. ماادري شسوي وياج.. طلال من بعد ذيج الليله كلم ابوه عن وسيمه بس ابوه رداه لانه للحين صغير وما كون مستقبله بس اهو كلم ام وسيمه عنها وام وسيمه ما ردت عليه جواب يطمن واهو من يومها وما يكلم وسيمه لان امها سحبت منها التلفون وسفرتها وياها العمرة من سبوع ونص .. يحس بالمرارة تسري بعروقه .. بيخسر وسيمه وبيخسر حبه الكبير.. شالحل يا ربي.. لو وسيمه عندها ابو جانزين ما عندها الا هالاخو الحقير.. عدل شماغه وطلع من البيت . .الا وتلفونه يرن
طلال بالسيارة: الوو
قُمر: هلا والله بالغالي
طلال بفرحه: قمووووووووووووووووووووووووووووور
قُمر: ههههههههههههه هلا طلال شخبارك حبيبي
طلال: ابخير يالغاليه .. تعالي رقمج رقم عمي ...
قُمر: احنه بالكويت تونا واصلين ..
طلال: لاااااااااااا تقولين وينكم في بيت عمي .؟
قُمر: لا حبيبي احنه بالمطار..
طلال: لاااااااااا مش ممكن ما بصدئ
قُمر: ههههههههه سدئ سدئ ههههههههههههه
طلال: اللحين يايكم ..
قُمر: هلا فيك بس لا تعلم احد ..
طلال: افا عليج ما طلبتي يا قُمر بن ظاحي مسافه الدرب وانا عندكم
قُمر: يالله مع السلامه
طلال: الله يسلمج يالغاليه ..
وراح طلال المطار لهم.. جاسم مشى عنهم بسرعه عشان لا يشك احد فيه .. ظلت قُمر ويا خالد واهي ناسيه كل اللي صار امبيناتهم وفرحانه حيل لانها ردت الكويت ويا خالد.. حتى اهو وايد مرتاح شل الجبس البارحه بالليل مع انه يده شوي تالمه بس تحمل .. ما دخن من سبوعين وياكل زين .. وكان لابس دشداشه ومحلو زياده بشكل جسمه من بعد ما فقد شويه من وزنه..
بعد 00:15 ساعه طلال كان عندهم وتوايهو اهو وخالد ولم قُمر على خفيف لانه وايد يعزها وظل ماسك فيها وخالد بيموت من الغيره منه ..
طول الوقت وطلال يسولف ويا قُمر وخالد اهو اللي يسوق وميت من القهر على طلال الفاضي يه وقعد يهذر وياها ..خبرها عن بيت خالتها وانهم تصالحوا وياهم وفرحت وايد على الشي وبعد فرحت زود على زيارتهم باجر .. واخيرا وصلو بيت بو خليل .. قُمر نزلت واهي متغشيه عن الشمس الحاميه.. كانت لابسه العبايه الطقم والخواتم اللي عطاها اياها عمها وعمتها .. قُمر راحت لااراديا يم خالد من التوتر اللي فيها واهو ضمها بيده ودخلوا البيت.. مريم كانت قاعده بالصاله اهي ووضحه زوجه خليل ومعاهن خليل واهو بعد محني شعره على البرود
مريم شافت خالد وشهقت: خاااااااااااااالد

وضحه انتبهت وقامت بسرعه.. دخل طلال من بعد قُمر وخالد ومريم الثانيه شردت بعد وظل خليل مكانه .. مفتشل جدام حرمه اخوه واهو محني راسه
خليل: هلا هلا حمد لله على السلامه
توايهو الاخوان وخالد يتكركر من الضحك على خليل
خالد : الله يسلم عمرك بو ابراهيم شخبارك شلونك
خليل حس ان اخوه يتغشمر عليه: ههههههه فوق النخل بو وليد .. بس ماكو شغل احني راسي مثل الحريم ههههههههههه ... شلونج بدرة اوه قُمر والله نور بيتنا بييتج
قُمر بحيا: الله يخليك النور نورك بو ابراهيم ..
خليل: انتوا قعدوا وانا بروح اشيل هالمصخرة ...
طلال كان ناقع من الضحك على خليل ويتلمس في شعره
خليل: خله عنك علامك انت عبيث جذي
طلال: ههههههههههههههههههه يا ريال محني راسك صج مو صاحي
خليل: لا عيل اخليه شايب وانا للحين شباب والله محد شيبني الا انت وخلود وجسوم يوم صغار ولا نسيتو من كان فرسكم
خالد : هههههههههههههههههههههه الخير والعافيه فيك يا بو ابراهيم وما عليك من طلال من حقك تحافظ على شبابك بس لو سمحت شنو الخلطه؟
خليل: ودي والله بس مريم محلفتني مااعلم احد هههههههههههه
خالد نقع من الضحك ويا طلال
خليل يمثل بالزعل: بس بروح عنكم يوم اللي تخلصون ضحك نادوني
قُمر: ما عليك منهم اخوي والله عجايب الحنه .. خوش مسح ..
خليل: الله يخليج يا قُمر محد يعرف غيرج تعالي هني اعلمج ماابي هالمطافيق يدرون
قُمر راحت لعنده واهي متونسه حيل
خليل بهمس: انا خذيت احسن خاشوقه من المطبخ ومسحت فيها الحنه بس لا تخبرين امي
قُمر: هههههههههههههههههههههه ان شالله .. سرك في بير
خليل يبتسم: هلا والله فيكم منورين ..
شوي الا ومريم نازله ومعاها امها ..
ام خليل اول من لوت عليه اهي قُمر : فديت القُمر نظر عيني شلونج شخبارج
قُمر وام خليل توايهن : هلا فيج خالتي ابخير بشوفتج
ام خليل: حبيبتي والله .. علامج مختفيه ومخلصه ..
راحت عند خالد واستلمته تبويس وحظن
خليل: بروح حق وضوحي تحظني وتبوسني ..
خالد ضحك على اخوه: هلا يمه حبيبتي شخبارج وحشتيني حيل
ام خليل بعتب: امبين .. كل يوم تتصل وكل يوم تسال عن امك المسيجينه
خالد: بعد يمه كل وحده لها حقها (يطالع قُمر اللي اختبص لونها (
ام خليل: تستاهل الزينه تستاهل .. عسى استانستو
خالد يطالع قُمر من قلب بنظرة عشق: وايد ..
قُمر حز بقلبها .. فعلى الاالام اللي مرو فيها فهي تمر باحلى مرحله بحيااتها .. الحب لخالد .. ومن صج.. ياتها اوقات فرحت فيها ..
مريم تحظن قُمر: أي عسى حاملين وياكم الاخبار الزينه .. (تغمز لقُمر اللي استحت (
خالد يطالع مريم بنظرة لؤم على اللي قالته: والله مو شغلج ياام لسانين .. ماتشوفين روحج يالعروس
مريم: اييييييييه لازم اتذكروني كل مرة خلوني انسى شوي ان بخليكم كلكم وبروح بيت ريلي
طلال يمثل مثل مريم: هئ هئ أي لا تذكروني ههههههههههههه
الكل ضحك على مريم وطلال..
خالد : .. طلال الله يخليك تعال طلع وياي الاغراض..
طلال : خلك انا بطلعهم ..
طلع طلال يطلع الاغراض وظلت قُمر حايرة ومتوترة .. راح تكون ويا خالد بدار وحده . .يا ربي شهالمعضله .. اصبر روحي شلون .. مو مثل ايطاليا هني الكل يطالعنا.. قعد خالد ويا امه ومريم خذت قُمر لدارها .. اول ما وصلن البنات مريم قامت تطلع لحن بحلجها : دن دن دن دن داداداا اااا ههههههههههه
قُمر باحراج : يالله مريم لا تسوين جذي
مريم: ههههههههه ماادري علامج مختبصه اللي يقولون اول مرة تقعدين ويا خالد بدار وحده
قُمر سكتت .. ودخلت الدار .. شافتها غير عن اخر مرة .. فخمه بشكل فظيع .. السرير ضخم ملكي بو عواميد .. الستاير جبيرة وورديه محففه بزيج ذهبي وحاشيتها مزهرة بورود .. زاويه فيها نوع غرفه للملابس وشافت ان كاس الكريستال اللي كان فيه ورد زايد مفضى بس داخله شمعه ورديه والغرفه مبخرة على امل انهم باجر بيوصلون ..
مريم: الحمد لله ان امي اليوم بخرتها قبل لا تيون والله مفاجاه حلوة قُمر
قُمر بابتسام: انتي الاحلى يا العروس.. ألف مبروك مريم
مريم تبتسم بغصه: وحده غيري لازم تفرح بهذا الشي لاني مو صغيرة للحين وعمري 22 سنه بس هالزواج مو عاجبني حيل
قُمر: مثلي .. بس يا مريم راح تكتشفين اشياء عجيبه بالزواج وانتي ماتدرين عن زوجج شي .. انا ظليت شهر ونص وانا احاول اكتشف خالد وما قدرت اشوف الا الشوي منه ..
مريم: عيني على الحب .. ها قمور حبيتي اخوي
قُمر استحت ونزلت راسها .. مو بس احبه الا اموت فيه .. اعشق ثراه وهواه .. بس اهو ما يحبني ..
مريم: يااااااااااااااااااااي خليني اتصل في نوفه ومروة عشان ايون
قُمر: لا خليها مفاجاه .. الليله انا وخالد بنروح لهم بالليل
مريم: هيييييييييييييييه حبيبتي على راحتج.. اخليج اللحين ..
قُمر: ماكو حمام هني
مريم واهي تطلع : بلى بغرفه التبديل ..
قُمر: شكرا
مريم: العفو حبيبتي ولو.. نورتي دارج..
طلعت مريم وخلت قُمر لحالها.. باي دقيقه خالد بيركب.. وبتضطر انها تجابله بمكان واحد .. يا ربي شهالحياه.. والله بلوة.. فتحت الكبت وخذت لها بيجاما من بيجاماتهه وراحت الحمام .. الحمام نفسه كان كبير وحست ان دارهم مشابه للجناح اللي بفينيسيا .. اللي ناقصه الدار اهي المزهريه .. فصخت عباتها وشيلتها وراحت تاخذ لها شاور.. بعد خمس دقايق من روحتها خالد صعد الدار.. واهو حامل الاغراض.. شوي شوي يدخل الاغراض اللي شارينها واكو جنطه خاصه في بيت عايله قُمر.. وعايلته ورفيجاتها ..ما يدري ان هداياه بجنطتها..كمل كل الاغراض واهو يتنفس بصعوبه.. للحين يحس بشويه الم بمعدته بس من يوم واضب على الدوى وترك التدخين حالته صارت احسن الا انه للحين يتحسس من بعض الاكلات.. ويشرب لبن وايد
انسدح على عبايه قُمر بس قام مرة ثانيه وشالها من تحته.. قعد يمرر شيلتها ويشم ريحتها الحلوة.. يتذكر الشال الوردي اللي خذاه.. ما يبيها تشوفه عنده.. قام وفتح جنطته الصغيرة وطلعه ويا طلعه قُمر من الحمام ومن العيله خذاه وحطاه بمخباته .. والتفت لقُمر ..قُمر انتفضت يوم شافته بس ردت طبيعيه ولو الخجل اللي فيها .. خالد يطالعها بنظرات الياهل اللي سرق شي.. حست قُمر ان فيه شي ..
قُمر: في شي؟
خالد يبتسم: ولا شي.. سلامتج ..
ابتسمت له قُمر بالمقابل وراحت عند المنظرة.. تجفف شعرها وتسحيه وخالد يطالعها.. راح لعندها اخذ من يدها البروش .. تمت تطالعه
خالد: ابي اسحيه انا بدالج ..
قُمر بحيا: اوكيه .. بس عدال شوي
خالد : ولا يهمج ..
وسحب له كرسي بالدار وقعد عليه وراها وقعد يسحي شعرها شوي شوي.. قُمر تحس انه وايد مخفف من يده .. وقعد يغني واهو يسحي شعرها.. تبي تحبس ضحكتها بس ما تقدر .. ملامح ويهه تبين وكانه يسوي عمليه جراحيه .. اخيرا يوم خلص ابتسم ابتسامه جبيرة : فوولا
قُمر: هههههههههههههههههههههههههههههههههههههههههههههههههه ههههههههههههههههه
خالد يطالعها باستغراب: علامج ..
قُمر: هههههههههههههههههههه ولا شي
خالد: ههههههههه لا صج علامج تضحكين .. عليي
قُمر: لا مو عليك ههههههههههههههههههه
قعدت قُمر تدمع من الضحك وخالد يطالعها باستغراب ويضحك ويوم حسها مصختها تغيرت ملامحه وطلع من الدار.. قُمر انصدمت ..بس تمت تضحك عليه.. يحليله.. احبه وربي احبه .. لبست لها كندورة اماراتيه مخور .. ونزلت تحت .. والشال على جتفها .. شافت خالد منسدح على ريل امه واهي تمسح على راسه.. حست بالحنان له ولكن بالغيرة .. كله وياامه .. راحت يلست يم خالتها واهي تطالع خالد .. شم عطرها ولكن ما فتح عيونه.. تضحك علي .. شايفتني سبالها تضحك علي ..اوريج يالمغرورة
ظلت قُمر تسولف ويا خالتها عن اشياء وايد وبعد نص ساعه تثاوبت
خالتها: قومي رقدي يمه قعدتج يمكن من الصبح .. روحي ارتاحي لج شوي .
قُمر: ان شالله خالتي..
ام خليل: وخذي وياج خالد بعد مرة وحده..
خالد واهو مغمض عيونج: بظل وياج يمه .. وحشتيني ووحشني حظنج
قُمر بغرور ودلال: كيفك .. عن اذنك خالتي ..
حبت راس خالتها اللي كل ما ايي لها وتنغرم زود في قُمر ..راحت قُمر وخالد يطالعها بعين وحده.. من صجها بتروح عني ... ركبت قُمر الدري والتفتت له شافتها يطالعها واول ما طالعته غمض عيونه .. ضحكت عليه وكملت.. شافها تضحك مرة ثانيه ... والله انها تقهر.. بس راحت قُمر استوى خالد في قعدته
ام خليل: علامك
خالد بهدوء: مافيني شي ... وينه خليل
ام خليل: يا حظي هالولد .. كله ويا حرمته ما يفارجها ..
خالد: هنيا له ..
ام خليل باستغراب: وانت بعد .. ليش ما رحت ويا حرمتك..
خالد بدلع: ماابي...
ام خليل: ليش
خالد : ماابي وبس ...
سكتت عنه ام خليل.. وظل اهو يفكر في قُمر واهو يهز ريله.. انااوريها .. الميهوده.. تتغشمر علي.. اشفيني .. بدل ما تحمد ربها ليش اني مسحي شعرها اللي كسر يدي.. ما شاء الله عليه .. ليل .. احبها .. كريهه لكن اوريها .. وظل يهز ريله مثل الياهل ليما دخل ابوه وقام الصوت في البيت
بو خليل وخالد يتوايهون : هلا والله هلا بوليدي هلا .. شخبارك .. ان شالله بخير
خالد يوايه ابوه على خشمه ويده: بخير يامال الخير .. انت شخبارك ان شالله ابخير
بو خليل: انا تمام ياخالد... وينه قُمر سماي.
خالد بغرور: في غرفتها
ام خليل اتصلت في دار قُمر وقالت لها تنزل .. اول ما نزلت قُمر طارت لعمها بحظنه وابو خليل يحظنها من خاطر
بو خليل: هلا والله بقُمر بن ظاحي .. شخبارج ابوي .. ان شالله ابخير ..
قُمر تبوس يد عمها : ابخير عمي شخبارك انت ..
بو خليل يسحب يده منها : ابخيرابوي بخير بشوفتج ..
بو خليل اخذ قُمر وراح وياها عند الكراسي وظل خالد واقف مكانه وزاد قهره.. خلاني وراح وياها ..قُمر تطالع خالد من طرف عينها واهو واقف مكانه.. تضحك عليه من قلب وخاطر.. والله عليه حركات مثل اليهال. خله يذوقها ..
بو خليل يتكلم ومرة وحده يلتفت لخالد : ها بو وليد .. عاجبتك ذيج البقعه من البيت دون أي مكان ثاني
خالد : هاااا... ايه يوبا.. شي المكان.
قُمر تضحك عليه وام خليل بعد
بو خليل: تستخف بدمك .. يالله تعال داخل
خالد طالع قُمر اللي مستخفه من الضحك عليه وزاد غيضه.: اصلا بروح انام .. تعبان حيل.. عن اذنكم
ام خليل + بو خليل: الله وياك
قبل لا يركب خالد الدري : خالد ..
خالد التفت لها واهو رافع حاجبه اليمين: لبيه
قُمر بمرح: سكر الدريشه لاني فتحتها ونسيت اشغل المكيف.. عشان تبرد الدار عليك
خالد في خاطره.. يا زعم مهتمه فيني.. تسوين روحج الطيبه: ماعليه .. أصلا انا احب انام في الحر ..
بو خليل :حشى ولا نعيه
قُمر قامت تضحك وخالد راح داره.. يركب الدري بحمق وغضب وبو خليل وام خليل مستغربين منها ليش تضحك جذي بس بو خليل ضحك لها.. باين عليها مرتاحه من هالعرس الحمد لله
خالد على عناده ماسكر الدريشه ولا فتح المكيف ورقد بالحر.. فصخ دشداشته وظل راقد بالفانيله والصروال.. بعد ساعه ركبت قُمر له .. فتحت الباب على هدوء ودخلت.. شافته راقد ومغطي ويهه بذراعه ومبين عليه ميت من الحر ..ضحكت عليه واهي تسكر الدريشه وتخفض من درجه المكيف عشان يبرد الجو.. راحت عند اغراضه اللي حذفهم على الكرسي وشالتهم.. علقت الدشداش على الشماعه وجوتيه بغرفه التبديل .. ظلت على الصوفا تطالعه.. يحليله واهو راقد .. ثاني مرة تطالعه واهو راقد .. مرت احداث ايطاليا كلها ببالها مرة وحده.. من اول ما شافته بدارها بميلان .. ليوم اييها بدارها يسالها شفيها يوم ترد من شوفه ندى.. تحس ان اللي صار بايطاليا حلم مزعج باستثناء الليالي بروما يوم كانو يطلعون .. وذيج الليله بفينيسيا .. واالطلعه قبل لا اتيي ندى.. شكثر كلام جارح قالته له .. وشكثر اشياء لامته فيها .. يمكن اهو ما جذب عليها .. ولا اتفق ويا ندى مثل ما قالت .. وكل اللي صار بقضاء الله وقدره.. بس شي واحد يمكن يكون حقيقي .. ان خالد ما يحبها .. يحب ندى .. ما قدرت تبجي لانها على طول رقدت على الكرسي من التعب..
الجزء الحادي عشر
الفصل الأول
------------
قعد خالد من الرقاد على صوت الاذان.. قام بسرعه من مكانه وحس بالراحه تسري فيه .. يطالع المكان يحسه غريب عليه لكن بسرعه تذكر ان هاذي داره .. قام عشان يغسل ويهه شافه قُمر راقده على الكرسي.. تضايج ليش انها راقده على الكرسي.. معناته انها ما راح تنسى سالفه الغرف المنفصله .. تنهد ودخل الحمام.. من وراه قامت اهي وقعدت تلم شعرها.. طالعت السرير شافته خالي.. معناته خالد صحى من الرقاد.. راحت عند الحمام عشان تغسل ويهها الاخالد جدامها.. طالعه بنظرة متالمه وخلاها تدخل.. تعجبت قُمر.. علامه خالد يطالعني جذي.. للحين زعلان على اني ضحكت عليه.. لا.. نظرته غير .. وكاني قايله له شي .. ولا مسويه له شي دخلت الحمام غسلت ويهها وتيددت وطلعت .. خالد ماكان بالدار .. فرشت السياده وقعدت تصلي.. طلعت القرآن وتمت تقرى فيه وثوبت اللي قرته لروح يدها .. يوم خلصت توها بتفصح احرام الصلاه الا وخالد داخل الدار.. وقفت تطالعه واهو بعد.. كان شكلها ملائكي.. شعرها مفتوح وشبه مربوط .. واهو واقف بدشداشته يطالعها ..
قُمر: تقبل الله
خالد: منا ومنكم ..
راح خالد قعد عن الكرسي.. قُمر لمت السياده وحطتها بمير الدريسر وقعدت تسحي شعرها.. تطالع خالد من المنظرة واهو مهموم يفكر وعيونه بالارض.. شالسالفه .. شيفكر فيه ..
قُمر: خالد
انتبه لها..
قُمر: صاير شي..
خالد يطالعها بنظرة استفهاميه: ليش ما انتي تقولي لي ..
قُمر : شقول.. انت اللي زعلان مو انا ... على سالفه التسحي
خالد ما رد
قُمر: على يوم اضحك تحت.. ترى مو من قصدي.. انا بس ضحكت جذي
خالد يتنهد .. والله انها بتخليني افقد اعصابي اللحين.. من صجها عني ما تدر ي ..
راحت قُمر لعنده.: خالد .. ماابيك تتضايج بشي .. ابيك تكون مرتاح
خالد: عشان لا ادخل المستشفى.. وتتوهقين وياي..
قُمر قامت عنه.. شلون يفكر انها يوم ما ما تهتم له ..وان كانت تروح له المستشفى فانها تروح لانها تحس بالواجب مو انها ما تقدر تهنى بعمرها من دونه وتخاف عليه اكثر من نفسها ..
قُمر: شقصدك بالكلام
خالد: ما قصدي شي ... تزهبي عشان نروح بيتكم .. اكيد تولهتي عليهم من كثر ما جابلتي ويهي
قُمر زاد غضبها.. شناوي عليها الليله .. ما بيرسيها على بر.. لكن انا اللي اوريه
قُمر بحزم: مو رايحه
خالد يلتفت لها: شنوو
قُمر بعدم اهتمام: ما بروح ..
خالد: وليش..
قُمر تقعد على الفراش: مزاج
خالد: صج والله
قُمر: أي والله .. بقعد في البيت. .برتاح وباجر بشوفهم بالعزيمه .. الدنيا مو طايرة ..
خالد: على راحتج ..
راح يبدل ثيابه وقُمر ناويه عليه انه يندم لكل كلمه قالها.. راحت عند الدريسر وطلعت اغراض الاظافر والمنظف وكل شي.. لمت شعرها وربطته من فوق.. خذت باندانا وحطته على شعرها من جدام وقعدت على السرير ..خالد طلع من غرفه التبديل وشافها قاعده على السرير وهي تعدل باظافرها تذكر اظافره.. طالعهم بس حشى والله عليه يمد يده لها.. الدلوعه..
صار الوقت عشى ورد خالد راح يصلي وقُمر بعد ومن بعد الصلاه ردت حق شغل الاظافر.. وخالد قاعد على الكرسي يطالعها ومشغل المسجله على شريط كاظم الساهر اليديد.. باغنيه هل عندك شك .. الاغنيه كانت تقول.
(قاتلتي .. ترقص حافيه القدمين ..ترقص.. تررقص.. حافيه القدمين ..عند مدخل شرياني .. (
قُمر تدندن ويا الاغنيه وهي تدري ان خالد يحترق مكانه.. اهو كان هادئ اكثر من ما كان متوقع.. تبيها حرب اعصاب مثل روما وميلانو.. خير يا قُمر.. ما طلبتي
طقت مريم الباب على الساعه 8:30
خالد: تفضل
مريم: احم احم ااااااااااحم ..hellow love birds العشا زاهب ... وامي تناديكم
قُمر: ان شالله الريم .. حبيبي بتنزل
مريم احمرن خدودها للموقف وخالد يحس ان قُمر تلعب لعبه: ايه حبيبتي بس نطريني خمس دقايق البس وانزل وياج
قُمر: ان شالله حبيبي ........ (تطالع مريم اللاصقه على الباب) ... بنيي بسرعه مريومتي
مريم تضحك : انزين ما تبون سلطه.. سالي خالد يمكن يبي
قُمر تدري شنو مريم تبي وما ردت طلبها .. بنظره حالمه تطالع خالد: حبيبي تبي سلطه؟
خالد واهو يصك بظروسه.. تتلاعب المدام.. لكن اوريج: لا حبيبتي ماابي.. تعرفين مااقدر على الحموضه
قُمر: ابي بس انا مريم ..
مريم: اكو حمص بعد .
قُمر : هههههههههههههه بس خلاص .. لين نزلنا بنشوف
مريم باحباط: ساليه انزين
خالد: قلنا بننزل وبنشوف مريم...
مريم فهمت من نظرة خالد انها لازم تنزل : انزين قمور .. حبيبتي كثري من الحلاو على العشا .. خبرج بعرس جريب وابي اتعلم..
قُمر تمت تضحك ومريم راحت وخالد متغيض من عمره من حركات قُمر .. خلصت قُمر شغلها وراحت تغير هدومها وخالد من وراها.. ونزلوا للعشى..خليل نزل وياهم ويا وضحه ورحبت وضحه بقُمر لانها ما شافتها يوم وصلوا لان راسها كان بالحنه .. وسلمت على خالد بعد اللي استانس يوم شافها حامل وان راح يصير عم .. العشى كان ولا احلى .. الوناسه

وسوالف خليل والضحك كان على اخره ..
خالد يطالع شعر خليل: ويلي ويلاه منك خلول شعرك رهيب.. ههههههههههههه
خليل: تتغشمر ويا ويهك .. اصلا محد اييب اللون دامها ام عيسى اللي مسويه الخلطه
مريم: عوافي بو ابراهيم .. وخله خلود يتغشمر لمتى يشبع بيي اليوم اللي يبي الوصفه..
خليل: ايه .. حبيبتي وضحه شيلي شعري طايح على عيني
وضحه: هههههههههههههههههه
بو خليل: شصاير اليوم ..
خالد: يوبا خليل محني شعر راسه
بو خليل عصب: خليل.. قلت الخيرة محني راسك ..
خليل: هااا يوبا ( يطالع خالد بنظرات ) لا يوبا بس لان الدكتور نصحني عن الحزاز اللي براسي
ام خليل: في راسك حزاز..
خليل : ايه يمه .. وايد .. بقع صاير لي
ام خليل: بو خليل باجر ييب لي زيت اللحم احطه على راسه يمكن يروح
خليل: هاااااااااااااااا لا يمه ما يحتاي
خالد ومريم وقُمر ماتوا من الضحك على خليل
ام خليل: أي ما يحتاي الحزاز مو زين اييب لك اعصاب..
خليل: يمه ماكو اعصاب شوفيني كول هادئ .. يوبا ما تتكلم ؟.
بو خليل: لا امك صاجه .. انا ما عفس حالتي الا الحزاز اللي براسي.. خلها تدهن راسك فيه .. صج ان ريحته ما بتروح الا بعد شهر بس زين ..
خليل يهمس لزوجته: وضحوا انقذيني
وضحه: حبل الجذب قصير يا خليل
خليل: مالت عليج وانا اللي استنجد بج .. (صد لخالد ) خلود تكفى اخوك انا اكبر منك انقذني من هالعقد
خالد: لا خليل والله العلاج زين .. وزيت اللحم وايد زين هههههههههههههههه تذكر ابوي يوم يدهنون راسه به..
خليل: شلون انسى.. ما وهقنا بالمستشفى وبالعرس بالريحه .. الكل علباله العشى مجبوس لحم ولا برياني .. والله ما يصير جذي
قُمر: هههههههههههههههههه هالمرة خليل خذ وياك الطرشي عشان كل ما تشتهي البرياني بالمكتب
قُمر ومريم ووضحه اللي ضحكوا لكن خالد وام خليل وابو خليل ظلوا مستغربين
خليل بصوت مرتفع: اوريك يا جسوم الشقردي اوريك .. فاضحني ..
الا ودخله جاسم: هلاااااااااااااا بهل الدار.
الكل قام له ..
خالد: هلا بعمي الغالي هلا فيك ..
جاسم: خالد حبيبي .. وحشتني ..شهر ونص من اخر مرة شفت شلون جذي يالقاطع
يتغامزون لبعض
جاسم: عروووووسنا الغاليه هلا والله فيج منور بيت بن ظاحي ..
قُمر : النور نورك عمي
خليل يدري ان جاسم كان عند قُمر وخالد طول المده .. وفكر ينتقم منهم على الغشمرة.
خليل: هااا جاسم .. حلات الويه اللي يشوفك يقول رايح فرنسا ولا ايطاليا مو السعوديه
جاسم: هااااا. أي ايطاليا يا معود الا احترقت بالرياض .. حالتنا حاله والله .. تعب
خليل: بس انا مو متاكد .. باين عليك مصيف باوروبا
جاسم: ههههههههههههههه الله عليك يا ولد اخوي سوالف انت ..
)يطالعه بنظرة عشان يسكت ولاحظ شعره) : محني شعرك خليل
الكل ما عدا جاسم وخليل ضحكوا .
خليل: يا ناس شنو حرام .. احني راسي مافيها شي .. مو اول ريال ولااخر ريال يحني راسه .. ويمه .. لا تفكرين تحطين بشعري زيت اللحم .. مستعد اني احلق اقرع ولا اني احط الزين براسي.. وضوحه.. كلي دبل حبيبتي عشان البيبي ..
وضحه: أي دبل انت من صجك ..
جاسم : قُمر .. اوريج اللحين سالفه الخطوط (يصد لخليل) شخبار الخطوط خليل
خليل: اسكت يوم عرفوا ان اليهال للحين ماانولدوا عطوني جم كلمه تهزب الصاحي وطلعوني.. رضوا الولد بس حليلها العنود ما رضوا لها
قُمر : هههههههههههههههههههههههههههههههههه
خالد: شالسالفه ؟؟
جاسم واعيونه تدمع: خليل ... .ألله يهداه بس .. فاتح خطوط حق اليهال .. عياله
خليل: والله واحد وفرحان بييبون لي عيال انت شحارك
خالد مات من الضحك على اخوه وعلى حركاته اللي تطلع منه .. كملوا عشى على السوالف والضحك وانتقلوا للصاله ..
رن التلفون شالته قُمر لانها جريبه منه
قُمر: الو..
ام خليفه: قمور.
قُمر: يمه حبيبتي ... وحشتيني يمه
ام خليفه: قموووووووووووووووور يالحمارة شنو انتي من متى واصله وتوج تتكلمين وياي
قُمر تلومت على عمرها وخالد يطالعها وفرحان لانها لاقت اللي تلاقيه: يمه حبيبتي سامحيني بس ما سمحت لي الظروف اييج يالغاليه لا تحملين علي
ام خليفه: مااحمل عليج حشى علي بس ولهت عليج قمور حبيبتي .. شخبارج وشخبار خالد
قُمر: ابخير يمه دامج بخير يالغاليه.. ولهت عليج يمه
ام خليفه: ولهت عليج العافيه يالغاليه .. حبيبتي باجر بنيي ويا بنات خالتج وابيج تنسين كل اللي صار امبيناتكن وانا اعرفج حبيبتي .. راعيه اصل وما تنسين صله الرحم
قُمر: لا توصيني يمه .. من دون ما تقولين . خالتي وبناتها بعيوني
ام خليفه: الله يبارج فيج حبيبتي .. يالله حياتي اشوفج باجر
قُمر: ان شالله ..
ام خليفه: مع السلامه . سلمي على الكل
قُمر: يوصل يالغاليه الله يسلمج
سكرت قُمر عن امها
ام خليل: ليش ما رحتوا لهم ..
قُمر تطالع خالد وخالد بالمثل ومريم اللي تكلمت: ما شبعوا من بعض يمه اشفيكم قاعدين على قلوبهم
ام خليل: انتي سكتي يالملسونه شهالحجي
مريم واهي متلومه: بعد توهم معرسين
قُمر: لا خالتي لاني شوي تعبانه ما قدرت اروح وياهم وخالد حاول وياي وانا ما رضيت باجر ان شالله بشوفهم على خير..
بوخليل: انزين حصل خير ما صار شي (يكلم قُمر) على راحتج يوبا اللي يريحج سويه ..
قُمر شوي تضايجت بس بعد ظلت بالقعده.. خليل كان ويا وضحه ويسولف لها ومخليها تدمع من الضحك وجاسم وياهم.. خالد عيونه كانت على قُمر.. يحس بذنب فظيع .. لو ما اخناقه وياها جان الحين اهم راحوا وقُمر ما تهزبت من امها .. رفعت قُمر عيونها وشافت خالد يطالعها ونساها الحزن كله وتمت تطالع عيونه ..ظلوا يسولفون الباجي من قُمر وووضحه ومريم على جهه .. خليل وخالد وجاسم من جهه
خليل: اييييي باجر عاد بفضي بطني عشان الاكل
جاسم: خلول انت من صج تاكل ..ما شاء الله عليك تحافظ على رشاقتك
خليل: ايييه لاني مقرر ادخل بمسابقه ملك جمال الخليج .. شرايكم
خالد: ههههههههههههههههه اكو مسابقات جذي
خليل يطالع خالد بغباء : انت من صجك بعد .. الا اقلك جسوم شفت فرس ناصر المصباح
جاسم: لا ما شفته .. شفصيلته
خليل: اصييييييييييله يا عمي ووالله روعه ما شفت مثلها .. ترعب القلب ليما تمشي ولا شعرها اللي على عيونها يااااااااااي هوووس
وضحه انتهبت وفهمت الكلام على انه لبنيه وتمت تطالع خليل واهو يكمل
خليل: المشيه المايله ولا النظرة الذباحه .. تذكرني بنظرة يدتي نوفه فديتها والله لو انا شاعر جان قصدت فيها
خالد لجاسم: كل هذا بفرس؟
جاسم: انت ما تدري اكيد هاذي فصيله الستاليون..
خليل: لا مو ستاليون .. اظنها موستانغ ..
جاسم: الموستانغ ما ايوونك الا بلون العيون ..
خليل: عاد هاذ غير
جاسم: هههههههه شلون غير يعني .. الفصايل ما تتشابه ولا ما فرقوا باساميها ..
خليل: انا انسان حر .. اقلك مو ستاليون اهي موستانغ
خالد: ههههههههههههههههههههههههههههههه تهاوشوا الله يخليكم من زمان ما شفتك هوشاتكم
خليل: كل شي تقدر تقولئه .. لكن مثل ذيج الفرس ماكو فرس....
التفتتت واهو يطالع وضحه اللي شوي وتحرقه بالنظرة.. استغرب منها ليش معصبه قامت وضحه مرة وحده وخليل انتفض منها ..
خليل بهدوء: وضوحتي حياتي على وين
وضحه: يهنم الحمرة
خليل: بل.. شغلي المكيف انزين .. مااقدر على الحر وايد ..
وضحه تبتسم له بحمق: ان شالله .. تامر امر .. ما بتييي الا مبرده لك... عن اذنكم تصبحون على خير
الكل : وانتي من اهله..
جاسم يطالع خليل: اووووووووف خليل وضوحه من الزين معصبه عليك..
خليل: انزين انا ما قلت شي ... (يفكر خليل وفجاه) .. خسك الله من حظ يا حظ خليل..
قام خليل وراح ورى حرمته واهو يركض.. وظل خالد وجاسم ومريم وقُمر يسولفون.. خالد عيونه طبعا ما راحت عن قُمر.. يطالعها مطالع واهي مستغربه منه ومستحيه بعد.. لان مريم وجاسم ما خلوهم كل شوي يتغشمرون وخالد مو هامه الموضوع
مريم : طاع هذا... هيه انت شوي شوي بتاكلها
جاسم: ههههههههههههههههه أي والله مبقق عيونه عليها ما جاف خير
خالد بغرور: حرمتي وكيفي يااخي يوم اللي تلقى اللولو بتصير العن مني
جاسم: اااااااااه على اللولو
مريم عرفت عاد وانقلبت موجتها على عمها: أيه يالولو.. وينك يا دان الخير.. وينك ..بعدي بحار .. بعدي بحار .. صغير .. ما يقدر على بعاااااااادك .. وين القاك .. وين القاااااااااك
والكل يضحك على اغنيه مريم ووكانها اغنيه غوص.. خالد استغل اهتمام مريم بعمها وراح لعند قُمر.. تمت تطالعه وتفكر عيونه شريه الليله ما بتعدى على خير وياه..
جاسم: على وين خالد ..
خالد يقوم قُمر ويود يدها: تعبانين.. بنروح ننام.. باجر من الصبح تعال عشان نروح المزرعه واشوف الفروس..
مريم: توه الناس خالد .. روح انت نام وخل قُمر
قُمر صارت غتمه مرة وحده.. ما تتكلم .. خالد اللي يسيرها .. وعاجبها الوضع...
خالد: حنا الاثنين تعبانين .. مو حياتي
قُمر تاشر براسها وويها شاب ضو ..
خالد: يالله تصبحون على خير ...
جاسم ومريم اللي متونسين حيل على الموقف وعلى شكل قُمر : وانتوا من اهل الخير والعافيه ..
وراح خالد ويا حرمته لدارهم وسكرو الباب ..
خليل كان قاعد بداره ويا وضحه الزعلانه من صج .. ما يدري شلون يراضيها ..
خليل: حبيبتي وضوح انا كنت اتكلم عن الفرس
وضحه: أي فرس .. مشيتها ماادري شنو وقذلتها على عيونها .. ادري فيك يا خليل.. تحب المغازل .. لا وتتفارخ جدام اخوك وعمك .. ولا كاني قاعده وياكم
خليل: حبيبتي شلون تفكرين جذي.. انا مااشوف احد غيرج جدامي ..حتى الطوفه لاعنه خيري من كثر ماادق فيها .. ماانتبه حبيبتي الا لج
وضحه: تغشمر .. هذا اللي فالح فيه بس .. تغشمر علي . مو انا هني مهرج لك
خليل: والله .. ما دريت.. وين خشمج
يمد يده لخشمها يبي ايوده وتطقه على يده
خليل: ااااااااااااه .. حارة طقتج .. انتي اللي تقولين انا مهرج ابي اشوف خشمج الاحمر يا ام راس يابس..
راح لها ولمها : يا حبيبتي يا وضحه عساني العمى .. وعساني التعب وعساني الموت لو افكر اني اهتم لغيرج.. انتي ناسيه اني حطيت روحي تحت فرس عشانج .. واهدرت دمي حلال لج .. شلون تقدرين تفكرين اني يمكن اطالع غيرج ولا افكر في احد غيرج ..
وضحه بدلال: انت تقول يا خليل .. ما تراعي مشاعري .. يعني حتى لو فرس .. انت ما تدري اني اغار عليك حتى من الهوا ..
خليل: افا ااا.. لو الهوا مؤنث جان قلنا ماعليه مذكر شلون انغرم في شي مذكر يا وضحتي الغاليه
وضحه تحط راسها على صدر ريلها : احبك خليل.. ماادري ليش احس ان سعادتنا مابدوم
خليل: فال الله ولا فالج وقص بلسانج .. لاتقولين جذي.. انا وانتي بنعمر سنين .. شفتي يدي سبع.. اكثر منه .. لاننا نحب بعض .. ومستحيل عاشقين مثلنا ينسوون
وضحه بابتسام: حتى خالد وقُمر؟
خليل: خالد وقُمر؟ ... انتي من صجج .. اقلج محد تقولين لي خالد وقُمر ..
وضحه: هههههههههههههههههههه احبك حبيبي.. احبك
خليل واهو يلمها: وانا بعد يا بعد هلي ......... وانا بعد ..
تحت والساعه طافت ال12:15
جاسم: اوووووووووف يالله مريوم .. بروح انا
مريم بخوف: جسوم لاتروح .. ما عندي احد اسولف ويا.. انا خايفه جاسم وايد خايفه
جاسم: من شنو؟؟ سعود واحد محترم وطيب.. ولو اني ما عاشرته كثر مطلق وحمود بس احسه طيب وذرب.. وحباب بعد ..لا تخافين..توكلي على الله ولا تحاتين شي.
مريم: احس ان سكته قلبيه بتصيبني من كثر الخوف .. اقعد ويانا الليله بات وياي بداري
جاسم:هههههههههههههههههههههه ها ريم رديتي ياهل لين خايفه ترقديني انا وخالد وخليل وياج
مريم بحزن:اللحين راحوا خالد وخليل ... وما ظليت الا انت ...
جاسم بحزن: أيه .. الله المستعان
مريم حست بالذنب: اسفه جسوووم .. ما كان قصدي ازعلك
جاسم : لا عادي مريم.. بس انا حزين ليش ان مالي احد يرعى مصالحي.. الوالده وراحت عني من زمان والوالد حرمني من شوره قبل 3 سنين ..والحين انا مااقدر اقول لاحد ولا احجي لاحد .
مريم تبتسم: انا هني .. قول لي ..اللي بقلبك وبسمعه كاامل ..
جاسم: ااااااااه يا مريم ... احبها .. احبها مريم .. ماادر يشلون حبيتها جذي.. اول شي حسبته ينون ولا حركاتي يعني .. بس زاد هاذا اللظى اكثر واكثر ليما عمر قلبي وحياتي كلها .. حتى القصايد ما تطلع مني .. زين مني ان الفت بيت واحد .. احبها مريم .. واحس ان مالي نصيب فيها ..
مريم: افا عليك عمي .. وين مالك نصيب فيها .. الا كل النصيب .. وان شاله انا بكلم امي عن الموضوع..
جاسم: لا خلج
مريم باصرار: الا بكلمها .. انت خلاص شيبت مو ياهل بعد .. خالد وتزوج ما باجي الا انت ... (تبتسم له) وما بتلقى احسن من لولوة يا عمي .. ابد ..
جاسم بابتسام: الله يخليج يمه مريم..
مريم بزهو: ربي يحفظك يا وليدي ..
قعدوا يضحكون ومن بعد سوالف للساعه 2 جاسم رقد في احد حجر بيت اخوه الجبير ومريم راحت دارها واهي للحين خايفه من باجر ..
انسدحت مريم واهي تتذكر سعود يوم كانو صغار .. كان كله ويا الفروس .. ما يخاوي خليل وجاسم وخالد .. تحس بنظراته بعزومه رده خالد .. كانت اول مرة يزورونهم .. سعود انحب من الكل من بعد ذيج الزيارة . .لانه اهو اللي ذوب الثلج بين العوايل ورد الصلاه من بعد موته ابوه.. بس اهي ما حبته .. لانها ما تبي تفترق عن بيتها وعايلتها واهم شي.. عمها واخوانها .. سعود واخوانه يسكنون بالرميثيه بعيد عنهم .. واهي بتضطر انها تسكن معاهم ... الصبر يا رب .. باجر الملجه والعفسه والحاله .. الله يعيني بس ..

الفصل الثاني
-------------
خالد وقُمر للحين راقدين .. طافت الساعه 9 الا وتلفون خالد يرن .. ردت عليه قُمر لانه يمها ..
قُمر بتعب: الوووووو
جاسم: قُمر .. قُمر وينه ريلج التعبان
قُمر: هلا عمي ...
جاسم: هلافيج .. وينه خلود ..
قُمر: راقد عمي .. اصحيه
جاسم بغباء: لا حبيبتي خليه راقد ..
قُمر :انزين
جاسم بصوت مرتفع: قمممممممر من صجج وعيه لا اللحين اصب الماي عليه
قُمر: انزين
التفتت لخالد اللي رايح في سابع نومه .. تمت تطالعه يحليله .. شكله مثل اليهال..
بصوت ناعم تناديه: خالد ... حبيبي... حببي
خالد واهو راقد: امممممممممممممممممم
قُمر: حبيبي قوم جاسم يبيك بالتلفون
خالد بتعب: منوووووووو
قُمر: جاسم
خالد يرفع راسه ويبتسم ونص عيونه مفتوحه: صباح الخير
قُمر: هههههههههههههههه صباح النور قوم جاسم يبيك
خالد: خله يولي ... (سكت ونزل راسه مرة ثانيه وتذكر)... ويه جاسم
خذ التلفون من قُمر: جسوم سوري
جاسم: سوري بعيونك يالباهت يالباهس يالرقله يالصخله احد يعتمد عليك علبالك المزرعه جريبه يالله قم لا اقوم البيت على راسك الحين قم
خالد بعد التلفون من صراخ جاسم عليه وقُمر تمت تضحك عليه .. مسكين ..
خالد: شسوي فيه اللحين
قُمر: ههههههههههههههههه روح له حبيبي .. حرام من زمان ينتظرك
خالد: ماابي اروح .. ابي اقعد وياج ..
قُمر بحيا: ماعليه .. روح اللحين والظهر بتغدى وياك .. شرايك
خالد: انتظر للغدى ..
قُمر: ههههه ايه مافيها شي .. ولا ما تقدر على فرقاي
خالد: تبين الصج ..... لا ... احبج قُمر .. احبج
قُمر بحيا تدزه: يالله قوم جسوم ينتظرك
تذكر جاسم بالتللفون ورد عليه: جسوم .. ربع ساعه وانا عندك ..
جاسم: يالله بسرعه ..
سكر جاسم عن خالد.. قام خالد راح الحمام اخذ له شاور سريع وطلعت له قُمر ثيابه وشماغ وساعه من ساعاته وعطره.. وتذكرت الخاتم.. ماكو وقت احسن من الحين .. طلعت الخاتم من جنطتها وحطته وياهم ..
طلع خالد من الحمام واهو لابس بشكير ابتسمت له قُمر وراحت وراه الحمام.. قعد يتلبس في ثيابه وساعته والتفت لعلبه الخاتم.. فتحه انعجب فيه.. وايد حلو .. بس من وين له الخاتم
راح لعند باب الحمام: حياتي
قُمر: ها حبيبي
خالد: خاتم منو هذا
قُمر بحيا: خاتمك حبيبي.. شاريته لك من فينيسيا ...
خالد: صج والله ..
طلعت له قُمر يوم خلصت.: أي.. كنت ناويه اعطيك اياه بيوم الطلعه بس............
خالد سكت وقُمر بعد وحسوا نفسهم بيردون لذاك اليوم .. بس خالد ما خلاها .. باسها على جبينها: شكرا حياتي
قُمر بحيا واضح: العفو .. حبيبي ..
راح عند الكبت وطلع كاب بدال الشماغ..
قُمر: ليش ما بتلبس الشماغ؟
خالد: مالي على الحر واللويه .. وجذي احسن .. (لبس الكاب) احسن مو
قُمر: وايد احسن ...
خالد راح عندها: احبج قُمر ... صدقيني احبج ..
قُمر لاول مرة تحس بالحيا من بعد ايطاليا.. بس خافت وما ردت على خالد واهو فهمها
خالد: ادري انه من الصعب عليج تصدقيني بس انا من صج احبج .. احبج قُمر ..
قُمر ابتسمت ونزلت عيونها وحب خالد راسها .. وطلع
قُمر: دير بالك على حالك.. لا تتعب نفسك
خالد بابتسام: ما طلبتي يا بعد عمري .. في امان الله
قُمر: في حفظه ..
وراح خالد.. ظلت قُمر مكانها ..تحس بالراحه وشويه من الفرحه.. الخوف احتل كل شي فيها بس بتحاربه وبتقدر تعيش مع خالد الحياه اللي اهي تحلم فيها .. لازم ...
تعدلت وتكشخت وحملت المبخر وراحت دار وضحه .. طقت الباب
وضحه: ارحبو..
دخلت قُمر من الباب: اكو احد هني
وضحه بابتسام: دخلي قمور خليل طلع ..
دخلت قُمر وتطالع ووضحه : الله الله بالزين .. ياحليلج وضوح
وضحه: انا حليلي.. الا قولي شهالجمال.. شهالجلابيه الكشخه ..
قُمر: الله يخليج من ذوقج .. (تمت تطالع بطن وضحه وتبتسم) متى بيي ؟
وضحه تاشر على بطنها: البيبي.. بعد 2شهرين.. بالله المستعان
قُمر: الله يسهل عليج ..
ودخلت المبخر على وضحه: تعالي خليني ابخرج
وضحه: الله عليج قُمر ليش متعبه نفسج الحين انادي رينا واتييب البخور لي
قُمر بدلال: خليني ابخر حرمه سلفي .. والله عندج مانع
وضحه بابتسام: على راحتج يالغاليه ..
قُمر ضحكت وقعدت تبخر وضحه اللي تحس نفسها بتنفجر من البيبي اللي ببطنها .. تحس بالثقل وكانها تحمل اثنين بدال الواحد... حبت قُمر .. يحليلها .. واهي اللي كانت خايفه منها .. الحمد لله انها ما طلعت مثل باجي الحريم .. قُمر حبوبه .. بسرعه تدخل القلوب .. تبخرن الحريم ووضحه قعدت تبخر دشداشه ريلها وقُمر غارت من الحركه وراحت تبخر دشداش خالد .. وعطتها وضحه بعد مرش من عندها حق شماغ خالد .. وتمن ويا بعض مده ساعه واهن يعدلن باغراض رياييلهن ويسولفن ويضحكن على سوالف بعض .. رراحن لمريم بعد ما خلصن وشافوا حالتها حاله .. ترتعش وتعرق من الخوف وتهتز مثل الورقه
يوم قعدت قُمر يمها مريم سالتها: قُمر انتي بعد حسيتي جذي يوم ملجتج
قُمر: واكثر بعد ههههههههههههههههه
مريم بظيج: قُمر تكفين لا تتغشمرين علي
وضحه:ههههههههههههههههههههه مريوم علامج تنتفظين مافيها شي بس بيلبسج طقمج ودبلتج وبيطلع مافيها شي ..
مريم: احسن اني بموت قبل لا تيي الحزة..
قُمر: نسيتي روحج شسويتي لي يوم ملجتي ويا خالد .. طفرتي بعمري
مريم: ذاك كان غير.. عادي يعني اطفرج لانج كنتي بتموتين بس ياريت خالد اللي لبسج
قُمر حزنت شوي ونزلت راسها
وضحه حست لقُمر: بس عاد مريوم اللحين يعني بتسوين هالحركات كاهي قُمر زعلت استانسي..
قُمر: لا ما زعلت .. عادي (تبتسم لهن(
مريم: اسفه قمور .. بس اليوم انا مو صاحيه .. قومن خذوني المستشفى خلوهم يرقدوني ولا يطلعوني قبل باجر .
وضحه: الا بنخليي سعود يدخل عليج ويخليج ترتجفين مثل الورقه لا وبعد تسوينها بروحج
مريم بشر: يالباهسه خسج الله من حرمه شنو انتي ما بقلبج رحمه
وضحه: لا
مريم: قوموا طلعوا من دار ي بسرعه
وضحه يودت يد قُمر وقامت وياها ومريم شبصت فيهن مرة ثانيه واهي خايفه: على وين؟
قُمر: توج طاردتنا
مريم: من صجكن انتن اخليكن تروحن وانا بموت من الخوف .. مو قصدي قُمر
وضحه: يوم اني اطلع باهسه بعيونك يالناقه مالي قعده وياج
مريم تيلس وضحه وتخلي راسها على حظنها: امدودحي سامحيني حبيبتي والله انتي ورده وانتي قُمرة انتي حبيبتي حياتي لاتروحين عني..
وضحه تغمز لقُمر: لا لا انا زعلانه
مريم: حرام عليج وضوح .. انا مريم حبيبتج ..
وضحه: شي واحد بيراضيني
مريم: امري..
وضحه: العطر اللي هناك
راحت مريم وشلت شياشي العطر كلهن : كلهن لج ما طلبتي
وضحه : ههههههههههههههههههه الله عليج مريوم حبيبتي والله
وقعدن وياها يكشخونها ويعدلونها .. نزلن تحت وابو خليل قاعد
بو خليل: الله .. محلاهن بناتي .. 3 قمور كل واحد احلى من الثاني ..
ام خليل: أي والله
راحن البنات باسن راس عمهن وعمتهن ومريم اللي طولت بحظن ابوها وتمت تصيح
بو خليل: توها الساعه 11 الصبح خلي شوي من دموعج حق الليل..
قُمر + وضحه: ههههههههههههههههههههههههههههههههههههههههه
مريم ببجيها: والله ما توقف دموعي يا يوبا . مااقدر اصدق اني بفارجكم
بو خليل: هاذي سنه الله يا بنتي والحرمه مالها الا بيت ريلها .. والله انا غلطان يا وضحه؟
وضحه: حشى عليك عمي تغلط .. صح كلامك .. ماعليك منها هالدلوع بعدين ما بتفتكر فينا ويا ريلها
مريم: خس الله حظج انا انساكم الا كل يوم بتصل فيكم وبعور راسكم ولا بخليكم تنامون
قُمر: انا اللي برد عليج مريم اذا ملوا منج
مريم واهي تحظن حرمه اخوها: حبيبه قلبي انتي .. مو انتي يالكريهه وضحوا
وضحه: هااااااا
مريم تبجي: اتغشمر وياج اشفيج انتي ما تتحملين غشمرة شلون مروة ويا خلول
وضحه: احلى حياه هههههههههههه حبيبتي مريم ...
عايله بو ناصر وصلت من الصبح بيت بو خليفه والكل استقبلهم حتى بو خليفه .. بعد الاقناع بو ناصر بعد خاواهم لبيت ام خليفه.. اول ما شافه بو خليفه خذاه بالحظن وتموا جذي فترة ليما بجوا الكل
بو خليفه: يالقاطع يالواسن وينك انت .. 10 سنين يالظالم عشر سنين
بو ناصر: سامحني ياخوك .. بس الدنيا ومشاغلها
بو خليفه: الله يبارج هالاعراس .. اللي ردت الدم لمجرى العروق ..
بو ناصر : أي والله
بو خليفه يلتفت لناصر: الله والفحوله .. ريال من منبت رياييل .. شعلومك ناصر..
ناصر: علومن طيبه عمي .. شخبارك انت
بوخليفه: بخير بشوفتك ..
بوناصر يتلتفت لطلال وخليفه: الله بالرياييل.. شخباركم يا عيال
يبوسون راسه وخشمه واحد ورى الثاني : تمام بشوفتك يالغالي
ويلتفت لنواف ولد لطيفه: هاذا ولدك يا خليفه
خليفه : لا هاذا ولد ضاحي ولطيفه
بو ناصر: ما شاء الله . .ريال .. وينه ولدك
ياشر خليفه لولده اللي وراه: هاذا .. عبد العزيز
بو ناصر يحمل عزيز بو 4 سنين : الله عليك يا بو سعود يحليلك والله
يضحك عزوز ويا بو ناصر ويلمس شواربه ...
بو خليفه: .. الا وينها شواخي ؟؟
شيخه من تحت الغطى: كاني عمي .. كاني
بو خليفه يلتفت وطلال وناصر ميتين من الضحك: مااشوف شي كلهن مغطيات..
تجدمت شيخه: كاني عمي .. شخبارك عمي ..
بو خليفه: الله الله .. شواختي دلوعتي استوت حرمه .. حليلج والله يا بعد قلبي شخبارك انتي
شيخه: تمام بشوفتك يالغالي..
بو خليفه: وانتي نوارة
نورة تهز راسها: ايه عمي ..
بو خليفه بفرح: ما شاء الله .. ربي يحفطن يا بناتي .. جربوا داخل جربوا تفضلوا
بو ناصر :زاد فضلك
دخلن الحريم داخل وين ما قام التحبب والتحظن والتوايه والسال عن الاحوال .. نورة ظلت ويا نوفه وشيخه ومروة واقفه بعيد عنهن.. نزلت لهن لطيفه اللي كانت حامل بالشهر الثامن ومنتفخه حالتها ..
شيخه: الله يا لطوف انفجار سكاني فيج
لطيفه: هههههههههههههههههههه جبي وتعالي بوسيني ..
راحت شيخه لها وخذتها لطيفه بالحظن : الله الويه الحسن .. يحليلج شيخوا مو شيخوا المشمخه
نورة: نظر عني ناصر كل يوم يمسح ويهها بباليس السيارة ليما استوت جذي
شيخه: يا ملقج ..
مروة : خلونا ندخل احسن من هني ....... وتمشي عنهن بغرور..
شيخه تقلد على صوتها: يالله يا بنيات عن هني .. وتمشي مثلها والبنات يضحكون عليها ..
فصخن البنات الغشاوي والشيلات وتخاون في ملحق الصاله.. وقعدن بالسوالف والضحك ورهف شوي شوي تتعود على شيخه وتحبها ..
شيخه:ايييييه يحليلها مريوم من قدها اليوم ..
البنات : أي والله
شيخه: يالله اهي من الباب الجدامي .. ونوفو من الباب الوراني هههههههههههههههه
نوفه: حشى علي ماافارج امي وابوي ولا دلالهم .. روحي انتي من الباب الوراني
شيخه: وينه ... اهو بس خله ايي .. وكل شي بيصير مثل ما يبيه
نورة: والله فشلتنا هالبنيه ميته على العرس
وديمه الياهل: فثلتنا والله
شيخه : والله فثلتج .. ويا ويهج انتي بس .. وين ظروسج
وديمه: في خثمت..
شيخه: عسى خشمج العوي لا تتغشمرين على خشمي
وديمه: خثمت عوي ههاهااهاه
الكل يضحك الا شيخه: بذبحج يالبطه سكتي زين
وديمه بحظن امها: مافيت خيل
شيخه: شنوووو
لطيفه تضحك: مافيج خير تقلج ..
شيخه: ايا النحسه .. مافيني خير .. تعالي خليني اعظج ..
راحت شيخه تعظ وديمه اللي تمت تصرخ
لطيفه: ذلفي عن بنتي يالمجرمه ..
شيخه تقعد ويا نوفه اللي ميته من الضحك عليها: اوريج فيها هالنفيخه ان ما طيرتها الليله بسما بن ظاحي
وديمه: مافيت خيل
لطيفه: بس ودوم... هاذا كله طلول اللي معلمها هالحجي .. وينه اخوج يعل عيني ما تبجيه ما عنده هالكلام
شيخه تبتسم: دام طلال اللي معلمها خلها .. عسل يا حبيبتي
وديمه بشر: عثل بعينت
شيخه تطالعها باجرام بس تضحك لها: يحليلج والله الا اطيرج يالنفيخه الميهوده
وظلن الحريم على الضحك والسوالف ليما يه العصر وتحركن لبيت ابراهيم بن ظاحي.. خالد على وعده لقُمر رد البيت الساعه 12:30 وراح لها المطبخ واهي تسوي الحلاو ويا وضحه.. ناداها من بعيد عشان ما يشوفه احد من الحريم.. قُمر تاشر له انها ما تقدر تروح له لكن اهو ظل يناديها ... قعدت تطالع عمتها وحرمه سلفها وشردت من عندهن
قُمر بهمس: اشفيك ما قلت لك مااقدر اييك
خالد: انتي الل قلتي بنتغدى ويا بعض
قُمر: مااقدر حياتي وراي شغل وايد
خالد: انت مو مسؤوله .. اعنبو 3 خدامات وبعدت تشتغلين وياهن .. ماابي يدج تخترب حبيبتي
قُمر: هههههههههههههههههه حياتي شيرة الا حلاو شيخربها ..
خالد يضحك: ابي شوي
قُمر : لحظه
خالد ايودها من يدها: وين تعالي .. تبيها عذر عشان تروح .. عطيني من اللي بيدج
قُمر: من صجك
خالد: أي من صجي .. قعدت تشل شوي وتوكله اياه واهو يضحك واهي بعد .. سحبها عشان تروح وياه
قُمر: هههههههههههههههههههه حبيبي خلني والله بعدين يصير خير..
خالد يزعم زعل: خلج انزين ما بيي لج .. خلي الحلاو وضحه ونيمو ينفعونج
قُمر بدلال: افااااااا بو ليد .. بتخليني وبتروح
خالد يسند راسه على الطوفه: ويلي ويلاه منج .... احبج قُمر
قُمر: وانا بعد ..
خالد: انزين قوليلها
قُمر تذكرت يوم بايطاليا: انزين انا قلتها
خالد: ما سمعت شي
قُمر تهمس له: احبك
خالد : يااااااااااااااااااااااااااااااااااااي يالله بروح اغرق روحي يالله اوتعي من هالحلم الحلو
قُمر: قول لا اله الا الله .. مافينا شده الحسد
خالد ناظر قُمر بحب وحنان : يالله حياتي اخليج
قُمر: وين رايح
خالد: هههههههه بروح ويا الرياييل اشفيج
قُمر :لا خلك وياي ..
خالد: روحي سوي الحلاو ..
قُمر: لا بقعد وياك
خالد: ههههههههههههههههههه احسن
قُمر:هههههههههههههههه من صجك ما صدقت عمرك
خالد بزعل: طالع هاذي .. أوريج يا قُمر تعالي
شردت قُمر عنه واهو ظل واقف مكانه يطالعها ويضحك.. وراح لديوانيه الريايييل
بو خليفه وصل ومعاه بو ناصر والعيال كلهم .. الحريم دخلن البيت لام خليل وقام الترحيب والتهلي والمبارك ويوم ام خليل تشوف ام ناصر لوت عليها وطاحت فيها تحبب وتبوس .. قُمر يوم شافت نوفو طارن لبعض وتحاظن وتمن جذي ومن نوفه لمروة لنورة وشيخه ولطوف ورهف الناعمه واخيرا لامها اللي تمت بحظنها واهي تبجي بس ام خليفه سكتتها وباركت لها
واخيرا عايله المعرس وصلت.. ضاري ومطلق وسعود ومعاهن اختهن وامهن .. وصلت من بعدهن ونيسه وبناتها فاطمه وهيفاء ومشاعل وولدها عبيد االكريه.. قام الترحاب والتوايه وكان العلاقات ردت مع بعض.. بوخليل يوم شاف بو ناصر خل الكل وراح له وتموا بالحظن فترة لدرجه ان بو خليل وبوناصر بجوا على السنين اللي تفارجو فيها.. الكل تاثر من الموقف.. وبعدين يوا حق خالد المعرس اليديد والكل بارك له حتى عبيد.. ويوم عرفوا ان إللي ماخذها قُمر الكل فرح وقالوا الزين ماخذ الزين.. نجبوا الغدى والكل قعد يتغدى الشياب ويا بعض ويتذكرون ايامهم والشباب بيلستهم وخليل وجاسم عافسين الجو على راسهم.. خالد وسعود مسرع ماتوالموا ويا ناصر وطلال اللي ما خلو الجو من الضحك والسوالف.. من بعدها على العصر تموا الرياييل بميلس الكل يبين قوته بالقصيد وجاسم حطم الكل .. خليل يقوم يقصد عن الخيار واليزر وخالد وطلال ميتين من الضحك عليه واهو ولا هامه شي .. سعود قصد في ابوه وسكت الكل وقعدوا يتذكرونه.. جاسم حس بالتوتر وقام يتحرم عليه بصوت مرتفع.. والكل ترحم وياه.. ورد الجو مرة ثانيه واحسن بعد
خليل يبي يعذب عبيد شوي اللي من يوم عرف ان صبحه هني خف وين
خليل: ها عبودي ... سمعنا الصبحه هني
عبيد: اييييه يا معود .. وما ادري ان كانت بتطلع لي ولا لاء.. اخاف ما ترضى ..
خليل: شعليك منها .. انا لو وضحو تسوي لي جذي اعوي يدها
عبيد: وخر عني .. شنو اعوي يدها صخله اهي
خليل: علبالك الحريم ما ايون الا بالعين الحمرة
جاسم: مبين يا محني الشيب
وقام الضحك عليه.. خليل انحرج وخالد حس له وانقلب على عمه: واحسن منك يا غايص ببحر ماكو منه الا لولوة وحده
جاسم انقلب لونه وقام الضحك
جاسم: وانت شعندك
طلال: عنده القُمر المضوي بالعالي
وقامو الرياييل يطلعون صوت: اووووووووووووووووووووووووووووووووووووووووووووووووو ه
وخالد يضحك بغرور ..
جاسم يطالع يد خالد: شهالخاتم الرزة
خالد: شكررا.. من عند حياتي .. حلو؟
جاسم: الا رزة... خالد اقصد لنا من زمان ما سمعنا قصيدك
خالد : لا لا ما ابي
لكن الرياييل ماخلوه واخيرا قعد خالد يقصد .......
احلف باسم المولى.. مثلها .. ما كو بشر
جاسم وخليل وطلال: بشر
خليل: يا عيني
احلف باسم المولى مثلها ماكو بشر.. ساحرة العين عاليه الروح مغروره العشيره
حد منكم شاف قُمر ينور على اهله.. بالصبح المنير والليل المظلم وبحر الظهيرة
خل عني يا النوم حليلي مثل الريم غادي.. يصفي ليلي ويحلي لي الرمضه الوثيرة
جاسم: يا ويلي ..
مكره الحب .. يدخل القلب ويعمر بخفوقه ... ويحلي السهر بالنواظر .. بالليل ويشعل وتيره
يا ليل اكرهك واكره سهرك .. بس قُمري لا تخبيه عني وخليني اسعى بمنيره
درب يارب السما ما مثله درب .. حيل خفاق ونجومه مثيرة
سبحان الله خالق بدري سماي.... اللي اخلف على الارض خليفه لبديره
اسمها قُمر .. واحلى من القُمر ... وما يحلى للعيون صدق نظيره
ربي لا تحرمني منها .. قُمر خالد اهي .. وبدونها الدنيا .. تنجلب وتستوي مريرة
الكل: صح لسانك
وقامت الهيله وخالد يبتسم بغرور وبكبرياء
صار الليل وبعض الرياييل ردوا بيوتهم عشان يتزهبون ويردون مرة ثانيه .. خالد وخليل راحوا لعند حريمهم .. اول ما دخل خالد شاف قُمر تصلي .. انتظرها ليما تخلص واهو قاعد على السرير .. خلصت صلاه وقعدت تقرى دعاء وقامت ..
خالد بابتسام: تقبل الله
قُمر: منا ومنكم ..
خالد: ها حبيبتي .. انا اليوم بيدينج .. كشخيني مثل ما تبين ..
قُمر : ويبيلها كلام ..
راحت قُمر لعند كبتها طلعت الجنطه اللي فيها الاغراض اللي شرتهم لخالد بايطاليا ووقعدت تطلعهم.. طلعت

دباببيس القمصان وقلم اللي شرته وقعدت تطالع بالسوع اللي عنده وما عجبوها وطلعت الساعه اليديده والعطر.. كان بالحمام يسبح.. يوم طلع شاف قُمر تعدل بالاغراض وتبخر ثيابه وتعدل كل شي
خالد: شنو هذا كله
قُمر: بعض الاشياء
خالد: من وين
قُمر بابسام: كنت اشتريها لك لين اتسوق..
خالد حزن ونزل راسه..
قُمر تراضيه: انسى حبيبي .. خلاص.. انا نسيت ليش انت ما تنسى . يالله حبيبي ابيك توريهم خالد قُمر وشحلاته
خالد:هههههههههههههههه
قُمر: علامك تضحك..
خالد: ولا شي بس اليوم وانا اقصد قلت بقصيدي قُمر خالد ...
قُمر: يا حبيبي ...
خالد: احبج قُمر ..
قُمر: وانا بعد ..
زهب خالد وتعدل وتكشخ وقُمر وياه وطلعوا مرة وحده ..الكل تم يطالعم بكشختهم.. قُمر كانت لابسه جلابيه بنفسجيه مخور عجيب.. وخالد لابس دشداشه مفصله ومعدله.. واهو لابس الغترة.. الكل مدح كشختهم اللي محد يابها ..مريم كانت ويا البنات بالدار يعدلونها ويسولفون وياها
شيخه : الفال لي يا ربي
نوفه: الله عليج شيخو لوعتي جبدنا من كثر ما تهذرن عن العرس
مريم: خليها مسكينه يوم اللي بيصير لها بتعرف شلون ..
وعلى السوالف وصلن ارفيجات قُمر .. وتفاجئن بها وتراحبن ببعض ..لولوة تمت تحت عشان تركن سيارتها.. وكان الدرب متروس سيايير ما تدري شنو تسوي .. شاف جاسم من بعيد السيارة وراح لعندها عشان يشوف منو المتورط
جاسم: مساعده بالاخو.
التفتت له لولوة وانصدم... لولوة ما غيرها .. حبيبه قلبي .. اش هالصدف يا ربي
لولوة ببراءة قمر: مااقدر اركن السيارة ..
جاسم مات عليها وعلى جمالها: طلعي انا بركنها لج
طلعت لولوة بكل هدوء وقعد جاسم مكانها رد السيارة على ورى ومن اول محاوله ركن السيارة زين .. السيارة ريحتها مثل ريحه لولوة.. طلع منها وعطاها المفاتيح
لولوة شوي وتستخف على جاسم: مشكور جاسم ما تقصر
جاسم: العفو.. تحت الخدمه احنه ... يا لولوة
توها لولوة بتروح عنه وناداها: لولوة
لولوة: لبيه
جاسم يدق قلبه: ............. سلامتج يالغاليه
لولوة استحت وابتسمت له وراحت عنه وخلته هايم في جمالها العجيب..
دخلت لولوة الدار : هيييييييييييييييييييييوا قموووووووور
قمر: لولوه
وتحاظن البنات واهن يبجين على الفرجه اللي صارت امبيناتهن من بعد عشرة عمر على الحلوة والمرة
لولوة: الله قمور قمر .. نفع وياج العرس
قمر: وايد يا لولوة .. ابي اقلج كل شي
لولوة: مو اليوم .. اليوم يوم العروس (راحت لعند مريم ) الف مبروك الريامي الغاليه منج المال ومنه العيال خخخخخخخخخخخخخ
الكل ضحك الا مريم: انتي من صجج بعد .. بتطلع روحي وتقولينن لي مني المال .. لا والمال بعد .. ذلفي لولو...
لولوة لمت مريم وباستها على خدها الذابل من الخوف: يحليلج والله مريوم احلى عروس .. من بعدي طبعا
مريم بغرور: ما تتحدين
ضحكن على خبالهن ..صبحه يلست يم قُمر ولولوة والسوالف على اخرها.. مريم زهبت وصارت احلى من القُمر والكل قعد يمدح بجمالها ..صار العشاء وصلن الحريم وحطوا العشى .. بعد العشى قامت الاغاني ببيت بو خليل والبنات يرقصن على جلسات رابح صقر ونبيل شعيل ويوسف العماني وفرقه المعيوف كانت بره تعزف للريايييل وطلال وناصر وخليفه يهزون هز ورقص وخالد قام شوي ورد مكانه .. قعد ويا جاسم وعبيد والمعرس ومسرع ما قوموه على اغنيه لابس الثوب المنقط لخالد الملا وقامت الربشه ...
صار الوقت ويه الشيخ للملاج.. قام خليل عشان ياخذ الدفتر لوضحه تعطيه لمريم عشان توقع.. مريم تمت ترتجف واهي ما تقدر توقع
مريم: مااقدر وضحه .. احس روحي بموت .. مااقدر
وضحه: من صجج عاد سمي بالله ووقعي ..
مريم: مااقدر .. وقعي عني قُمر
قُمر : استهدي بالله مريم واذكري الله ووقعي ..
مريم هدت شوي وبيد مرتعشه وقعت.. وقامت اليباب على راسها بدارها .... وشيخه رئيستهم ويا لولوة وناديه ..
طلال كان قاعد يرقص ويا ربعه يوم دق تلفونه
راح لجهه ورد عليه: الو
وسيمه بحزن : طلال..
طلال انشرح قلبه: هال والله براعي هالصوت حبي الاول والاخير وحشتيني وسوم
وسيمه: ما تشوف وحش .. طلال ... انا متصله عشان
طلال : صبري شوي .................................. هلا وسوم
وسيمه: انا متصله فيك اقلك اني وافقت على ارفيج اخوي وانا وانت خلاص لازم تنتهي علاقتنا .. الله ما كتب يا طلال اننا نكون لبعض
طلال انصدم وضاع الكلام منه .. شيقول لها .. يايه له تقول انها راح تخليه بحياته لروحه من بعد ما عطاها كل الحب اللي يقدر يعطيها اياه .. تم ساكت ويحس نفسه منهار ... ما تكلم ولا قال شي
وسيمه تبجي: لكن اعرف يا طلال.. انت الوحيد اللي حبيته بحياتي .. وكان ودي لو ان حياتنا اكتملت بك .. بس مالي نصيب فيك
طلال: لا تقولي جذي.. انا اللي مالي نصيب فيج ... وسيمه ...........احبج
وسيمه زاد بجيها وطلال بجى وياها بعد .. : ......................... مع السلامه طلال
طلال: في امان الله يالغاليه .....
سكرت وسيمه عن طلال الليي قعد على الارض واهو ضام ركبتيه يبجي من حر قلبه على حبه اللي ضاع.. ناصر انتبه لغيابه وقعد يدوره وشافه عند احد الزوايا يبجي .. راح لعنده
ناصر: افا طلال.... علامك تبجي
طلال وسط دموعه: خسرتها يا ناصر................راحت مني للابد ............ مالي نصيب فيها .......راحت عني الغاليه يا ناصر
لم ناصر طلال لانه يدري عن سالفته واهو يحاول يهدي فيه ...
ناصر: ان شالله تلاقي اللي تستاهلك واللي تقدر تحبها من صج..
طلال: مااقدر يا ناصر.... اهي الل احبها ... خلني بروح
ناصر يود طلال اللي مرة وحده تغير
ناصر: اقعد يا طلال وين رايح
طلال: هدني ... بروح اذبح اخوها الحقير... ألنذل
جاسم انتبه لناصر وراح له وشاف طلال: شصاير
ناصر ايود طلال بقوى: تعال للمينون هاذا
جاسم يروح لطلال اللي يبجي من خاطر: طلال علامك
طلال: مافيني شي .... خلني ياناصر
جاسم : طلال علامك تبجي و ذابح حالك .. اشفيك ؟
طلال بالم : خسرتها عمي ........ ولد الجلاب اخوها بيزوجها لغير ي... وانا اللي احبها ........ حرام عمي حرام
وانهار طلال بحظن عمه اللي سكت عنه وخلاه يطلع اللي فيه.. ومسرع ما يه خالد وعرف شصاير في طلال... تالم لولد عمه الصغير على اللي صار بس تذكر اللي صار فيه وما لامه .. وخذاه من عند جاسم وقعد يتكلم وياه
خالد: يا طلال.. ساعات نخسر وساعات نفوز .. هذا حال الدنيا .. ويوم اتيوز اختك احد قال لي عسى تكرهوا شيئا وهو خير لكم .. يمكن انفصالك عنها راح يكون فاتحه خير عليك
طلال: اشلون خير واهي حياتي كلها ..
خالد: ما تدري بقدره الله ..
طلال: الله ما يرضى بجذي.. هذا اخوها الحقير النذل .. والله ودي اذبحه ..
خالد: هم بعد ... بعد يظل قضاء الله وقدره .. وانت لازم تصبر حالك.. وشوف .. انت بعرس .. والبنيات تارسات القصر.. لزم تلاقي لك اللي يمكن ترد قلبك ..
طلال: ما اظن... مثلها ماكو ...
خالد سكت عنه.. وخلاه يرثي حاله.. طبعا طلال ظل جذي حزين حتى يوم دخلوا المعرس على العروس.. مريم تمت تتنافض واصرت ان قُمر اللي تدخل وياها.. بس خالد ما خلا قُمر تروح وراح اهو بدالها.. قُمر وقفت يم العروس وخالد يم المعرس والكلولولش هازة المكان بالصاله المرتبه.. سعود نفسه كان يرتجف من حلاه مريم اللي من شافته ما شالت عيونها عنه.. لبسها الدبله والطقم وحيول بعد لبسها اياه بريلها اليمين ... وقعد الكل يزغرد للمعاريس وخالد ما يشوف شي بالدنيا الا قُمر .
من بعدها تشغلت الاغاني وظلوا المعاريس يالسين ويا بعض.. تصوروا وكل شي .. وسعود سال عمه ان كان يقدر يقعد وياها وبو خليل وافق وقاله حلالك يا وليدي ..
في الميلس قعدت مريم ويا سعود لروحهم .. متوترين ما يتكلمون .. مريم شوي وتبجي .. بس اهي جزئيا مرتاحه بس مستحيه من سعود.. انعجبت فيه وايد لان وسيم واسمر وعيونه فاتحه شوي ..
اول من تكلم سعود:: مبروك عليج مريم ..
مريم بحيا: الله يبارك فيك ...
سعود: مريم انا اوعدج اني اسعدج واخليج ما تحاجين لشي ... وانا كل اللي ابيه منج ... (يباعد ياقته عن رقبته من الضيج).. كل اللي ابيه منج اهو انج تحبيني ... مثل ماانا احبج
مريم ماتت من الحيا من اعتراف سعود.. بس يحليله يحبني .. من متى يا ترى..
سعود: انا بغيتج من يوم شفتج بعرس اخوج .. وظليتي في بالي سنتين .. انا تزوجتج لاني احبج ولاني ماابي افقدج .. لا تظنين ان هالزواج بسبب العايله لا .. يمكن العايله تصلحت علاقاتها فيها لكن انا تزوجتج حبا بج يالزينه ..
مريم طارت من الفرح.. الهم اللي بقلبها انزاح من كلام سعود .. متزوجها حبا لها .. مو رغبه انه يصلح بين العايلتين.. الحمد لله ...
مريم:........... ان شالله احبك مثل ما تبي ........... بس لحين الناس وقت
سعود يبتسم: هههههههههههههه على رايج ..
مريم : لا صج... انا شوي حبيتك .. بس يبيلي خمس دقايق زود عشان اتاكد من حبي لك
سعود:ههههههههههههههههههههههههههههه دريت انج راعيه نكت ..
مريم: خلول ماغيره
سعود: صبحه قالت لي ...
مريم: اوريها مرت الخال..
يودت على حلجها .. شقاعده تقول هالخبله .. صج اني خبله
سعود تم يضحك عليها : الله عليج ههههههههههههههههههههههههههه يعلني افداج .. يالله حبيبتي .. اشوفج على خير
مريم باحباط: بتروح.. تو الناس وقت..
سعود: الساعه 11:30 شنو وقت .. هيئتج ماتبين تفارجيني ..
مريم استحت : ... مو حرام ... ريلي .
سعود: الله عليج ههههههههههههههههههههههههههههههههههه ... يالله حبيبتي .. اخليج اللحين
مريم قامت وياه.. قبل لا طلع سعود باس يد مريم وخذ رقم تلفونها عشان يتصل فيها ..
نورة اللي كانت تلاعب اليهال ومستانسه حيل عليهم ما تبي تفارجهم .. عبيد ولد لطيفه راح عنها برع البيت وراحت وراه.. يوم طلعت له شافت ريال رافعه واهو يضحكه يرميه بالسما ويرد بيده .. ونزله على الارض اول ما شاف عبيد نورة راح لعندها عن خليل وخليل يطالعه التفت للبنت اللي راح لها ..
كانت نورة كاشفه ويهها واهي تطالع خليل اللي انعجبت فيه بشريط فيديو عرس قُمر.. خليل ابتسم لها وللياهل وراح عنها.. نورة استحت ونزلت عيونها للارض ودخلت ويا عبيد ..اول ما دخلت شافت وضحه بويهها تبي تطلع ابتسمت لها وضحه وطلعت.. طالعتها نورة لوين رايحه وشافت خليل واقف لها.. اول ما شافها عطاها ورد وقال لها شي ضحكها وبعد شوي ردت وضحه داخل..
وضحه: ها نوارة .. اشوفج عاجبتج السكه
نورة بحيا: لا بس ويا اليهال..
وضحه: تحبين اليهال ؟
نورة: وايد ..
وضحه: طالعه على خليل . يحب اليهال موت .. وشكلي بعد بييب له اثنين بدال الواحد
نورة حست بالغيره من وضحه بس : الله يقومج بالسلامه ويسهل عليج
وضحه: ااااااااامين
دخلن وضحه ونورة مع بعض.. ام خليفه قالت لمروة تاخذ حلاو توديه لابوها لانه يحبه.. وتذكره مرة وحده بالدوا.. مروة يوم راحت كانت متغشيه عن المكياج اللي بويهها ولابسه كعب عالي.. كانت تمشي وما تشوف الطريج زين .. دعمت بواحد
مروة: اعوذ بالله شنو هذا
مسكها الريال بقوة عورت يدها : حاسبي ماتشوفين
مروة خلت عن الريال ووقفت ترفع غشاها : انزين لا تاكلنا .. رفعت غشوتها لان الصوت اليف عليها علبالها جاسم عمها: جسوم ..
انصدمت .. ماكان جاسم .. كان واحد ثاني .. يشبه سعود المعرس شويه .
مروة: مسامحه ...
مطلق اللي تم يطالع هالجمال اللي اول مرة يشوفه بحياته.. شبيه الريم والغزلان هالبنت.. من تكون يا ترى: لا عادي بس مو منج من هالنعال.
مروة تطالعه بكل غرور: نعم؟
مطلق بابتسامه ساحرة: الله ينعم عليج من نعالج يالزينه اهو اللي فقدج توازنج
مروة: انزين انزين.. بلا سوالف بطاله
مطلق: الله عليج بعد بطاله هههههههههههههههه
مروة: اشفيك مو صاحي انت
مطلق: ههههههههههههههههههههههههههههههههههه عسل عسل هاللسان بعد شوي
مروة بحتقار: انت مو صاحي .. احترم الفاظك تعرف انت قاعد تكلم منو
مطلق: اكلم حوريه نازله من السما عشان تخاويني من بعد ليله وحيده من دون هالويوه الحسنه
مروة تعجبت من جراته : انت منو
مطلق : انا مطلق بن عبدالعزيز بن ظاحي .. بس اذا تبيني اصير خاتم .. حاظرن لج يا لزينه
مروة بصدمه: مطلقوووووووووو ما غيرك
مطلق مستغرب: لا يكون معرفه سابقه .. قط كلمتج بالتلفون ..
مروة: تخسي الا انت انا اكلمك .. انا مروة بنت عمك يالفاقد ..
مطلق انصدم: عمي ... أي عم
مروة: بنت سعد .. يالمخبل
مطلق بجراه اكبر: احلى واحلى .. ما كنت ادري ان منبتنا يطلع ورد وجوري ... الا ما اقول يسلم لي هالزين كله
مروة : صج ما تستحي .. بعلم عليك عند ابوي الحين
مطلق: وانذبح عشانج ... احلى موته
مروة انصدمت منه لكن غواها .. حلو ووسيم ويتغزل بجراءة.. طالعته نظره احتقار: شباب اخر زمن
وراحت عنه.. مطلق تم يطالعها واهي تمشي واهي تلتفت له.. باس يده وهف البوسه لها واهي استعجبت منه .. صج قليل ادب ..
على الساعه 12:30 فضى الجو من المعازيم ... قعدن الحريم بالصاله واهن هلكانات... شيخه اللي استغلت الهدوء طلعت بره بالليوان الجبير.. تاخذ نفس عن الجو المشحون داخل .. كانت لابسه عباتها لانهم بعد شوي بيردون النزهه .. توها بتدخل الا تشوف واحد قاعد على احد العتبات اللي عند ديوانيه الرياييل الفاضيه .. شيخه طالعته زين وعرفت انه طلال .. كان لابس الطقيه وحامل الشماغ على جتفه ومنزل راسه .. راحت لعنده شيخه تخاويه شوي
شيخه: هووووووووووووو يالربع
طلال رفع راسه وابتسم: هلا شويخ.. شتسوين هني
شيخه: اتشمس .. ابي اصير برونزيه
طلال ابتسم ونزل راسه: زين ..
شيخه: علامك طلال .. احد صافقك
طلال: ياريت
شيخه تبتسم: والله .. ترى زاهبه تبيني اطرقك ..
طلال ما رد عليها .. وقلبها توجس..
شيخه: طلال ... لا يكون تبي تنحاش من سالفه التشري.. لا تمد لي براطمك لاني مو راحمتك ..
طلال: خليني لحالي لو سمحتي .. ماابي اسمع هذرة..
شيخه انصدمت وانحرجت شوي .. قامت عنه تمشي داخل البيت.. طلال حس ان شيخه زعلت وان اسلوبه مو عدل ووقفها
طلال: شيخه انتظري ماكان قصدي
شيخه ما سمعته وراحت عنه..
طلال لحقها ووقف جدامها : يالله شواخ... مو قصدي .
شيخه شوي وتبجي : لا ماعليه ماحصل شي بس مابكلمك مرة ثانيه
طلال: مو قصدي جذي
شيخه : لا اكيد مو قصدك انا اللي يبت لروحي اللي ياني .. عن اذنك
طلال: لا .. قبل لا ترضين لا تروحين
شيخه: خلني اروح ..
طلال: انزين بعطيج سنكرز
شيخه: ماابي..(تطالع مخابيه )... اصلا ما عندك
طلال: خخخخخخخخخخخخ شدراج ..
شيخه طالعته : لان ماكو مخابي بدشداشتك .. وين بتخشه بخشمك
طلال: ههههههههههههههههههههههههههههههههههه يا شيخه
تمت تطالعه من تحت الغشوى واهو يضحك.. تحس بمشاعر غريبه تجاهه بس ما تدري شنو سببها.. وفجاه طاحت الغشوى.. وبين شكلها الرعبوب.. طلال تم يطالعها واهي ما رفعت الغشوى.. ظلوا على حالهم جذي فترة وشيخه استحت عنه وراحت .. طلال ظل واقف مكانه وشكل شيخه ما فارج خياله.. جمالها ملاح مثل وسيمه.. وروحها حلوة مثلها بعد.. بس يا رب.. انا قلبي وهبته لغيري خلاص.
اهل المعرس اول من تحرك من العوايل رادين الرميثيه .. ومطلق اللي كان راكب سيارته الخاصه تم يطالع مروة اللي تطالعه بنص عيون تم يتبسم وسكر الدريشه وراح ورى سياره اخوه ..من بعدهم.. تحركت عايله بو ناصر عشان يردون النزهه.. ناصر اللي تعبت نورة من كثر المراسيل بينه وبين نوفه خذ منها وعد انها تتصل فيه بس يردون واهو خلاص عقد قرارة انه يكلم امه عن نوفه وانها تخطبها له ..يوم وصلوا للبيت شيخه راحت راسا دارها ورقدت ونورة وراها.. ناصر بدل هدومه ونزل تحت ياكل له شي ..شاف ابوه قاعد واهو يتبسم
ناصر: دوم هالابتسامه ما تفارج يابو ناصر
بو ناصر: الله يخليك يا وليدي .. مرتاح حيل .. هم 10 سنين طاح بيوم واحد .. الحمد لله
ناصر : الحمد لله
خاوى ابوه شوي واهم يسلفون وعلى الساعه 1:30 قام بو ناصر يرقد
ناصر يوقف ابوه: يوبا بغيتك بسالفه
قعد بو ناصر مكانه: خير ..
ناصر :ألخير بويهك يا يوبا.... يوبا انا عزمت اكمل نص ديني ..
بو ناصر: ما تحس انك صغير شوي
ناصر: يوبا انا بدخل ال21 جريب .. وانا ماابي عرس .. ابي بس ملجه والعرس من بعدها .. عن لاتضيع البنت مني ..
بو ناصر: من هي البنت
ناصر :بنت بو خليفه .... نوفه
بو ناصر: نوفه؟ .. امك قالت لي انها تبي مروة
ناصر: لا يوبا.. انا ابي نوفه ...
بو ناصر: يصير خير.. بنت سعد من احسن ما يكون ومن حظنا لو كانت من نصيبك بس انت اصبر شوي وانا اللي بكلم عمك على الموضوع
ناصر حب راسه ابوه وشكره وراح بعدين داره واول ماانسدح ياه الرقاد بس ظل ناطر نوفه اللي بتتصل فيه .. بعد نص ساعه دزت له مسج.. ( ما حبيت ارفض طلبك جدامك ..بس سامحني يالغالي .. استحي (.. ناصر عصب شوي من المسج وخلاه.. قعد يفكر في السالفه وشوي شوي هدت اعصابه.. اوريها.. دامني بخطبها بخليها تستخف.. (على راحتج.. وزهبي حالج لعرس ثاني.. عرسنا ..(نوفه استخفت من الفرحه وشوي تتصل في ناصر بس ضبطت روحها ودزت له المسج (امييييييييين يارب العالمين(.. وكانت اخر مسج تدزها نوفه ومن بعدها راحت في سبات عميق.. طلال كان اخر من بقى صاحي.. يفكر في حياته اللي اعتفست باللي قالته وسيمه.. ما تخيل انها يمكن تضيع من يده جذي.. واهو يوافق على الشي ويتقبله .. ومن صوب ثاني شيخه اللي طاريه على باله وما يدري شصاير فيه.. شيخه بعمر قمر بالضبط ..انولدن بنفس الشهر .. دخل طلال بيتهم وبدل هدومه واستسلم للرقاد ..
جاسم بعد ظل ساهر واهو يتخيل عرسه من لولوة.. ما قدر يصبر اكثر على فرقاها.. لازم يكلمها ولا يكلم ام خليل.. بس من له من يقدر يساعده.. مريم ماكو غيرها.. قام من الدار اللي كان يرقد فيها ببيت بو خليل وراح لدار مريم.. طق على الباب .. مريم كانت تتكلم ويا سعود بالتلفون وراحت عند الباب
مريم: منو
جاسم: هاذا انا جاسم
مريم: جاسم ... لحظه شوي (تكلم سعود) سعود انا اخليك الحين جسوم عند داري ماادري شيبي
سعود: اووووووووووف حزته هاذا
مرمي: ههههههههههههههههه ماعليه بيشوف شنو يبي وبتصل فيك مرة ثانيه يالله باي
سعود: لاتطولين حياتي
سكرت عن سعود وردت على الباب: ههلا جسوم اشفيك ..
جاسم: مريم كلمتي امج عن لولوة
مريم : اوووووووووف لا ما قلت لها نسيت ...
جاسم: انزين مريم بطلب منج طلب قوليلي تم
مريم:تم
جاسم: عطيني رقم تلفون لولوةاللحين .
مريم: هاااااااااااا
جاسم: تكفين مريم مااقدر اصبر اكثر لازم اكلمها بموت والله بموت
مريم :بس ياجاسم
جاسم: والله ما بطوله بس ابي اتكلم وياها عن الموضوع تكفين مريوم
مريم: ماادري
جاسم: تكفين مريم ارحميني شوي
كسر خاطرها وعطته: بس تقول لها السالفه لا تطول اكثر ..
جاسم بابتسام : لج وعدي ..
عطته مريم الرقم وجاسم طار من عندها وردت اهي داخل تدق على سعود ..
سعود: شيبي جاسم
مريم : شيبون الرياييل بعد العرس ..
سعود : ههههههههههههههههههههههههههههههه
جاسم راح داره واهو يرتجف .. خسك الله من حظ ارتجف عشان بتصل في بنيه..طالع الساعه.. اللحين 2 .. اكيد راقده.. بس بجرب حظي .. دق الرقم .. وظل يرن .. يرن .. يرن .. ليما انرفع
لولوة: الو
جاسم: ..............................
لولوة: الوووو
جاسم:...........لولوة
لولوة خافت: نعم.
جاسم :الله ينعم عليج . .. انا ..... جاسم
لولوة: ........................
جاسم: الو لولوة
لولوة: من وين لك رقم تلفوني
جاسم: الله يخليج.. خليني اقلج سبب اتصالي وبعدين قولي اللي تبين تقولينه .. موافقه
لولوة: اسمع..
جاسم: لولوة.. انا من يوم شفتك وانا مو متهني بحياتي.. احس بالنقص.. نقص وجودج.. انا ظنيت ان اللي احسه لج شعور عادي كونج بنت بغايه الجمال .. بس يا لولوة انا انهزمت جدامج.. وقلبي تعلق فيج .. وماابيج تضيعين من يدي ..
لولوة تبتسم وميته مستحى من كلامه .. الحمد لله ان حاله مثل حالها ..
جاسم: ومثل ما تعرفين انا وصلت لعمر يخليني افكر بتكوين حياه وعايله انا فاقدها من اكثر من 18 سنه .. وانا مااقدر احصل بنت احسن عنج تكون شريجتي بهاذي الحيا...
لولوة: .................
جاسم: لذا بغيت استاذنج .. عشان ايي واطلب يدج من اهلج .. اذا كنتي موافقه ..
لولوة: ............
جاسم: يا لولوة بس قولي موافقه ولا ........... غير موافقه
لولوة: .......................... موافقه
جاسم طار من الفرحه: موافقه
لولوة: أي..............
جاسم: الف مبروك لولوة .. باجر بعد صلاه المغرب انا واخوي وولده بنييكم .. نتقدم لج ..
لولوة: .......... حياكم الله ..
جاسم: الله يحيج .. يالله اخليج اللحين .. تصبحين على خير
لولوة\: وانت من اهل الخير ... جاسم
جاسم: لبيه ..
لولوة: اخيرا حسيت على دمك ..
جاسم: هههههههههههههههههههههههههههه من زمان حاس يا حياتي من زمااااان
لولوة ضحكت وسكرت التلفون عنه واهي متونسه حيل من اللي يصير وياها ..
وبالفعل.. جاسم كلم اخوه بو خليل اللي بارك له على اللي يبيه ويوم عرف انها ارفيجه قمر رحب بهذ الشي.. وطلب من خالد انه ايي وياهم واييب قمر بعد ..
خالد: حبيبتي اليوم بنروح مكان ونبيج اتيين ويانا
قمر: وين ..
خالد : مكان... بس صدقيني بتتونسين حيل منه
قمر: وين تكفى قول لي حبيبي ..
خالد : خخخخخخخخخخخخ مو قايل لج..
قمر بدلع: كيفك ..
خالد واهو يتسند على مقدمه السرير : اكيد كيفي ..
قمر تطالعه بنظره
خالد: احبج
قمر: انا اكثر.. .
على المغرب تحركت سيارة خالد حامل فيها ابوه ومريم وام خليل وقمر .. وسيارة جاسم فيها بو خليفه وخليفه ونوفه اخت قمر وسيارة خليل لروحه.. قمر لاحظت الدرب اللي رايحين فيه وتهيأ لها انها تعرفه ..
خالد يطالعها: عرفتي وين رايحين؟
قمر: يتهيا لي ..
خالد: اللحين بنوصل
مريم قعدت تدلي خالد اللي متقدم القبيله وين بيت لولوة .. ويوم وصلوا قمر عرفت انهم ياين بيت ارفيجتها لولوة بس ليش
قمر: ما بتقول ليش يعني
خالد: ههههههههههههههههه ياحبي وانرفزج
قمر: هئ هئ عاد حبيببي قول لي
خالد: اللحين حبيبي بس نطري شوي ..
لولوة عن طرفها خبرت امها وابوها.. وكان كل شي مزهب لييه اهل جاسم.. كانت ترتجف من الخوف والتوتر.. اتصلت فيها مريم
لولوة: الووو
مريم: يالحسوده يالحقوده ماانتظرتي اعرس الا وعرستي من طرف ثاني
لولوة: مريم الله يهداج بموت والله بموت
مريم: هههههههههههههههههههههه وتتغشمرين علي ويا ويهج .. صج ما تستحين .ههههههههههههه بوريج اللحين
لولوة: الله يهديج بس .. وصلتوا
مريم : أي احنا على باب بيتكم .. يالله قولي لاهلج
لولوة: اوكيه باي
مريم :بايات
سدت لولوة عن مريم ونزلت لامها تخبرها وانطق الجرس.. راح عمها بو فلاح فتح الباب وسلم على الرياييل واولهم كان بو خليل.. لولوة يتيمه الاب لذا زايد وخالها حسن وعمها بو فلاح اهم اللي استقبلوا الرياييل .. دخلن الحريم البيت والريايييل بالميلس الخارجي للبيت.. طبعا بيت لولوة كان اصغر عن بيت بو خليفه ولا بيت بو خليل .. بس كان حلو وفخم .. قعدن الحريم بالميلس الداخلي ..
ام خليل لانها اكبر وحده اهي اللي تكلمت: الله يبارك فيج يالعروس ..
لولوة بحيا: مشكورة خالتي
مريم : اشفيج لولوو مختبصه جذي ما هقيتج خوافه
لولوة: انا ابي اعرف منو عطى جاسم رقم تلفوني ..
مريم: ومن غيري يعني والله تبيني شوف عمي يموت شوي شوي من دونج
لولوة استحت.. قمر اللي ما صدقت عمرها يوم قالت لها مريم سبب ييتهم وخذت ارفيجه عمرها بالاحضان وتحمدت الله ليش انهن راح ينجمعن ويا بعض من بعد ما تفارجوا ..
في ميلس الرياييل
بو خليل: يا بو فلاح .. احنا يايين اليوم نخطب بنتكم لولوة لاخونا جاسم.. جاسم يتيم الابوين بس تربى من قبل كل اخوانه وابوه الله يرحمه.. تقي بصلاته ويخاف ربه .. وناوي يكمل باجي حياته ويا بنتكم .. فشرايكم انتو
زايد إلى ما شال عيونه عن خالد واهو يفكر .. هذا زوج قمر ..
بو فلاح : والله يابو خليل هاذي الساعه المباركه .. وعايله بن ظاحي معروفه امبين الناس وامبين الخلايق بكرامه الاصل وطيب العود.. بس البنت بعد لازم نشاورها ..
بوخليل: ماكو خلاف يابو فلاح .. بس متى بتردون علينا
بوفلاح : تبون اليوم ولا باجر
جاسم اللي تكلم من بعد ما انشدت اعصابه: اليوم أي باجر يالطيب..
بو فلاح: هههههههههههههههههههههه ان شالله ياوليدي
بو خليل طالع جاسم نظره قفطته على طواله اللسان: خذوا راحتكم يا بو فلاح ..
بوفلاح: عن اذنكم شوي (يصد لزايد) زايد قوم وياي
قام زايد ويا عمه وراحن لميلس البنات.. طقوا الباب وطلعت لهن لولوة
لولوة: خير زايد
زايد: لولوة. نبي نقلج شي تعالي ويانا
لولوة:....... ان شالله
راحت لولوة وياهم للصاله وقعدت..
بو فلاج: يابنيتي.. جاسم بن ظاحي ياي يطلب القرب منج على سنه الله ورسوله.. وانا من طرفي اشوف الريال ما ينعاب.. ولد اصول ومن منبتن زين وينعزم به الراي .. فشرايج انتي
لولوة تطالع اخوها زايد اللي يطالعها بنظرة حنونه: شرايك زايد
زايد: رايي من راي عمي بو فلا ح ..
لولوة: ............ الشور شوركم يا عمي
بو فلاح: يعني موافقه
لولوة استحت واكتفت بهز راسها
بوفلاح: الف مبروك عليج يا بنت حسين .. الله يتمم علي خير..
يات ام زايد: هاشصار
بو فلاح: يببي ياام زايد .. لولوة وافقت..
ام زايد باعلى صوتها: كلولولولولولولوللوللوللوللوش الف مبروك يابنيتي
جاسم من سمع الكلولولش نقز من مكانه: وافقت
الكل ضحك عليه من نقزته وبوخليفه: جسوم يالميهل علامك اول واحد يتزوج.. احشم الناس
جاسم يطالع خال لولوة ويستسمح منه: مسامحه
بو علي: مسموح يا وليدي .. احنا كنا مثلك واكثر ولا شنو يا عيال
خليل: أي والله .. انا بغيت ارقص
بو خليل: انا لله وانا اليه راجعون
خالد ضحك على اخوه وعلى عمه.. نفس الطينه.. جاسم تم يتحقرص بمكانه من الوناسه وشوي يقوم يرقص.. دخل زايد وبو فلاح: الف مبروك عليكم ..
بو خليل قام وتوايه ويا بو فلاح: الله يبارك فيك يالطيب..
زايد راح يبارك لجاسم :ألف مبروك جاسم .. منك المال ومنها العيال.. وخلها بعيونك .. يوهرة البيت لولوة
جاسم: ما طلبت يا طويل العمر
تحاظنوا وخالد بارك لجاسم :الف مبروك بو محمد واخيرا بنشوف حمود
جاسم: الله يبارك في حياتك يا بو وليد .. عقبال ولدك ولود
خالد: خله ايي قبل هههههههههههههه
زايد يسمع كلام خالد واهو يبتسم.. باين عليه يحب قمر .. الله يهنيه فيها ..
خليل: مبروك يا جاسم .. الف الف مبروك .. والله انك صج حاقد على سعود.. ماانتظرت يوم وانت خطبت..
جاسم: لا عيل انقع روحي مثلك ويا وضحه
خليل: لاتيب طاري حرمتي .. تنقز عينها يالميهود
ضحكوا على سوالف خليل
بو خليل :يالله دام البنت وافقت اللحين خلونا نتفق على كل شي..
بو فلاح: الراي رايكم ..
جاسم :الله يخليك انا افكر ان يكون ملجه وبعد 3 شهور الزواج ..
بو فلاح: حلو .. بس البنت لها شروطها ..
جاسم: سم
بو فلاح: سم الله عدوك .. تبي تكمل دراستها .. وتبي تسكن لحالها ..
جاسم: ما طلبت.. اصلا انا عايش في بيت لروحي ..
بو فلاح : مهرها راح يكون 10 الاف دينار ..
بو خليل: ما طلبت يا اخوي .. لها اللي تبيه ..
بو فلاح: على بركه الله
من بعد الاتفاق قاموا الرياييل
بوفلاح : خلونا نعشيكم
بو خليفه: ان شالله بيوم الملجه ..
بو فلاح: ومتى تبونها
جاسم: بعد اسبوع
بو فلاح: ههههههههههه يا وليدي ما تحس انك شوي متسرع
جاسم بابتسام وغرور: ابدا ..
بو فلاح: ما نقدر نخالف .. الف مبروك
الكل : الله يبارك فيك ..
بعد نص ساعه بن ظاحي طلعوا من دار بو زايد رادين بيتهم.. قمر كانت متونسه وتبتسم على اللي صار.. لا لولوة ولا جاسم راح يحصلون احسن من بعض.. الحمد لله رب العالمين
خالد يمسك يدها: فرحانه حياتي
قمر: وايد .. احس روحي بطير بالجو
خالد: دوم حياتي دوم ..
مريم: شعندك.. طايح مغازل فيها
ام خليل: خليه .. حرمته وكيفه انتي شعليج ..
مريم: انزين ماقلنا شي .. بس همج تطيحين فيني ..
ام خليل بس عاد سكتي..
يضحك خالد ويرن تلفونه ..خليل متصل
خالد : هلا بو ابراهيم
خليل بفزع: خالد انا بروح المستشفى لان وضحه ياها الطلق وخذوها بالاسعاف
خالد: اوه سلامات بو ابراهيم ما تشوف شر
ام خليل: وليدي اشفيه
خالد: ايه.. ان شالله.. وراك حنا.. انشالله ..مع السلامه (سكر خالد التلفون وعكس الدرب) يمه مرت خليل وضحه ياها الطلق واهي بالمستشفى الحين
ام خليل: ويه وضحه نظر عيني توه الناس عليها.. بعد باجي 6اسابيع
خالد : ماعلينا اللحين انشالله تقوم بالسلامه ..
وصلوا المستشفى وخليل طبعا للسرعه وصل قبلهم وكان بقسم الولاده.. راحت له ام خليل وسالته
ام خليل: شخبارها .
خليل: ماادري يمه.. الدكتورة تقول انها وايد تعبانه
ام خليل: انشالله مافيها شي .. بتقوم مثل الفرس
خليل بتوتر : ان شالله انشاء الله ..
بعد ساعتين من التوتر الزايد الكل كان خايف واكثرهم قمر اللي كانت تدعي لوضحه انها تقوم بالسلامه.. بس السالفه ماكانت تطمن.. رحم وضحه كان ظيج وكانت حامل بتوم وهذا الشي تعبها وايد ..
طلعت لهم الدكتور واهي شوي حزينه : استاذ؟؟
خليل: لبيه
بابتسام: الف مبروك.. انولد لك احلى صبي وبنت..
خليل من دون أي اهتمام باللي قالته: وضحه .. وضحه شخبارها ..
الدكتورة بجديه: الرحم كان ضيج وكانت الولاده عسيرة عليها ولا تنسى اليهال خديج ما كملوا المده المفروضه ..بس ان شالله تتحسن حالتها
خليل بفزع: دكتورة لا تخبين علي شي.. اشفيها وضحه
الدكتور:ااااااااه .. المدام نزفت وايد .. وانجرحت بقو.. ان نجت ما راح تقدر تنجب مرة ثانيه ..
خليل: ماعليه .. بس اهم شي تقوم .. تقوم الغاليه
الدكتورة: ان شالله ..
راحت الدكتورة عنه وخليل خبرهم بالتوم
خالد: الف مبروك خليل على عيالك .. واخيرا العنود وابراهيم
خليل واهو خايف: ماادري يا خالد.. احسن بالخوف
خالد: افا بو ابراهيم .. لو انا مكانك اروح اشوف العيال بدال هالافكار السخفيه..
خليل: انت روح انا بظل هني ليما يطلعونها ..
خالد : على راحتك..
اخذ خالد مريم وقمر وظلت ام خليل ويا ولدها.. راحوا شافوا العيال واستخف خالد على البنت.. حسها تشبه قمر.. قمر إلى عيونها طارت على اليهال ما قدرت تفارج وضحه من خيالها ..
بعد ساعه طلعوا وضحه من غرفه الولاده وخلوها بغرفه خاصه.. رد خالد ويا قمر ومريم وظلت ام خليل ويا خليل اللي مارضت تفارجه .
الحين هل وضحه بتقوم بالسلامه.... قمر شنو راح تكون الصدمه عليها ... شخصيه برزت بتعود للظهور .. حب جديد... وعشق جديد..

الجزء الثاني عشر
الفصل الأول
-------------
باليوم الثاني صحى خالد وقمر كانت قاعده قبله .. كانت قاعده عند الدريشه والهوا يهب عليها
خالد : صباح الخير حبيبي
قمر: صباح الخيرات.. توه الناس الساعه للحين 7
خالد: لا بالعكس شابع نوم .. اشفيك انتي صاحيه
قمر: ما رقدت من بعد صلاه الفير..
خالد حس قمر متوترة: اشفيج قمر
قمر: خالد ... خايفه على وضحه...

خالد: ليش
قمر توقف له: ما ادري ... كلام الدكتورة خرعني عليها .. بس ان شالله تقوم بالسلامه ..
خالد: ان شالله .. وعشان ما يزيد خوفج تزهبي باخذج المستشفى
قمر: صج
خالد: أي صج.. روحي تطمني عليها ويلسي بدال امي وياها .. شرايج
قمر بابتسام: يعل عيني ما تبجيك .. خمس دقايق وانا زاهبه
واهي تروح عنه: ادري فيج متولهه على اليهال..
طلعت له قمر من غرفه التبديل: شدراك..
خالد بزهو: شفتج شلون تطالعينهم ..
قمر: تدري.. لا مو الحين .. بعدين ..
خالد : شنو ..
قمر: ولا شي..
سكت خالد عنها وراح يبدل هدومه.. على الساعه 8 كانو بالمستشفى.. راحوا الغرفه وين ماكان خليل راقد على كرسيه ووضحه فاقده الوعي للحين.. ام خليل انت راقده على سرير ثاني بالغرفه. خالد راح عند خليل.. انتبه خليل
خالد: شلونها وضحه اللحين
خليل: للحين فاقده وعيها .. ما تحركت من امس للحين..
خالد: بتقوم ا نشالله ..
طلع خالد برع لان وضحه مو لابسه غطى على راسها.. وخليل بعد عشان قمر تاخذ راحتها.. طلعت قمر القران وقعدت تقرى منه على وضحه.. وبعد فترة صحت وتمت تطالع قمر.. شافتها قمر ..
قمر: حمد لله على سلامتج
وضحه بتعب: الله يسلمج ... وين خليل
قمر: طلع ويا خالد .. الحين بردون ..
وضحه : قمر .. وين عيالي
قمر: بالحظانه .. دريتي انهم توم
وضحه: من زمان .. بس ما خبرت خليل عنهم ..
قمر: يهوسون .. احلى من الحلا نفسه .. والبنت تشابهج وايد ..
وضحه فجاه بدت تبجي وراحت لعندها قمر..
قمر: علامج وضحه تبجين
وضحه::....... ما بظل وايد لليهال.. بروح عنهم .. .. احس اني بموت يا قمر
قمر: لا تقولين جذي يا معوده .. فال الله ولا فالج .. ان شالله تقومين بالسلامه ..
وضحه: .. انا وايد تعبانه قمر .. خليهم اييبون عيالي.. ابي اشوفهم قبل لا ااموت
قمر بدت تبجي: حرام عليج لا تقولين جذي..
وضحه تمت تبجي وقمر طلعت تنادي على خليل: خليل .. وضحه قعدت
خليل شاف قمر تبجي : علامج قمر ..(طالع الغرفه ودخل داخل(
خالد: علامج حياتي .. ليش تبجين
قمر: وضحه.... تقول انها بتموت ..
قمر رمت نفسها بحظن خالد واهو يمسح على راسها.. ليش وضحه تقول جذي.. حتى اخوه بعد بين انه خايف وايد.. عشان مساله بسيطه يسوون كل هذا..خليل دخل على وضحه اللي كانت تبجي بهدوء.. وشكلها كان تعبان وبشرتها باهت لونها .
خليل: حمد لله على سلامتج يا حياتي ..
وضحه بابتسام: الله يسلم حياتك .. حبيبي الغالي ..شفت شلون .. العنود وابراهيم يوا .. عشان خاطرك بس..
خليل: خلهم يولون.. انا ماابيهم.. ابيج انتي .. انتي يالغاليه ..
وضحه: الله يخليك حبيبي ..
تمت وضحه تطالع خليل واهي تدري انها راح تفارجه.. بس المشكله ان خليل ما يقدر على فراقها.. قعدت تتذكر اول ما شافته.. واول ما خبطهم .. ويوم رفضوه لانها كانت مكتوبه حق ولد عمها بس اهو وقف في ويهم ليما وافقواعلى زواجهم.. وسنتين إلى وقفوا محاولات الحمل فيها لانه يبي يستسمع وياها واليهال يايين بالدرب.. ويوم عرف انها حامل.. راح تشتاق له.. لغشمرته.. ولمراضاه ..كان دايما يقول لها انه إلى بيموت عنها.. لكن امبين انها اهي اللي راح تموت.. وضحه كانت بسكرات الموت وخليل ما كان يحس لانها كانت هاديه اكثر من المتوقع
وضحه: حبيبي .. احبك
خليل: وانا بعد حياتي ... احبج اكثر من عمري كله
وضحه: حبيبي .. تذكر يوم عرفت اني حامل
خليل: اشفيه
وضحه: بذاك اليوم انا كنت خايفه يوم اللي تدري انك تعصب.. لانك للحين على قولتك ما خلصت شهر العسل
خليل بابتسام: ان كان على العسل.. فحياتي وياج كلها عسل.. بس لا يصيبنا سكري
وضحه: ههههههههههههه حبيبي..( تمت تطالعه بنظرات كلها عشق.. تحبه ).. حبيبي يب لي ورقه وقلم
خليل: ان شالله....
طلع خليل وراح اييب ورقه وقلم لوضحه وقمر دخلت عليها
وضحه: زين انج دخلتي يا قمر .. تعالي ابي اوصيج
قمر ردت تبجي : يا وضحه الله يهديج بس
وضحه: خليني ياقمر.. ماباجي علي وايد.. اوصيج بعيالي كل الخير.. لاتخلين احد يطقهم.. ولا يعذبهم ولا يخليهم يحسون بنقص الام ..كوني انتي ومريم وخالتي امهاتهم .. عاملوهم بكل الخير.. حبوهم كثر ما تحبون عيالكم ..
قمر: انش الله .. وياج يالغاليه ...
وضحه: .. خليل راح يتالم وايد .. بس انا اختارني ربي وخلاص... مااقدر الا اسلم نفسي له
قمر زاد بجيها
وضحه: انا احبه.. احبه قمر.. ويصعب علي اني اخليه.. ابيج تقنعينه بالزواج من بعدي ..عشان يتهنى بباجي حياته.. والعيال تصير لهم ام دايمه.. قمر احبكم كلكم.. والله احبكم.. (تبجي وضحه) سلمي على عمي سلامن كثير.. ولا تنسين.. يحب انه يشرب شاي بماي ورد الصبح.. لا تنسين بعد يحب يلبس الوزار الاحمر حق الحداق.. وبعد ..
قعدت وضحه تتالم شوي شوي .. وتتلفت شافت عمتها الراقده
وضحه: عمتي السنه معزمه على عمره العيد.. بس اهي وايد نسايه وبتنسى هالشي بسرعه.. ذكريها.. ومريم بعد ..
قعدت وضحه تتالم وتسكت وقمر تباريها
وضحه: انسي اللي صابج ويا خالد ..تراه ريال زين.. حطيه بعيونج.. وحتى ان غلط.. سامحيه.. لانه ما حصل الاهتمام من عمي.. قاومي عشان زواجج ..
تمت وضحه تبجي من حر قلبها.. على اللي بيصير فيها وقمر وياها: واعليا جسوم.. بيضطر انه ياجل زواجه بسبتي
قمر: تكفين وضحه لا تقولي جذي.. انتي بتقومين .. واحسن عن قبل بعد
وضحه تضحك لها ودخل خليل ... كان شكله مفجوع.. زاد عن عمره ب10 سنين .. وكان حاس ان وضحه بتروح عنه ..
خليل: هاج حبيبتي .. الللي تبينه ..
وضحه ابتسمت له: شكرا حبيبي ..
وضحه تمت تكتب شي بالورقه.. يوم خلصت عطتها قمر: قمر.. لا تفجينها الا قبل التاريخ اللي انا معلمه عليه.. خليني الحين ويا خليل..
قمر: ان شالله ..
طلعت قمر وطارت بحظن خالد واهي تبجي من خاطر.. تبجي على وضحه الغاليه.. وضحه الطيبه اللي للحين ما تعرفت عليها زين.. شذنب عيالها ما يذوقون حنان امهم الطيبه الحبوبه.. ليش يا ربي.. استغفر الله.. حكمتك يا ربي محد يقدر يفكر فيها غيرك.. الله يعين خليل على فراقج يالطيبه.. الله يعينا على فراقج ..
خليل كان قاعد عند وضحه واهي تطالعه.. بكل محبه وحب ... تحسه متغير
وضحه: اشفيك حياتي ..
خليل: سلامتج حياتي ..
وضحه: انزين .. تعال هني شوي .. ابيك في سالفه
خليل بمزاح: فلوس ما عندي ..
وضحه: بخيل.. ماابي فلوسك.. تعال يمي شوي
راح خليل عندها وسندها بجسمه وظل ميود اياديها .. يبجي بس يمسح دموعها بجتفه
وضحه: خليل ... غني لي اغنيه عبدالرب ... ليله
خليل: ............ ليله.. لو باقي ليله.. عمري ..ابيه الليله واسهر بليله عيونك ذي ليله عمر.. ذي ليله عمر.. ليله.. لو باقي ليله عمري ابيه الليله واسهر بليله عيونك ذي ليله عمر.. ذي ليله عمر .. وضحه يا وضحه .. وضحه يا وضحه ....... اشكثر انتي جميله ...
سكت خليل وظل يبجي من عمق قلبه على حبيبته وضحه .. حياته وضحه اللي بيفقدها واهو يحبها موووووووت
وضحه ما بغت خليل يتعذب اكثر: حياتي
خليل: هلا حياتي ..
وضحه: روح اسال الدكتور ان كنت اقدر اشوف عيالي..
خليل: ان شالله ...
قام خليل عنها .. ويوم راح عند الباب
خليل: احبج وضحه ...
وضحه ابتسمت له ... راح خليل برع الغرفه واهو يمسح دموعه
خليل: خالد تعال وياي..
خالد: ان شالله
راح خالد ويا خليل ودخلت قمر على وضحه.. كانت تبجي وضحه واهي تطالع عمتها نايمه: والله اني عشت احلى سنتين بحياتي.. بس ياريت طالوا اكثر .. وقدرت اشيب ويا ريلي .. بدال مااروح عنهم ..قمر .. ديري بالج على الكل .. امنتج الله ..
قعد وضحه تهتز.. وتتالم. .وتعصر بجسمها والعرق يزخ منها.. ليما هدات ملامحها وارتخت.. وسلمت روحها للباري عز وجل.. قمر حست انها ماتت وفقدت اعصابها.. قامت من مكانها تصحيها
قمر :قومي وضحه.. تكفين وضحه .. مااقدر اقول لخليل.. قوليله بروحج .. وضحه تكفين
دخل خليل بسرعه الغرفه لان حس ان وضحه راحت.. شاف قمر تبجي على صدر وضحه اللي فاتحه عيونها ونظرها علىالباب.. وقف مكانه وخالد دخل وراح لقمر اللي وعت ام خليل ببجيها.. شال قمر عن صدر وضحه واهو يهديها.. ام خليل راحت لعند وضحه وشافتها ميته وقعدت تبجي عليها من خاطر على شبابها اللي راح.. خليل كان مو مصدق اللي يصير.. خلته يروح عشان تموت عنه.. ليش.. ليش ما خلته يموت وياها ..انا شسوي من دونها.. شلون اعيش حياتي من بعد فقدها.. وضحه راحت من حياتي.. وضحه حبيبتي.. راح لعندها بكل هدوء واهو يسحب بريله منهك القوى تعبان حيل يحس نفسه ينزف من كثر الالم.. راح لعندها يهزها بغير تصديق
خليل: وضحه .. حبيبتي وضحه ... وضحه قومي انا خليل..
ام خليل ارتفع صوتها بالبجي وقمر تغمض عيونها عن مشهد خليل
خليل يقعد يم وضحه: وضحه.. حياتي قومي ما سميت اليهال للحين (ترتفع وتيرة صوته وبدى يبجي) وضحه تكفين.. انا من لي غيرج.. وضحه حياتي.. وضحو... قومي تكفين .. قومي لا والله ازعلج اللحين ولا اراضيح من بعد ..
طاح خليل على ركبتيه واهو ممسك بحواجز السرير واه ويبجي .. خالد راح له يمسكه
خليل بصرخه هزت المستشفى: وضحه..
خالد انتفض من صوت اخوه.. اول مرة يشوف خليل على هاذي الحاله.. ولكن من يقدر يستحمل هالموقف.. تم يهدي في اخوه اللي بدى يصرخ من كل اعماقه وهز المستشفى بصوته.. خالد احتار.. قمر تبجي من صوب وامه شابصه بوضحه ماتبي تخليها وخليل منهار على الارض واهو بعد يحس بالانهيار.. مرت اخوه الغاليه ..وضحه اللي الكل كرهها لان خليل تعب عشان يتزوجها بس مسرع ما حبوها باول يوم دخلت بيتهم.. وضحه اللي كانت دوم وياه تتصل فيه وتسال عن احواله يوم كان بلندن.. وكانت لين تفكر باليهال ولا تشكي خليل تشكيه عنده واهو يصبرها على خبال اخوه اللي مبين ما بيرد له ابدا.. حرام حياتنا تتغير.. مريم توها معرسه وجاسم تقدم ووضحه تروح .. يا رب.. شباجي ..
خليل مرة وحده اوتعي .. قط شماغه وعقاله وطلع من الدار
خالد يمسكه: وين رايح خليل
خليل بعصبيه: فج عني .. خلني اروح
خالد يمسكه بقوة: اذكر الله يا خليل الاعمار بيد الله
خليل بصرخه: اقلك فج عني..
خالد ترك خليل اللي طلع من الغرفه
ام خليل برعب: روح وراه ياوليدي لا يسوي شي بنفسه
النرس دخلت بنفس الوقت اللي طلع في خالد يركض ورى اخوه ..
وصل للباركات وقعد يطالع وين سياره خليل ومرة وحده الرنج يشخط من وراه ويطير.. خالد ما بطى وركب سيارته الاكس فايف وراح وراه ..
قمر تحظن ام خليفه واهن قاعدات على الارض .. خايفات ما يدرين شبيصير ..
بعد ما خذوه جثه وضحه للثلاجه قعدت قمر تصرخ من البجي وام خليل معاها.. يبجون على الام اللي ما تهنت ويا عيالها.. الام اللي حملت وتعبت وما لاقت الا الموت ياخذها من احلى حلم بحياه كل ام.. قمر ما فكرت الا بالعيال.. خانت حيلي.. من امبونهم يتيتمون.. بعد عيني وضحه حتى ما شافتهم ولا لمستهم .. يا رب استر على عبيدك.. بعد ساعه قمر قامت واتصلت في مريم تخبرها عن المصيبه اللي صارت.. اول ما طلعت من الدار شافت جاسم بويهها وطارت بحظنه
قمر بصوت مبحوح: راحت الغاليه العزيزة جاسم.... راحت
جاسم كانن عيونه محمرين وفكه يرتجف من البجي : ترحمي عليها يا قمر ترحمي عليها ..
قمر تمت تبجي بحظن عمها وبعد شوي وصلت مريم اللي قلبت المستشفى مناحه وصريخ على ارفيجتها
الغاليه.. جاسم ما يقدر يهديها ولا يسوي لها شي تصرخ من كل قوتها ليما طاحت مغشي عليها.. دخلت قمر الدار تشوف ام خليل شافتها طايحه على الارض واهي ساكته.. ارتعبت قمر وراحت لها .
قمر: خالتي ..... خالتي قومي ... قومي خالتي تكفين قومي ....
ما قامت ام خليل وقمر طلعت من الدار تدور على جاسم.. ما حصلته.. راحت لاحد النرسات وجرتها للغرفه وهناك اسعفوا ام خليل اللي ارتفع عليها الضغط من وفاة وضحه ..
على الليل خبر وفاه وضحه انتشر للكل.. ام خليفه ماتت من البجي ومروة ونوفه ولطيفه راحن المستشفى يشوفون اللي صاير.. شهالمصيبه.. الكل كان يترحم عليها ويدعي لخليل بالصبر.. يعرفون شكثر خليل كان يحب وضحه وشكثر تعب عشان يزوجونها منه.. يوم كانن بالمستشفى شيخه اتصلت في نوفه ..
نوفه بتعب: هلا شواخ
شيخه فزعت: علامج نوفو .. تصيحين
نوفه ردت تبجي لشيخه: شواخ ... وضحه ماتت
شيخه بصرخه: شنووووووووو
نوفه: وضحه حرمه خليل توفت من بعد الولاده.. شواخ .. راحت الغاليه راحت..
شيخه تمت تبجي وسكرت عن نوفه ونزلت تحت وقبل لا تنزل طلعت لها نورة
نورة: شيخو علامج
شيخه واهي تبجي: وضحه ... حرمت خليل ماتت
نورة مسكت عمرها: شنووووووووووووووووووو
شيخه: ماتت واهي تولد .. تخيلي نورو
نورة دارت بهالارض والسما.. وضحه حرمه خليل ماتت.. توها كانت وياها وتسولف معاها بالعزيمه وماتت.. نورة مااستحملت ودخلت دارها وسكرت الباب وحست وكانها اهي المذنبه بوفاه وضحه ليش انها تمنت لو انها زوجه خليل بدالها..
شيخه انزلت وين ماكانت امها وابوها واخوها يالسين وصدمتهم بالخبر
شيخه: يوبا حرمه خليل بن ظاحي توفت
بو ناصر وناصر قامو: شنو
ام ناصر قامت لها تمسكها من يدها: شتهرجين يا شيخو استخفيتي
شيخه واهي تبجي: لا يمه من صج.. ماتت واهي تولد .. توها نوفو مخبرتني .. يمه حالتهم حاله هناك .. الكل منهار
بوناصر وناصر يسترجعون بوناصر: يالله .. شيلي عباتج ويا بناتج وخلينا ننزل الجهرا اللحين اللحين
ام ناصر واهي تطق على راسها: يا بعد روحي يا خليل.. الله يعينك على فقد حرمتك
شيخه راحت لدار اختها: نورو... نورو قومي تزهبي بننزل الجهرا
نورة واهي عافسه عمرها من البجي : ماني رايحه ... روحو انتوا .. ماني رايحه
شيخه: نورو بلا سخافه .. يالله قومي نروح لهم ..
نورو: قلت لج مو رايحه يعني مو رايحه ..
ناصر كان عندهم: شالسالفه
شيخه واهي تمسح دموعها: نورو تتسيخف ما تبي اتيي
ناصر: نورة ... نورة حبيبتي اشفيج
نورة واهي تبجي: مافيني شي.. روحو عني .. ماابي اروح
ناصر: هاو نورة اشفيج.. الموت حق علينا كلنا علامج تسوين في روحج جذي فكري في اهلها شحالهم الحين.. نوفه ومروة وقمر اكيد يحتاجون احد يعاونهم ويصبرهم على هالمصيبه ..
نورة بحزن قاتل : ماابي ناصر.. بسبتي اهي ماتت.. انا السبب.. انا الحقوده .. الحسوده ( وقفت كلام وراحت بالبجي والصراخ(
ناصر: شيخو روحي انتي تزهبي ونزلي ويا امي وابوي انا بهديها وبلحقكم
شيخه: ان شالله
كسرت شيخه خاطر ناصر.. مع انهم ما عرفوها الا من شوي بس وايد انصدمن للسالفه ..
على العشا بو ناصر وصل ويا حرمته وبنته بيت ام خليفه.. بيت بو خليل كان مثل المقبرة.. الحزن لاف كل مكان.. وبو خليل اول ما عرف بالسالفه راح البيت وكسر صور وضحه كلهم واهو يبجي.. بجى من خاطر.. من حرقه قلب على حرمه ولده الطيبه المؤمنه الطاهرة.. حرام تروح عنهم جذي.. في دار خليل قمر كانت يالسه ويا مريم اللي تشم اغراض وضحه وتبجي وتطق على راسها.. فقدت اعصابها لدرجه انها راحت تحرق يدها عن الحنه اللي فيها.. قمر يودتها واهي ما تدري شلون تعابلها ..
قمر: مريم حرام عليج تسوين جذي.. ترحمي عليها .. ادري فيها غاليه عليج
مريم: هاذي وضحه .. وضحه الخاينه.. راحت عني وعن خليل .. جذبت علي.. قالت انها بتكون وياي بعرسي .. خاينه خاينه وضحو يالخاينه ..
طاحت مريم على الارض واهي تبجي من خاطر.. قمر ما كانت تفكر بنفسها كانت تفكر بهاذي العايله اللي انهارت من وفاه الغاليه.. اذا اهي نفسها تبي ترمي نفسها بحظن احد وتطلع اللي فيها شعلبالهم اهم اللي عاشوا وياها.. قعدت تذكر خالد.. من طلع الصبح ورى خليل للحين ما رد.. وينه.. ان شالله ابخير..
خالد لحق خليل بالطريج ليما وقف عليه جدامه بالطريج وخلاه يوقف.. طلع من سيارته وراح لعند اخوه اللي كان منزل راسه على السكان.. خالد فتح الباب وحمل خليل لبرع واهو يلمه ويبجي وياه.. خليل انهار مرة ثانيه وتم يبجي على جتف اخوه.. تباعد عن خالد وصار يمشي بالشارع الفاضي واهو رافع راسه ومرة وحده طاح على ركبته واهو يصرخ : ليش يا ربي.. ليش ما خذيتني بدالها.. تدري اني احبها.. احبها يا ربي.. وضحه.. وضحه حبيبتي وضحه .. وضحه حياتي ..
سكت خليل عن البجي .. ومرة وحده قام وراح لدبه السيارة .. طلع منها جنطه كان حاط فيها اغراض لليهال .. حذفهم لبعيد ونظرة الشر بعيونه.. بس هدئ شوي.. وركب سيارته
خالد: خليل على وين
خليل: ......... ولا مكان ..
خالد: انزين خلني اروح وياك ..
خليل: ....... ماابي...
صك الباب وراح عن اخوه اللي ظل واقف محتار.. بس خليل عنده حق.. وكل الحق باللي يسويه.. تخيل لو قمر اللي توفت مو وضحه.. راح يموت لانه مو مستعد يعابل الحياه من بعدها ..
مرت ايام العزا ال10 أحزن ما يكون.. مريم اللي كل شوي وتنهار عليهم.. ام خليل اللي مرضت.. ام وضحه اللي ياتهم من السعوديه وين ما يسكنون وصارت الوقعه بييتها.. ام خليفه وام ناصر اللي اهتمن بكل شي.. حتى لولوة حظرت ال10 ايام كامل.. ولا تخلفت عنها.. نورة ما راحت وظل ناصر وياها يروح ويرد من الجهرا.. عايشه راحت قعدت وياها ويا ريلها.. ما قدروا يطلعونها من حبستها.. كانت تحس بالنار تسعر فيها.. تقوم وتقعد بالصلاه وتقرى بالقران .. تبجي واهي تستغفر ربها وكانا اهي السبب بموت وضحه ..
شيخه كانت ويا بنات خالتها تعابلهن.. حتى انها تصالحت ويا مروة وصارن ارفيجات.. عايله بو سعود اول ما عرفوا راحوا الجهرا.. سعود تعب حاله يوم عرف ان مريم منهارة وكان يبي يشوفها من قلب ويطمن عليها.. مريم من زود الصدمه قالت لعمها جاسم انها ما بتتزوج خلاص وتبي تفج الخطبه
جاسم بصدمه: ينيتي مريم.. شهالحجي ..
مريم: أي .. ماابي عيال الغاليه يتلتهون بلا ام .. انا بربي العيال ولا علي من احد .. والزواج انا من زمان ماابيه .. واللحين لي عذر.. انا ما بتزوج وقولوا لسعود اني ابي افج الخطوبه
جاسم مسك مريم بقوة: تراج مصختيها .. ألريال لعبه بيدج .. يفج الخطبه .. خلصوا الناس يعني .. الكل مستعد يربي عيال خليل مو بس انتي .. قمر اللي تعابلهم كل يوم بروحتها وردتها مااشوفها قالت خلاص ماابي اتزوج خالد بظل اعابل عيال وضحه ..
مريم بصوت مفجوع: هاذي الغاليه يا جاسم..مااقدر افكر الا بالعيال.. وينه اخوي.. ما تدرون عنه وينه ولا وين طارح نفسه ..همكم الناس اللي تيي تعزي .. ويوم اللي انا افكر بعياله قعدت تلوممني ..
خالد بتصميم: اذا خلصت الناس يا مريم وما ظل احد يربي عيال خليل لا تنسين اني انا موجود ويا قمر.. وانا مستعد مااييب عيال واربي عيال اخوي.. وتعالي بعد انتي ناسيه ان عندهم ابو اللي ييتي وقررتي من نفسج انج تربينهم
مريم: اللي بتقولونه ما يهمني .. انا ماابي اتزوج وخلاص.. السالفه منتهيه ..
راحت مريم وجاسم وخالد محتارين.. قمر كانت بالمستشفى ويا اليهال اللي حطوهم بالحضانه ليش انهم مولودين قبل الموعد.. بو خليل سمى العيال.. ألولد ابراهيم والبنت العنود على مسماهم ويا امهم المرحومه.. خليل محد يدري عنه من 10 ايام بس طلال اللي يعرف لانه من بعد ما تركت وسيمه راح بيت المزرعه ويا الفروس ويوم وفاه وضحه بالليل ياه خليل وكان منهار بس ما قال له شاللي مييبه.. عرف طلال يوم اتصل في عمه جاسم.. جاسم استفسر عن خليل بس طلال ما خبره لان تفهم وضع خليل وانه يبي يقعد لحاله ..
طاف اسبوعين من وفاه وضحه .. وخليل للحين مارد البيت.. جاسم عرف ان خليل بالمزرعه وراح له ويا خالد عشان يردونه البيت..
خليل: مو راد البيت ولا ابي اشوف رقعته مرة ثانيه
خالد: شهالهرج يابو العنود .. شلون تترك كل شي وتنعزل
خليل: ماابي شي...... من بعد وضحه.......... عافيت كل شي
جاسم: مو كلام هذا ياخليل.. انت ناسي اهلك.. ابوك امك اختك اللي حارقه قلوبنا برفضها لولد عمك تبي تفضي نفسها لعيالك.. ولايكون ناسي عيالك
خليل بقهر: بستين الف داهيه.. ماابيهم .. انا بغيتهم عشان يظلون وياي ويا وضحه.. اهم السبب بموتها.. اهم
خالد: اذكر الله يا خليل.. شقاعد تقول.. انت مو بوعيك.. وضحه راحت بحكمه الله .. مو معناته تخلي روحك حق هالقهر والعذااب.. عيالك يبونك ..
خليل: انا مااابيهم .. سوو فيهم أي شي.. ماابيهم ولا ابي اشم رواحتهم بعد ..
جاسم قام بعصبيه: انت شفيك... ما تخاف من ربك .. يهال مالهم ذنب تقول عنهم هالكلام.. خرفت وقعدت يا خليل
خليل قام بعصبيه: يوم اللي تخسر قلبك وروحك وكيانك كله راح تفهم اللي اقوله ... خالد لوتموت قمر شراح يصير فيك؟
خالد قام بعصبيه: فال الله ولا فالك يامعود..
خليل: وانت ياجاسم لو لولوة يصير فيها شي شراح يكون موقفك؟
جاسم هدى وسكت..
خليل بحزن: شفتوا.. هذا ما صابكم وخالد ثور علي وانت حنيت راسك.. عيل انا شنو.. اللي حبيتها من 5 سنين وبالغصب زوجوني اياه بذباح الروح وعشت معاها احلى سنتين انتهت باسوى ماساه اعيشها بحياتي.. انا ميت ياخالد.. ميت يااخوي.. بس الا اعضائي يتحركون.. ولا لو الود ودي اسلم الروح واموت وتنتهي معاناتي ..
خالد حس لاخوه وراح له وكلمه بالهداوة: صح كلامك .. لو يصير شي بقمر انا راح اموت.. تدري ليش.. لان للحين ما عندي منها الا الذكريات وبتحترق دنيتي وانا اتذكرها .. بس وضحه ماراحت يا خليل.. وضحه ماراحت قبل لا تخلف لك احلى بنت وولد يحملون عبيرها وريحتها اللي تعم الدنيا كلها.. انت لاتنسى انهم من وضحه قبل لا يكونون منك .. ومو ذنبهم لو ماتت امهم بالولاده .. لاعتب على حكمه الله ..
خليل سالت دموعه بس ظل على موقفه: ماابيهم ... خذهم انت ياخالد .. ربهم انت وجاسم .. انا مافيني اجابلهم واذكر امهم كل لحظه...
راح خليل عنهم وردوا للبيت واهم يحسون بالفشل والحزن لان خليل اللي يعرفونه راح .. ولا بيرد مرة ثانيه
طاف الشهر على وفاه وضحه.. واليوم يردون اليهال للبيت.. قمر راحت ويا مريم وخالد عشان ايردون اليهال ..طول الايام وقمر ما قعدت بالبيت يا بالسوق تكمل اغراض اليهال يا عندهم او ويا خالتها المريضه.. حتى خالد ما كانت تدري عنه الا بالتلفون.. يوم شافها خالد تنتظره عشان يروحون المستشفى شافها منهارة.. ضعفت عن قبل وعيونها تحوطت بالسواد حتى انها كانت تتنفس بقوة وكانها تعبانه
خالد: حياتي اشفيج
قمر بتعب واضح: مافيني شي... سلامتك
خالد: متاكده.
قمر: أي حبيبي.. خلنا نروح انييب العيال.. الكل ولهان عليهم
خالد ضمها واهو يمشي وياها: يالله حياتي
كانت الساعه 11 يوم ترد قمر ويا البيبيز مع مريم وخالد.. الكل رد لانهياره يوم شافوا اليهال ..منهم من حس ان اليهال اهم السبب ومنهم من انكسر خاطره على اليهال.. لكن المشكله كانت براس ام وضحه اللي كانت تفكر انها تاخذ اليهال وياها.. جدال كبير كان بالميلس بين بو خليل وخالد وجاسم وذعار اخو وضحه ونفيس خالها وامها..
ام وضحه بدت الكلام: مثل ما تعرفون.. ارويحتي وضحه راحت.. وانا خلاص.. انحرمت من شوفتها ..وانا يايه اقل لكم اني برد والعيال معاي
خالد انصدم وجاسم وبو خليل يعرف لام وضحه انها تفكر بهاذا الشي من اول ما وصلت الجهراء
بوخليل بكل هدوء وهيبه: واحنا يا ام ذعار
ام وضحه: انتو فيكم الخير والبركه.. وولدكم للحين عايش وكاهو خالد متزوج الحمد لله وبيفرحكم بعياله.. (اونها تبجي) وانا مالي الا وضحه.. ووضحه راحت .. يعني عيالها اهم ونستي بهالدنيا من بعد ما راحت ..
بو خليل يفكر في خاطره .. والله انج حيه رقطه يالشينه .. وضحه ما تدرين عنها من سنتين وتوج تذكرينها
ذعار بحزن مصطنع: أي والله .. ما كفاكم خذيتو اختي بعد بتاخذون عيالها .. لا الله يرضى ولا محمد رسوله ..
جاسم: الحين يعني انتو اللي ماندري عنكم من سنتين تبون تفهمونا انكم بتربون العيال احسن عنا ..
نفيس: والله ما قلنا جذي يا بو محمد .. حنا نبيهم ذكرى للمرحومه
خالد: مسامحه يا بو زيدان.. بس اللي تبونه ما يمكن يصير
ذعار بحقارة : شقصدك يا بو وليد ..
بو خليل: كلمه وحده ماكو غيرها هرج ... اليهال يبقون عند اهل ابوهم
ام وضحه: حشى والله حرام عليكم
بوخليل: حشمي نفسج.. انا كلمتي ما تنرد ياام ذعار ما دامني حي.. اليهال يبقون ويا اهل ابوهم اهو للحين حي وعايش بالدنيا ولا انتوا ناسين هالشي..
ذعار بسفاله : والله ما يندرى يا بو خليل.. من وفاه وضحه وولدك الشيخ غايب . .الله العالم وينه.. يعربد ولا بنسمع خبره بعد جم يوم
خالد بعصبيه: الثم لسانك يا ذعار وخل عنك الهرج الفاضي.. وحتى لو صار اللي تقوله بعد العيال يظل لهم يدهم وعمهم اللي راسه للحين يشم الهوا
ذعار بحقاره: ما تعودنا نخلي عيالنا بديار الغرب
بو خليل قام: اشوفك تطوف بالكلام يا ولد البلاح.. بس الحشيمه مو لك الحشيمه لامك اللي يالسه تسمعك وش تهرج علينا
ام وضحه: اللي يقوله ذعار اهو الصح.. والله يابو خليل لو كانت البنت بنتك وحرقه القلب حرتك خليت عيالها مع غيرك ولا بتاخذهم معاك
بوخليل: اكيد نعم .. والله شنو هالمذهب اني اخذ العيال واخلي ابوهم مكانه
نفيس قام وياه ذعار: كلمه وحده ماكو غيرها.. العيال يطلعون معانا للسعوديه ..
خليل على الباب: واللي يقول لا يا ولد البلاح؟
الكل طالع الصوت اللي يه من على الباب.. كان خليل واقف .. وشكله مو ناوي على خير..
ذعار بضيج: حيا الله من شرفنا.. خلصت العربده ولا ماخذ استراحه
خليل: خلصت حياتك يالمايع المندس مثل الحيه .. ياي تاخذ عيالي وانا للحين عايش..
ام وضحه: والله الحق حقنا ولا انا غلطانه
خليل ولا اهو حاشم : انجبي انتي ياالحيه الرقطه.. علبالج انا ناسي انتي وولدج واخوج هالمندوك شسويتو فيني وفي وضحه يوم بغيت اتزوجها.. انتي مينونه طاير مخج تفكرين اني اعطيج عيالي ..عشان تربينهم.. انتي لو فيج خير ربيتي هالشاين العايب اللي مفشل قبيلتكم بعمايله السوده
طول الحس عند ذعار: احشم نفسك انت قاعد تكلم عمتك
خليل : عمعم الله راسك بجدف الا الحشيمه من اصلنا ومنبتنا.. انتوا اللي حشمو حالكم شايلين شيبه الدار بشراع وميداف حسبالكم قلت الخيرة والفحوله يا البلاحه.. ويايينا تتكلمون بالحق ..ما حق لكم علينا الا بنسبكم الغالي وضحه.. والغاليه راحت.. (تهجد صوت خليل بس ظل ثابت(
ام وضحه: اخر كلامك يا بو خليل؟
خليل اللي رد عليها: اللي سمعتيه من كبيرنا يا حرمه.. ضبي اغراضج ولمي قشارج وروحي من وين ماييتي.. مثل ما نسيتي وضحه ..انسي ان لها عيال .. دامني انا ابوهم.. بحرم عليج شوفه عيونهم ويالله .. الباب اللحين يسع يمل .. ان ما كان بيم .
ام وضحه تطالع خليل باحتقار وتسحب ولدها وتطلع ويا اخوها وخليل يظل واقف مكانه مثل الصخر.. بو خليل يطالعه بكل فخر.. هذا ولدي اللي ربيته وعلمته على التحمل بالمواقف الصعبه ..خالد وجاسم شالو عمرهم وراحوا لاخوهم يفخرون فيه وفي موقفه
جاسم: عرفت انك بترد .. يوم اللي ينفح حشاك بحس عيالك بترد
خليل ابتسم واستغلوا الفرصه وعزوه على الغاليه .. راح بو خليل لولده وتم يطالعه.. مسكه من جتوفه
بوخليل بتاثر: ريال من منبت رياييل.. عافاك ربي ياولد ابراهيم
حظن بو خليل ولده بقوة يحسسه بالفخر اللي عم فيه .. خالد وجاسم بعد وقفوا بشهامه فخر باخوهم وحبيب قلبهم خليل..
التفت خليل لخالد: وين عيالي .
خالد: حياك..
راح خالد ووراه خليل وجاسم..الغرفه كانت مليانه بالبنات.. نوفه و مروة وشيخه وحتى لولوة ومريم وقمر.. جاسم تنحنح والبنات تغطن
جاسم: قمر تعالي
قمر تعطي الياهل حق نوفه: ان شالله
طلعت قمر حق عمها: هلا عمي (وشافت خليل) عظم الله اجرك بو ابراهيم
خليل بحرقه قلب: اجرنا واجركم
جاسم :قمر فضي الدار خليل يبي يشوف عياله
قمر بابتسام: ان شالله ..
دخلت قمر الدار: يالله يا بنات اطلعن بو ابراهيم يبي يدخل..
البنات فرحن على الكلام ومريم بدت تبجي على اخوها واهي تلم ولده بحضنها طلعن البنات من الدار وجاسم التفت للولوة وابتسم لها من خاطر واهي استحت وراحت عنه..جاسم ولولوة من بعد ليله اللي طلبها بدوا يكلمون بعض بالتلفون.. وعلاقتهم ببعض قوت اكثر عن أي شي ثاني.. ومستعدين انهم يظلون مع بعض ليما ينتهي الحداد على وضحه عشان يملجون ..
جاسم: حياك بو العنود...
دخل خليل الدار وجسمه ينتفض.. يحس بروحه بتطلع منه.. تذكر وضحه وحسها وكانها موجوده بالدار.. دخل وشاف مريم قاعده وحامله احد اليهال.. وقمر تحمل الياهل الثاني.. راح لعند مريم اللي سلمته ولده وتمت بحظنه تبجي من خاطر وخليل يهدي فيها.. يه جاسم واخذ مريم من عند خليل وخلاها تبجي بحظنه ..قعد يطالع ولده ابراهيم اللي كبر.. كان راقد.. يحليله.. عنده خشم امه ونفس شفايفها.. زاد شوقه انه يشوف البنت..اذا الولد وهالكثر يشابه وضحه.. شعلى البنت ..خل الولد عند مريم وراح لبنته.. قمر تطالعه بفرح وخالد وراها وخليل مثل المتلهف على بنته.. البنت كانت صاحية وتطالع ابوها بوسع عيونها وكانها تعرفه.. خليل شق حلجه على حلاه بنته.. طالعه على امها.. نفس لون العيون ونفس تقسيم الويه بس حسها تشابه قمر شويه
خليل: يحليلج يالحلاو .. طالعه على امج .. حبيبتي والله
ضمها خليل لصدره بلهفه وكانه يحس بوضحه ببنته.. روح وضحه كانت ولابد بالغرفه لان الهدوء عم بالمكان وخليل يبوس بنته ويسمي بالرحمن عليها ..قمر تبتسم للوضع وتحمد لله.. ولكن فجاه.. الدنيا تدور بعيونها .. اللوعه بجسمها تسري .. وتحس بحرارة غريبه تنبعث منها.. مسكت يد خالد و ما قدرت توقف لذا قعدت على الكرسي وخالد يمسكها ..
خالد بفزع: حياتي اشفيج ..
قمر ما تقدر تشوف خالد تحس ان الدنيا تدور فيها: خالد .. يود يدي خالد ..
خالد مسكها وقلبه يدق من الخوف: حبيبتي علامج ما تقولين لي ..
قمر: مااقدر ... احس براسي يدور .. شقاعد يصير .. مااقدر
خالد يكلم مريم اللي فزع قلبها على قمر: مريم يبي قلاص ماي (يكلم قمر) سمي بالرحمن حبيبتي وغمضي عيونج ..
قمر سوت اللي قاله خالد وحست ان الدورة خفت شوي عليها ..
جاسم: شربي الماي قمر
مريم خذت الماي لقمر عشان تشربه. شربت شوي وردته ..
ابتسمت لخالد اللي مات عليها من الخوف: اللحين احسن؟
قمر: أي . احسن شوي..
قامت قمر عشان تطلع وخالد يمسكها.. اول وما وصلوا عند الباب طلعت شهقه من قمر وخرت من يد خالد اللي مسكها بالهوا وصرخ: قمر..
الكل راح لقمر وخليل خلى عياله مكانهم وراح لعندها.. حملها خالد لغرفتهم وحطاها على الفراش.. مريم كانت تبجي وجاسم يهديها
جاسم: علامج مريم ليش تبجين مافيها شي بس شويه ضعف
مريم: حتى قمر بتروح ........ مثل ماراحت وضحه
جاسم : وطي حسج لا يسمع خالد
خالد كان لونه مبهت.. يحس بالموت.. قمر اشفيها.. لأيش طاحت عليه.. اهو حسها مو سويه بس الطيحه اكدت له شعوره.. قبض التلفون واتصل للاسعاف.. ياو الاسعاف واخذوا قمر وياها خالد.. خالد حس بالرعب يعم بقلبه.. يحس باللوعه.. وكان قمر بتفارجه.. ياترى بمرضه قمر كانت تحس بنفس المشاعر.. الله يسلمج يا حياتي الله يسلمج.. دخلوا قمر المستشفى وبعد نص ساعه من المعاينه خالد كان يتحقرص بصاله الانتظار ولا اهو داري باللي بزوجته.. شاف الدكتور يطلع ويرد ومعاه دكتورة .. زاد خوفه وجاسم اللي لقه يهدي فيه
جاسم: طول باك يا خالد خير ان شالله ..
خالد: ان شالله يا بو محمد ان شالاه... ترا بموت ان صار فيها شي.. انا هملتها طول هالشهر
جاسم: لا هلمتها ولا شي اهي كانت مشغوله بعيال خليل .. بس اكيد شويه ضعف لان مريم قالت انها ماكانت تاكل شي من ايام ..
خالد: انا حسيتها امس يوم نرد العيال انها مريضه شوي .. بس ما اصريت عليها انروح المستشفى.. ليش ليش .. ماابيها تموت .. ما ابي اخسرها .. حرام تموت قمر .. احبها ..
الدموع تحوس بعيون خالد.. وقعد واهو حاط راسه بين ايديه واهو فاقد اخر عصب له ..يحس بالعجز.. ما يدري ليش قعد يتذكر ايطاليا .. ويتذكر قمر اللي كانت وياه.. وكانه من صج مو صجيه وكانها حلم .. ومرت الذكريات مثل الفلاش بباله.. حس انها بتروح بتروح .. حتى انه بغى يبجي.. عمره ماحس بانه قليل حيله جذي.. الله عانك يا خليل على فقد وضحه
واخيرا طلعت لهم الدكتورة
خالد شقح لها: بشري يادكتورة علامها قمر
الدكتورة: انت زوجها
خالد : أي نعم .. علامها حرمتي
الدكتورة تبتاسم: زوجتك مافيها شي... الا انها حامل..
خالد ما صدق عمره .. فتح ثمه وظل يطالع الدكتورة
جاسم اللي ما صدق عمره: شنو ??
الدكتورة تضحك: علامكم.. البنت حامل .. مافيها شي.. الف مبروك
جاسم : الله يبارك في حياتج مبروك بو وليد ..
خالد التفت لجاسم: جاسم .. بصير ابو
جاسم: وخوش ابو
خالد يشق احلج : جاسم بصير ابو .. أبو يا جاسم ابو
جاسم نسى روحه وحظن خالد وخالد يحمل عمه واهم يضحكون والنرسات طايحينها ضحك عليهم
خالد خل عنه جاسم: جسوم بصير ابو يااااااااااي من قدي اليوم من قدي
جاسم بحزن: وانا حمودي متى بيي؟
خالد : جريب يا عمي جريب.. بروح اشوف الزينه شلونها شعلومها
جاسم: انا بروح اخبر البيت ..
راح خالد لقمر وجاسم راح البيت وخبر الكل والكل استخف من الفرحه وشوي نسوا من الهموم اللي تيمعت عليهم
دخل خالد لقمر اللي كانت ويا الدكتورة تخبرها عن الشي
الدكتورة: بس انتي لازم تحافظين على صحتج.. انتي اللحين مسؤوله عن نفسج وعن البيبي اللي ببظنج.. اكلي زين واشربي زين ولا تجهدين نفسج باشياء مالها داعي.. انتي صغيرة بس قويه البنيه وتقدرين تنجبين بصحه وسلامه بس هدي الدلع واكلي وبتصيرين احسن ما يكون ..
قمر كانت ساكته وصاخه ومن دخل خالد تمت تطالعه بعيون حزينه وكانها تسمع مصيبه .. انا حامل .. انا حامل ..
طلعت الدكتورة من بعد ماكررت نفس الكلام على خالد المبتهج.. اول ما طلعت الدكتورة التفت خالد لقمر
خالد بفرح كبير: الف مبروك حبيبتي ... يتربى بعزج
بس قال خالد اخر جمله قمر انهارت بالبجي.. خالد تعجب منها.. اشفيها قمر زعلانه.. لا يكون بس بدت سوالف الحمل وياها.. راح لعندها واهو يهديها
خالد بحنيه: علامج حياتي .. اشفيج تصيحين .. بدال ما تستانسين وترقصين.. جاسم رقص مساعه بغرفه الانتظار
قمر واهي تبجي: ماابي الياهل .. ماابيه
خالد انصدم .. علامها قمر .. لايكون ينت
خالد: شنووووووووو شنو ماتبينه ..
قمر: ماابيه ... ماابي ياهل ماابي
خالد قام عنها.. حس بالاشمئزاز.. اكو ام ما تبي ولدها اكو حرمه تنزعج من كونها حامل.. لايكون ماتبي الياهل لانه مني ولانها للحين مانست اللي صار ويا ندى
خالد بحزن كبير: ..... لانه مني
قمر رفعت راسها بصدمه: شلون تقول شي جذي.. انا اتمنى هالشي اكثر منك .. (ردت تبجي(
خالد ارتاح جزئيا من اللي قالته قمر بس للحين مو عارف ليش اهي زعلانه جذي: انزين ليش تبجين ؟
قمر: اخاف اموت عنه ... اخاف اموت عنه وعنك .. ومااقدر اربيه .. مثل وضحه.
خالد حس بالراحه.. الحمد لله: ااااااااه يا قمر.. شوي واموت علبالي ماتبينه ولاشي ثاني ..(ابتسم ويلس يمها) حبيبتي اللي صار مع وضحه.. ماانكر انه يمكن يصير وياج بعد الشر عليج.. بس بعد .. الله كريم يا قمر .. وانتي ان شالله ما بيصير فيج شي والياهل بيتربى بعزج يالغاليه وانا وياج..
قمر بحزن: وان مت .. شراح يصير
خالد: مستحيل تموتين .. شلون الدنيا سايبه وياج انتي.. ما اسمح لج تموتين .. وان متي ..اموت نفسي والياهل ونروح كلنا فيها
قمر تشهق: خالد
خالد يضحك: روووح خالد وحياه خالد.. لا تصيرين جذي متشائمه رحمه الله اوسع من أي شي ياقمر.. تدرين.. عشان تزيد ثقتج بهالحمل ان شالله يكونون توم
قمر بفزع اكبر: عشان يكونون يتيمين بدال يتيم واحد
خالد عصب: يالله عن الكلام الفاضي.. وين قمر الصابرة المؤمنة برحمه الله وقدرته ..
قمر تمسح دموعها: ونعم بالله
سكتت قمر وخالد بعد .. واهم يحاولون يفكرون بشي واحد.. بيكون عندهم ولد
قمر بهدوء: خالد.. انا حامل
خالد والابتسامه شاقه حلجه: بيكون عندنا ولد
قمر بفرح : احبك بو وليد
خالد: احبج ام الهنوف.. احبج حب ما تتصورينه.. احس ان لو كان في الحياة سبب اني اعيشها.. هو انتي.. قمر انا ما اتخيل حياتي من دونج.. انتي استويتي كل منالي وامالي..
قمر تمسح دمعتها: الله يخليك حياتي .. قول لا اله الا الله .. عن لا يحسدنا احد
خالد يتقرب منها ويمسك يدينها: محد يقدر يفرق بيني وبينج.. حتى الموت.. لاني ما راح اسمح له انه ياخذج مني.. انتي حبيبه خالد.. انتي قمر خالد ..
تم خالد ويا قمر شوي وبعدين طلع عشان يكلم الدكتور ان كان يقدر ياخذ قمر.. مر على مكتب الاستعلامات اللي بالقسم مالقى احد التفت يرد لدار قمر الا بصوت يناديه: خالد ..
التفت خالد للصوت وكانت الصدمه.. من غير المعقول شلون الماضي دايما يلاقي له الطريق اللي يخليه يعيش ويا المستقبل.. لان الشخص ما كان أي شخص.. كانت شيماء صديقة ندى..