| | رواية أحلى صدفة |  |
|
|
|
| كاتب الموضوع | رسالة |
|---|
أنامل ساحرة
Admin
المساهمات : 293
تاريخ التسجيل : 28/02/2014
العمر : 26
| موضوع: رد: رواية أحلى صدفة  السبت مارس 15, 2014 9:36 am | |
| الجزء الاربعون....{ما قبل الاخير}
""الفصل الاول""
بعد يومين...
وليد نازل من الدرج وهو ماخذ قراره وما راح يتراجع عنه لو ما صار..
كانت عائلة ابو ماجد مجتمعه كلها..
وليد وقف بنص الصاله: السلام عليكم..
الكل: وعليكم والسلام..
وجلس جنب ابوه...
العنود تهمس لعبير: وجه اخوك ما يبشر بالخير..
عبير: يمه يخوف ما ادري وش عنده...الله يستر بس..
وليد: يبه..
ابو ماجد: هلا..
وليد: يبه انا قررت اتزوج..
الكل كان فوق روسهم علامات تعجب...
العنود: كيف؟؟
وليد ما رد عليها...
ام ماجد فرحت: هذي الساعه المباركه يا وليدي...ومن بكره ادور لك على بنت الحلال اللي يحبها قلبك..
وليد يكلم ابوه: يبه انا ابي رغد بنت عمي..
ابو ماجد: والنعم ما شالله...بس انت مستعد للمسؤليه موتاخذ بنات الناس وبس...
وليد: انا قدها وقدود..
ماجد يطالع اخوه..وش نهاية هذا كله وش بيصير..وحس ان السالفه كلها ما راح تعدي على خير..
ام ماجد: الله يفرحك يا وليدي مثل ما فرحتني..
العنود تطالع عبير ..وعبير تطالعها...
العنود: هذا من جده..
عبير ما استوعبت: ما ادري عنه...
العنود: وليد من جدك انت؟؟
وليد لف عليها وجهه حامد: شايفتني امزح...
العنود بلعت ريقها وسكتت خافت منه باين انه معصب مره..
وليد: بكره ان شالله نروح لهم...؟
ابو ماجد: مع انك مستعجل بس بكره نروح لهم بأذن الله..
قام وليد وطلع...وحس انه ارتاح بالشي اللي سواه..ومتأكد في قرارة نفسه انه كذا راح يخلي رغد بالطيب بالغصب من نصيبه..
ام ماجد: العنود وعبير مو تتكلمون عند ريم ورغد..خلوا بكره ابوك هو اللي يتكلم سامعين...
الثنتين: ان شالله...
العنود: عبير تعالي الغرفه..
عبير: اوكيه...
في الغرفه..
العنود: اخوك هذ انهبل...
عبير: ليش؟؟
العنود: ما اخذ راي البنت قبل..
عبير: طيب ياخذ رايها بعد الخطبه...
العنود: لا...كذا راح تكون تحت ضغط عمي ومرت عمي...وبتكون خايفه على العائلتين تتفرق عرفتي...
عبير: طيب وش قصده من هالحركه..
العنود: اكيد رغد ما وافقت وحب يجبرها...
عبير: لالا وليد ما يسويها...
العنود: انتي شفتي وجهه من شوي...بالله هذا وجه واحد ناوي يتزوج هذا ناوي يتذابح...
عبير: صادقه...الله يستر بس من بكره....
العنود: خذيها مني رغد ما راح توافق..
عبير: وش دراك.؟
العنود: بنت عمي واعرفها زين.. ما تحب احد يجبرها..
عبير: نشوف وش مخبي لنا بكره....
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
اليوم الثاني..
المغرب...
كان ابو ماجد وليد وماجد في بيت ابو مشاري...
رغد: غريبه ما جاوا البنات معاهم...
ريم: أي والله غريبه..
رغد: ريم قلبي ناغزني ان في جيتهم فيها إن..
ريم: وش بيصير يعني...
رغد محتاره: ما ادري....ما ادري...بس متاكده جيتهم هذي ما راح تعدي على خير...
ريم تحاول تهديها: اذكري ربك واهدي بس..مافيها شي جاي يزور ابوي..
رغد: الله يسمع منك...
وصارت رغد تروح وتجي في الصاله...
ريم: وش تسوين..تتمرنين..؟
رغد: يا سخفك بس..
ريم: رغد وش فيك خلاص قلت لك زياره عاديه اقعدي بس...
بعد ساعه دخل ابو مشاري ومعاه مشاري ومشعل...
ابو مشاري مبتسم: السلام عليكم...
رغد وقف قلبها:..........
ريم ردت بسرعه: وعليكم السلام..
وجلس ابو مشاري ومشاري جنبه يطالع رغد ومبتسم لها..
جات ام مشاري واجتمعت العائله كلها...
ابو مشاري: رغد...ابوي تعالي عندي...
رغد انشلت الحركه عندها وما قدرت تتحرك..
ريم ترقع: يبه تكلم كذا هي لازم جنبك وانا لا..
ابو مشاري: رغد...ام مشاري...اليوم وليد ولد اخوي خطب رغد..
رغد وقفت من الصدمه:كيف؟؟
ابو مشاري اختفت ابتسامته..:وش فيك يا رغد..
رغد جاتها حاله غريبه..صارت تطالعهم كلهم بنظرات تعجب وتقول وشلون وشلون وراحت غرفتها بسرعه...
ابو مشاري استغرب حالة بنتها: ريم الحقي اختك ..روحي شوفي وش فيها...
ريم: ان شالله..
مشاري: يمه وش فيها رغد..
ام مشاري فرحتها ما تمت: ما ادري وش فيها...يمه بنتي ما ادري وش صار لها...
ابو مشاري وقف: اسمعوني زين..لا احد يضغط على بنتي..خلوها تفكر براحتها سامعين.."وطلع غرفته"
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
في غرفة رغد..
رغد تبكي: الحقير..النذل يبي يجبرني...
ريم تهدي فيها:رغد اهدي وفهميني السالفه..
رغد تطالع ريم: وليد يبي يجبرني اتزوجه غصب..بس هين انا اوريه...
ريم: رغد فهميني وش صاير الله يخليك...
رغد قالت لها السالفه ودموعها سيل على وجهها..
ريم بحقد: لا بجد حقير...صدق وسخ..
رغد: يا ناس اكرهه...اكرهه..ما احبه ما اطيقه غصب يعني...
ريم: غلطتك من البدايه يا رغد..كان وقفتيه عند حده..
رغد بحسره: غبائي..كنت ارحمه واقول مسكين بس جعله السكين...
ريم: وش بتسوين الحين...
رغد: ما ادري...انا اللي بسألك وش اسوي..؟
ريم: انا من راي ارتاحي الحين..وفكري فيه كزوج اوكيه..وخلي حركته البايخه على جنب..وفكري انه يحبك وغلطتك انك علقتيه فيك..وبعدها قرري واستخيري..
رغد سكتت شوي بعدين : انا الغلطانه علقته فيني...ومفروض ابعده من البدايه...
ريم: هو ما ينلام على الحركه الي سواها هذا من زود حبه لك..يبيك اكيد له ما راح يخليك لغيره..
رغد: انا بحاول اتغاضى عن الحركه بس لاني انا اللي اجبرته يسويها وبفكر فيه وبأستخير..واشوف..
ريم:ونعم الراي وعشان ما تظلمين الرجال بعد..
رغد: على قولتك...
سمعت موبايلها يرن..
رغد توترت: ريم هذي الهنوف اكيد حست ان فيني شي..
ريم: بتقولين لها...
رغد: مضطره........الووو..
الهنوف بهدوء غير طبيعتها: هلا..
رغد بلعت ريقها: هلا هنوفه كيفك يا قلبي...
الهنوف بخير..."وسكتت شوي"...رغد..
رغد: سمي....
الهنوف: رغد انتي قايله لتركي انك تحبين وليد..
رغد وكأن احد كاب عليها مويه باااااااارد من الصدمه: أيش؟
الهنوف: رغد انتي قلتي ولا لأ..
رغد: لا ما لقت شي...بس ليش؟؟
الهنوف: رغد...اخوي من لما جاء من الحفله وحاله منقلب فوق تحت لا ياكل ولا يشرب ولا حتى ينام..ريحيه الله يخليك..
رغد خنقتها العبر ه وسالفة تركي زادت عليها: والله يا الهنوف ما قلت شي...بس هو كان متنرفز وما ادري وش فيه...
الهنوف: الحمد لله طمنتي قلبي...
رغد متردده:الهنوف..اليوم حصل شي معاي..
الهنوف: خير وش صاير..؟
رغد بلعت ريقها وتدور كلام تقوله: والله ما ادرس وش اقول لك...بس لازم اقولك اياه...بس بليز افهميني...
الهنوف خافت: رغد يله تكلمي...
رغد: الهنوف...قبل شوي....جاء......وليد وو..وخطبني..
الهنوف ما استوعبت: وش تقولين؟؟؟
رغد: خطبني...
الهنوف: لا....لا تقولين..
رغد: الهنوف وش اسوي يا هنوفه تعبت...
الهنوف محتاره: والله ما ادري وش اقول لك..وتدرين ان اخوي وتوأمي تركي ما اقدر اقول لك شي بيضره...
رغد: الهنوف انا مضطره افكر فيه..
الهنوف: رغد بقولك شي..اذا ربي كاتب لك تاخذين وليد..راح تاخذينه واذا ربي كاتب لك تاخذين تركي كمان راح تاخذينه غصب عن الكل..يعني هذا شي خارج ارادتك يا قلبي...
رغد: اوكي هنوفه...ابي راتاح شوي اخليك الحين..
الهنوف: اوكيه باي..
رغد: باي..
&&&&&&&&&&&&&&&&&&&&&&& | |
|
| | |
أنامل ساحرة
Admin
المساهمات : 293
تاريخ التسجيل : 28/02/2014
العمر : 26
| | موضوع: رد: رواية أحلى صدفة السبت مارس 15, 2014 9:38 am | |
| العنود تكلم ريم: اقول لك ما ادري وش فيه..
ريم: بصراحه رغد انصدمت منه ومن حركته..
العنود: انا قايله وجهه ما يبشر بخير...
ريم: مسكينه رغد انقلب حالها فوق تحت...
العنود: طمنيها يا قلبي ان القرار اللي راح تاخذه ما راح يأثر على علاقتنا اوكي..
ريم: اوكي...
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
تركي منهار: وش قاعده تقولين انتي ..اكيد تمزحين...
الهنوف تصرخ عشان يستوعب اللي تقوله: تركي هذا نصيبها وبعدين هي ما قررت بعد...
تركي: وش تقرر...وانا انا وش اسوي بنفسي...
الهنوف: تركي اهدى الحين...
تركي: وشلون اهدى فهميني شلون...حبيبتي رغد بتروح مني وتقولين لي اهدا...
الهنوف: تركي الصراخ هذا ما راح يفيدك..
تركي: انا اعرف وش يفدني..ما راح يفيدني الا القوه...
الهنوف: استوعب الولد ولد عمها...يعني هو احق منك لها..
تركي: ولد عمها..ولد عمها..اكره هذي الكلمه اكرها,واكره وليد..واكره رغد بعد...
الهنوف كسر خاطرها اخوها بس لازم يفهم: تركي قلت لك ما صار شي لحد الان...
تركي: يوم قلت لك تحب وليد ما صدقتيني...
الهنوف: صدقني هي قالت لي اني ما احب وليد ولا شي..وليد جاء فجأه وخطبها بدون مقدمات...
تركي انسدح على سريره ودفن وجهها في الوساده: اطلعي برا وسكري الباب...
الهنوف: ابطلع...بس انتبه على عمرك يا اخوي...
طلعت الهنوف وطلعت معها دمعه من تركي غصب عنه..حبيبته وقلبه رغد راحت منه كذا بكل سهوله...
تركي ضرب السرير بأيده: ليه يا رغد ليه رحتي كذا ..انا احبك ..والله احبك..لا تروحين وتخليني انا محتاجك..انا ما اقدر اعيش بدونك...افهميني وافهمي حالي اللي تعذب من بعادك عني...
************************************************** ******************************************
رجوتك حبيبي
ان أردت فراقي
ان شعرت بأن حبنا بدأ ينتهي
وأن حقيقة الفراق غلبتنا
وأن قلوبنا قد تعبت من الحزن
وأن عاطفتنا كتب عليها الشتات
رجوتك باسم الحب الذي أعماني
وجعلني لا أرى الا حبك
لاتفجعني بفراقك وتتركني
لاتقتل قلبا قد مات في حبك
لاتستدير بظهرك وتتركني
أرجوك حبيبي
كن حنونا عليا
أرحمني
أخبرني بفراقك بهدؤ
لاتنزل علي هذه الكلمة
كالصاعقة القاتلة
رجوتك يامن أحبه
قلبك دفئا لي في شتائي
همسك نسماته تنعشني في صيفي
لاشيء بعدك يستحق
حين كنت طفلة أجري وراء أحلامي
وعندما كبرت
لم أعرف الحب ولم أجربه
كنت أسمع عنه
وكنت أعرف أنه في منطقة خطر
لايصح دخولها
لانها تخطف القلوب
والآن عندما أحببتك
وعرفت الحب باسمك وهمسك
وخفقان قلبي بلمسك
أتمنى أن أعود لسابق عهدي
لا أعرف شيء عن الحب
على أن أعيش هكذا
عاشقة معذبة في حبك
عاشقة تموت لبعدك
أبكي على فرقاك
على حياتي بدونك
وحدة قاتلة وانتظار
محكوم عليه بالاعدام
دموعي ستقتلني بفراقك
لا تلوح لي بيدك لتودعني
لاتودعني
لاترحل لعالم مجهول بدوني
سأضيع
صدقني سأضيع بدونك
لامعنى للحياة بدونك
ولاعمراا يطول بعدك
بقلبي ضمني
وبنفس عميق اشهقني
رحيلك هو يوم مماتي
يوم انطفاء حياتي
بكائي حد الهذيان
حد الموت
أشعر أني مريضة بحبك
أريد دواء للنسيان
نسيان فراقك
أتدري حبيبي
لم يعد يخيفني الموت
فلقد أعتدت لغة الاحتضار
واعتادت هي علي
فكيف يحرر العاشق
من عشقه أو كفنه
فكلاهما موت
************************************************** ******************************************
رغد هدت شوي وقعدت تفكر بكل شي حولها...بتركي..بوليد..باهلها...راحت دورة المياه(الله يكرمكم) وغسلت للصلاه واستخارت وقررت قرارها النهائي..وتتمنى من كل قلبها انها ما تندم عليه..هالخطوه ترددت فيها كثير وجاء الوقت اللي تحسم موقفها فيه..تأخيرها سبب مشاكل كثيره..ولو تأخرت اكثر راح تدخل في مشاكل اكثر..قررت وارتاحت..بس ما راح تقول قرارها الا بكره...
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
وليد على اعصابه..خايف من ردة فعل رغد..وخايف من قرارها..بس ما تحسف على اللي سواه ويحس ان هذا اللي مفروض يصير من زمان..ودعى ربه ان رغد ما ترده وتكون من نصيبه ونااااام...
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
تركي من وين يجيه النوم...النوم ما ذاقه من ايام الا ساعات منه...عايش عذاب..وفراق..وحيره..ومستقلبه وحبه وحياته موقفه كلها على قرار رغد...اذا قالت موافقه على وليد..تأكد ان قلبه تحطم وحياته ما عاد لها قيمه بدون ما تكون فيها رغد...واذا ما وافقت اكيد راح تجدد الحياه بعيونه وتضحك له الدنيا...وراح يروح وليد من طريقه للأبد...للأبد..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
بيت ابو مشاري...
الظهر صحت رغد وهي متخذه قرارها من امس..اصلا حست ان ما يحتاج تفكر فيه اكثر من كذا...
نزلت لعند امها اللي بالصاله وتشرب شاي....
ام مشاري ابتسمت لبنتها: هلا بالشيخه...
رغد باست راس اما: هلا يمه...
ام مشاري: وش اخبارك اليوم؟؟؟
رغد: الحمد لله تمام...واسفه يمه على اللي صار امس...
ام مشاري: فكرتي بوليد...
رغد: ايوه يمه...
ام مشاري بتعجب: بالسرعه هذي...يمه ترى هذا زواج مو لعبه..
رغد: يمه فكرت زين وما فيها نقاش..بس بسألك سؤال واحد...
ام مشاري: آمري..
رغد: يمه القرار اللي راح اخذه راح يأثر على علاقتنا مع عمي...
ام مشاري: لا يا قلبي..الزواج قسمه ونصيب وما فيه شي جبر...
رغد ارتاحت : يمه....انا.....انا مابي وليد..
ام مشاري بسرعه: ليش..؟ وش عذرك..
رغد: يمه..انا ما احس وليد غير انه اخوي وما قدرت اتخيله انه زوج لي..وبصراحه استخرت وما ارتحت له...
ام مشاري بتفهم: خير ان شالله مع اني احسك مستعجله...ترى وليد خوش رجال..
رغد: الله يوفقه مع اللي احسن مني...
ام مشاري: بقول لابوك عن قرارك...
رغد: اوكيه انا طالعه لغرفتي...
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
في غرفة رغد..
ريم مستغربه: رفضتيه؟؟
رغد: ايوه..
ريم: بالسرعه هذي..
رغد: اصلا ما يحتاج تفكير..مستحيل نكون انا وليد زوجين..
ريم: الله يوفقه مع غيرك..
رغد: بس انا خايفه من ردة فعله..
ريم: وليد عاقل وما توقع بسوي شي....
رغد: انتي ما تعرفينه اذا عصب..
ريم: الا والله اعرفه دايم يصرخ علي...هههه
رغد: ههههه الله يرجك...خليني اتصل على الهنوف واقول لها عن قراري..
ريم: عشان حبيب القلب...
رغد: ولا يهمك عشان حبيب القلب..
ريم: ههههه والله انك تحفففففه وما تستحين...
رغد: اقول اسكتي...الوووو هلا هنوفه..
الهنوف: هلا والله وغلا..
رغد: كيفك..؟
الهنوف: تمام..فكرتي بموضوع وليد...
رغد: ايوه...
الهنوف: قررتي ولا لسه..
رغد: لا..قررت..
الهنوف على اعصابها: ايوه وايش هو؟؟
رغد: الله يبوفقه مع غيري واللي احسن مني..
الهنوف فرحت: صدق رغوده....صدق..
رغد: ايوه صدق...
الهنوف: بروح ابشر تركي...
رغد: هههههههه روحي...يلا باي...
الهنوف: باي..
رغد: والله انها خبله..
&&&&&&&&&&&&&&&
الهنوف طلعت من غرفتها بسرعه وراحت وفتحت الباب على غرفة تركي وفتحته بقوه..
تركي ما حس فيها على قوة صوت فتحته الباب....
الهنوف طالعة اخوها يطالع بشي...قربت منه لقتها صوره لرغد كانت بغرفتها مخبيتها..
الهنوف: تريك.....من وين جبت هذي الصوره..؟
تركي رفع راسه بهدوء: هذا اللي بقا لي منها...
الهنوف ابتسمت له: اترك الصوره عنك..وروح شوف الاصل...
تركي ما فهم: وش تقصدين..؟
الهنوف فتحت ايدينها لاخوها: رغد رفضت وليد...
تركي تشقق من الوناسه: قولي والله...
الهنوف: والله "وراحت لاخوها وحضنته"
تركي شال الهنوف بين ايديه ولف فيها ..ولف فيها.. الغرفه كلها وهم صراخ..
الهنوف: ههههههههه
تركي: هههههههههههههههههههه
دخلت ام تركي: خير وش صاير...
تركي نزل الهنوف وراسها يفر فيها..وراح لامه ومسك ايدها ويلف فيها:هههههه افرحي لولدك يمه..
ام تركي: هاااااو...فكني..
تركي فك امه: يمه رغد...رغد بتصير لي....
الهنوف: يمه ولدك انهبل وقعد..
ام تركي: وش فيها رغد...
تركي: يمه اخطبي لي رغد بأسرع وقت..
ام تركي: من عيوني يا بعد قلبي انت...ورغد بنتي الثانيه..
تركي: لا تقارنين رغد بهذي الشينه...
الهنوف: مسكين حصلني بس...
تركي: امزح انتي احلى اخت بالعالم..لانك صادقتي احلى وارق واجمل رغد في الدنيا كلها...
ام تركي طلعت وخلتهم على راحتهم..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
رغد حست انها شالت جبال من على صدرها كانوا كاتمين عليها..وانها تحررت من القيود اللي كانت مربطه حركتها وتفكيرها وقلبها..
ابو مشاري عرف القرار ورضى عليه وما علق عليه لانه حاس من البدايه انها ماتبيه فا ما حب يضغط عليها..
واتصل على اخوه ابو ماجد...
ابو مشاري:هلا ابو ماجد
ابو ماجد: هلا والله اخوي..
ابو مشاري: والله ماني عارف وش اقول لك يا ابو ماجد..
ابو ماجد: سم..امر..
ابو مشاري هو محتار: مثل ما انت عارف يا ابو ماجد الزواج قسمه ونصيب..
ابو ماجد: ايوه يا اخوي قول اللي عندك..
ابو مشاري: والله اني لو الف الدنيا كلها ما لقيت احسن من ولدك اللي هو ولدي وليد ..بس ما صار بينهم نصيب..البنت استخارت ولا صار فيه نصيب..واحنا اخوان يا ابو ماجد..وهذا شي ربي كاتبه لهم..
ابو ماجد حزن على ولده: اكيد يا ابو مشاري واحنا اهل واخوان وحبايب..
ابو مشاري: تامرني بشي يا اخوي..
ابو ماجد: سلامتك..
ابو مشاري: فمان الله..
ابو ماجد: فمان الكريم..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
ابو ماجد..
العنود: اسمعي الحين بيقول ابوي رغد رفضته..
عبير:نشوف..
وليد حاط ايده على قلبه لان وجهه ابوه ما يبشر بالخير: وش يقول عمي يبه..
ابو ماجد: وليد...ما حصل نصيب..
ام ماجد حست ان ولدها بنفجر لان وجهه انقلب اسود: الله يوفقكم اثنينكم وهذا نصيب..
وليد يطالعهم يبيهم يتكلمون يعترضون: كيف؟؟...وش قاعدين تقولون انتوا على كيفها ما توافق...
ابو ماجد وقف: وليد قصر صوتك ..احترمني..
وليد وقف مع ابوه وهو من العصبيه ما يدري وش يقول وش يسوي: على كيفها ترفضني..انا وليد ترفضني..
ابو ماجد يضبط اعصابه: وليد قلت لك احترم نفسك..
ماجد: وليد وش فيك..الزواج قسمه ونصيب مافي شي غصب..
وليد من غير وعي: مفروض عمي يجبرها..مو على كيفها انا ولد عمها واولى فيها من غيري..
ابو ماجد صرخ: وليد..
وليد: اكيد تعشق غيري عشان كذا رفضتني بس انا اعرف اتصرف معاها..
ابو ماجد مسك ذراع وليد ولفه عليه وعطى ولده كف عشان يصحيه: وليد قلت لك احترم نفسك..وبعدين هذا نصيب وما فيه شي اسمه غصب..
وليد حط ايده على مكان الكف: تضربني يبه...
ابو ماجد: واذبحك اذا ما صرت رجال...
وليد اخذ مفتاح سيارته وطلع....توجهه لبيت ابو مشاري مباشره...وباقصى سرعه ممكنه...وصلت سيارته قدام بيتهم..ونزل من سيارته وفتح بابهم الرئيسي باقوى شي عنده...
ما كان فيه الا رغد وريم وام مشاري... اما ابو مشاري ومشاري ماكانوا موجودين ..
وليد يصرخ في نص الصاله: رغد...رغد...
رغد كانت على يمينه جالسه بس ما شافها...اخذت نفس وراحت من وراه: خير..
وليد لف عليها النار تطلع من عيونه وجهه احمررررر وعروقه واضحه: ليش...يا رغد ليش..؟
رغد شافت وجهه وسرت في جسمها رعشه خفيفه: وليد انت رجال كبير وفاهم...
وليد: عشان النذل صح...عشان الحقير الوسخ صح...تركتي ولد عمك عشانه صح....
رغد عصبت هذا وشلون يتكلم معاها كذا: وليد عن الغلط ما اسمح لك...
وليد:رغد انتي لي انا...غصب بالطيب لي انا.. فاهمه..
رغد رفعت اصبعها في وجهه بتهديد: انا رغد ومحد يجبرني على سامع محد..
وليد قرب منها وهز كتفها: بس انا وليد وليد اللي ما ينرفض...كفايه نزلت نفسي لك كثير من قبل كل هذا ولا اثر فيك..بس مسألة اني انرفض هذا اللي ما ارضاها,..
رغد غمضت عيونها من الالم واول مره تحس بالخوف..وليد قدامها بركان هايج: وليد اتركني تراك تألمني...
وليد اثرت فيه الكلمه عليه وعلى قلبه وقال بحنيه: رغد انا احبك..رغد انا مابي اذيك ولا ابي ازعلك..بس وافقي علي وانا راح اسعدك..
رغد ماتحب احد يضعف قدامها: وليد افهم...افهمني ما اقدر..انا ما اصلح لك زوجه وان شالله بتلقى اللي تسعدك..
وليد: انا سعادتي معاك..
رغد: وانا ما اقدر اتخيل اني زوجه لك..
وليد بس تذكر تركي هاج مره ثانيه: تركي اللي يصلح اجل..
ام مشاري كانت ساكته وتقول رغد بتتفاهم معاه..بس وليد قاعد يسبهم في بيتهم: وليد...اترك بنتي..وافهم ما لك نصيب عندنا..
وليد ترك رغد وقرب من ام مشاري: الغلطه غلطتك..انتي...انتي اللي ما عرفتي تربينها وخليتها عشق وغراميات..
ام مشاري صرخت من قمة راسها:ما اسمح لك يا وليد..وانا محترمتك لحد الا لانك في بيتي ..بس الحين البيت يتعذرك...
وليد: بعد تطرديني من بيت عمي..اجل ما اشره على البنت اذا امها كذا..
رغد صرخت: وليد اطلع برا....اكرهك......اكرهك..اطلع برا...اطلع من حياتي...
وليد جات الكلمه مثل الملح على الجرح ..قويه.. جارحه..مؤلمه..اللي قلبه ينبض بأسمها تقول اكرهك..
وليد: راح اطلع يا رغد...بس محد راح ياخذك غيري ..وطلع وصقع بالباب بقوه...
رغد على طول اغمى عليها الموقف اكبر من انها تتحمله...
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
طلع وليد وبنفس السرعه لرجع لبيتهم..
عبير والعنود جاتهم حالة سكون غريبه ما تكلموا ابد كانوا منصدمين من ردة فعل وليد ..بعدين الكف اللي جاه..افقدهم تركيزهم.. وحسوا ان وليد رجع مره ثانيه من صوت خطواته الي تدل ان الشخص يدوس على الارض ووده يحطمها..
دخل وليد وهو ثاير وحالته حاله وكأنه جاي من هوشه..
وليد يصرخ: يبه...يبه..
ابو ماجد طلع له وباين انه تعبان: خير..
ولي: شوفني حذرتكم اذا ما اخذت رغد بالطيب ترى راح اخذها بالغصب سامعين..
ابوماجد: شكل الكف الاول ما علمك الادب..والاحترام..
ماجد: وليد خلاص يا اخي ما صار ..كل هذا عشانها رفضتك..وبعدين احترم نفسك واحترم ابوك..
وراح لعند الطاوله وكان عليها تحفه ورماها وبعدين قلب معها الطاوله وحوس الاثاث: ابي رغد ما تفهمون..
كان يحط حرته في الاثاث ما يدري وش يسوي..
وماحس الا بكف اقوى من اللي قبل بمليون مره..
ابو ماجد: اطلع برى بيتي...اطلع...اذا عرفت تتكلم مع ابوك زين تعال..
وليد: تطردني.....زين...
راح فوق لغرفته وقعد يطالعها على قد ما عشق هالغرفه حقد عليها..لانها اللي اجمعته برغد مرتين وكانت احلى صدفه بحياته..بس الحين كره كل شي تكون فيه رغد..
خذى له كم لبس وحطهم في شنطه واخذ جواز السفر حقه..ونزل..
وليد وقف عند الباب وكأن المسأله صارت تحدي: اذا جبتوا لي رغد رجعت..
وطلع وسكر الباب..
ابو ماجد طاح على عياله..
&&&&&& | |
|
| | |
أنامل ساحرة
Admin
المساهمات : 293
تاريخ التسجيل : 28/02/2014
العمر : 26
| | موضوع: رد: رواية أحلى صدفة السبت مارس 15, 2014 9:42 am | |
| جات ام مشاري بسرعه لعند بنتها..وريم تبكي بجنبها..وحاولو يصحون فيها...
رغد بدت تصحى: يمه...يمه..
ام مشاري: نعم قلبي شوفيني جنبك..
ريم: رغد قلبي اصحي..
رغد: يمه احس اني تعبانه....طلعوني لغرفتي...
ام مشاري وقفت رغد على حيلها وسندتها عليها وطلعتها لغرفتها..وسدحتها على السرير وغطتها...وراحت لعند ريم بالصاله..
ام مشاري: اسمعي يا ريم..اللي سواه وليد من شوي لا تجبين سيرته عند ابوك ولا اخوك فاهمه..
ريم: بس يمه.......
ام مشاري قاطعتها: يمه احنا ما نبي المشاكل.ما ودي يكون بين ابوك واخوه أي شي يفرقهم...وانتي تعرفين ابوك لو عرف بالسالفه ما راح يسكت...هذي رغد بنته ولا راح يرضى عليها...عشان كذايمه كبري عقلك ولا تتكلمين في الموضوع..
ريم بقلة حيله: ابشري يمه...
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
طاح ابو ماجد على عياله...
العنود وقفت في مكانها وما قدرت تتحرك..كل شي ولا يصير لعزوتها وابوها شي..عبير صارت تصرخ وتضرب في وجهها..
ماجد على طول شال ابوه طار به للمستشفى...
ام ماجد اللي راحت تجيب ابرة السكر ورجعت وما حصلته: خير وش صاير..
عبير والدموع سيل على خدها: يمه ابوي..ابوي طاح علينا...
ام ماجد ضربت صدرها: يمه زوجي..وش فيه وش صار له..
عبير قالت لامها السالفه من يوم جاء وليد لحد ما طاح ابوها..
ام ماجد تبكي: يا حسره عليك يا نوره..رجلك طايح بالمستشفى بين الحياة والموت وولدك ما تدرين وين اراضيه..
العنود ما زالت وافقه في مكانها ما بعد استوعبت اللي صار.
تنصدم من وليد ثم يرجع ويصدمها مره ثانيه...بعدين ابوها يطيح عليهم..هذي اشياء مره كبيره عليها وما تقدر تدخل مخها وتستوعبها..
عبير صرخت فيها: العنود..وش فيك وافقه كذا...
العنود طالعت عبير ونزلت دموعها من دون مقدمات..حاولت تكابر بس ما قدرت..حاولت تمنعها بس زادت...
عبير احتارت ما تدري وش تسوي..تهدي امه..ولا اختها..ولا نفسها..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
في المستشفى..
ماجد اخذ ابوه للمستشفى وعلى طول اخذوه..
بعد ساعه ونص من الانتظار ..طلع له الدكتور...
الدكتور: انت ولده...
ماجد وهو يرتجف ما يقدر يتخيل ابوه يروح منه بالسهوله هذي و السبب اخوه: ايوه انا..ولده... تكفى يا دكتور بشرني...
الدكتور حط ايده على كتفه: شوف يا اخوي انا بتكلم معاك بصراحه.. والله ابوك الحين حالته خطيره..بس انت اذكر الله وهّد بالك..
ماجد والكلام يطلع منه بصعوبه: كيف؟؟؟...ابوي وش فيه..
الدكتور :السكر ارتفع عند الوالد.ونتجيه لذلك تعرض لذبحه صدريه.. والحين تحت الملاحظه..وان شالله راح يتحسن..بس انت اذكر ربك...وكثر من الدعاء..
راح الدكتور وترك ماجد في صدمته: ذبحه صدريه...؟؟
ولحق الدكتور لمكتبه..
ماجد وهو يحس ان العبره خانقته ما يقدر يتكلم: دكتور اقدر اشوف ابوي..
الدكتور: تقدر..بس ترى ما راح يتجاوب معاك..
ماجد: مشكور..
الدكتور: العفو...
ودخل ماجد عند ابوه...طالعه كان ابوه من لحظات وافق مثل الجبل بشموخه في وجهه وليد اخوه..والحين اضعف من الطفل الرضيع...ما قدر يتحمل يشوف ابوه بالنظر هذا اللي يقطع القلب ويخطف الروح..ابوه معروف عنه بهيبته وشخصيته القويه والجامده..وليد ماخذ منه هالشي..بس ما عمره كان معاهم قاسي ..كان طيب وحنين..ماجد حاول يداري دمعه بتنزل من عينه..بس ما امداه لان نهر دموع تبعه..قرب من عند ابوه ومسك ايده اللي مشبوك في اصبعه جهاز قياس السكر وباسها..وطالع فيه كا نظره اخيره وطلع..
وقف في الممر وسند راسه على لجدار..وش يسوي الحين..وش يقول لامه وخواته..جاء بباله على طول اخوه وصديقه وولد عمه مشاري...
ماجد بصوت تعبان: الوو...
مشاري: هلا والله وغلا بمجود كيفك..
ماجد بكل تعب هاد حيله: مشاري تعال عندي انا محتاجك...
مشاري اخترع: ماجد وش فيك يا اخوي وش صاير..
ماجد: ابوي يا مشاري...ابوي..
مشاري: عمي وش فيه...
ماجد: تعال بمستشفى"......" وانا اقول لك السالفه....
مشاري: دقايق وانا عندك...
بعد عشر دقايق..
مشاري حصل ماجد..وراح له بسرعه..:ماجد خير وش صاير..
ماجد كان محتاج احد يواسيه وضم مشاري: ابوي يا مشاري..
مشاري: اذكر الله يا ماجد وقول وش فيه عمي..
ماجد: ابوي تعبان.. بالمره تعبان..
مشاري: ماجد خلينا نجلس واحكي لي وش صار..
مشاري جلّس ماجد..وماجد حكى لمشاري ان ابوه ووليد تخانقوا بس ما قال له السبب لانه اخته..
مشاري: ويطلع من وليد كل هذا...
ماجد: ما ادري وش فيه..وليد مو كذا ولا تربى على كذا بس انا متأكد ان في شي منرفزه بالسالفه..
مشاري: والحين هو وينه..؟
ماجد: ما ادري عنه..شفته اخذ شنطته وطلع...
مشاري: الله يهديه بس....طمنت اهلك..؟
ماجد:لا والله ما ادري وش اقول لهم...
مشاري: خلاص انا راح اكلمهم..
مشاري اتصل على بيت عمه..
مشاري: الوو..
عبير بلهفه:هلا..مين مشاري..
مشاري: ايوه عبير كيفك ..وكيف خالتي..
عبير: انا الحمدلله..بس امي تبي شي يريحها...
مشاري تردد يقول لهم او لا: ....تطمنوا الوالد بخير...
عبير فرحت: الله يطمنك..بروح اقول لامي...
مشاري: فمان الله..
عبير: فمان الكريم...
ماجد: ما قلت لهم الصدق...
مشاري: امك تعبانه وماله داعي..وان شالله عمي بخير...بأتصل على ابوي وبقول له...
وتصل على ابوه وعلى عيال عمته واجتمعوا كلهم عنده...وبعدها جابوا ام ماجد وعبير والعنود وريم..رغد ما جات تعبانه..
ام ماجد: وينه وينه ابو ماجد عزوتي..وسندي..
ماجد يحاول يهديها: يمه ادخلي عنده بس بدون صياح..
ام ماجد تمسح دموعها: ان شالله..
دخلت لعنده وما قدرت تتحمل تشوف شكل زوجها واهلها كلهم اللي عاشت معه حياته كلها بحلوه وبمرها بزينه وشينها بفرحها وحزنها..ما قدرتتشوفه على هالحال..وقعدت تبكي بصمت...وباست جبين زوجها وطلعت..
دخلت بعدها ريم والعنود وعبير..
عبير قربت من عند ابوها..
عبير: يبه الله يخليك لا تروح وتخلينا ما لنا غيرك..انت عزوتنا..وانت سندنا..وانت دنيتا..الهي يخليك لا تروح وتخلينا...
ريم مسكت عبير: عبير اذكري الله وبعدين لا تزدين على ابوك تراه تعبان...
عبير: ريم ابي ابوي...ابي ابوي...
العنود راحت ومسكت ايد ابوها وباستها وطلعت..وصارت تشاهق من الصياح..الدنيا قاسيه عليها.. ما قدرت تسعدها ولا في أي لحظه..لافي الطفوله ولا في المراهقه ولا في الحب ولا في حتى بين اهلها..ودها تحرمها منهم..طلعت بعدها عبير وريم ساندتها عليها..
وقرروا يرجعون له من بكره لان قعدتهم مالها داعي..والدكاتره منعوا من أي احد يرافق معاه...
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
وليد من لما طلع من بيت اهله..وهو منهار..منهار ومحطم من داخل.ومهدود حيله من لخارج..
اخذ له غرفه في فندق يرتاح فيها..
دخل الغرفه وحط اغراضه..وبعدين رمى جسمه على كنبه صغيره موجود بالصاله..ومرر ايده على شعره..وبدى يسترجع اللي صار له اليوم...بدا يفكر هو وش سوى اليوم..صحى ..تذكر وش سوى برغد وشلون صرخ على ابوه..تذكر الكف الاول..وبعدها جاه الكف الثاني ..حط ايده على خده وكأنه يتحسس مكانه..قعد يبكي..ايوه يبكي..وليد الرجل اللي ما يهزه ريح يبكي.وليد اللي الكل ينتفض من شوفته يبكي..يبكي حبه اللي قتلته بنت عمه رغد وبكل سهوله رفضته..يبكي ابوه اللي صرخ فيه وعق فيه وهو اللي ما قد عصا ابوه بكلمه..بكي الكفين اللي حصلهم من ابوه عشان يصحيه من اللي فيه..كل هذا بسبب رغد..
رغد هي تعاستي..رغد هي السبب هي الي اجبرتني اسوي كل هذا..هي السبب هي...
بدى عنده الضمير يشتغل..وده يتصل على اهله ويعتذر منهم بس خايف..وده يطمن امه لانه يدري انها اكيد تحترق وخايفه عليه بس خايف..وده يتسامح من اخوه اللي رفع صوته عليه بس بعد خايف..وده يتصل على رغد ويقول لها اني اكرهك وبعد خايف من قلبه لانه ما كرهها..ونام وهو على الكنبه الصغيره...
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
اليوم الثاني صحى الكل عشان يروحون لابو ماجد ويتطمنوا عليه..
سمعوا التليفون يرن...
عبير: يالله مين الي متصل علينا في هذا الوقت.....الووو
وليد بصوت مبحوح: الووو..
عبير ما عرفته: نعم اخوي...
وليد: عبير...
عبير انصدمت: وليد....!!
وليد: ايوه وليد اخوك..
عبير بدت تبكي: وليد ارجع ابوي تعبان..وامي تعبانه...وليد ترى ابوي بالمستشفى..
وليد وكأن احد معطيه كف لمره الثالثه: ابوي بالمستشفى !!!!!
عبير: ايوه يا وليد تعال بسرعه..وتسامح منه,,,تراه مره تعبان مررررره حالته ما تسر لا عدو ولا صديق..
وليد: انا جايكم...جايكم...
&&&&&&&&&&&
وصل الكل للمستشفى بدون استثناء..
كانوا بجناح خاص اللي مكون من غرفتين وحده فيها ابو ماجد وحوله الرجال..والثانيه فيها الحريم والبنات...
اللي جالس..واللي يقراء قران..واللي يدعي..واللي ساكت..واللي واللي واللي..كل واحد في حاله...
سمعوا صوت الباب ينفتح بتردد...الكل لف على جهة الباب...
وليد دخل..طالع الكل بعين مكسوره وفيها الذل والانهزام.. يقرون فيها الاحساس بالذنب وتأنيب الضمير...
ام ماجد وقفت في مكانها: يمه وليد......
وليد راح جري لامه وباس راسها: هلا يمه ..سامحيني يمه.."وباس ايدها"
ام ماجد: مسموح يا وليدي مسموح..تعذر من ابوك مو مني..
جات عبير وسلمت على اخوها: وليد لا تترك ابوي كذا..الله يخليك..
وليد ابتسم يطمنها: ما راح اتركه..
وليد طالع العنود يبيها تسلم عليه...
العنود ما تحركت من مكانها..ما تبي وليد يقرب منها ولا يكلمها...
وليد اختفت ابتسامته من حركتها...حرك عدسة عيونه وطاحت عينه على رغد كان باين انها تعبانه..وما كانت تطالعه .صاده وجهها عنه..
انفطر قلبه عليها وده يروح ويعتذر منها يقول لها اني ما راح اجبرك على شي.. بس وين القوه الي تخليه يتكلم بحرفين قدامها...بعد عيونه عنها..قرر يروح لابوه...تقدم بخطوات ثقيله للغرفه الثانيه..كانت مليانه ..بس هو حس انها فاضيه وما فيها الا هو وابوه وماجد..
راح قرب من ابوه..اللي مغمض عيونه وجسد جامد بس كل شي يحس فيه..
وليد مسك ايد ابوه وباس راسه: يبه...انا وليد يبه...سامحني الله يخليك...الله يخليك ارضى علي..انا ما بي الا رضاك...وصدقني يبه اني راح ارجع مثل اول واحسن..وما راح اعصيك في شي لو على رقبتي..بس سامحني الله يخليك..
ابو ماجد ضغط على ايد وليد بمعني اني مسامحك..
وليد ارتسمت ابتسامه وباس راس ابوه وايده: الله يخليك لي يبه وتقوم لنا بالسلامه...
ترك ايد ابوه..ولف على اخوه ماجد..ماجد كان مره متأثر بالموقف اللي صار...وعلى طول راح لحضن اخوه وضمه...
وليد: سامحني يا ماجد ادري اني غلطان...
ماجد: مسامحك يا اخوي مسامحك...
وليد حس بارضى وان جبل الهم انزاح من صدره..وارتاح الحين...الكل راضي عليه ومسامحه..سلم على عمه والرجال وعيال عمه...
وبعد ساعه طلع لعند الحريم..
وليد: العنود....العنود...
العنود ودها تروح بس تكابر...
فجر: روحي لاخوك حرام عليك..
شجون: والله يكسر الخاطر...
نوف: لا تصيرين قاسيه كذا..يله تحركي..
عبير: مهما كان هذا اخوك يا العنود اخوووووك..
العنود اهم شي عندها راي ريم..طالعتها..
ريم ابتسمت لها: روحي يا العنود هذا اخوك وسندك مهما كان..
العنود ابتسمت وراحت ركض لاخوها وليد ورمت نفسها في حضنه..
العنود تضرب صدر وليد: خليك تسويها مره ثانيه يا الدوووووب...
وليد ضحك: والله ما اسويها مره ثانيه...
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
بعد تقريبا اسبوع تحسنت حالة ابو ماجد بالمررره..والسبب الاكبر بسبب تحسن حالته النفسيه..رجع لبيته واهله واحبابه...
وام ماجد مسويه عزيمه بالمناسبه هذي...والكل اجتمع في بيت ابو ماجد...
فجر: العنود عندكم ليمون...
العنود: اكيد...ليه؟؟
فجر: ما ادري مشتهيه ليمون..قومي بسرعه جيبيه..
العنود: تتوحمين بليمون..اجل وش بيطلع البيبي...
ريم: اكيد بيطلع يرقص يا البرتقاله..عذبتي حاله...
فجر تضحك: هههههه تخيلي...
رغد: بنات....بنات عندي لكم شي..
الكل: شنو؟؟؟
رغد: جايبه شريط كاميرتي..
العنود: احفلي...
ر غد: والله...
نوف: يله شغلوه..والله اشتقت لايام الفله...
عبير: أي والله من زمان ما نبسطنا...
رغد: يله وين نشغله فيه..
العنود: انا عندي فكره...الخيمه فيها تلفزيون كبير شاشه بلازما.يصلح نشوفه فيه...
رغد: اوكيه يلا..
وراحوا البنات الخيمه..وشغلوا الشريط وطفوا الانوار وبدى مسلسل الضحك عندهم يتذكرون وش يسوون ويضحكون...تذكروا يام الشاليه...لما لعبو كوره...لما سوو المقلب في العيال...ولما العيال ردوا لهم المقلب,,,ورجعت فيهم الذاكره لحظه بلحظه...جات بعدها ايام دبي كل يوم فيها كان مسجل بكاميرا رغد وماتوااا ضحك على هبالهم بكل مواقفها...
ريم: ههههههه بطني والله خلاص..
عبير: شوفي اشكالنا وحنا نايمين...رغيد عليك تصوير ما ادري وش يبي...
رغد: انا ما قهرني الا شجون... ما ادري كيف تنام...
شجون: كيف انام؟؟
رغد: ما ادري عنك تسوين حركات تقولين وكانك في مسابقة رقص "باليه"..
شجون: لا والله انا مو كذا..
العنود فاقعه ضحك: هههههههههههه الا تذكرت شجون كذا..رجل من جهه ويد من جهه وراس من جهه..
نوف: حشى اخطبوط مو شجون...
تسدوحوا البنات من الضحك...
شجون مفتشله: والله سخفين...
العنود: الحين بتكي الدلوعه...
ريم: ههههه ياربيه بموت....بموت..
عبير: بنات جتني فكره جهنميه..
ريم: العنود ما تلاحضين شي هالايام عبير متغيره..
العنود تطالع عبير من فوق لتحت: وش فيها...ما تغير فيها شي ..ما زالت عنز..
عبير/ عنز انتي..
ريم:لالا ما لاحظتي هالايام تشغل مخها..
العنود: الا تصدقين ملاحظه بس ساكته خفت احسدها..
عبير: ما راح ارد عليكم واسمعوا الاقتراح وانتوا سكتين..
رغد: يله قولي..
عبير: وش اريكم نتصل على العيال ونهبل فيهم..
العنود: واخيرا يا عبير طلعتي بشي يونس...
عبير: اعجبك انا..
ريم: بس ارقامنا عارفينها...
عبير: ولا يهمكم اليوم انا شاريه شريحه"سوا" عشان كذا..
العنود: تخططين من وراي...؟
عبير: لا والله من قدامك هههههههه..
ريم: العنود ما لاحظتي شي في عبير...
العنود: وش بعد..؟
ريم: طالعه ثقيلة دم بزياده...
عبير: اوريك يا الدوبه..والله ما اخليك "قامت تحق ريم"
وريم تنحاش..لفوا الخيمه مرتين بعدين طلعوا...ريم تركض وعبير وراها....دخلت ريم من الباب الرئيسي...وعبير وراها وما حست الا صدمت بشخص....
عبير ومعاها شوز في يدها:آآآآآآآآآآآآآخ."ورفعت عينها على الشخص"
طلال ابتسم: وش فيك كأنك بزر تطاردين في الملحق..
عبير: ما فيني شي.."وخبت الشوز ورى ظهرها عشان ما تتفشل"
طلال: وش مخبيه وراك.؟
عبير: ههه ما في شي...
طلال: عبير جد وش مخبيه...
عبير: قلت لك ما في شي...
طلال بترجي: عبوره قولي وش مخبيه...
عبير تدوخ اذا دلعها: تبي تعرف وش هي....متأكد انت؟؟
طلال: ايوه متأكد..
عبير طلعته: هذي...تبي تجربها ولا تروح من وجهي<<عشان ما يفشلها...
طلال منصدم:بالله من ناويه عليه..
عبير ابتسمت بطفوله: رويم الدوبى...
طلال: اجل ما دامها رويم..عليك بها ما اوصيك...
عبير: ابشر بس بعد عن طريقي...
وبعد طلال وهي ميته حيا..وراحت ركض.ناويه على رويم بالذبح..
ريم منخشه ورى امها: يمه...يمه شوفي عبير..
عبير: اذا فيك خير اطلعي قابليني...
ريم: ما راح اطلع....
ام مشاري: عبير بتضربين بنتي...
عبير: واربيها بعد...بس خليها تطلع..
جات العنود: ريم تبين فزعه..
ريم: أي والله ابي فزعتك يا بنت عمي...
العنود: تعالي نقضي عليها...
ريم: هيا بنا..
وراحوا لعبير وثبتوها ودخلوها المجلس..وبدت الحرب العالميه الثالثه...دخلوا بقية البنات وكملت معاهم...وقلبوا ريم وعبير والعنود عليهم...
فجر: انا حامل واللي يعافيكم بعدوا عني...
وبعد الحرب ...
عبير: اقول اجلسوا وخلونا نهبل في العيال...
الكل: يله...
وجلسوا البنات على شكل دائره...
العنود: مين اول واحد؟؟
رغد: .................................
نهاية الفصل الاول | |
|
| | |
أنامل ساحرة
Admin
المساهمات : 293
تاريخ التسجيل : 28/02/2014
العمر : 26
| | موضوع: رد: رواية أحلى صدفة السبت مارس 15, 2014 9:45 am | |
| الجزء الاربعون....""ما قبل الاخير""
" الفصل الثاني"
العنود:اول واحد مين..؟؟
رغد: انا اقول ماجد ودي اعرف هو راعي حركات ولا لأ..
عبير: اوكي مين تكلمه..؟
شجون: بكلمه انا...
عبير: اوكيه خذي اتصلي عليه...
شجون: احم احم.."وحطت السبيكر"
ماجد طالع الرقم غريب..وبعدين رد...
شجون: الووو...
ماجد خق على الصوت بس ما بيّن: هلا والله..
شجون: هذا موبايل مجودي....
ماجد تشقق من الوناسه: ايوه...مين معاي...
شجون: معاك اللي تعذبت بحبك..
ماجد"اخس والله يا ماجد البنات منهبلين عليك"..: هلا والله..بس انا ما اعرفك..
شجون: طيب نتعرف على بعض...
ماجد مسوي ثقل: اقول اختي انا ما احب هالحركات ..
شجون: طيب انا احبك..
ماجد: اقول اعقلي واستري على نفسك..انا مو راعي بنات...
وقفل السماعه بوجهها...
والبنات فقعوا ضحك...
العنود: يا حليله ماجد اثره عاقل...
رغد: مشا الله ثقل..
ريم: مع ان صوت شجون يذوووووب...
شجون: تسلمين يا قلبي..بس باين على ماجد ما يحب الحركات هذي..
نوف: الحين دور طلال..
رغد: مين يكلمه...
عبير: انا اقول العنود تكلمه..
العنود ثبتت في مكانها:...انا!!!!
عبير ابتسمت لها: ايوه انتي...
العنود: اخاف يعرفني...
عبير: خلي صوتك نعوم وما راح يعرفك..
العنود تحمست: اوكيه...
العنود بدلع يلوع الكبد: الووو..
طلال بلع ريقه من سمع الصوت: هلا...
العنود: هذا موبايل طلال...
طلال رفع صدره وبوثوق: ايوه معاك طلال..
العنود بدلع ماسخ: آآآآآه انت طلول ما اصدق...
طلال في نفسه "الله يلوع كبدك"..:لا انا طلال بشحمه ولحمه...
العنود: طيب ممكن تعطيني من وقتك دقايق اعبر عن مشاعري واعجابي فيك..
طلال: الوقت كله لك...بس بعدين...
العنود:لا ابيه الحين...
طلال بقلة صبر: اقولك بعدين..
العنود: لالالا انا ابي الحين..
طلال: اقول تراك لوعتي كبدي..من زينك انتي وصوتك..وانا متاكد ان وجهك يجيب انفلونزا الطيور..روحي زين....واحمدي ربك اني عطيتك وجه..
العنود بصوتها الطبيعي لانها عصبت: اقول عاد من زينك انت وخشتك...
طلال انصدم من الصوت: الووو.الووو..
البنات اخذوا الموبايل وسكروا السماعه..
ريم: يا انك فضحتينا...
فجر: بغيتي تخربين علينا كل شي..
رغد: اللي بعده..
عبير: مشاري...
رغد: نخلي الهنوف تكلمه.."وغمزت لها"
الهنوف استحت: لالا مابي..
العنود: اقول اخلصي علينا..محد فاضي لك...
الهنوف: طيب امري لله...الوو..
مشاري: هلا والله وغلا..
الهنوف: ميشو؟؟
مشاري: ايوه معاك المزيون ميشو...
الهنوف: معاك اللي متعذبه بهواك...
مشاري: هلا والله تشرفنا...
الهنوف وفيها الضحكه: تشرفنا...
رغد تهمس لريم: ما عنده سالفه...
ريم: ادري انه ما عنده ما عند جدتي منيره...
مشاري: اقول يا الدلع كله...اتصلي علي بعد شوي..الحين عندي ضيوف..
الهنوف من بين اسنانها: اوكيه مو مشكله..
مشاري: باي..
الهنوف: باي..
مها: والله اخوك زاحف..
رغد: توني ادري..
ريم: هين اوريه ومسوي فيها عاقل..
الهنوف منقهره: اثره راعي بنات واحنا ما ندري..
العنود: انتي وش عليك منه خليه يوسع صدره...
فجر: خلونا نشوف صوصو وش بيسوي..
عبير: نخاف تنصدمين...
فجر: والله لوريه نجوم الليل بعز الظهر..
شجون: الله يستر بس..
فجر: نوف كلميه..
نوف: اوكيه........الوو..
فيصل: اهلين ...من معاي..
نوف: بنت تموت فيك ودايم تفكر فيك..
فيصل: انا واحد مرتبط ومتزوج..وما عندي حركات المراهقه هذي "وسكر السماعه"
فجر: وه فديته بعد قلبي...
رغد: الحمد لله ربي ستر ولا كان ولدتي الحين...
ريم: سليمان...وانا بكلمه...
العنود تناظرها بنص عين: اعصابك لا ينط في وجهك عرق...
ريم: اقول هاتوا الموبايل بسرعه..
ريم بدلع: الووو..
سليمان: هلا..
ريم: سوسو..
سليمان: ايوه مين معاي...
ريم: معاك فوفو..
سليمان: احلفي...
ريم انبسطت انه عاقل: والله..
سليمان: بشري امك."وسكر السماعه"
ريم تنطط في مكانها: وااااااي يا حليله..
الكل انصدم منها طبعا اللي ما يدرون وش السالفه..
ريم استوعبت: هههههه ما ادري وش فيني تحمست..
عبير: لا يكون شي ولا شي...
ريم تصرف: اقول وش رايكم بتركي بس..
الهنوف تبي ترد الحركه: ورغد تكلمه..
رغد تبي تقهرها: اوكيه..
الهنوف: بقهرك بشي ثاني لا تخافين..
رغد: اقول هاتوا الموبايل.......الووو..
تركي: بابا فين..
رغد تستهبل: بابا هنا ..هنا هو..
تركي: هههه صدق انك مخفه ..مين المتصل..؟
رغد: معاك اللي متلوعه بحبك..
تركي: روحي المستشفى اخاف فيك شي ولا شي ههههه..
رغد:لا اللي فيني حبك..
تركي: والله ما عندي له حل...وترى اللي مثل حالتك كثير..اسف تعالي مره ثانيه يمكن لقيت حل...
رغد: انا اعرف دواي..
تركي: بأي صيدليه ههههه..
رغد: تصدق انك خفيف دم..
تركي: مشكوره...وتراك انتي اول وحده تقول لي هالكلام..
سليمان يهمس له: مين تكلم..
تركي: وحده وحده..
رغد: طيب عادي كل يوم..
تركي: لالا كل 12 ساعه احسن...
رغد: من جد..
تركي:لا من خال..اقول انتي تراني عطيتك اكبر من حجمك...يله روحي ودوري لك واحد غيري.."وسكر السماعه"
الهنوف: غريبه...
العنود: لا شكله عقل..
الهنوف: الله يسمع منك...
العنود: مين باقي..؟
&&&&&&&&&&&&&&&&&&&&&&&
ماجد: فاتكم عيال بنت متصله علي..
مشاري: صدق..وحتى انا بعد..
طلال: وانا بعد..
تركي: وانا بعد..
سليمان: وانا بعد..
فيصل: وانا بعد..
ماجد شك: كم رقم اللي عندك..
مشاري : نهايته 65..
طلال: وانا..
سليمان:وانا..
والباقين اكدوا نفس الشي..
ماجد تأكد: هذولا البنات يلعبون علينا..
مشاري خاف: قول والله..
طلال: وانا اقول الصوت مو غريب علي...العنود مكلمتني,..
تركي عرف الصوت: وانا رغد..
سليمان: وانا ريم..
فيصل: وانا نويف..هين اوريها فجر تبي تشوف..
مشاري هو خايف: لالا تكفون لا تقولون..
ماجد: عسى ما طحت في شباكهم..
مشاري: وطيحه غبيه..""يا بيه انا متأكد ان اللي مكلمتني الهنوف ..اكيد طحت من عينها..والله اول مره اسويها..وانا لازم اتهور على اخر عمري.."
ماجد: الله يعينك وش بيفكك منهم..
طلال: وش نسوي...
ماجد: اصبر نهبل فيهم..اكيد الحين بيتصلون على وليد...
مشاري: وليد تعال..
وليد اللي كان جالس بعيد عنهم لانه ما يتحمل يشوف تركي..
وليد: نعم..
مشاري: محد اتصل على موبايلك..
وليد: لا ..."الا رن موبايله"
طلال طالع الرقم: البنات..
وليد: وش السالفه..
مشاري: البنات يستهلبون علينا خلونا نهبل فيهم..
وليد فهم السالفه: اوكي....الوو..
فجر: الووو..
فيصل في نفسه"اوريك يا فجير"
وليد: هلا..
فجر: اخوي هذا موبايل فارس...
وليد: لا احمد..
البنات انصدموا...
فجر: يعني انت احمد..
وليد: لا هذا موبايل خالد.
فجر عصبت: انت خالد؟؟
وليد وفيه الضحكه: شكلك ما تسمعين قلت لك محمد..
فجر: انا الي ما اسمع ولا انت اللي محشش..
وليد: لا والله انا سكران...
فجر تستهبل: سكران ولا شارب ههه...
وليد:لا والله حبوب..
فجر تنرفزت وسكرت السماعه..
العيال فقعوا ضحك..
ابو مشاري: وش فيكم تسدحتوا..
مشاري: سلامتك يبه بس كنا نقول نكته..
ابو ماجد: قولوها خلونا نضحك..
فيصل: لازم كل شي يعرفونه...
طلال: دبروها وقولوا نكته..
مشاري: يقولك في نمر شاف قطو يلاحق فار قال يلعن ابو حركات الابتدائي...
العيال تقلبوا من الضحك...
ابو مشاري: الحين هذي اللي من شوي متسدحين عليها من الضحك..
ابو ماجد: ولا ويضحكون عليها مره ثانيه..
ابو فيصل: الله يهديهم بس..
ماجد: والله ما عر فنا لهم...
مشاري: ما عليك منهم بس..الحين تلاقي البنات ميتين حسره..
&&&&&&&&&&&&
العنود: وش عنده وليد..
ريم: يا ربيه يقهرررررررر..
فجر: حسيت انه بيجيني طلق بسبته..
عبير: والله هبّل فينا قبل لا نهبل فيه...
رغد ساكته وما علقت ..
وكملوا البنات سهرتهم ضحك وسوالف وفله واكيد ورقص..
&&&&&&&&&&&&&&&&&&&&&&
رجع الكل لبيوتهم..
بيت ابو مشاري..
مشاري: رغد...ريم تعالوا..
رغد: نعم...
مشاري: على فكره حبيت اقول لكم ان اليوم كاشفين حركتكم من اول ما كلمتوا ماجد<<عشان يرقع السالفه..
رغد: صدق؟؟
ريم: عاد باين انكم ما تدرون...
مشاري: اصلا عرفنا اصواتكم من البدايه..
رغد: ههههه وش رايك فينا...
مشاري: سخيفين...
ريم: توقعناك راعي حركات..
مشاري يسوي نفسه واثق: عشان كذا قلت بأهبل فيكم ولا انا اصلا مو راعي هالحركات..
رغد: اشوى لان في ناس بغت تجيهم جلطه...
مشاري فهم عليها: فهميهم السالفه..
رغد بدلع: خايف على مشاعرهم..
مشاري: اقول ما ودك تنامين ازين لك....
ريم ما فهمت وش السالفه: وش فيكم ..وش تقولون بالالغاز..
مشاري: وانتي يا الملقوفه روحي لغرفتك اريح لك ولسانك بعد..."وراح"
ريم: رغد وش السالفه..
رغد: توك بزر...اذا كبرتي فهمتك...
ريم: هين اوريك..
وراحت كل وحده لغرفتها....
&&&&&&&&&&&&&&&&&&&&&&&&&&&&
بعد ثلاث أيام..
ام مشاري: رغد..رغد..
رغد نزلت: نعم يمه..
ام مشاري ابتسمت: تعالي يمه...
رغد جلست جنب امها: سمي..
ام مشاري: اليوم اتصلوا ناس وخطبوك...
رغد انصدمت::: مين؟؟
ام مشاري: ام تركي..اتصلت تخطبك لولدها تركي..
رغد ما استوعبت: كيف!!
ام مشاري: وش فيك يمه...
رغد: تركي خطبني...طيب الهنوف ما قالت لي..اوريها النذله..
ام مشاري: خلك من الهنوف الحين..وفكري في اخو الهنوف..
رغد حمرت خدودها: ا نشا الله..
ام مشاري: فكري زين يمه..هذا زواج مو لعبه....
رغد: ابشري...
وراحت لغرفتها..واتصلت على الهنوف..
رغد معصبه: الووو هنيف...
الهنوف ميته ضحك..
رغد: اوريك يا النذله وتضحكين بعد..كذا تخليني انصدم..امي قالت لي ما استوعبت وما عرفت وش اسوي..وش اسوي فيك اذبحك ..اقتلك..اجي بيتكم واتوطى في بطنك..علميني وش اسوي فيك هاه علميني..كذا تخلين ضغطي يرتفع مليون وانتي قاعده تضحكين علي اوريك والله ما خليك<<مسكت خط الاخت معصبه..
الهنوف: بس بس تعبتي حلقك من كثر البربره..
رغد: وبعد تردين..
الهنوف: وش اسوي تركي قالي يا ويلك اذا قلتي لها شي..
رغد تذكرت تركي ضاعت علومها: اجل تركي...
الهنوف: انا محاضره طول بعرض..وبعض الناس..بس"وتقلدها"اجل تركي..
رغد تستهبل: انشا الله تقارنين نفسك فيه..
الهنوف: لالا ما اقارن نفسي فيه لاني متأكده اني غير....
رغد: احلى يا الواثقه... هنوف اكلمك بعدين..
الهنوف: اوكيه..
&&&&&&&&&&&&&&&&&&&&&
رغد راحت لعند ريم..
ريم جالسه تاكل وتكلم العنود..
رغد: سكري بأكلمك في موضوع ضروري..
ريم: عنوده اكلمك بعدين رغد تبيني في موضوع ضروري..
العنود: اوكيه..بس اذا خلصتي تقولين لي وش قالت لك...
ريم: ههههه اوكيه...باي...
رغد: وانتي ما تملين منها..
ريم: ياربيه حاشره عمرك بكل شي..اخلصي وش عندك..
رغد: انخطبت...
ريم قامت من مكانها: وش قلتي؟؟
رغد تضحك: وش فيك؟؟ اقول لك انخطبت...
ريم: ومين اللي خطبك..
رغد ابتسمت وبدلع: تركي..
ريم: ههههه اجل"وبدلع" تركي...
رغد: ايوه..
ريم: وش قررتي..
ر غد: من شوي امي قالت لي يا المرجوجه..
ريم: فكري زين واستخيري..
رغد: ان شالله..
ريم: الله يوفقك...وعقبالي ا نشا الله واهم شي اللي في بالي...
رغد: امين..
ريم راحت وضمت اختها: اجل بتزوجين يا رغدوه..
رغد وهي ضامتها: ترى ما بعد قررت...
ريم: القرار واضح من عيونك..
رغد استحت ولفت عنها: ابطلع باااي...
ريم: يا حليلها تستحي..
واتصلت على العنود..
ريم: ابشرك..
العنود: ولك البشاره..
ريم: انخطبت رغد..
العنود انصدمت:صدق؟؟
ريم: ايوه..
العنود:مين اللي خطبها..
ريم: تركي...
العنود فرحت لرغد وفي نفس الوقت ضاق صدرها على اخوها:ايوه الله يوفقها...
ريم: امين..
&&&&&&&&&&&&&&&&&&&&&&&&&&&
سكرت العنود السماعه ونزلت تحت عند اهلها..وجلست جنب عبير...
العنود بصوت عالي وهي تكلم عبير عشان يسمعها وليد ويشيل رغد من باله..
العنود: عبير ما دريتي؟؟
وليد نغزه قلبه..
عبير: عن ايش...
العنود وهي تطالع اخوها وحزنت عليه: رغد...
عبيرببرود: وش فيها..
العنود: انخطبت..
فز وليد من مكانه وقعد يطالع العنود تكمل كلامها...
عبير طالعته وفهمت قصد العنود من الحركه هذي: ومين اللي خطبها...
وليد نفسه يسمع أي اسم بس لايسمع اللي في باله..
العنود بصوت واطي وحزين: تركي..
وليد هنا جات كالصاعقه على راسه..راح للعنود وهزها من كتوفها: العنود انتي متاكده..
العنود غمضت عيونها حاسه بأحساس اخوها..لانها مجربه...مجربه كيف الشخص يبعد عن حبيبه...وليد اعظم منها...العنود هي تركت طلال وهو يحبها..بس وليد هي تركته وهي ما تحبه...
العنود: ايوه...ريم كلمتني من شوي..
ام ماجد خافت على ولدها لا ينهار مره ثانيه: الله يوقفها ورغد تستاهل...ووليد صدقني بدور لك احسن منها...
وليد لف على امه: يمه انا ابيها هي...ومابي غيرها...
اماجد راحت لولدها: وليد يمه..الزواج قسمه ونصيب..وهذا كله مكتوب لك ولها..
وليد: يمه انا احبها...احبها..
ام ماجد: الايام كفيله انها تنسيك..
العنود وقفت: وليد انت لازم تتخطى مرحلة رغد..خلاص انساها.مالك نصيب فيها...خلاااااص انسااااها..
وليد: علميني كيف انسها علميني..
العنود في نفسها" خليني اعلم نفسي بعدين اعلمك"..:الزمن كفيل بأنه ينسيك اياها..
وليد حس بضيقه..المكان ضيق..كل شي ضاق عليه..يحس خلص الهوا من بيتهم..يحس قلبه قاعد ينزف..يحس ان الدم وقف بعروقه..اخذ مفتاح سيارته وطلع..
ام ماجد لحقته: يمه..وليد....وليد..
العنود مسكتها: يمه خليه على راحته..
وليد في سيارته: كيف..كيف رغد تتركني وتاخذ تركي..تركي..تركي...ليش هو..ليش مو انا...انا اللي مفروض ياخذ رغد...انا احق فيها..انا احبها..وولد عمها..واولى من الغريب..بس اخ يا زمن..ليش تقسى علي..اللي احبها تحب غيري...وانا اللي اوهمت نفسي بحبها لي..انا كنت اظن انها في يوم من الايام بتفكر فيني..ياريتني ما حبيتك يا رغد..ياريتني ما لتقيت فيك في غرفتي النحس...ياريتني ما عشمت نفسي بالوهم...
وصار يدور بالسياره عسى يلقى شي يوسع عليه همه ويطفي النار اللي بقلبه..
************************
مسكين يا قلبي انا باع الهنا وشرا العنا..
يمشي ويطرق كل باب ولا لقى غير العذاب...
فهمها متأخر انه ركض خلف السراب...
في البدايه كان لي دنيا وحكايه...
كنت اعطي ما أمل احتري بارق أمل..
ابغى عشرتنا امان عشره تكفيني الزمان...
كنت عاشق..كنت هايم..كان قلبي ما يخاف..
كنت اظن العشق دايم من هنا صار اختلاف..
اثر ما شفته دعايه من البدايه للنهايه..
************************* | |
|
| | |
أنامل ساحرة
Admin
المساهمات : 293
تاريخ التسجيل : 28/02/2014
العمر : 26
| | موضوع: رد: رواية أحلى صدفة السبت مارس 15, 2014 9:48 am | |
| تركي مبسوط على الااااااااااااخر..يرقص ويغني ويستهبل في سيارة سليمان..
سليمان: اعصابك خلاص..وفر كل هذا اذا وافقت...
تركي: يا اخي خلني بنبسط...رغد بتصير من نصيبي..
سليمان: قول ان شالله..
تركي: ا نشا الله "ويغني" ياناس اللي تمنيته اخيرا صار محبوبي..
سليمان: ههههههه الله يرجك يا شيخ..
&&&&&&&&&&&&&&&&&&&&&&&&&&&&&
بعد يومين تفكير اتخذت رغد قرارها وقالت لامها انها موافقه على تركي...وام مشاري اتصلت على ام تركي واتفقوا ان الرجال بكره يجون يخطبونها رسمي....
&&&&&&&&&&&&&&&&&&&&&&&&&&&
البنات مجتمعين عند رغد...
رغد: ياربيه خايفه..
الهنوف: ترى اخوي بشر مو وحش..عشان تخافين كل هالخوف..
رغد: يارب خلني اشوف فيها يوم..
العنود: فجير وش اخبار اللي في بطنك..
فجر: والله تمام...بس ذبحني كل شوي اشتهي ليمون..
ر يم: عشان كذا نسمع بالاخبار اختفاء ثمار الليمون اثرك انتي تبلعينه واللي في بطنك..
نوف: ودي اشوفه احس انه يهبل..
عبير بخبث: عقبالك يا نويف..
نوف استحت: اقول خلونا في رغد احسن..
دخلت ام مشاري: رغوده قلبي يله الرجال يبي يشوفك..
ر غد:لازم يمه..
ام مشاري: اكيد يمه لازم..
رغد: مافي اختيارات..
ريم:مافيا لا اختيار واحد الي هو غصب ورى خشمك..يله بسرعه خلصينا عشان نتفرج عليك..
رغد بتهديد: ترى ان دريت انكم تطلون علي يا ويلكم...
العنود: انتي توكلي بس...وما عليك منا..
نزلت رغد من الدرج والتوازن عندها ماش لك عليه..
ووصلت اخيرا عند المجلس ..استقبلها اخوها مشاري..
رغد: مشاري خايفه..
مشاري: امشي واللي يرحم والديك انتي وزجك النشبه..
رغد نست الخوف وابتسمت: ليه وش فيه..
مشاري:ناشب في حلقي متى اشوفها متى اشوفها..
رغد تذكرت: يعني لازم..
مشاري: امشي بالطيب لا اشيلك واحط عنده..
رغد: لالا خلاص بمشي..
ودخلت المجلس الي جالس فيه تركي لحاله ومنزل راسه يستناهها..
رغد شافته وانهبلت عليه..كان طالع عذاااب كاشخ لابعد درجه ومسوي "ديرتي فيس"اول مره يسويها وطال متغير ويهبل...
تركي رفع راسه شاف الملاك قدامه..كانت لابسه تنورد بيضا ميدي"نص الساق" وضيقه من فوق ووسيعه من تحت ومطرزه بخيوط باللون الابيض..وبلوزه فوشيه موديل صيني مع اكمام طويله..ومكياجها ناعم بالمره..
اول ما شافها وقف في مكانه...وقعد يطالعها...رغد على طول نزلت عيونها وتقدمت..
رغد: السلام عليكم...
تركي هو يطالعها مانزل عيونه ابد..:وعليكم بالسلام..
جلس تركي وبعدها جلست رغد وجلس مشاري بعيد عنهم شوي...
تركي: هلا والله غلا بالزين كله...
رغد استحت من جرئته: اهلين..
مشاري قطع عليهم: خلاص خلص الوقت...خيرها بغيرها نشوفك المره الثانيه....
تركي: على كيفك..
مشاري: والله هذي الاوامر...
تركي: من اوامره..
مشاري: والله كيفي انا اخوها الكبير وحرّ..بعدين اقعد معاها بعد الزواج الحين لا..
رغد حست ان وجودها ماله دعاي: استأذن انا..
تركي: بدري يا شمعة الجلاس..
مشاري: لا تكلم اختي الا بعد العرس ما تفهم انت..
تركي: اوريك يا النذل...
وطلعت ر غد بسرعه وهي منحرجه وحصلت البنات ينتظرونها..
رغد وجهها احمررر: اووووووووه..
الهنوف: ياربيه كل هذا حيا..
ريم: خلاص ارتحتي الحين...
رغد: غريبه ما شفتكم من الشباك..
العنود: ولأول مره ننصاع لكلام احد..
عبير: اعجبك انا ضبطتهم لك..
رغد: تسلمين يا قلبي..احسن شي سويته..
ريم منقهره: اخلصي وش صار..
رغد: فشلني اخوك..وزاد الطين بله اخو هذي "تأشر على الهنوف"
ريم: احسن هذي عقوبه...
نوف: وش رايك فيه...؟
رغد: اليوم طالع شي طالع عذاب..
العنود: حسافه ما شفناه..
ريم: ولا يهمك بنشوفه...
رغد: خليك تسوينها يا رويم..
الهنوف: اجل اخوي ذوبك...
رغد: عقبال ما يذوبك اخوي...
&&&&&&&&&&&&&&&&&&&&&&&&
في المجلس كان موجود ابو تركي ولأول مره يكون معانا..
تركي جالس بعيد عن ابوه ولا كلمه ولا حط لسانه على لسان ابوه الا لما وصل..
مشاري: مبروك مقدما يا النسيب..
تركي: الله يبارك فيك...
مشاري: بكره ان شالله ازوركم في بيتكم..
تركي ما فهم قصده: الله يحيك..بس وش عندك..؟
مشاري: مفاجأه..اجل مبروك يا النسيب...
تركي:تراك ذبحتني كل شوي مبارك لي....
مشاري: احمد ربك معطيك اختي..
تركي: والله تستاهل اختك..
مشاري: قلت لك بعد العرس تكلم فيها..الحين لا تجيب طاريها..
تركي: يارب صبرني على هالنسيب..
&&&&&&&&&&&&&&&&&&&&&&&&&&&&&&
وكملوا البنات رقص وهبال وحفلة توديع عزوبيه لرغد....
&&&&&&&&&&&&&&&&&&&&&&&&&&&&
اليوم الثاني...الوقت المغرب..قاعد يلبس ويتكشخ ويضبط عمره..
دخلت عليه رغد..
رغد: احلى احلى وش هالكشخه اكيد العروس بتذوب...
مشاري: الله يسمع منك...شكلي اوكي...
ريم دخلت بالسالفه: والله تهبل الله يعين الهنوف...
رغد: من ناحية الله يعينها الله يعينها..ما قلت لها ولا عن أي شي...
ريم: غريبه..العاده كل شي تقولينه لها...
رغد: وحده بوحده والبادي اظلم...
ريم: اعوذ بالله حقوده..
طلع مشاري وابوه لبيت ابو تركي..
&&&&&&&&&&&&&&&&&&&&&&&&&&&&&&&
بيت ابو تركي قالب فوق تحت..بيجية ابوهم..الهنوف ما نزلت ابد على ابوها الا اول ما وصل للرياض..وبعدها ما قابلته ابد..تركي قاعد معه عادي ما اهتم للوضع كثير..ام تركي جالسه معاه مجامله بس...
كانوا ينتظرون مشاري وابوه بس ما يدرون عن سبب الزياره...
ام تركي في غرفة الهنوف...
الهنوف: يمه ليش بيجي ابو مشاري مع ولده..غريبه اول مره يسوونها...
ام الهنوف: علمي علمك..بس اتوقع عشان ابوك والشركه وهالامور..
الهنوف: اهاااا.
وصل مشاري وابوه ودخلوا المجلس..
ابو مشاري: والله ماني عارف كيف ابدا الموضوع معاك يا ابوتركي...
ابو تركي: تكلم يا ابو مشاري وخذ راحتك..
ابو مشاري: والها انا جاي اخطب بنتك الله يحفظها لولدي مشاري...
ابو تركي انصدم شوي بعدين استوعب: والله هذي الساعه المباركه يا ابو مشاري...وبعدين مشاري رجال والنعم فيه...
تركي: اجل قصدك كذا...اخذ اختك وتاخذ اختي..
مشاري: عشان اذا ضربت اختي اضرب اختك ولا اذا صرخت على اختي اصرخ على اختك..
تركي: وش دعوه اصرخ على اخت مشاري...ما عاش من رفع صوته عليها...
مشاري: ايه كذا خلك مستقيم اصير مستقيم..
وبعد ساعه طلعوا...
ابوتركي: وين الهنوف؟؟
ام تركي: بغرفتها...
ابو تركي: نادوها ابيها في موضوع...
راحت ام تركي وقالت للخدامه ونادتها...جات الهنوف..وجلست جنب تركي بعيد عن ابوها...
ابو تركي: الهنوف تعالي جنبي..
الهنوف : انا كذا مرتاحه..سم بغيتني..
ابو تركي بلع ريقه من اسلوب بنته:الهنوف اليوم جايين ناس يخطبونك...
الهنوف انصدمت ما تدري مين: اناااااا؟؟؟
ابو تركي: ايوه انتي....
الهنوف لفت على تركي عسى تلاقي عنده اجابه بس هو ابتسم لها بعدين رجعت ولفت على ابوها: مين؟؟؟
ابو تركي: مشاري ولد عبد العزيز..
الهنوف وقفت في مكانها ما تدري وش تسوي تضحك تبكي..
ابو تركي: فكري زين وترى هذا زواج مو لعبه ومن ناحيه مشاري تراه رجال وما ينعاب....
ام تركي فرحت: والله وكبرتي يا الهنوف ..وصرتي عروس..
الهنوف استحت: يمه..
تركي: يا حلو المستحين بس...
الهنوف ذكرت: اوريها رغد النذله وسوتها فيني...
تركي: لا تتكلمين في حرمتي...
&&&&&&&&&&&&&&&&&&&&&&&&&&&&
رغد: تلاقين الهنوف تدعي علي..
ريم: والله ما تنلام...
رغد: بتصل عليها واشوف...الووو..
الهنوف: اهلين يا الدوبى..
رغد: هههه وش رايك فيني...
الهنوف: والله انك نذله..
رغد: مثلك ما سويت الا اللي سويتيه فيني...
الهنوف: انا ارسلت امي..وانتي ارسلتي لي الرجال بكبره...
رغد: وش رايك في المفاجأه..
الهنوف: وناسه انتي تروحين بيتنا وانا اروح بيتكم..
رغد: وش رايك نسكن مع بعض..
الهنوف: ايه هين تركي يخليني معاك..بيطردني مع الباب...
رغد: ولا عاد مشاري اصلا يدور الفكه مني...
الهنوف: احلى يا مرت اخوي...
رغد: وانتي بعد يا مرت اخوي..
وقعدوا يضحكون وهم مبسوطين على فالهم الطيب..
&&&&&&&&&&&&&&
هنا واحد يتحسر على حاله وفاله...حبيبته راحت لغيره..خلاص انتهت من حياته نهائيا..وما عاد عنده ولا طيف امل انه يحلم فيها..او تكون من نصيبه..ماسك صورتها ويطالعها عسى الصوره ترد عليه ما يبي الاصل يبي لو الصوره تكلمه عنها وتطمنه عن اخر اخبارها..هي مبسوطه انها اخذت تركي..سعيده انها بعيده عنه...فكرت فيه وفي مشاعره..ولا اهتمت بنفسها وبس....
وليد اخذ الصوره ورماها على الارض لما تهشمت..وصرخ بأعلى صوته: انانيه..انانيه.. فكرت بنفسها وبس...ما فكرت فيني ما فكرت بقلبي المسكين...ما اقدر ..ما اقدر..ما اقدر اتخيل ان رغد بتروح مني...ما اتخيل رغد مع رجال غيري...ما اتخيل ان احد يقعد يطالع فيها ويستمتع بشوفتها غيري..ما اتخيل تركي النذل حاط ايده على خدها ولا ماسك ايدها ولا يلعب في شعرها..ما اقدر ما اقدر...ليه..ليه يازمن كذا ليه...
وطاح على الارض يلملم بقايا رجل بعد ان حطمته امراءه من كوكب اخر..من عالم ثاني..من عالم الجمال والنعومه والنرجسيه...
&&&&&&&&&&&&&&&&&
اشكيلك..
ياربي اشكيلك بحالي..
الشكوى لغير الله مذله...
لو مر وقتي ما صفا لي..
محدن بيسعفني سوى الله..
ياربي اتعبني سؤالي..؟
يا عالم بالامر كله..
من عقب فرقى شخص غالي..
قلبي الوحيد من له..
لو انا لي خل خالي..
واليوم هو عني تخلى...
خلاني وارخصها الليالي..
من عقب ما ضحيت لجله...
مابا الذي بي ما يبالي..
ولي طيب قلبي يستغله...
لازم انا انسى اللي جرى لي..
والماضي من فكري اشله..
متى متى يرتاح بالي..
القى الذي يوفى لخله..
واعيشه حب خيالي..
عالم من اشواق وتوله..
****************************
بعد اسبوع سوى العائلتين ملكتين في ليله وحده..وكانت ملكه لا اروع صحيح ما كانت فيها التكلفه ذيك الكبيره..بس فخمه وحلوه..اجتمعوا الناس..والكل فرحان..وزفوا العروستين وجاء العرسيين ولبسوهم الشكبه..على اليمين تركي ورغد وعلى اليسار الهنوف ومشاري..والكل كان فرحان لهم..
العنود: ماشا الله صديقات واخذوا اخوان والحين ملكتهم في ليله وحده..
ريم: واكيد الزواج في ليله وحده...
عبير: ايه بسم الله عليهم الله يوفقهم..
فجر: بنات مشتهيه ليمون..ودي اكله بس مستحيه من الحريم...
ريم: روحي المطبخ وكلي ووسعي صدرك..
العنود:انا متاكده انه بعد كم يوم بنلقى اغصان في شعرك كلها ليمون..
فجر: وش اسوي الله لا يوريك اللي قاعد يصير فيني الحين....
نوف: روحي يا قلبي وكلي ووسعي صدرك اهم شي عندنا البيبي..
عبير: بأجي معاك..
راحت فجر وعبير...
ريم: العنود اليوم سليمان جاي..
العنود: والله!!!! وش اسوي لك..
ريم: ابي اشوفه...
العنود: تحبين وتبلشيني فيك..
ريم: بنت عمي وتحمليني..
العنود: اوكيه بدبرك بس خليني افكر..
ريم: يله فكري...
العنود: وش رايك نروح عند المجلس وادفك عليهم..بعدين تقولين يوووه العنود دفتني اسفه ما دريت..
ريم: بعدين ابوي ومشاري يذبحوني ويقولون يوووه ما درينا...اقول وش هالفكره الغبيه...فكري زين...
&&&&&&&&&&&&&&&&&&&&
في المطبخ ناس في عالم ثاني....
فجر تقطع الليمون وتاكل وعبير تتفرج عليها...دخل فيصل المطبخ من الباب اللي ورى ومعاه طلال وماجد...
فيصل: بعد فيذا ليمون...
فجر وهي تاكل: وش اسوي هذا ولدك وطلباته...
طلال: ما ادري وش بيطلع هالبيبي اذا امه فجر وابوه فيصل ويحب الليمون..
ماجد: كوكتيل ههههه..
طلال: سبحان الله خفة الدم فيك مغروسه غرس..
"بعدين انتبه لعبير اللي منزله راسها من الحيا"..:عبير وش اخبارك وش اخبار العرايس داخل...
عبير رفعت راسها وهي منهبله عليه: الحمد لله تمام..
طلال صار يطالعها معجب فيها اليوم طالعه غير بالفستان الحريري الملون ..وفيه خطوط بالعرض ملونه بس شكله يجنن والوانه حلوه...
ماجد: يله شباب خلونا نرجع المجلس قبل لا يصير عزا بدال ملكه..
فيصل وطلال: يله...
فجر: يا حليله فصول منقهر من الليمون..
عبير ما زالت تحت تأثير طلال..
فجر: هيه وش فيك انصمختي..
عبير: هههههه ابد سلامتك خلينا نرجع..
العرايس والمعاريس راحو كل واحد غرفته مع زوجته ...
تركي وهو جالس جنب رغد :واخيرا يا رغد ..صرنا مع بعض ...
رغد مستحيه ومنزله راسها:......................
تركي : بصراحه طالعه انتي اليوم شي مغطيه على الكل ...
رغد : تسلم عيونك الحلوه ....
تركي : واخيرا تكلمتي توقعتك بلعتي لسانك..
رغد ودها تقوم وتصفقه في احد يكلم خطيبته كذا...بس ابتسمت مجامله..
تركي مسك ايدها وباسها بحنان:رغد مبسوطه معاي...
رغد: اكيد..
تركي: اوعدك ان شالله راح ابسطك طول العمر..
رغد: ا نشا الله..
تركي: طيب أسأليني اذا انا مبسوط معاك ولا لأ.؟؟
رغد طالعته بمعنى ليه فيها شك...
تركي يسوي نفسه خايف: خلاص مبسوط مبسوط..
رغد ما تحملت اكثر وضحكت..
تركي:آآآآه فديت هالضحكه يا ناس..اقول وش رايك نخلي الزواج بكره..
رغد انصبخ وجهها عنابي: ترى باقوم..
تركي: لالا خلاص التوبه بأعقل..
&&&&&&&&&&&&&&&&&&&&&&&&&&&
مشاري جالس عند رجول الهنوف وهي ميته حيا..
مشاري: هنوفه قلبي..
الهنوف: سم..
مشاري: ما شالله على الذوق...سم الله عدوك..حبيت اقول لك اني اسعد انسان في هذا الكون..وسبب سعادتي انتي...
الهنوف: وانا بعد...
مشاري: هنوفه...
الهنوف: لبيه...
مشاري: اموت انا على الرقه والدلع..صدقيني احلى شي فيك اسلوبك وذوقك ودلعك..
الهنوف طيرت عيونها:بس...
مشاري انتبه: لالا اكيد جمالك وبرائتك..بس الاشياء الاولى اللي قلتها هذي مفقوده عند الكلب وموجوده عندك..عند حبيبتي وبس..
الهنوف: تسلم تسلم والله...
مشاري: وش عقبه..عقب ما بغيتي تطيريني..
الهنوف تفشلت: والله ما اقصد كنت....
مشاري يقاطعها: امزح معاك..طيب وش اكثر شي اعجبك فيني...
الهنوف في نفسها"انا كلمتين على بعضها ما اقدر اقول وهذا يبي وش اكثر شي عجبني فيك والله لو اقعد من هنا لبكره ما كفيت"..
مشاري: يعني ما عجبك شي فيني...
الهنوف: كلك على بعضك عاجبني..
مشاري يقلدها: بس..
الهنوف قعدت تضحك من حركاته وهذا وهم لسه مخطوبين..
مشاري فتنته ضحكتها وباسها من خدها: فديتك والله...
حبيت اذكركم بشي ان في المجلس الاول كان في عيون مراقبه اللي هي ريم والمجلس الثاني العنود وكل شوي يتبادلون الاماكن...
&&&&&&&&&&&&&&&&& | |
|
| | |
أنامل ساحرة
Admin
المساهمات : 293
تاريخ التسجيل : 28/02/2014
العمر : 26
| | موضوع: رد: رواية أحلى صدفة السبت مارس 15, 2014 9:49 am | |
| ريم: شفتي يا بنت عمي الوقاحه..
العنود: أي والله شفت بنات اخر زمن..
ريم:اروح ادور على قلبي سليمان ابرك لي..
العنود: انتي روحي وانا راح اراقب هالمراهقين ذولي...
ريم: الله الله بالتفاصيل..
العنود: اكيد يا قلبي كل شي راح يوصلك...
ريم قعدت عند المدخل الرئيسي تستنى سليمان يطلع ولا شي...ولابسه حجابها بس اللس تحت طالع يعني ما ادري وش الفايده منه...
واخيرا طلع سليمان..وهي سوت نفسها ما تدري عنه ولاهيه بالموبايل..
سليمان قرب منها شوي: وانا ما اشوفك الا ماسكه الموبايل..
ريم رفعت عيونها وسوت حالها منصدمه:مين سليمان..
سليمان: لا ظله هههههه..
ريم قعدت تطالعه ..يهبل وهو كاشخ بالشماغ والثوب ومسوي السكسوكه خفيفه طالع شي ولا في الخيال...
ريم:.............
سليمان: رورو اكلمك انا..
ريم: هلا وش كنت تقول..
سليمان: اقول وش عندك برى..اخاف احد يطلع ويشوفك..
ريم ابتسمت له: يعني تغار علي..
سليمان: مثل ما اغار على مها...
ريم: لحد الان....
سليمان: مو هذا اللي تبينه...
ريم: الا ..كيف الجو عندكم داخل...
سليمان: والله طفش ما تعودت اقعد بدون تركي..
ريم: الحين تركي تزوج اختي مو تلهيه عن زوجته...
سليمان: لا تخافين ما راح الهيه لاني راح انشغل بعد..
ريم انصدمت: بتتزوج؟؟؟؟
سليمان: والله قررت اخطب..
ريم خافت: مين؟؟
سليمان: وحده من البنات...
ريم: ادري انها وحده اجل واحد...
سليمان: اعرفك عليها بعدين...
ريم حست ان الدنيا تسكرت في وجها وان التوازان اختل عندها وبغت تطيح بس ثبتت عمرها...
سليمان حس فيها وحس انه ثقل عليها المزح:بس عشانك راح اقول مين...
ريم وهي تمشي: ما يحتاج..
سليمان: لو كانت انتي...
ريم وقفت في مكانها ولفت عليه..تشوف هو صادق ولا يمزح: انا؟؟؟
سليمان: ليه فيه غيرك معذبني بحياتي...
ريم ابتسمت من قلب وراحت داخل بسرعه..تدور العنود..
ريم حصلت العنود: عنيد عنيد الحقي علي بموت...
العنود قربت منها:خير وش صار بشري...
ريم: سليمان خطبني...
العنود فر حت: امانه..
ريم: والله ..والله خلاص انا بطير بموت من الوناسه ..ما ادري وش اسوي..
العنود فرحت لبنت عمها...فرحت لها عن فرحتها هي: مبروك يا قلبي واخيرا...
ريم: أي والله واخيرا...
العنود: لا تنسينا عاد...
ريم: انتي على راسي من فوق يا بنت عمي..
العنود: اذا عنده ولد خاله ولا ولد عمه ارسليه لي...
ريم: ابشري بس..
العنود: بشرط يشبه له...
ريم ضربت العنود: لا يكون تقزين رجلي وانا ما ادري..
العنود: أي...لا ما قزيته بس طالعته هههههههه..
ريم: اوريك يا الدوبه..
وكملوا سهرتهم وكل واحد يغني على ليله....
ريم بشرت رغد..ورغد فرحت لها فرح مو طبيعي..
العنود ووليد كانت ليله ثقيله عليهم..
العنود بدت تحس بالوحده...تحس ان الكل بيروح ويخليها وبتبقى وحيده..فجر راحت..عبير بتلحقها..رغد خلاص...وريم انخطبت ونوف نفس الشي وما بقى الا هي..
وليد اليوم يحس انه عزاه..عزا حبه طبعا ما قدر يحضر الملكه وقرر انه يسافر لانه لو قعد اكثر بالمملكه راح يرتكب جريمه...وقرر يكمل دراسته برى منها ينسى رغد ومنها يدرس وينشغل في دراسته..
&&&&&&&&&&&&&&&&&&&&
ومن بكره بدت مغامرات السوق اليوميه..كل يوم البنات يجتمعون ويرحون السوق مع بعض منها يشترون ومنها ينبسطون..
رغد هي والهنوف يمشون ويشترون...
ريم والعنود يختارون افسخ شي ويحطونه للعرايس..
نوف وشجون ومها عليهم كريمات والميك اب والعطورات..
عبير وفجر عليهم الاكسسورات والشوز..
وكل يوم على هذا الحال...
&&&&&&&&&&&&&&&&&&&&&&&
في يوم من الايام...
ريم : رغد طفشانه..
رغد: وش اسوي لك..
ريم: كله منك هالسنه ما سافرنا..
رغد: ما عليه صيفي بالرياض..
ريم: طيب خلينا نطلع طلعه محترمه..
رغد: روحي قولي لامي..
ريك:بروح اقول لها...
نزلت على امها...
ريم: يمه نبي بطلع طلعه عائليه..
ام مشاري:وين تبين تروحين..
ريم: أي مكان بس نطلع...
ام مشاري: ما لكم الا المزرعه..
ريم مكشره:لا يمه لا تقولين المزرعه..
ام مشاري: هذا الموجود..
ريم: يعني مافي امل..
ام مشاري: ولا سعاد..
وسمعت التليفون يرن..
ريم: الووو..
العنود: هلا والله ..كيفك.؟؟
ريم: الحمد لله بس طفشانه...
العنود: وانا نفس الشي..وش رايك نقترح عليهم طلعه عائليه...
ريم: قلته لهم قبلك..قالوا ما في الا المزرعه...
العنود: امانه لا تقولين...
ريم: والله...
العنود: شكل ما لنا الا هي...نروح نقعد فيها يومين ونفلها..
ريم: اجل نتوكل..
العنود: توكلي على الله..
ريم: من الفجر اوكي...
العنود: اوكي..
سكرت ريم السماعه: خلاص يمه بنروح المزرعه..
ام مشاري: سبحان الله كلمه من العنود تخليك توافقين..
ريم: يمه هذي العنود مو حيا الله...
ام مشاري: الله لا يفرق بينكم...
ريم: امين..
وطلعت لعند رغد....
ريم: بنروح المزرعه..
رغد: لا حرام عليكم وبشرتي...
ريم معصبه من رغد: بعد تكلمي..لا سفر خليتينا نسافر وبعد الطلعه فيها ان..
رغد: طيب اعصابك لا تبكين..
ريم: بروح اكلم الباقين..ترى الفجر بنمشي..
رغد: قلتي لابوي...
ريم:لا بقوله بعدين..
رغد: مشا الله على كيفك..
ريم موصله معاها: ايه كيفي...
وراحت ومسكت السماعه وتتصل على العائله كلها واتفقوا يمشون للمزرعه من الفجر..
&&&&&&&&&&&&&&&&&&&
الفجر مشت العائلات كلها ..والجوا الصباح خيالي..ووصلوا المزرعه..
ريم: اما الجو مع هالنخيل شي...
شجون: بدال باريس ولندن قابلي هالنخل وكلي من تمره...
نوف: واذا ضاق صدرك مره روحي للخيل ووسعي صدرك فيه...
عبير: واذا مره مره ضاق صدرك روحي المراجيح والعبي فيها لما تدوخين...
العنود: واذا حسيتي بالضيقه اطلعي برى وشوفي الطعوس...
رغد: شفتي سوينا لك دعايه لكافة وسائل الترفيه الموجوده...
ريم: يا الله شي احسن من لا شي..
العنود: رويم امشي عند الراجيح شوي..
ريم: يله...
فجر: انا بروح مع فيصل متصل علي يقول تعالي..
رغد: وانا والهنوف بتنمشى شوي....
نوف وشجون ومها راحوا مع بعض...
وبالاخير عبير راحت مع العنود...
نهاية الفصل الثاني | |
|
| | |
أنامل ساحرة
Admin
المساهمات : 293
تاريخ التسجيل : 28/02/2014
العمر : 26
| | موضوع: رد: رواية أحلى صدفة السبت مارس 15, 2014 9:53 am | |
| الجزء الاربعون....""ما قبل الاخير""
"الفصل الثالث""
رغد والهنوف يتمشون وقابلوهم تركي ومشاري..
مشاري: تركي عندي اقتراح...
تركي: اللي هو..
مشاري: انت تاخذ زوجتك وانا اخذ زوجتي...
تركي: وين كلامك وين اللي يقول بعد العرس...
مشاري: ههههه هذاك اول الحين انا تفتح عقلي وتطورت...
تركي: والله المصالح...
مشاري: اخلص خذ حرمتك وانقلع...
تركي: يله...
وقربوا من عندهم...
مشاري: هلا والله بأحلى البنات انتوا...
تركي: صباح الخير لاحلى ثنتين على وجه الارض...
الهنوف: اهلين..
رغد: صباح النور ...اهلين..
مشاري: زوجتي ممكن تجين معاي..
الهنوف طالعت رغد تستأذن منها: ايوه ممكن...
تركي: وانا بعد باخذ زوجتي..
رغد راحت معه....
مشاري شبك اصابعه باصابع الهنوف وراحوا..
تركي مسك رغد من خصرها ومشوا...
مشاري: كيفك اليوم يا قلبي؟؟؟؟
الهنوف: بشوفتك تمام...وانت كيفك؟؟؟
مشاري: انا لا تسأليني عن حالي اذا كنت معاك لاني اكيد مرتاح..
الهنوف ابتسمت بحب لمشاري: ايوه...عبر لي عن مشاعرك..
مشاري: والله وشوفيني احلف لك اني لو اوصفك او اعبر لك عن مشاعري ما وفيت في حقك واظل مقصر...
الهنوف بحب: مشاري وربي اني احبك...
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
تركي: رغد انا ماني مصدق انك صرتي لي انا وبس..
رغد تضحك: لا صدق..
تركي لف رغد لجهته ومسك ايديها: تصدقين يا رغد خفت كثير...خفت انك تروحين مني وانا ساكت وما اقدر اعمل شي..وخصوصا يوم الحفله ولما خطبك وليد..حسيت اني ضعيف اشوفك تروحين مني ولا اعمل شي..يعني مو مثل وليد..ولما رفضتيه سوى نون وما يعلمون واعترض وحاول بكل الوسائل انك تكونين له...اما انا..ما اتوقع اني كنت بسوي اللي سواه....
رغد حطت ايدها على خدها بحنان: تركي حبيبي خلنا من الماضي...الماضي هذا ودي انساه..تعبني كثير واتحترت فيه كثير وتعذبت فيه كثير وما ودي اتذكره مره ثانيه...ابي اعيش اليوم وبكره وبس...
تركي بوثوق :اكيد معاي...
رغد: صح انك واثق بس ثقتك في محلها...
تركي باس جبينها: الله يحفظك لي..
رغد استحت وتوردت خدوها: وانت بعد...
تركي قرص خدها: عشان تحمر زياده ههههه..
رغد طالعته وتتمنى من كل قلبها تدوم سعادتها معاه بدون اي شي يعكر حبهم...
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
فيصل: فجر عندي لكم مفاجأه خيال..
فجر: صدق وش هي؟؟
فيصل راح وراها وغمض عيونها وصار يمشيها لمكان المفاجأه..وهم يمشون...
فجر: صوصو وش هالمفاجأه اللي في المزرعه..
فيصل: شي تحبينه وتموتين فيه يمكن اكثر مني...
فجر: مافي شي احبه اكثر منك بس شوقتني اشوفها...
فيصل بعد ايده: يله شوفيها..
فجر تطالع وين المفاجأه: وينها ما اشوفها...
فيصل: شوفيها قدامك...
فجر: ما اشوف الا شجر..
فيصل: هذي المفاجأه كلها شجر ليمون..
فجر فرحت: قول والله..
فيصل: والله..يله روحي شجره شجره وكليهم كلهم..
فجر حطت ايدها على خصرها: تتطنز علي...
فيصل : انا اتطنز على حبيبتي فجوره...يله امشي معاي..
فجر مسويه زعلانه: مابي روح لحالك...
فيصل: يعني مسويه زعلانه ...اوريك..
وشال فجر بين ايديه..وصار يركض فيها وهي ميته ضحك..وبعد لف ودوران تعب فيصل ونزلها..
فيصل: اووووه..هاه تتوبين ما عاد تتزعلين...
فجر: ههههه التوبه..بس بغى يروح البيبي فيها...
فيصل جلس تحت شجره وسحب ايد فجر وجلسها جنبه: بسم الله عليكم اثنينكم..
فجر: تتوقع بنت ولا ولد..
فيصل: انا ودي بنت وتطلع حلوه مثل امها..
فجر: وانا ودي ولد يطلع يخبل مثل ابوه...
فيصل: لو كان ولد وش نسيمه..
فجر: انسميه ريان..وش رايك فيه...
فيصل: حلو...ريان بن فيصل...كشخه...بس لو بنت..
فجر: لو بنت نسميها امممممم جنا حلو صح..
فيصل: حلو ودلوع على صاحبته..
فجر: الله يعدي هالحمل على خير..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
ريم والعنود شافوا عربه اللي يشليون فيها العمال اغراض المزرعه..
ريم: اقول عنيد وش رايك نفحط فيها...
العنود: يله..
ريم: انا بركب فيها وانتي دفيني...
العنود: اوكيه..
وركبت ريم فيها...وبدت الهجوله في المزرعه وريم مبسوطه وتصفق وتصارخ والعنود لفت فيها لف..
لمحوا سليمان ومعاه طلال قبالهم..
ريم تصرخ: عنيد عنيد وقفي وقفي..
العنود قررت تسوي حركه في ريم...دفتها لما قربوا من سليمان وطلال وهم يطالعون ريم تصراخ...ودفتها بقوه وراحت وخلتها..
ريم تطالع قدامها وعيونها بتطلع خلاص بتصدم في الجدار..
راح سليمان بسرعه وقفها...
ريم وجهها بالارض من الفشيله..
سليمان يطالع ريم وهو رافع حاجب: اخر شي انتي بتتكسرين...
ريم منزله راسها ونزلت من العربه: اآآآ....أأأأأأأأأ ""ما تدري وش تقول" ..ههههههه
وراحت ركض..
سليمان يضحك على خبالها: ههههه هالبنت شي..
طلال: لا واللي اهبل منها عنيد...
سليمان: ما جمع الا وفق...
&&&&&&&&&&&
العنود..راحت عند المراجيح وبطنها تقطع من الضحك..
ريم تطالعها بحقد: انذل منك بحياتي ما شفت..
العنود: ههههههههههههههههههههههههههه
ريم: اقول اسكتي لا اذبحك الحين..
العنود: وربي لو شفتي وشلون يطالعونك كان صدق ذبحتيني..
ريم: اوريك والله ما اسكت لك بردها لك..
وقعدت هي وياها يلعبون بالمراجيح وسكتوا شوي..
ريم: اقول عنيد وش فيك ساكته وش عندك...
العند تنهدت: بصراحه ضايق صدري...
ريم خافت: ليش؟؟
العنود: كلكم بتروحون وتخلوني..
ريم: وانا وين رحت شوفيني عندك..
العنود وهي تناظر بالارض: انتي بتلهين مع سليمان..وتنسين اللي جابوا العنود..
ريم كسرت خاطرها العنود وراحت جنبها: افا يا العنود ما هقيتها منك..انا اتخلى عن بنت عمي واختي وصديقتي..والله ما اسويها لو يجي تركان بكبره مو سلميان..
العنود: ههههه حلوه لو يجي تركان..اصلا لو يجي تركان انا بتركك..
"تركان مغني تركي يقطع القلب شويه عليه.."
ريم: ههههه اوريك يا الجحده..
وبدت الحرب بالرمل عندهم..وجات عبير..
عبير: خير خير وش تسون انهبلتوا..
ودخلوها في الحرب معاهم..
شجون: الحمد لله والشكر بس..مهبل...
ريم: شجون تعالي معانا والله فله...
شجون: انا بروح اناااااااااااام تعبانه...
وخلصت الحرب التي دامت عشر دقايق..وكلهم تسدحوا على الرمل..
عبير: يالله تعبت وجاني النوم..
العنود: خلونا نتروش وننام..
ريم: يله...
ومشوا وهو يغنون لسرين عبد النور..
لو بص في عيني مره بس..
حيحس اوام بشوقي ليه..
لو بص في عيني مره بس..
حيحس بأني دايبه فيه..
لو قلي تعالي قلبي دق ..
انا رحلوا اوام مقولش لا..
&&&&&&&&&&&&&&&&&&&&
رغد: تروك يله الحين ابي انام و ارتاح ..اشوفك بعدين...
تركي: اوكيه...اوصلك هناك..
رغد: لا وصلني عند مشاري عشان اخذ الهنوف...
تركي: بعد احسن عشان انكد عليه...
وراحوا لعند مشاري...
رغد: هنوفه قلبي يلا سرينا..
مشاري: على كيفك يوم مليتي من زوجك تجين تاخذين زوجتي...
رغد: وانت وش عليك انا ابي صديقتي....
الهنوف: ما عليه ميشو اشوفك بعدين...
مشاري: بس عشانك ولا كان ما وافقت...
تركي: مسكين اخذوا زوجته منه...
مشاري: احسن منك...اللي زوجتك ملت منك...
تركي: على قلبي مثل العسل...
رغد: هههههه يلا باي...
الهنوف: بااااي..
الاثنين: باياااااااات..
مشاري: بعد احنا نروح ننام..
تركي: يلا...
وراحوا عند العيال...
سليمان: توك تجي...توك تذكرني..
تركي: اصلا ما ذكرتك انا جاي انام...
سليمان: وبعد يا اللي ما تستحي على وجهك..
تركي: امزح معاك..كيفك بدوني...؟
سليمان: تبي الصدق...
تركي: ايوه...
سليمان: والله انا بدونك ما اسوى...
تركي: تسلم والله...والله انك اخوي قبل لا تصير صديقي..
طلال: وش عندكم تودعون بعض...
تركي: مثل مانت عارف مقبل على زواج ولازم اودع صديقي...
ماجد: واالله صار عندنا معاريس..طلال ما انت بناوي...
طلال: قريبا ان شالله راح تسمعون خبر زواجي..
فواز: ومن تعيسة الحظ..
مشاري: اللي داعيه عليها امها...
طلال: مسكين ..هذي امها دعت لها وين ما تروحين تشوفين الخير قدامك..
تركي: وانت الخير ان شالله...؟؟؟
طلال: اكيد..انا نعمه من الله على الناس وعليكم بس ما راح تحسون الا اذا فقدتوني...
ماجد: الاخ ماخذ في نفسه مقلب...
وضحكوا العيال...
طلال: اضحكوا اضحكوا اصلا انا عندي مناعه..
سليمان: هههه والله انك حفله بدون كيكه..
وليد كان حاضر بس بعيد عن الكل والجميع ومعتزل الناس والكلام..وما يعلق ولا على أي شي...
وناموا العيال..
&&&&&&&&&&&&&&&&&&&&&&
العصر البنات نايمين..فتحت عيونها...شافت اشكال البنات ضحكت عليهم...دخلت دورة المياه اللي يكرمكم وتوضت للصلاه وطلعت..صلت وبعدها طلعت من الغرفه...شافت الجو كان خيال الشمس بدت تغرب والسما لونها اورنج واحمر...اخذت حجابها ولفته عليها..وقررت تتمشى شوي..مشت...مشت..وهي تفكر بكل شي...وبالتحديد في وليد وموقفه من تركي..اكيد عرفتوها رغد...
رغد حصلت نفسها وصلت عن الخيول...ووقفت عند السياج تتفرج على الخيل..اللي قاعد ياكل..واللي يمشي بشموخ...ولفت انتباهها..فارس خيل..راكب الخيل بمهاره..ويركض فيه وكأنه خيّاله..دققت في الشخص وعرفته من شعره الي يطيرها الهوا ..ومن لونه الاسود مثل الليل وظلمته....كان يركض فيه وكأنه معصب او مقهور وكل شوي يزيد سرعته...صارت تتفرج عليه..جذبها هالفارس...الفارس هذا انتبه ان في شخص موجود وعارفه زين ..حس بمشاعر غريبه.بمشاعر الشموخ والعزه..ما كان وده انها تنتبه له انه شافها..بس ماحس بنفسه الا وهو يقرب منها..
رغد حست بقربه لها ما خافت ولا انصدمت..بالعكس ابتسمت له...كان ودها تتكلم معاه..تفهمه..تشرح له..تعتذر له..اكيد عرفتوه..الفارس هذا كان وليد...
رغد بأبتسامه وهي رافعه راسها عشان تشوفه: مشا الله ...تعرف للخيل...
وليد ما رد عليها وصار يطالعها...مو نظرات كره ..ولا حقد ..بالعكس شوق طاغي عليه الجمود...وحاول انه ما يبين لها انه ما زال يحبها...حاول يبين انها خلاص انتهت من حياته...
رغد ما عجبها سكوته بس كملت: تصدق انا ما اعرف اركب خيل الا لازم مشاري معاي او ابوي...
وليد بعوفيه وغصب عنه: تجربين؟؟
رغد انصدمت وودها تقول لا بس خافت تقولها...فهزت راسها بالايجاب..
نزل وليد من الخيل: يله تعالي ادخلي..ولا اقول نطي من فوق السياج..
رغد: لالا بروح ادخل مع الباب احسن...
وراحت للباب وفتحته ودخلت وسكرته...ووصلت لعند وليد اللي كان يطالعها طول الوقت..
رغد: يله تراني متحمسه...
وليد مد لها ايده عشان يساعدها تركب الخيل...
رغد طالعت ايده شوي بعدين مسكتها..ما تدري وش الي يجبرها على كذا هذا...الحزن اللي بعيون وليد...ولا شعورها بالذنب...ولا كنوع من الاعتذار..
وليد مسك ايدها وكأنه مسك قلبه وقاعد يعصره...قاعد معاها وهو عارف انها مستحيل تكون له..او مستحيل تحبه..او حتى تفكر فيه...
طلعت رغد فوق الخيل..وتستنى وليد يمسك اللجام ويحرك الخيل..لكن المفاجأه ان وليد طلع وراها..رغد حست ان الدم تجمد بعروقها..ووقف شعر راسها...وليد وراها بالضبط...تحس بنبضات قلبه السريعه..وتحس بسرعة تنفسه..مد ايده عشان يمسك اللجام..صارت رغد بين ايديه وبينه هو..
وليد مشاعر كثيره اجتاحت قلبه وعصفت فيه...قريب بالمره من حبيبته سابقا عطرها صار في هواه اللي يتنفسه..حس برجفه في كل جسمه بس قاوم هالشعور...ويحس انها اخر لحظالت راح يقضيها مع رغد.. لانه خلاص بيسافر ويبتعد عنها وعن الكل واولهم عن تركي اللي كل لحظه والثانيه يطالعه وكأنه شمتان فيه..وفي نظرته نظرة النصر..
حرك وليد الخيل وصار يمشي بهدوء ..بعد دقايق صمت وكل واحد في عالمه..
وليد بصوت مبحوح: رغد...
رغد حزنت اكثر على نبرة صوته وردت بهدوء: هلا...
وليد وكأن العبره خنقته: مبسوطه معاه..
رغد حست فيه..هالسؤال يجرح..يقتل ليش يعذب عمره..ليش يعذب قلبه ويسأل..ليه...
رغد بصوت حزين: وليد ليه..
وليد قاطعها: اسألك مبسوطه معاه..
رغد بلعت ريقها وعيونها امتلت دموع: وليد ليش تبي تعذبني...ليش تبي تحسسني بتأنيب الضمير..
وليد بأصرار:مبسوطه معاه..
رغد استسلمت: الحمد لله...
وليد: وانا؟؟
رغد تعبت معاه ما تدري وش تقول....سؤاله مكون من ثلاث حروف بس جوابه اصعب جواب..وش ممكن تقول له..وش ترد عليه...
وليد بصوت ضعيف: رغد انا من بعدك ذقت المر..من بعدك عرفت الويل..من لما رفضتيني وانا انتهيت..وش اسوي علميني..انتي علمتيني كيف احبك..بس ما علمتيني كيف انساك..
رغد:وليد ممكن تنزلني..
وليد: بس انا احتاجك..والله احتاجك..
رغد بكت: وليد بليز نزلني..
وليد وقف الخيل ونزل ومد ايده ونزلها بس ما فك ايدها..
وليد: بتروحين عني مره ثانيه..
رغد ما لفت عليه: صدقني يا وليد الزمن كفيل انه ينسيك..انساني يا وليد انساني..انا مستحيل اكون لك مستحيل..
وليد سحبها من ايدها وقربها عنده ومسك وجهها بأيده: حرام عليك تعذبيني والله حرام عليك حسّي فيني لا تصرين انانيه...
رغد وخرت ايديه عنها: انا ماني انانيه...لكن مستحيل ينجبر قلب على قلب..افهم يا وليد افهمني..
وليد: وليه مو انتي اللي تفهميني...
رغد: وليد انا عندي لك كلمتين مو اكثر...اول شي ودي اعتذر لك عن اللي بدر مني..واعتذر لك اذا قسيت عليك وادري اعتذاري ما يفيد بس هذا اللي اقدر عليه..ثاني شي..انا ماعاد احل لك..حرام الحين المشاعر اللي تكنها لي...وانا ما عاد في ايديني أي شي لك يا وليد..ونصيحه مني كأخت لك يا وليد..شيلني من بالك بأي طريقه ولو حتى انك تكرهني انا راضيه بس انك تتعدى مرحلة رغد..وتصير من الماضي..واسهل حل دور لك على بنت الحلال وصدقني انك راح تنساني وتقول رغد مين رغد انا ما اذكرها..
وراحت رغد وتركت وليد في دوامه ما لها اول ولا تالي..
&&&&&&&&&&&&&&&&&&
لين: شعولي..
مشعل: هلا..
لين مكشره: وين صديقك النشبه..
مشعل كاتم ضحكتها: نايم..
لين قربت جنب مشعل مبسوطه: اوف الحمد لله...ما ادري وشلون صادقت واحد مثله...يالله مره فضيع..
مشعل: ههههه عاد صار صديقي..
لين: تصدق مشعل حنيت لايام قبل...قبل محمدوه اكيد..والله كنا مبسوطين...
مشعل: احس ما تغير شي..
لين: كل هذا ولا تغير شي..
جا محمد:يالله مساء خير..وانتي ما صدقتي على الله اختفيت شوي لزقت في الولد..
لين: اوووووووووف جاء النشبه..
محمد: على قلبك..
مشعل يضحك على خبالهم.,,,
&&&&&&&&&&&&&&&&&&&&
اجتمعوا البنات بعد صلاة العشا...
ريم: بصراحه طفش وش نسوي..
العنود: خلونا نفكر بشي يسلينا ومشترك..
رغد: تقصدين بينا وبين العيال...
فجر: ايه احسن ابي زوجي...
ريم: جاتني فكره جهنميه وخطيره ومدهشه بعد..
عبير: اخلصي علينا جلست تمدح في عمرها ساعه...
ريم:وش رايكم نسوي مسابقة شعر..
العنود: والله فالحه..واللي ما يعرف الشعر...
ريم: ادري ان الاغلبيه ما عندهم سالفه..بس مسموح استعارة قصائد الغير..
نوف: الله وناااااااسه..
ريم: الشروط هي..
اولا: كل منافس يبحث عن القصيده بمفرده..
ثانيا: ما تقل القصيده عن بيتين ولا تكثر عن عشر...
ثالثا: ان تكون القصيده حلوه..مو مثل وجهه..
رغد: وش هالشروط تقولين تعبير في المدرسه..
ريم: المهم الكل يلتزم بالشروط ولا راح يطلع..وثاني شي عطوا العيال خبر...ثالث شي راح تبدى المسابقه الساعه 12 بالليل عشاني رومنسيه....
العنود: ايه هين قابليني...يله نروح نبلغ العيال...
&&&&&&&&&&& | |
|
| | |
أنامل ساحرة
Admin
المساهمات : 293
تاريخ التسجيل : 28/02/2014
العمر : 26
| | موضوع: رد: رواية أحلى صدفة السبت مارس 15, 2014 9:58 am | |
| عند العيال...
ريم: فهمتوا..
مشاري: وش الطاري يا بديع الزمان الهمذاني..
العنود: لو سمحتوا اللي عنده سالفه يألف قصيده واللي ما عنده اله. يعافيه لا يفكر انه يألف..
طلال: طيب من وين نجيب لكم..
عبير: كل واحد يدبر نفسه ولا لا يدخل المسابقه..
وبدا الكل يكتب له قصيده..واللي يدور له ..واللي يسأل اهلهم اذا يعرفون قصايد.. لحد ماجات الساعه 12 واجتمع الكل...
جلسوا البنات على اليمين..والعيال على اليسار..
ريم اللي كانت واقفه في الوسط:والله ان اشكالكم تحفه..كل واحد مسوي نفسه شاعر وهو ما عنده ما عند جدتي منيره..
عبير : حتى جدتي منيره عندها سالفه في الشعر..
ريم: ايه الله يرحمها..ما علينا..اتمنى من الكل التقيد بالشروط..وراح نبدى بالقرعه..."اختارت اسم"....اول اسم عنّا لليله هو..
رغد: واللي يعافيك تكلمي سعودي ارحم لك..
الكل: أي والله...
ريم: كأني تفشلت..اول اسم راح يكون مشاري..
الكل: هووووووووووه..
مشاري وقف: احم احم..والله احرجتوني..
ريم: هات ما عندك يا عنتر اقصد يامشاري..
مشاري: راح تسمعون قصيده في محبوبتي وزوجتي اكيد الهنوف..
الكل: هوووووووووه..
مشاري: خلاص خلاص تراها تستحي ..
ريم: اقول ابدى وانت ساكت..
مشاري: احم احم..
والله اني يا احب الناس احبك
والله ان الروح لو ترضيك فدوه..
والله اني تارك غيرك وجيتك
مزعل الزعلان والعذال عنوه..
وكل هاجس ما يجيب الا خيالك
سلوتي بالعمر في صحوه وغفوه..
اجمع احساسي واشواقي واجيلك
والبس ثياب الهوى والعشق كسوه..
وانتقي من سواليفي حسنها
والقصايد من غزلها كل حروه..
وانثر العبرات والضحكات عندك..
واقول اني احق الناس فضوه..
ادري اني عادي وما فيه ميزه
وادري اني كادح ما حاش كروه..
لكن اني صادق في ما اقوله
واطلب من الله عن الزلات عفوه..
وسلامتكم..
الكل: ياهووووه..
ريم: مشا الله وش هالابداع من وين ملطوش..
مشاري: هذا من نبض قلبي...
رغد: ايه هين..صدق من وين..
مشاري: والله ما ادري ابوي قاله لي..
ريم: ان شا الله يحالفك الحظ..ارجع مكانك..
العنود: تراك مصدقه نفسك انك في برنامج شاعر المليون...
ريم: وش عليك مني خليني اوسع صدري..يله راح نختار اسم اللي بعده وان شالله تكون بنت....امممم طلع معانا للاسف تمساح..فواز تعال..
فواز: انا...
الكل بعصبيه: ايه..
فواز: طيب وش فيكم كارهيني...
ريم: اخلص ..قصيدتك..
فواز: هذي اهدا مني لزوجتي وام عيالي...
الكل ساكت..
فواز: شجعوني شوي...طيب حرمتي على الاقل...
الكل: هوووووه عشان بدور..
فواز: ما عليه ...احم احم..
تضيق الارض في عيني وقلبي يكثر اشجانه
احس العين ما تبصر وصار الهم لي وحدي..
واحس القلب ما ينبض وعاف الدم شريانه
تصور غللا نفسي..غلاتك وش كثر عندي..
يذوب الثلج في القطبي وتدفى نفوس بردانه
ابي تعرف قدر حبك وابي تعرف وش انا ودي..
وابي تعرف وش الدنيا بدون الورد والوانه
مثل ما ابغى تعرف انك ملكت بدنيتي وجدي..
ومحد يقدر في هالدنيا يعيش بدون وجدانه
وانا والله لو جميع الكون وقف كله بعد ضدي..
يموت الكون وما يسمع خفوقي بالملا خانه
يسمع كيف انا احيا بك واموت فبسمتك واغدي..
ويسمع كيف انت ملكت فكر عقلي وسلطانه
صحيح انسان لكني وقفت بقلب متحدي..
احبك قلتها وهزت جميع الكون واركانه
وصفيت الناس في كفه لاجل تفهم قدر خلي..
اللي رجع في القلب ميزانه..
الكل صفق بقوه: يا هووووووووووووووووه..
ريم: بصراحه ابدع شاعرنا فواز لكن هالمره من وين مسروقه..
فواز: والله في كتاب شعر لقيته في الخيمه..
ريم: ما عليه..ان شالله فالك طيب..اللي بعده مين تتوقعون..
رغد: من جد هذي مصدقه عمرها..
نوف: خليها توسع صدرها..
ريم: مافي توقعات اوكيه راح اسحب ...رغد دورك..
رغد اخترعت: انا....طيب..
قامت ووقفت عند ريم..
رغد: هذي اهداء مني لصديقتي وحبيبة عمري هنوفه..
الهنوف ترسل لها بوسه في الهوا: تسلمين يا عمري..
تركي بأعتراض: ظلم ظلم ظلم..
رغد: ليش؟؟
تركي: الحين انا زوجك وما تهدين لي شي وهنيف اللي مقابلتها اربع وعشرين ساعه تهدينها..
رغد: عاد هذي صديقتي وانت الجايات اكثر..
تركي: قصي علي بكلمتين..
رغد طبعا ما قدرت تقول تر كي خايفه على مشاعر وليد اللي كان منزل عيونه وعامل حاله مو مهتم..
تركي ابتسم لها: خلاص رضيت..ويله قولي هالقصيده..
رغد: احم احم..
ريم: لحظه تهدين صديقتك واختك لأ..
رغد: يا لليل ما اطولك..خلاص ما صار..
ريم: قولي قولي من زين قصيدتك عاد..
رغد: احم احم..
في خفوقي لك حكايه ضمها كتاب المشاعر
وفي عيوني لك مدينه يا حلاها من مدينه..
انت لو تامر على روحي من غلاتك بس تامر
فدوى روحي من غلاتك والله ماهي بالثمينه..
شفت عاد اش قد غالي ولا عندي شي اخر..
كل هعالم بدونك اشبه بدمعه حزينه..
احنا قصتنا قديمه وحبنا صادق وطاهر
انقى من حبة رذاذ فوق خد الياسمينه..
احنا لو نكتب محبتنا ضاقت اوراق الدفاتر
وان كتبنا شي تبقى اغلب كنوزه دفينه..
انت تبحر في عيوني وانا في عيونك اسافر
فوق غيمه من محبه لا شراع ولا سفينه..
جيت لك كلي وضوح بلا قناع ولا مظاهر
وجيتني من طيب اصلك لا غرور ولا ضغينه..
تذكر بأول لقانا كيف خانتنا الحناجر
الحكي عيا وحروفه في حناجرنا سجينه..
وكانت عيونك مرايا بعثؤت اوراق شاعر
وكنت اقرا في عيونك رعشة الشوق وحنينه..
تصدق اني من بعدها صارت ضلوعي منابر
كم تعلاها خفوقي ويشجب البعد ويدنه ..
بصراحه في غيابك تتغلق كل المعابر
كل هالدنيا بدونك تنقلب صحرا وشينه ..
افتدي نظرة عيونك واشتريها بالف خاطر
ومن غلاتك بس عندي صارت لك مدينه ..
الكل صفق لها ..
رغد : وش رايكم ..
ريم : حلوه بس ما راح تفوزين..
رغد حطت يده على خصرها : وليه انشاء الله ..
ريم : لانك خالفتي الشروط ...
رغد : أي شرط ؟
ريم : أنا قلت اقصى حد عشر ابيات وانتي ما شاء الله 12 بيت
رغد : بيتين مشيها ...
ريم : والله اذا كان في بعدك احد مخالف مشيتها لكن بس انتي ما عليش اقول لك انتي الخاسرالا كبر
رغد : احسن عاد من زينك من زين مسابقتك اهم شي قصديتي حلوه
ريم : ما علينا اعزائي المشاهدين
عبير : هيه هيه كل شوي تتعمق الشخصيه اكثر
ريم ببرود : وش حارق عيشك خليني اكمل .. اعزائي المشاهدين فاصل اعلاني ونعود..
ريم: يله طلال غني لنا..
عبير: ليه صوته حلو..؟؟
رغد: ليه ما قد سمعتيه..
عبير: لا والله..
رغد: اجل فاتك نص عمرك..يله طلول غني لنا..
طلال: والله صرت مشهور..
ماجد: اخلص علينا..
طلال: وش تبون تسمعون..
ريم: الاماكن..
رغد: لا ملينا منها..
نوف: يا متعبني حقت رابح صقر..
طلال: لالا غيرها..
فجر: والله ما كان الفراق اختياري لعبد المجيد عبد الله..
طلال: غيرها..
العنود: ابي انساك حقت عبد العزيز المنصور..
طلال طالعها يبي يعرف اذا هي تقصده بالاغنيه ولا لأ..وحس من نظراتها انه المقصود..
طلال: اوكيه..
عبير طالعت العنود وهي حاسه بمعانات اختها واللي تحس فيه...
طلال: احم احم..
.. أبي أنساك ..
ساعدني إبي أنساك ..
إبي أنسى ..
أي ذكرى ..
جمعتني يوم وياك ..
أبي أنام الليل وأرتاح ..
إلا صوتك يجي يمي ..
ولا ذكرى تعيد جراح ..
.. أبي أنساك ..
كل ماحاولت أبنسى ..
يرجعني لك الماضي ..
يا خذني غصب يمك ..
ولو ماكنت أن راضي ..
وأتذكر سواليفك ..
وضحكاتك وتنهيدك ..
كثر ما شفت من ويلك ..
بظل أهواك ..
.. أبي أنساك ..
حبيبي ويا بعد عمري ..
إذا فعلآ في قلبك خير ..
تساعدني على النسيان ..
ونتذكر بعضنا بخير ..
حرام أتعب أنا وإنتا ..
بعيد ولا يهمك شي ..
كثر ما شفت من ويلك ..
بظل أهواك ..
.. أبي أنسآك ..
******************** | |
|
| | |
أنامل ساحرة
Admin
المساهمات : 293
تاريخ التسجيل : 28/02/2014
العمر : 26
| | موضوع: رد: رواية أحلى صدفة السبت مارس 15, 2014 10:09 am | |
| العنود غرقت عيونها دموع..وريم وجهها تقلب الوان..والكل كان منجسم مع صوت طلال..
ولما خلص...الكل يصفق له بحراره..طلال على طول طالع العنود..ورحمها لانها من جد حبته ويدري بهذا الشي...
ريم تبي تغير الجو: اقول نرجع لبيت القصيد..وابسحب اسم....سليمان دورك..
سليمان ابتسم: اوكيه..
راح وقف جنب ريم ..وريم تطالعه من فوق لتحت وابتسامتها ماليه وجهها..
سليمان: على طول بأبدى...احم..
كل القصايد تنحنى عند رجليك
واجيبها لك يا بعد كل عالي..
احيا على قربك وصوتك وطاريك
ودي بشوفك كل لحظه قبالي..
والله احبك حب يا قلب مغليك..
ويزود حبك مع مرور الليالي..
احلف برب البيت مانيب ناسيك
وشلون ابنسى دنيتي وراس مالي..
ودي احطك في عيوني واغطيك
ودي انا اللي بس اشوفك لحالي..
وماودي عيون الخلايق تراعيك
اخاف تلقى لك حبيبا بدالي..
حتى الهوا لا مر من بين ايديك
اقول هذا وش يبي في حلالي...
انا بمنامي يا هوى القلب اناديك
صورتك دايم ما تفارق خيالي...
ان غبت عن عيني بقلبي الاقيك
وان رحت عن قلبي فيا عزتا لي..
تبي الصراحه ما اقدر ابعد واخليك
ينساني الله لا نسيتك يا غالي..
ولما خلص لف على ريم وهو مبتسم وغمز لها..
ريم تشققت من الوناسه وفهمت انه يقصدها..
الكل صفق له بقوه ويحييه..
مشاري: وش هالقصيده السنعه..
سليمان: تسلم تسلم والله..
ريم: سليمان تفضل.. وان شالله انت الرابح الاكبر..
رغد: وش معنى هو الرابح الاكبر وانا الخاسر الاكبر..
ر يم: انتي اسكتي بس..مخالفه الشروط وتتكلم...نختار اسم ثاني.."شافت الاسم وبلعت ريقها وانقلب وجهها" وليد دورك....
وليد كان وجهه جامد ما فيه حياه..تحرك لما وصل عند ريم وفتح الورقه اللي معاه..
وليد بهدوء غريب: هذي من القلب الى القلب...
وطالع رغد..رغد ثابته في مكانها وكأنها لازقه فيه..ما تدري وش بيقول ونظراته تدل ان في كلام جامد..لفت على تركي تدور الامان والراحه..شافته الثاني يطالع وليد بنظرات شرّيه وهو يدري ان زوجته المقصوده...وينتظر من وليد الزله عشان يطلع فيه كل القهر اللي كان عايش فيه..
وليد بدا يقرا: عنوانها حسايف..
اني في الدنيا مظلوم في الحب مهما انحبيت
آه لقيت كثير يبوني بس اللي أبيها مالقيت
للاسف محدٍ بيسمعني ان تكلمت وحكيت
حسايف محدٍ بيسمعني مهما قلت وشكيت
ويوم لقيت اللي أنا أبيها صرخت وبكيت
ودي أبين لها شعوري ياليت تحس ياليت
ودي أقول لها ماأبي غيرك حتى ان هويت
حسايف توني الحين بس تأكدت ودريت
اللي أبيها ماتبيني لو مهما ومهما سويت
أموت أعرف ليه تعلقني فيك ؟
أموت أعرف ليه تعرفت عليك ؟
أموت أعرف ..
وين طيبك اللي أول ؟
ليه ماترجع زي أول ؟
أموت أعرف
وسلامتكم..
الكل كان ساكت يطالع وليد..تركي كان ناوي شر بس لما سمع القصيده رحمه...فكر لو هو مكانه...فكر لو رغد تزوجت وليد..يكمن هذا مصيره..
رغد خنقتها العبره..ما تحب ضعف وليد..ما تحب انكساره..جتها لحظه من الندم وتأنيب الضمير والاحساس بالذنب..وانها هي السبب كل اللي في وليد..
وليد كتف ايدينه وبنص ابتسامه: لهدرجه قصديتي ما عجبتكم ولا رحمتوني..احب اقول للي حس باتجاهي بالرحمه..يوفره لنفسه..انا ما حتاج شفقة احد.."وهو يمشي يرجع لمكانه"وبعدين على فكره تراني ما اقصد رغد بكلامي..هذا لوحده قبلها..رغد لا تفكرين انها لك ارتاحي"وجلس"
ريم مطيره عيونها تبي تتكلم ما قدرت..تبي تحكي ما عرفت..وليد تغير كثير..صار انسان ثاني..صار غريب عليهم..مو هذا وليد اللي يعرفونه..حاولت ريم تجمع نفسها وتكمل: وش فيكم ساكتين كذا..خلونا نشوف شاعر او شاعره ثانيه......اوه ماجد دورك..
ماجد يحاول يبتسم لان حاس ان الكل متأثر وحاسين بوليد: عاد انا قصيدتي غير..هذي قصيده محاوره بين الشياب والشباب..
طلال يحاول يلطف الجو: عسى حشيت الشياب..
ماجد: افا عليك طلعت عيوبهم.. اسمعوا...
إقرأ يافائق يارائق قصيده معانها صادق
تحكي عن واقع وحقائق والعاقل عقله ميزاني
قصه فيها كل عجائب شابّن تقابل مع شايب
والكل منهم بيعاتب مافيهم واحد غلطاني
قال الشايب : آآآآه ياحسرة منكم ياشباب الدشرة
والله لا اوصفكم عشرة وافضحكم بين العربان
الأول في البيت مفرّك عند الدش و مايتحرك
اضحك للدنيا تضحك لك خلص فلم وحط الثاني
والثاني شاري سيارة ويفحط في وسط الحارة
ماسك في يده سجاره سجارة من ذا الدخاني
يمشي والله ماهو داري كسّر غطيان المجاري
يفحط ويدقدق بواري وازعج جميع السكاني
والثالث قصته قصه يبغى حلاقن بمقصه
من شأن يقصقص له قصه ويخليه ولد فناني
لكن التركي قد حاسه حاسه بمقصه وامواسه
طلّع لحيه مثل الكاسه وسوا له عرف الشيطاني
يلبس جنز ويرقص رقصن في ضني يسومنه دسكون
ويقلد مايكل بن جاكسون ذاك الخكري الأمريكاني
والرابع رجّالن فني شاري له عودن ويغني
لانا منه ولاهو مني لابدناه ولايدناني
عانه في الأستريو عانه يبغى شريط الفنانه
يبغى نجوى مدري ديانه يموت في الصوت اللبناني
والخامس والله من حقي اقضبه واطقه طقي
في السوق يحدر ويلّقي من دكانن في دكاني
يرمي رقم وياخذ رقما ياجعله بالبندق يرمى
والا جعل عيونه تعمى خربانن والله خرباني
والسادس سافر للخارج ويش الحاصل ويش الناتج
جاب امراضن ما تتعالج ما كانت في ذي البلداني
والباقين عشّاق الكوره كل نادي بجمهوره
النفس منهم مقهوره والقلب منهم مرضاني
نصراوي واهلي وهلالي والإتي مقامه عالي
صفوة منتخبنا الغالي واسماهم فوق الجدراني
قال الشابّ : إسمع ياشايب طلّعت فينا المصائب
سمّعت الحاضر والغائب وانتم خمسه يالشيباني
الأول شايب متقاعد حيّاً يرزق ميت قاعد
لكن صوته مثل الراعد يحكي كان وياماكاني
متقاعد ومؤّذي اهله يطلب شربه يطلب اكله
مراتن يشخط في الكهله ومرة يضرب في البزراني
يزعل من صوت الأولادي مايبغى الا الجو الهادي
متمسّك دائم بالرادي يسمع فيه أم حديجاني
والثاني روحه معنيها يامتعبها يامشقيها
يصبغ دقنه ويحنيها ومرّكب له طقم اسناني
يأخذ باكوره وعباته وان شاف عجوزن بلقاته
خبى الباكور بمخباته وتظاهر كنه نشطاني
والثالث لاحالك حاله همه كيف تزيد امواله
يبكي من مصروف عياله ويقول المصروف اعماني
يجلس يترقب لوليمه يفرح ليا جت عزيمه
إلحق يامال الغنيمه وليمه عند الجيراني
والرابع عودن في الميّه لكن داخل به جنية
يبغى يتزوج صبيه ويخلف منها صبياني
والخامس شاري له ناقه ومسجلها في البطاقه
ماله مع احدن علاقة عائش معها في البرّاني
الكل صفق له بحماس..
فواز: والله جبتها..
ماجد: اعجبك انا...
العنود: بس قبل هزوئكم الشياب..
عبير: الا طلعوا فضايحكم..
ماجد: عادي..بس وحده بوحده..
ريم: شاعرنا استريح مكانك..راح نختار اسم ثاني..شجون..come hare
رغد: وش هالمذيعه الداعسه..
العنود: هذي ريم مو حيا الله...
شجون: انا هذي القصيده مكتوبه فيني..
نوف: انواع الصواريخ..
مها: الا تقصدين رشاشات..
شجون: كيفكم لا تصدقون بس اسمعوا...
مثل القمر دايم تغير وصووووفه **** مره قمر ومره بدر ومره هلال
دايم تغير في الليالي ظروفه **** وسبحان من حلاه في كل الأحوال
حتى الزعل يحلى عليه بكسوفه **** يرضى بسرعه والزعل منه ماطال
ليلا بلا نوره يروع بخوفه **** بالوصف دايم تنضرب في الأمثال
ماحداً يقاول في غرامه سيوفه **** ويابخت من في الحب من صحبته نال
ولا على من حب مثله حسوفه **** هذا الحبيب اللي إذا قلت ينقال
والمشكلة إني وين مارحت أشوفه****وآشوف عشاقه يجرون موال
مهما تغير ماتغير طيوفه**** يبقى قمر ولا بدر ولا هلال
وسلامتكم...
البنات يصفرون لها: احلى احلى...
العنود: وش هالثقه الزايده عندك..
شجون: يحق لي مو...
ريم: يا الشاعره شجون ارجعي مكانك الله يستر عليك بس ويعطيك نعمة العقل...
شجون: وش قصدك مجنونه..
ريم: انا ما قلت انتي قلتي...نرجع لبرنامجنا ونختار اسم جديد..وااااي دوري..الحين بتسمعون قصيده والله بنتهبلون عليها..
رغد: حتى المذيعه مشاركه..
ريم: ليه مالي رب..اسمعوا بس وركزوا "وطالعت سليمان"..اسم القصيده احبك حب جنون..
العنود: وانا اقول وش في مخك ضارب اجل الحب ضاربه..
ريم: ه ه ه ما تعرفين تنكتين..اسمعي بس..
حبك والله واحب كل مافي اسمك من حروف
احبك واحب حتى الي في حبك من جروح
احب الاب الي بداخلك حنون و عطوف
واحب احزاني لمن تشوفك تنطق و تبوح
احب احاسيسي المبعثره لما تحتار ولا تشوف
غيرك ملهم. واحلى الكلام يركض لك ويروح
احب الصدق الي بداخلك ونفسك لغيره تعوف
واحب وعدك الي على راسك و ماقدرت الروح
احب فيك الفاهم الواعي المقدر للوقت والظروف
واحب انك المثل الاعلى لكل معتزبنفسه وطموح
احبك المغرم المشتاق احب فيك القلب الرهوف
واحب حتى حبي لك لانه علي قاسي ولحوح
والله احبك ولا اقدر اعدد كل ما فيك من وصوف
ولو نسيت اعذرني لانك عطر روحي الي يفوح
وبحبك من قدي به افاخربه وبه مليت الكفوف
ولو اظل طول عمري احبك يظل قلبي شحوح
انت حبي ولوتعدى وفاض حبك ولو وصل للجوف
حبيبي وحبي الوافي.ملكتني بطيبك و قلبك السموح
وانا بكلمه احبك والله ما ابالغ ولا بي حس الخوف
ولاكن كل الي بداخلي حب طاهر يعبر بكل وضوح
وسلامتكم..
الكل كان سكات الا سليمان يصفق ومتحمس..ولما حس ان الكل يطالعه وقف تصفيق..
مشاري: مشا الله وش هالحماس..
سليمان متوهق: القصيده حلوه مو..
ريم: لا يكون انشا الله ما عجبتكم..
رغد تقلدها: اسمحي لي انتي الخاسر الاعظم..
ريم: اصلا انا واثقه من نفسي..اعزائي المستمعين ..الرجاء التصويت على الارقام الظاهره على الشاشه واذا كانت الخطوط مشغوله يرجى اعادة الاتصال.
العنود: مشا الله حافظتها نصا...
ريم بثقه: وش رايك فيني اصلح مذيعه...تصدقين شكلي بدخل قسم الاعلام توهم فاتحينه في الجامعه..واصير مذيعه واطلع في قناة الاخباريه..
طلال: يرحم امك اسكتي ..مسكتي خط..
ريم: اوكيه اوكيه..احكي عن طموحي بعدين..الحين راح اختار اسم ثاني..فجوره دورك..
فجر: اوكيه..
ريم: والليمونه لازم في ايدك..
فجر وهي تمص الليمونه:وش اسوي...شكل البيبي مشفوح طول الوقت اكل ليمون...
ريم: الله يعينك على نفسك..
فجر: قصديتي اكيد اهداء مني الى زوجي وحبيبي فوفو.."وتلحس ليمون" اسمعوا...
ودي احطب لك ضلوعي وادفيك~
وألحفك بالرمش لاصرت بردان~
اسكنك في عيوني ان كان يرضيك~
وتصيرعيني لك وطن مثل الأوطان~
واضمك لصدري غلا لين يرويك~
عذب الحنان الي فقدته زمان~
واعطيك عمرجايك اليوم يهديك~
اجمل محبه ضمة انسان لانسان~
القلب تسكن فيه وحدك ويرجيك~
انك تعيش داخله وينسيك الأشجان~
ياحبيبي انت الوفا..والوفافيك~
يرسم ملامح ضحكتك وانت عتبان~
لاتستحي واحضن يدي داخل يديك~
ثم شدني وارضيك ان كنت زعلان~
ابي افتخرفيك واتبختر وأناديك~
وأقول:هلابحبيبي اللي سكن بين الأوجان~
ياحياتي والله لأعطيك واعطيك...~
عمري وعشقي فدوتك ياأعذب انسان~
انت الهوى والقلب بالحيل يغليك~
انت حبي الي رويته بدمع الأجفان~
وانت حبك أشوفه يملي علي ~
كل هالكون وحتى لوفيه غيره أكوان~
فيصل: عاشت عاشت احلى ليمونه اقصد فجوره في الكون...
فجر:تسلم والله..
ريم: قصيده رائعه من الشاعره الملقبه بالليمونه لحبها الشديد بالليمون..واتمنى لك الفوز..الحين راح نختار اسم ثاني....طلال دورك..
طلال كان مجهز قصيده يعبر فيها عن مشاعره اول مع عبير وكيف انها مالت للعنود لكنها رجعت وظلت لعبير...
بس غيرها بعد ما طلبت منه العنود اغنية ابي انساك خاف على مشاعرها..
طلال : انا قصيدتي تتكلم عن موضوع غير المواضيع اللي ذكروها..قصيدتي تتكلم عن وطني الغالي..وطن الخير والعطا..مملكة الانسانيه..السعوديه..
الكل يشجعه: هووووووووه..
طلال: اقولها وكلي فخر في بلادي...احم احم..
انا سعودي
سعودي وافتخر بارضي ولا ني بالفخر مغرور
الى من قيل لي وش ديرتك قلت السعوديّه
رفيع الراس بافعالٍ حقيقه ما تعرف الزور
تسطرها تواريخ الفخر صفحات ورديّه
كتبنا المجد بعد المجد سنينٍ ماضيه ودهور
على صدر الزمن مكتوبةٍ بحروف ماسيّه
لنا الماضي لنا الحاضر لنا مستقبلٍ من نور
لنا التأثير في الدنيا ببصماتٍ حضاريه
من الإسلام منبعها فمنهاجه لنا دستور
على درب الموحّد صادق الأفعال والنيّه
ابو تركي سليل المجد نور الكون في الديجور
ومن بعده رجال ارواحهم للدار مرهيّه
توحدنا بعد كنا ضحية جهلنا والجور
وصرنا كلنا اخوه نعيش بكل حبيّه
من الآمر إلى المأمور منهجنا الإخاء والشور
على درب التساوي والعدل باوضاع مرضيّه
وقدوتنا رجالٍ لاجلنا لو داسوا المخطور
يبون الدار مثل الشمس في الأكوان مرئيه
والى من بانوا الحسّاد واللي بفعلته ماجور
يبان الجد وقت الجد بافعال النداويه
لتبقى ديرتي رمز الرخاء تحيا امن وحبور
بفضل الله وفضل اللي رعاها بكل حنيّه
ابو متعب ابو كل الشعب في برّها وبحور
اذا ناموا بقى ساهر لتبقى الدار محميّه
عزيز النفس متواضع ولا يرضى بحني ظهور
ولا تقبيل يدّينه من اللي جاه لتحيّه
حماك الله يابلادي لتبقي حصننا المعمور
تعيشي لو فنينا كلنا نفدي السعوديه
الكل يصفر ويصفق..
ريم: وشرايكم ناخذ بريك ونغني اغنيه اوه يا سعودي..
الكل: اوكيه...
ريم: واحد ..اثنين..ثلاثه..
مكانتك يا بلادي دوم في القمه
من يوم كنتي الين اليوم يا بلادي
بالعزم يا سعودي وبالجد والهمه
كلن شهد لك وكلن بأسمك ينادي
اوووه اووووه اوووه اوووه
اووو ياسعوودي
اوة ياسعودي | |
|
| | |
أنامل ساحرة
Admin
المساهمات : 293
تاريخ التسجيل : 28/02/2014
العمر : 26
| | موضوع: رد: رواية أحلى صدفة السبت مارس 15, 2014 10:16 am | |
| وبعدها الكل قعد يضحك لان اصواتهم نشاز..
ريم: اقول اسكتوا لا يسمعكم رابح صقر ومحمد عبده ويعتزلون الفن مباشره..
العنود: بس والله فله...
ريم: نرجع لبرنامجنا ما يطلبه المستمعون..
عبير: شكل المخ عندك تعطل...اتذكر انك قلتي اسمه بيت القصيد...
ريم: ما عليه كلها واحد...نختار اسم...العنود بنت عمي تفضلي..
العنود: احم احم زاد فضلك..
ريم: وش اسم القصيده اللي راح نسمعها...
العنود: والله مالها اسم ما ادري وش اسمها..
ريم: ما عليه حبيتي تفضلي اذا ما عليك امر..
العنود: الله يرفع مقدارك...احم احم
سهرت الليل من كثر الهموم وكثرة التفكير
وقلت الخير في وجه الصباح بقدرة الرحمن
وتعبت من الصباح إللي يسمونه صباح الخير
وغنى شادي اللحن الجميل بعالي الأغصان
إلا ياطير ياعذب اللحن خل الغنا ياطير
ترى القلب الحزين يزيد حزنه بأعذب الألحان
وأنا بأعطيك مال وماملكته لك بلا تقصير
وبعطيك العهود الوافيه ما أنساك مهما كان
وبحلف لك على القرآن بوفا العهد ياطير
وأخذ مني كرم حاتم وعطني جملة جنان
تعبت أمشي وأحث خطاي في درب الأمل للسير
وأنا عندي أمل السراب يزيد في النقصان
وعندي حسره في الجو معناها يعجز التعبير
وعندي ذاكره ياطير عيت تقبل النسيان
وعندي جرح جاء بين الضلوع العوج له تأثير
وله مس مثل مس العطش ياطير للعطشان
أنا ياطير أمني النفس لو عمر الأمل قصير
أعيش بعمره المحدود ياطير الأمل فرحان
تلاهيني تباشير الأمل وليا أنقطع ياطير
أعيش الحزن من واقع حزين وعاد للأحزان
صحيح أن الحياه حظوظ لك حظ السعد ياطير
نسيك الهم وفجوج السماء والأرض لك ميدان
عطاك الله جناح به على هام السحاب أطير
وقلب مايشيل الهم دايم للغناء طربان
وأنا كني سجين طال سجنه في رجاء التيسير
صدر في حقه السجن المؤبد ظلم وبهتان
أنا دنياي حطتني سجين (ن) بلا سجن ياطير
لفتني وأبعدتني وأجبرت قلبي على الهجران
على هجران دار من غلاها كل ماجاء عصير
أهم النفس للممشاء وتجبرني على العصيان
على هجران دار كنت فيها يوم كنت صغير
نشيت بها وعشت بها وفيها كني السلطان
هذا وقت مضى واليوم لله العجب ياطير
تغير كل شي وكنها دار (ن) بلا سكان
ريم: وحده وحده..عنوده احلى وحده..
العنود: تسلمين يا بعد عمري...
ريم: مين باقي..
فيصل: انا......نواف: انا.........تركي: وانا...عبير: وانا.......نوف: وانا...
مشعل: وانا.....محمد: وانا............لين: وانا...
ريم: خلاص الباقي مو لازم..
فيصل: على كيفك..ايقوم واقول قصيدتي..
ريم: يله خلصنا...
فيصل:هذي القصيده لي زوجتي الحامل ومتنسيه بليمون..
ريم: احلف واصدقك..
فيصل يستهبل: والله واذا مو مصدقه اسأليها..
طلال: ترى ما يمدحون خفة الدم..
فيصل: احم..
يا بعد هلي وناسي..ويا بعد همي وحزني..
ويا بعد احساس صادق..
يا حبيبي في زمان لهجته لهجة تجني..
ويا ميره بين الناس..طبعهم حب الهلاك..
انت اسطورة زمانك.. ما مثل شخصك جذبني..
الكلام لسان طاهر..والوجه صورة ملاك..
الجمال اسمى صفاتك..ما ملك غيرك ملاك..
كل اوصافك خيال..لكن اجمل ما فتني..
لازعل مني غرورك..يبتسم لجلي حياك..
كيف اكمل في بعادك..والحزن بعدك غمرني..
وكيف احيا في غيابك..وانا انتفس هواك..
كيف اجلس في مكان..كل ما اجلس حضرني..
صورتك وانت بقربي..وضحكتك وانت هناك..
صوره من واقع حياتي..لو رحلت اليوم عني..
ينقطع تيار فرحي..وتحجب ادموعي سماك..
حزني لبعدك تراها..زعزعت بالخوف امني..
واليتميه دمعها يعلن ..نهاية كل فرحه هي بلاك..
انفجرت وباح سري..وقلت للعالم بأني..
افتخر لا صرت احبك..واعظم اطباعي معاك..
انا عندي يا حياتي..راحتك فوق التمني..
وانت عندي كل روحي..ومالها معنى بلاك..
ارجع اشكر كل لحظه..صادقه فيك اجمعتني..
وانا يكفيني بأني..عشتها لحظه معاااك..
الكل يصفق بحراره لفيصل لانه اكيد هو اللي كاتبها..
فجر قامت وحضنته: ويلومني فيك يا قلبي..
فيصل باسها من خدها: هذا ولا شي من حبي لك..
ريم: احم احم ترانا على الهوا مباشره..
فيصل عناد في ريم مسك وجه فجر وباسها من اليمين واليسار وجبينها: هاه وش عندك.
فجر استحت لان قدام اخوانها..
فواز: يا اخي احترمنا شوي..
فيصل: لا تخليني اتهور اكثر..
فجر: لالا واللي يعافيك..
ريم ابتسمت لهم: يله ارجعوا لاماكنكم بسرعه..بكره وش بتكتب الجرايد عن برنامجي..
جلست فجر وجهها احمر..
العنود تزيد عليها: يا ربيه الي استحوا ماتوا..
عبير معاها: بصراحه يا فجر اكتشفت ان الحيا انزع منك..
فجر حمرت خدودها اكثر: وانا وش دخلني..
العنود: ولو خلي عنك حركات المراهقه..
رغد: خلاص خلوها هي حره..
عبير: اكيد رغد تكلمت وتدافع عن فجر عشان اذا سوى شي تريك ما نقول لها شي..
رغد استحت من الفكره: يا بثركم بس..
ريم: نواف تفضل قول قصديتك.
نواف: قصيده قصيره لاحلى خطيبه في الكون..
مغرور انا من يوم حببتنبي فيك..
واشوف كل الناس باطراف طرفي..
دللتني..دلعتني كيف اجازيك..
ما عندي غي الحب ليته يكفيك..
عجزت افكر وودي اعطيك واعطيك..
ودي احبك فوق حبي..
بس اخاف كل هذا ما يكفيك..
وسلامتكم...
نوف وردت خدودها: تسلم والله..
فجر: احلى احلى والله يا نويف مانتي بسهله...
نوف: فجر خلاص عاد..
فجر: خليني احط حرتي فيك..مثل ما طلعوا الشيب براسي بطلعه فيك..
ريم: تروك ما ودك تقوم...
رغد: خير من متى تروك..
ريم:بدينا بالغيره..
تركي لف على رغد وابتسم لها ابتسامه تدوخ..
رغد على طول لفت على وليد تبي تشوف ردة فعله..
وليد منزل راسه ويطالع ايديه ويحرك اصابعه بتوتر..
رغد بلعت ريقها ورجعت تطالع تركي..
تركي يطالع رغد وحركاتها ومستغرب خوفها من وليد او حرصها على ردة فعله وهذا الشي اكيد ما عجبه..يعني الى متى ووليد ناشب في حياته ..الى متى وكابوس وليد ما انتهى ومتى بينتهي..
تركي: اكيد الكلام اللي بقوله ..يخص وحده ملكت قلبي ووجداني وتفكيري..وحده تعلقت فيها من اول مره شفتها فيه..انسانه غير..مميزه في كل شي بطيبتها وبحنيتها وبتفكيرها ..بضحكتها بمشيتها بطريقة كلامها..كل شي فيها غير..اكيد الانسانه هذي بتكون رغد لاني لو الف الكون كله مستحيل احصل وحده فيها شي من رغد..
ريم تستهبل: الحين هذا اللي قلته القصيده ولا ايش؟؟؟
تركي وهو يطالع رغد بحب: لا هذي مقدمه في حبيبة قلبي..
ريم: اهااا..طيب ممكن تخلص علينا وتقول قصيدتك..
تركي عطى وليد نظرة تحدي اللي كان هو بالمقابل يطالعه ببرود وجمود ولا كأن تركي موجود..تركي وجه بنظراته لرغد وابتسم لها بحب وبدا في القصيده..
تطلبون شئ مني وش تبون..
بس انتم ما لكم فيني شغل
ايه أحبه لا و حبي له جنون ..
واللى يمنعني ترى ماله أمل
قلتوا عنّه ناكر العشره ويخون..
قلتوا ساحرني وعامل لي عمل
موتوا غيره موتوا حسرات و ظنون..
ياحلو مرّه على قلبي عسل
شلي حارق دمكم خلي ويمون..
ما يقول حبيبي دايم عدل
لجل خاطر ضحكته كل شي يهون..
المهم أرضيه و لو غيره زعل
وطالع وليد وعلى فمه نص ابتسامه لها الف ومعنى ومعنى ورافع حاجب وعيونه تلمع بتحدي..
كان الكل ثابت في مكانه..حاسين ان في قنبله موقوته بتنفجر في أي لحظه..
رغد بلعت ريقها ونظرات الخوف باينه عليها..لفت على الهنوف عشان تمدها بالقوه لقتها الثانيه تبي من يفهمها وش اللي حاصل..وتصرفات اخوها الغريبه..
وليد وقف في مكانه وصفق ببرود: بصراحه ابدعت يا تركي وانا اهنيك على أبداعك..بس احب اقول لك شي..ترى كل هالمصخره اللي انت سويتها ما حركت فيني شعره..اللي تتكلم عنها"ويأشر على رغد بأحتقار" تراها ما عاد تهمني..واحب اوضح لك شي وللجميع ان لما رغد رفضتني كانت ردة فعلي عنيفه شوي..طبعا مو لاني احبها..لالا انتوا فهمتوا غلط..انا كنت منفعل لانها رفضتني بس..يعني لا يروح بالكم بعيد..يله عن اذنكم انا بروح ارتاح..
الكل كان منصدم من كلام وليد..الكلام اللي قاله كبير..ومو شي هين...تركي علامات الغضب ارتسمت في وجهه..
رغد احتقرت نفسها انها رحمت واحد ما يستاهل الا الاحتقار وكثير عليه..البنات ودهم ينقذون الموقف بس العين بصيره والايد قصيره..
مشاري كان ضاغط على اسنانه..قاعد يتكلم عن اخته وكأنها حشره عنده..طلال حط ايده على كتف مشاري عشان يهديه ولا ينفعل...ماجد ما يدري وين يودي وجهه من الفشيله من فعايل اخوه..
ريم كان ودها تلحق وليد وتتفل في وجهه عشان يعرف ان الله حق...
تركي من بين اسنانه: الواطي...لو انه رجال قعد..بس عشانه جبان انحاش خايف من المواجهه...
سليمان راح لصديقه ومسكه وجلسه..:اهدا يا تركي..ما عليك منه هو يبي ينرفزك..
تركي: ودي اقطعه قطع بأيدي الثنتين..
ريم: ما عليكم منه خلوه يولي..ترى هو يبي ينرفز الجميع.. فاذا انتوا عصبتوا وخربتوا عليكم سهرتكم تحققتوا مراده.. عشان كذا خلوه هو والجدار واحد..عبير تعالي قولي قصيدتك..عشان نعرف من راح يفوز بالمليون..
عبير فهمت قصد ر يم عشان تلطف الجو: انا قصيدتي لاختي وحبيبتي عنوده..
العنود: احم احم اهم شي انها سنعه...
عبير بنظرات جديه: صدقيني من كل قلبي...
&&&&&&&&&&&&&&&&&&&&&&&&&&&&
وليد قام من المكان لانه لو قعد اكثر من كذا يمكن دموعه خانته وفضحته..فهو رمى هالكلمتين وراح عشان يكون عذر له..جلس وليد قبال الخيل..طلع باكيت دخانه..صديقه من لما رغد قتلت حبه بسكين القدر اللي ما قدر يجمعهم..حط في فمه سيجاره وطلع الولاعه وبعد كم محاوله اشتعلت..اخذ منها نفس ووبعدها نفثه في الهوا..تمنى ذيك اللحظه انه يقدر يطلع رغد من قلبه ومخه وعقله وروحه ومن دمه وعروقه مثل هذا الدخان..اليوم رحلته لكندا..اليوم اخر له في الوطن..وما يدري متى القدر يرجعه له مره ثانيه..
&&&&&&&&
عبير وعيونها مليانه دموع..ضميرها ما ريحها يوم:
صار الخطاء وشلون ما هو بيدي
لحظة غضب نفقد بها أعز انسان
عزيت نفسي كنت احسبه تحدي
ولا دريت انك بطيبك تحدان
صحيح انا يمكن تعديت حدي
واسرفت بالغلطات وكان الذي كان
وشلون ابنسى من خذا كل ودي
واقفى وخلاني على حد الاحزان
دمعي مكانه بعدكم فوق خدي
شفقان قربك ياهوى البال شفقان
صار الحزن مابين جزري ومدي
مرات ارده واكثر الوقت يقوان
ردي علي ارجوك يابنت ردي
لا تتركيني في متاهات الازمان
اول معي بالشوق واليوم ضدي
بديت بالمكسب وعودت خسران
امدلك قلبي واشيلة بيدي
يفداك قلب من سبايبك ينهان
دامك سحابه في سمايا تعدي
لا تبخلي بالماء وانا حيل عطشان
العنود غرقت عيونها دموع ما تدري ليش عبير تعتذر منها..وليش باين في عيونها صدق احساسها بالذنب..طالعت ريم تدور الجواب لقت اكبر علامة استفهام فوق راس ريم..طلال حاس ان عبير عارفه بكل شي عشان كذا تعتذر منها..
عبير رجعت مكانها وما طالعت احد..
العنود ما قدرت تصبر اكثر ورمت نفسها في حضن عبير: ليه..ليه يا بعد الدنيا هذي كلها تعتذرين..انتي ما سويتي لي شي..
عبير بعدت العنود عنها: حتى لو كان..ودي انك ترضين علي..قول مسامحتك..
العنود: وربي اني مسامحتك مع اني ما ادري ليش....
عبير حست براحه نفسيه وابتسمت: فديتك يا احلى اخت في الدنيا هذي كلها...
وبعدها الهنوف:هذي انا كاتبتها اكيد لحبيبة قلبي رغوده جعل ربي يخليها لي ولا يحرمني منها قولوا امين..
مشاري: الله...كل هذا لرغيد وانا وش بقى لي..
الهنوف مستحيه: ميشوووووو خلاص..
مشاري: قولي قولي وبشوف لي حل مع رغيد..
الهنوف:
انا ما غبت ولا افكر عن عيونك اروح الحين..
ولا فكرت ابد اجفاك...واحسك قطعه مني..
حقيقه افتخر فيها رفيقه لي ليوم الدين..
تواسيني..تضحكني..وازعلها ..وترضيني...
انا ما همني ربعي لو هم عني مقفين..
انا همي بعد عمري تكون جنبي وتحبني..
لها قلب يعز قلبي ..وحنا كأننا اختين..
ولي قلبا يبادلها نبضات الوله فيني..
ادلعها..واولعها..وتقول بخوفها تكفين..
الا مني رحلت بعيد تعالي وارحلي يمي..
صحيح لزمن وقفه..دايم تنرسم لثنين..
وخوفي هالزمن يوقف ويرسم دمعة فراقي...
رغد دمعت عيونها: لا ان شالله ما يجي هاليوم..."وراحت وضمتها"
تركي:لازم تشوف حل لحرمتك..
مشاري: لازم نلقى حل ما يصير كذا..
وبعدها قصيدة مشعل...
أنا في الشعر..
أنا في الشعر ابن هذاك إذا إنته تعَرْف الشعر أهيجْ في البحور أمواج، أمشّيها على كيفي
واقول لك لا تجاريني ترى أمشي بدربٍ وعر واذا تبغي تجاريني ترى لك صامدٍ سيفي
ولا تضمن تحوز النصر وانا بحرٍ وانته نهر واذا عارضت تيّاري تبرّى موجي وْسِيْفي
وكم من واحدٍ غيرك تعرّض لي وجاه الكسر ودارت به هبوب رْيَاح في أقوى عواصيفي
تهاجم سايل الأقلام وسطرٍ ما يهزّه سطر وإنته وينها افكارك عن بْيوتي وْتهديفي
تبا روس العلا وانته تحوّل في طريقك حدر تحاول بس ما تِقْدَرْ بأن توصل مشاريفي
نجوم الليل ماتنوِرْ إذا بيّن شعاع البدر وش اللي يجمع الوسمي على سحب ورْعد صيفي
تشوف الجاذبيّه لي في هالدنيا تجرّك جر أنا عكسه أفرّك وين ما أبغي على كيفي
وبعدها نوف..
اعذب كلام الحب كلمه أحبك= لاقلتها لي ياهوى النفس باحساس
وارق كلمه ياحبيبي بقلبك= انسى بها نفسي على طول والناس
احب تنطقها الى جيت جنبك =اربع حروف عطرها فوق الانفاس
ينتابني منها شعور بقربك= حروفها عقد ومنظوم من ماس
أسلوبك اللي شدني فوق دربك =يطرد عن أيامي معك نظره اليأس
ياخف دمك قلبي اللي يحبك= فيك الحلى يا فاتني ماله قياس
من صادق إحساسي أحبك وأحبك =من حافة اقدامي الى هامة الرأس
وبعدها لين..
أحبك حب مثل العسل صافي .... أحبك من قلبي وكل مافيه
اسرح فيك وانا لحالي وانساءاني الحالي....ولا احس ولا وانت ياحبيبي مقابل اعنيه
من عرفتك بلهواء مدري وش جرالي .... سلبت عقلي مني بكل فن وكل حنيه
ارتب كلام في قصايد بلحاني .... ولا شفتك ماعرفت اقول ولا جمله عربيه
آه على بسمتك هدة فيني كل اوزاني....خلتني ماعاد افرق بين الثراء وبين الثريه
وبعدها مها
مدري انا صح ومخطي زماني
ولا الخطا مني وزماني هو الصح
تتغير الدنيا وانا في مكاني
ماغير انا وحدي والاهات والجرح
ما أعرف ابدل بداخلي شئ ثاني
وماأعرف ابدل طيبتي وطبعي السمح
أحلم وليلي يمتلي بالأماني
ويهدها فجأه على راسي الصبح
مليت وماملت عذابي الثواني
عمري قضى كله خساره بلا ربح
وتعبت ادور له جواب في كياني
ذاك السؤال اللي ذبح خافقي ذبح
ياهل أنا صح ومخطي زماني
ولا الخطأ مني وزماني هو الصح
وبعدها محمد..
أبوي
في ليل موته جيت انا بيوم ميلاد
طفل يتيم والبكى في عيونه
صدر عن الدنيا وانا جيت وراد
لاشك نجمه لامع وسط كونه
كني انا والحزن في وقت ميعاد
فقدت فيها غالي يذكرونه
لو يسألوني يوم انا كنت بمهاد
افز بسمه كل ماينطقونه
ياقبر وش ضميت من ذيك الاجساد
الله ياضمت ابوي الحنونه
محتاج له وادري انا عنه ببعاد
النفس بعده بالحياة مغبونه
ادوره باعايده في يوم الاعياد
لاكن تذكرت البشر يدفنونه
كان الألم في داخل الصدر يزداد
وقلبي على الوالد تصافق شجونه
اعاني الحرمان في صبر وجهاد
وانا أحمد الله والملا يشكرونه
اعاند الدنيا وانا بيتم بعناد
نفس العزيز اللي يدوس المهونه
كثر البكا بفقد العزيزين مافاد
ودمعي على خدي تسايل مزونه
ابوي ملفى للأكاريم الاجواد
الطيب ساسه كلهم يمدحونه
بالطيب ماخذها على روس الاشهاد
حر ولد حر طوال ردونه
عساه بالجنه على انهار ووراد
مقره الفردوس والله يصونه
وغرقت عيونه دموع..
سليمان طالع اخوه اول مره يحس انه فاقد ابوه ..اول مره يتكلم عنه..
راح له على طول وضمه..
سليمان: حمود قول الله يرحمه..
محمد: الله يرحمه..
مها راحت معاهم: خلاص محمد وسليمان وربي بأبكي الحين..
ريم: الله يخليكم اللي فينا مكفينا لا تبكون وتبكونا معاكم..
سليمان :لا عاد كل شي ولا تبكون..
ريم تصرف: الحيت ننتظر نتيجة تصويت الجمهور اللي بتحدد مصير كل شاعر معانا | |
|
| | |
أنامل ساحرة
Admin
المساهمات : 293
تاريخ التسجيل : 28/02/2014
العمر : 26
| | موضوع: رد: رواية أحلى صدفة السبت مارس 15, 2014 10:25 am | |
| الجزء الواحد والأربعون..{والأخير}
"الفصل الاول"
ريم: اذن بالمركز الأول..حمووووووووووود...
الكل يصفق ويصفر: هوووووووووووووه..
محمد شق الخشه: هههههه احم احم مشكورين..مشكورين..واحب اشكر ريم على هالفكره الروعه..وانا لو اني مو شاعر فلته كان ما فزت..
سليمان: اعصابك يا الحبيب تراها ملطوشه..
مشعل: محيمدوه لا تشوف نفسك علينا..تراني صديقك لا تنساني الحين صرت مشهور..يعني رزني معاك بالصور..
مشاري: شوفي الثاني مصدق السالفه هههههه..
ريم باللبناني: وبكذا خلصت حلئتنا لليله بنشوف وجوهكن على خير..
وفي هذا الوقت اذن الفجر..
العنود: يا الله راح الوقت بصراحه..
ريم: اكيد معاي ما راح تحسون بالوقت..
عبير: تراك من الصبح وانتي تمدحين بعمرك..امشي وانتي ساكته...
رغد وجهها صاير اسود من بعد كلام وليد..
الهنوف حست فيها: رغد فيك شي؟؟
رغد: لا...
تركي جاء لعندها: رغوده قلبي وش فيك؟؟
رغد وهي تطالع بعيد: ما فيني شي...
تركي: اذا كلام وليد للي مزعلك..بأروح اتصرف معاه..
رغد بسرعه: لالا..اصلا ما همني بس يمكن فيني النوم وتعبانه..
تركي حط ايده على خد رغد: روحي ارتاحي يا قلبي..ولا تشيلين في بالك اوكي..
رغد ابتسمت له: اوكي..
تركي باسها من جبينها: تصبحين على خير..
رغد: وانت من اهله..
وبعدها افترقوا البنات والعيال وكل ناس راحوا لغرفتهم يرتاحون..
البنات دخلوا غرفتهم وعلى طول ناموا...الا رغد..
العيال دخلوا ما حصلوا وليد موجود ..وهذا اللي ريح مشاري و تركي لانهم لو شافوه يمكن كان اخر يوم بحياته..
وليد كان واقف ومتسند على الجدار ورافع رجله ومسندها على الجدار..ويدخن..ويفكر في حياته وش ممكن تصير وش راح يتغير فيها خارج حدود الوطن..وشلون بيعيش...وخذا عقله التفكير....
رغد تحس انها منسدحه على جمر..تحس بحراره فضيعه..كلام وليد ما زال مشتعل في قلبها"معقوله وليد ما كلن يحبني..معقوله كل اللي حسيت فيه طلع كذب...بس وشلون وانا كنت احس فيه واحس بصدقه..اكيد عشاني طيبه صدقته ولا هو حقير وما يستاهل اني تعبت نفسي عشانه..وحيّرت بعقلي وقلبي طول ذيك الايام..وترددت في مشاعري اتجاه تركي عشانه..حسافه بس حسافه"
قامت من سريرها واخذت حجابها الوردي ..لبسته وطلعت..مشت و مشت وهي تايهه ومقهوره في نفس الوقت..وصارت تطالع شروق الشمس..
وليد حس ان في احد يمشي وباين من مشيته انه طفشان وما جاه النوم لانه يسحب رجوله بالارض..لف من عند الزاويه وشاف وجه وردي..طفولي وعيون عسليه تعبانه ومحتاجه النوم..ابتسم على حبه وحس انه مستحيل يقدر ينسى مثل هذا الوجه..رغد مشت من عنده وما حست فيه..بعد كم خطوه ما حست الا بأيد ساحبتها من جهته..
رغد خافت ولفت بسرعه تشوف مين وطالعته مصدومه: وليد..
وليد نار الشوق والغيره والقهر ماكله قلبه: ايوه يا رغد وليد..
رغد بنظرات حقد: خير وش تبي بعد..
وليد مسكتها من كتوفها ولازقها في الجدار وقرب منها: رغد انا اسف على الكلام اللي قلته لك..بصراحه كنت مقهور من تركي...وانا احبك ومازلت احبك..
رغد ما تحس ناحية وليد الا بالكره: وليد بعّد عني احسن لك..
وليد قرب منها اكثر..رغد خافت منه..
وليد بصوت هامس: رغد اليوم طيارتي..
رغد لفت وجهها عنه: تروح وترجع بالسلامه..
وليد مسك حجاب رغد وفك دبوس جابها ماركة جنفشي..رغد رجعت لفت عليه تطالع هو وش قاعد يسوي..
وليد وهو ما يدري وش يسوي اخذ يفك الحجاب لفه ورى لفه..لما طاح شعرها الاشقر على وجهها..رغد ترمش بعيونها تبي تستوعب اللي قاعد يسويه وليد...وش اخرتها معاه..
وليد بحنان حط ايده على شعرها ومسح عليه: والله حرام فيه هالخصلات..
رغد تبي تبعده تحس انها مخدره وقوتها هربت منها..ما تقدر تسوي شي..
نبضات قلبها سريعه وما ودها تهدى..صارت تتنفس بسرعه وتوترها زاد..
وليد بهدوء:خايفه مني..
رغد بس تطالعه حتى بالأشاره ما قدرت تتكلم..
وليد: رغد حبيبتي.."وسكت شوي"..انا اليوم بسافر ويمكن ما ارجع الا بعد سنين..وهذي اللحظه بتكون اللحظه الاخيره اللي بيني وبينك..عشان كذا ابي.....ابي....
رغد تطالعه يعني ايه وبعدين..
وليد: ابي بوسه وبعدها ما راح تشوفيني او حتى تسمعين طاري وليد..
رغد كأن احد كاب عليها مويه بارد ..لالا مو بارد الا ثلج...هذا من عقله يتكلم ولا شارب شي..
رغد بهدوء: بعد عني..
وليد بأصرار وهو ماسك كتوفها ولازق فيها: رغد حبيبتي انا ماخذها منك..ماخذها..عطينيها بالطيب احسن..يعني مسموح له وانا ممنوع علي..هو يحق له وانا ما يحق لي..هو ياخذ كل شي وانا ما يبقى لي أي شي..
رغد تحاول تحرر نفسها منه بتعب...
وليد: يعني ما ودك..خلاص انا راح اعطيك ايها..
قرب وجها منه وهمس في اذنها احبك .وباسها من خدها اليمين ومسك ذقنها ولفه وباسها من اليسار..رغد عيونها غرقت دموع...وبعدها قرب لفمها...رغد خلاص ما بقى فيها عقل اكثر..فكان اقرب حل...عطته كف قوي صار له صدى بالمكان...
وليد وقف في مكانه وما عاد تحرك..
رغد وهي مغمضه عيونها خايفه منه ودموعها سيل على خدودها: بعّد عني يا حقير..
وليد بعد شوي عنها وحط ايده على خده: اوكيه..مو مشكله بعد هذ ي يصلح اعتبرها ذكرى منك..
رغد بدت تسري بجسمها القوه..بعدت ايدينه عنها...
رغد وهي بتمشي: لو كنت رجال ما استقويت على حرمه..وصدقني حتى لو ما اخذت تركي..ما كنت ولا راح اخذك.."وصرخت" انت احقر كأن شفته بحياتي..وليد انا اكرهك اكرهك..
وليد صرخ: تمونين يا قلبي تمونين...
راحت رغد...تجمعت الدموع في عيون وليد..
وليد: ليش ....ليش؟؟؟
وحط راسه على الجدار...بس حس انه ريح قلبه شوي وطفت النار اللي بصدره..سوى اللي ممكن يسويه تركي الحين...رجع لغرفة العيال وجهز شنطته وطلع وسلم على امه وابوه ..وراح للمطار...
رغد رجعت لغرفة البنات...منهاره تمشي وهي تترنح في مشيتها..رمت نفسها على السرير..تبي تتأكد اللي صار لها قبل شوي حلم ولا علم..حقيقه ولا خيال...واقع ولا محال..غطت وجهها بأدينها وصارت تبكي"كيف سمحت له..وين قوتي..وين عزتي...وشلون سكت له..وشلون ضعفت له..وشلون خنت زوجي وحبيبي تركي..وشلون ...اكرهك يا وليد اكرهك اكثر واكثر..دمرتني والله دمرتني...
واخذتها غفوه وهي تبكي..
&&&&&&&&&&&&&&&&&&&&
صحوا البنات وراحوا للحريم..حصلوا ام ماجد تبكي والحريم يهدونها..
العنود: يمه وش فيك؟؟؟
عبير: وش صاير...؟
ام ماجد: وليد اخوكم سافر...والله العالم متى بيرجع...
العنود وعبير مصدومات: سافر؟؟
ريم: وشلون ومتى؟؟
ام مشاري: اليوم الصباح..
العنود: طيب ما سلم علينا...
ام ماجد: ما ادري وش فيه ولدي...تغير ما هو وليد الاولي..ماهو وليد اللي ربيته...
عبير بتكي: كيف سافر وما ودعنا ...كيف؟؟
ام مشاري تبي تهدي الوضع: يمكن ما حب يصحيكم...
العنود: خالتي...سفرته هذي ممكن تطول..كيف صار له قلب وما خلانا نسلم عليه...
&&&&&&&&&&&&&&&&&&&&&&&&
ماجد: وشلون سافر؟؟؟
ابو ماجد: سافر اليوم الصباح...
طلال: طيب ما قال لنا شي..
ابو مشاري: هو ما قال لأحد...حتى ابوه تفاجأ الصباح..
فيصل: ليه يا وليد كذا...ليه؟؟؟
ماجد لف على العيال: كيف يسافر وما يقول لي انا اخوه..
مشاري حط ايده على كتفه: ماجد انسى وليد الاول...وليد الاول راح من زمان.. الحين ما نشوف الا وليد ثاني ما نعرفه ولا حتى يعرفنا...
ماجد: بس مهما كان هو اخوي..
طلال: ماجد وش فيك... اذكر الله..وكل ما شتقنا له رحنا وصيفنا عنده..وش تبي بعد.
&&&&&&&&&&&&&&&&&&&&
في غرفة البنات...عبير والعنود يبكون..
العنود: والله حال اخوي ما تسر لا عدو ولا صديق..
رغد ضامه رجولها وتهز في مكانها...
ريم: العنود خلاص يا قلبي..ان شالله ما يطول ويجي في اقرب فرصه...
عبير: هذا وجهي اذا جاء..وليد راح بلا رجعه..بلا رجعه..
فجر: خلاص والله قطعتوا قلبي...ارحمونا شوي...
نوف: ما عليه سامحوه...اكيد عنده عذره..
شجون: اول ما يوصل كلموه وتطمنوا عليه...
ريم قربت من عند رغد: رغد فيك شي..
رغد تهز في مكانها وتداري دمعتها: لا ما فيني شي...
ريم جلست قبال رغد ومسكتها عشان توقفها عن الهز: ممكن تقولين لي وش صاير لك..حالك منقلبه فوق تحت..صاير لك شي وانا ما ادري عنه..
رغد طالعت ريم ..ما تقدر تقولها وش فيها..بتطيح من عينها..اللي صار لها مفروض تحطه بقلبه وتسكر عليه: ريم واللي يعافيك روحي عني..ما فيني شي..
ريم قامت: اوكي اوكي براحتك..
الهنوف: وش فيها؟؟
ريم رفعت كتوفها: ما ادري؟؟
الهنوف: الله يستر..
&&&&&&&&&
ولما جاء العصر رجع الكل لبيته...
في غرفة رغد..
ريم: يعني ما راح تقولين..
رغد: وش تبيني اقول لك..اقول لك ما فيني شي...
ريم: رغد لا تكذبين تكلمي...الموضوع يخص مين..
رغد: ما يخص احد..ما يخص احد..وش فيك يا ريم ما تفهمين...
ريم: رغد,..اذا ما قلتي وش فيك..ترى بعدها لا تكلميني ولا اكلمك..
رغد: تكفين ريم بلا حركات بزارين..
ريم: كيفك..بس اني لو ما حسيت انه شي مهم كان سكت..بس هذا اكيد شي كبير...رغد ببتكلمين ولا شلون..
رغد غرقت عيونها: وش تبيني اقول...خلاص يا ريم انا تعبت...
ريم قربت من رغد وقالت بحنيه: رغد احكي لي انا اختك ريم..وش فيك..وش صاير.؟
رغد طالعت السقف تداري دموعها: وليد...
ريم كشرت من طاريه: وش فيه...
رغد طالعت عيون ريم: وليد قهرني...قهرني..
ريك: لا يكون قصدك الكلام الي قاله...
رغد هزت راسها بالنفي..
ريم حست ان في شي اكبر من كذا: وش فيه..رغد تكلمي بسرعه..
رغد: اليوم الصباح..طلعت اتمشى شوي.."وبدت تنزل دموعها وحده ورى الثانيه"
ووحكت لها السالفه..
ريم عصبت: الحقير النذل الواطي يسوي الغلطه وينحاش..
رغد: ريم وربي قهرني..حسيت نفسي اني خاينه..
ريم بسرعه: لا يا قلبي لا..انتي اشرف من الشرف.. هو الحقير الوسخ..يستغل ضعفك ورحمتك له..بصراحه ما شفت انذل منه...
رغد: انا كرهته ابيه يتركني في حالي..ويطلع من حياتي تعبت منه والله تعبت منه..توقعت اني برتاح لما ارفضه..لكن ما زالت قسوته موجوده..قلت بيسافر وارتاح بس ما زال طيفه يلاحقني بكل مكان..ما خلاني ارتاح..
ريم: اهدي يا قلبي وريحي..انتي وراك زواج ومسؤوليه ..والحين خلاص انسي وليد وعيشي حياتك مع تروك زوج الغفله ههههههههههه..
رغد ابتسمت غصب :ههههههه ياحبي له ..
ريم:وأنا تحبيني ؟؟..
رغد : اكيد اموت فيك..بس وش هالرومانسيه ..
ريم: لا اجرب صوتي عشان اسأل سليمان..
رغد ضربتها: والله انك سوسه ..
ريم : اجل مثلك استحي وحركات ..انا ماعندي وقت
رغد: ههههه الله يعينه بس..
ريم: أي والله ..
رغد: اهم شي انك اعترفتي..
ريم:الإعتراف بالحق فضيله..لأنه اكيد بيذوب في حوبي فالله يعينه..
&&&&&&&&&&&&&&&&&&
بعد اسبوع..
كل يوم رغد والهنوف يروحون مع بعض ويحجزون ويستعدون للزواج..
من تصميم للكوشه الى الالوان الكراسي الى البوفيه والطقاقه ....الخ..
&&&&&&&&&&&&&&&&&&&&&&&&&
العنود: ضبط فستانك الزواج ..
ريم: ايوه وطلع شكله شي.
العنود:حمستيني ابي اشوفه..
ريم: ماااافيه الا يوم الزواج..
العنود : نذله..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
سليمان: يمه اخطبي لي شوفي تركي بيتزوج..
ام سليمان مستغربه : انت من جدك تتكلم؟..
سليمان: ايه يمه..
مها:والله حركات يا ابو سلوم..
ام سليمان: فيه وحده في بالك؟..
سليمان ابيتسم لما تذكرها: ايه..
مها مصدومه: مين؟..
سليمان: ريم بنت ابو مشاري..
ام سليمان: والنعم بس توها صغيره..
سليمان: ادري..انا ابيها بس خطبه لما تتخرج من الثانويه نتزوج..قد إني تخرجت من الجامعه واشتغلت..
ام سليمان: اجل على بركة الله..
مها : اثر عينك على ريم.. والله تعرف تختار..
سليمان باس راس امه: الله يخليك لي "والتفت على مهاا"..اكيد اعرف اختار..
جاء محمد :يمه ..
ام سليمان: نعم..
محمد: يمه ابي اخطب..
مها وسليمان فقعوا ضحك..
ام سليمان كاتمه الضحكه : ومن انشاء لله..
محمد: دوري لي وحده مثل لين..اهم شي تحبني..
سليمان: بنت تحبك هذي من المستحيلات ..
مها: وإذا حبتك فهي مجنونه وما عندها عقل..
محمد: انت خلي زوجتك تجي والله لأطلع ريحتهاا..وانتي يامهيوي خلي يجي زوجك لأقول متزوج مجنونه..
مها: خلك تسويها..
محمد: تشوفين..
مها قامت تلحقه ومحد ينحاش...
سليمان: يله يمه اتصلي عليهم..
ام سليمان: اليوم؟؟
سليمان: ايه يمه خير البر عاجله...يله اتصلي..
ام سليمان بأستسلام: امري لله..
واتصلت وكلمت ام مشاري..
ريم وهي نازله من الدرج: يارب اتزوج وافتك ..
ام مشاري: وربي استجاب دعائك..تعالي جنبي..
ريم مطيره عيونها: وش قلتي؟؟
ام مشاري: انخطبتي...
ريم: انا....انخطبت"تسوي نفسها اغمى عليها.."
ام مشاري: الله يخلف عليك وعلى اللي بيتزوجك...
ريم قامت: لا يمه جد انخطبت..
ام مشاري: أيه وش اقول من الصبح..
ريم: مين اللي خطبني لا تكون خالتك ترى من الحين ماني موافقه..
ام مشاري: وش فيك عجله اردكي اركدي..
ريم حطت رجل على رجل: يله مين؟؟
ام مشاري: سليمان...
ريم وقفت: مين؟؟
ام مشلري: سليمان ولد ام سليمان..ما غيرها..
ريم صار الاستعاب عندها بطيئ: مين يمه ما سمعت...
ام مشاري بقلة صبر: يا لليل..وش فيك اقول لك "وبصوت عالي"..سليمان..
اغمى على ريم جد...
ام مشاري: ريم قومي بلا هبال...ريم....يمه بنتي وش فيها"وراحت لها"
&&&&&&&&&&&&&&&&&&&&&
صحت ريم شافت رغد وامها: يمه...يمه...انا انخطبت من سليمان..
ام مشاري: ايه وش فيه الولد..
ريم ابتسمت: موافقه..
ام مشاري: هاو فكري يمه ترى هذا زواج..
ريم: يمه قلت لكم وافقه...وبعدين انا كبيره صرت في اولى ثانوي..قلت لكم موافقه..
ام مشاري: ولو فكري..
ريم: ترى بتصل عليهم انا..قلت لكم وافقه..
ام مشاري قامت: رغد تفاهمي مع اختك تعبت افهم فيها.."وراحت"..
رغد: استحي على وجهك يا اللي ما تستحين..
ريم: وش فيها..على سنة الله ورسوله..وش فيكم معقدين...
رغد: الله يديم نعمة العقل على اصحابها بس..وراحت"
ريم: بروح اتصل على عنيد.......الوو عنيد الحقي علي..
العنود: خير وش صاير..
ريم: سليمان خطبني...
العنود: صدق متى؟؟
ريم: اليوم..وانا موافقه..
العنود: بالسرعه هذي...
ريم: خير البر عاجله..وبعدين خطبه مو شي...
العنود: الله يوفقك ويعين سليمان عليك..
ريم: فاتك هبلت في امي...."وكملت لها"
&&&&&&&&&&&&&&&&&&&&
جاء سليمان وعمه وخطب رسمي..
ريم وهي تطل من الشباك ومعاها العنود..وعبير ما جات في البيت..
ريم: وااااااااي فديته شوفيه كاشخ..
العنود: أي والهف يهبل...
ريم لفت عليها: لا تطالعين لا اخفس عيونك..
العنود: لا ما طالعت بس اقز...
ريم: هذي اللي ودها تنكسر اليوم...
العنود: خلاص بغمض عيوني...
ريم: يكون احسن...
مشاري: احلى يا النسيب..
سليمان: الله يسلمك..
مشاري: احلى يا النسيب..
سليمان مره ثانيه: الله يسلمك..
مشاري: احلى يا....
سليمان قطعه: خلاص دريت..
مشاري: لا كنت بقول احلى يا الحبيب صرت نسيب...
سليمان: لااااا احلف بس...
مشاري: ترى اهون...
سليمان: لالا خلاص قلها لما تشبع...
مشاري: تبي تشوف العروس ولا ما يحتاج..
سليمان: والله براحتك..
مشاري: اجل ماله داعي..
ابو مشاري: مشاري قوم ناد اختك خليه يشوفها..
مشاري اخترع: ابشر طال عمرك..
سليمان: احسن تستاهل..
مشاري: هين والله لا انكد عليك..
سليمان: ترى بعلم..
ابو مشاري: مشاري وش فيك يله روح.
مشاري: طيب طيب ان شالله..
راح يدور ريم...
مشاري: يمه وين ريم..
ام مشاري: في الملحق..
مشاري: عروس في الملحق وش تسوي...
ام مشاري: ما ادري عنها روح شوفها..
مشاري: هالبنت بلوه..
راح يدورها شافها ناشبه في الشباك...
مشاري: خير ...
ريم بغت تطيح بس تمسكت: بسم الله..مشاري هلاهلا ..والله وغلا..
مشاري: ممكن اعرف وش تسوين انتي والسوسه اللي معاك..
العنود: لو سمحت مالك دخل فيني..تدخل في اختك كيفك اما انا ما عليك مني..
ريم: وش تبي الحين انت...
مشاري: تعالي يبي يشوفك الرجال..
ريم: لالا مابي...
مشاري: ترى موصله معاي..تعالي احسن لك.
ريم: طيب...بروح اتعدل واجي..
&&&&&&&&& | |
|
| | |
أنامل ساحرة
Admin
المساهمات : 293
تاريخ التسجيل : 28/02/2014
العمر : 26
| | موضوع: رد: رواية أحلى صدفة السبت مارس 15, 2014 10:29 am | |
| في المجلس الثاني..
سليمان جالس ومتوتر ولا هو عارف وش يقول لها...
دخلت ريم ومعها مشاري..والعنود في الشباك اكيد..
ريم: السلام عليكم...
سليمان: وعليكم السلام..
جلست ريم وجلس مشاري..
سليمان ما يدري وش يقول: احم...وشلونك؟؟
ريم: الحمد لله بخير وانت وش اخبارك..؟
سليمان: تمام...
ريم رفعت راسها شافت سليمان مستحي : وكيف الاهل؟؟؟
سليمان وهو يفرك اصابعه ويصب عرق: والله الحمد لله بخير..
ريم حطت رجل على رجل: من جاي معاك..
مشاري: هيه هيه من الرجال انتي ولا وهو..؟؟
سليمان تفشل..وريم نزلت رجلها..
ريم: اكيد هو.....
مشاري: اقول يله خلص الوقت..ومافي شوفه الا بعد الملكه...
سليمان: الله..بعد الملكه بعد ثلاث سنين..
ريم تغمز له.:ما عليك منه...
مشاري: انتي يا اللي ما تختشين اطلعي بره..
ريم: زين زين لا تعصب.."وطلعت"
سليمان قام وهو مفتشل: احم احم..."وراح عند الرجال"
ريم اول ما طلعت...حصلت العنود ورمت نفسها في حضنها..
ريم: وااااااي يهبل ولا مستحي...
العنود: شفتك ياللي الحيا منزوع منك..
ريم: وش اسوي شفته مستحي قلت اجرئه شوي...
رغد جات: ها بشري وش صار..
ريم تسوي نفسها مستحيه: ما صار شي...
العنود مصدومه: نصابه..تسوي نفسها مستحيه ..ما شفتيها يا رغد قبل شوي ..كان قلتي شوي وتطب في حضن الرجال وعادي عندها...
رغد: لا تخافين ما صدقتها ادري ان الحيا من على جنب...
&&&&&&&&&&&&&&&&&&&&&
بعد اسبوع...
يوم الخميس الكل مجتمع في بيت ابو مشاري..
عبير: انتي متى عرسك..
رغد: والله ما ادري بالضبط..بس يمكن بعد اسبوعين..
الهنوف: وربي خايفه..وكل شوي أأجل اسبوع لحد ما مشاري عصب علي وبغى يجلدني..
فجر: وهو صادق طولتوها وهي قصيره..انا بسم االله علي يمكن شهرين بس وخلصت كل اموري.
عبير: وانتي يا نويف...
نوف: لا انا ماراح اتزوج الا بعد الثانويه..يعني بعد سنه..
عبير: اهاااا..
شجون: ما بقى الا انا وانتي والعنود عوانس..
مها: وانا معاكم..عبير دبرينا لازم نتزوج..
عبير بتفكير: والله انا حاولت بكل الوسائل..ما بقى شي ما سويته بس ما نفع..
ريم اللي قاعده ترسل لسليمان وجنبها العنود تساعدها: الشين شين لو كحل العين..
عبير: من الشين؟؟؟
ريم: انتي ليه في غيرك..
عبير راحت ومسكتها من رقبتها: وش قلتي من الشين؟؟
ريم وهي مخنوقه: فكيني زوجي يبيني..
عبير دفتها على ورا لحد ما طاحت: مالت عليك وعلى زوجك..
ريم قعدت وهي ماسكه رقبتها وتصارخ تغني: عانس يا عانس..عانس يا عانس..
عبير: ترى بقوم واحوس في بطنك..
مها: اعقلي عن صديقتي بالجامعه ولا خليت سليمان يهون...
ريم: مسكينه انتي وصديقتك...
العنود: ما عليك منها..تعالي بس ارسلي اللي قلت لك..
ريم تحمست: أي والله..
&&&&&&&&&&&&&&&&&&&&&&&
عند العيال..
سليمان يقرا المسجات ويضحك..
تركي: عسى ما شر يا الحبيب..
سليمان: هههه ريم يا حبي لها..خطيبتي عرفتها؟؟
تركي: قول ق واصدقك..<<يعني قسم..
سليمان..: و..<<يعني والله...
سليمان جاه مسج: هههههههههههههههههههههه..
كل العيال لفوا عليه..
مشاري:يا الاخ اللي هنا..ممكن نعرف وش سر هالابتسامه الناصعه..
سليمان يبي يرقع: احم احم..قاعد اقرى نكت..
تركي يبي يفضحه: نكت من ري.....
حط سليمان ايده على فم تركي وكمل: من سعود...ههه..
ماجد: شكل الولد شارب شي..مو طبيعي..
فيصل: شكله..
طلال: عيال انا قررت قرار لا رجعة فيه...
الكل باهتمام: أيش؟؟
طلال: قررت اتزوج..
الكل انصدم: ايش؟؟
طلال: اتزوووووج..
مشاري: يعني انقهرت مني ولا غرت..
طلال: مسكين..تراك ماخذ في نفسك مقلب...
فيصل: من بتاخذ...
طلال: انا....بناسب........ماجد ان شالله..
ماجد مصدوم: وش قلت..
مشاري في حيره: العنود ولا عبير..
طلال:...لا عبير..
فيصل قام يسلم عليه يستهبل: احسن الله عزاك..اقصد مبروك..مبروك..
طلال: تقبل الله منا ومنك..
فواز: من جدك انت..
طلال: ايوه من جدي...
مشاري: انت مستوعب من بتاخذ..
طلال: ايه وش فيكم..
سليمان: خلوه على راحته..هو حرّ..
تركي: لا بس هم خايفين على حياته..
ماجد: اها عاد عن اختي لا تكلمون فيها...
طلال: ها وش قلت..
ماجد: هذا ابوها قدامك روح كلمه...
طلال قام: على بركة الله..
جلس جنب ابوه ويكلمه في اذنه..
ابو فواز: ايش.....لالا.....انت متاكد,..........اكيد....طيب خلاص....يا اخي قلت خلاص..
طلال: يله الحين...
ابو فواز: الله يفشلك..احم...ابو ماجد..
ابو ماجد: هلا..
ابو فواز: والله ما ادري وش اقول لك...بس مادام احنا مجتمعين كلنا..حبيت افاتحك في موضوع..
ابو ماجد: سم...امر..
ابو فواز: ما يمر عليك ظالم..والله انا بصراحه ابي القرب منكم..
ابو ماجد: هذي الساعه المباركه والله...
ابو فواز: احنا نبي بنتكم...."توهق وهمس لطلال"..من هي؟
طلال همس له: عبير...
ابو فواز: نبي عبير لولدي طلال...
ابو ماجد: والله والنعم فيه رجال واخلاق..
ابو فواز: الله يسلمك..
ابو ماجد: انا من ناحيتي ما عندي مانع...بس من حقها ناخذ رايها...
ابو فواز: اكيد...اكيد...
طلال: لا تطولوا عاد..
نغزه ابو فواز في جنبه: خذوا راحكتم يا ابو ماجد....
طلال مسك جنبه: اااااي يبه وش فيك...
ابو فواز: يله تقلع هناك الله يفشلك..
طلال باس راس ابوه: الله يخليك لي..
ورجع للعيال...
طلال:تمت العمليه بنجاح..
مشاري: نقول مبروك..
ماجد: اول شي تعال اطلبها مني..وأوافق انا بعدين هي توافق..
طلال: تصدق لو انك ابوها ما خطبتها لو على رقبتي..
ماجد: وليه ان شالله..
طلال يمزح: ما تستاهل لا حشيمه ولا كرامه..
ماجد: احترم نفسك يا طليل احسن لك...
مشاري: وهذا انتوا انسباء تسوون كذا...
طلال: له الشرف انه يناسب طلال ولد ابو فواز..
فيصل: اقول اسكت انت وياه..
&&&&&&&&&&&&&&&&&&&&&&&&&&&
عند البنات...
جات ام ماجد تقول لعبير عن خطبتها بعد ما قال لها ماجد..
ام ماجد: عبير...تعالي ابيك في موضوع..
قامت ريم العنود قبلها: سمي...
ام ماجد: انا قلت عبير...
العنود: وانا اختها وش بغيتي..
ام ماجد: خلاص بقوله لكم كلكم...عبير اليوم انخطبتي...
عبير مطيره عيونها ولكل لف عليها...
ريم: مين اللي خطبها..
الكل يستنى الاسم من ممكن يكون..
ام ماجد: طلال ولد عمتك..
عبير وقفت من الصدمه: طلال..
ام ماجد: ايه يمه....
عبير على طول لفت على العنود تبي تشوف ردة فعلها..
العنود كانت مبتسمه وفجأه اختفت هذي الابتسامه من على شفاهها ..هي عارفه انه طلال اكيد بيخطب عبير..بس ما تدري ليه تأثرت بهذا الشكل...
ام ماجد: والله وصرتي عروس يا عبير وافرح فيك..وانتوا يا بنات عقبالكم..وانتي يا فجر الله يسهل عليك ولادتك....
العنود تحاول تخفي مشاعرها: مبروك يا عبيروه السودانيه بتروحين وتخليني...
نوف: ما شالله من قبل شوي كانت عانس والحين عروس..
ريم ما زالت في هول الصدمه وخايفه على العنود...خايفه انها تنفجر بأي لحظه....
رغد: فكري زين يا عبوره..وترى طلال سيد الرجال....
الهنوف: ما شاالله ..جمال اهم شي..واخلاق وادب وعارفينه بعد..
عبير تحس ان الكلام مو لها..ما بعد استوعبت ان طلال خاطبها..يعني كان يحبها..وابتسمت للي وصلته....
العنود وقفت: انا.....انا بروح اشرب مويه...ريم تعالي معاي..
ريم: ان شالله..
وراحوا ....والبنات ما زالوا يتكلمون عن السالفه...
فجر: والله ماهو سهل ما قال لنا عن شي...
نوف: ولا حتى لمح للموضوع..
شجون: اجل ما بقى عوانس الا انا ومها...
مها: الحين بتدخل امي وتقول انخطبت...
والكل قعد يضحك..
&&&&&&&&&&&&&&&&&&
العنود في المطبخ ..تهف بأيدها على عيونها عشان ما تبكي....
ريم وهي تحاول تهدي العنود لانها تدري انها منهاره: العنود حبيبتي اهدي واذكري الله..وترى هذا الشي انتي اللي مختارته من البدايه...
العنود: ادري والله ادري ولحد الان انا عند كلمتي..بس احس بنار جوا قلبي تحرقني..احس وكأني جدار والكل يهدم فيني..وخايفه انهار بأي لحظه..ريم ترى انا مو العنود الاوليه..انا صرت ضعيفه..والله ما اتحمل اللي انا حبيته وحبني والمشكله انه حبني...يروح ويخطب اختي...والله صعب استوعب صعب...
ريم: العنود.. اذا انتي مقتنعه باللي سويته..فا كملي الي بديتيه واذا مانتي مقتنعه ترى بتتعبين واذا ودك تقولين شي قبل لا يفوت الاوان تكلمي يا العنود..
العنود بسرعه: لالا مستحيل اتكلم انسي..انا مقتنعه باللي سويته ولا كان ما سويته...
ريم: اجل حطي في بالك...انك سويتي شي عظيم وشي نبيل مو أي احد يسويه...انتي يا العنود وبكل صراحه..افتخر فيك وبشاهتمك وطيب اصلك..
العنود ابتسمت: ترى مو رايقه تمدحين فيني..
ريم ابتسمت لها: ليه تستحين...
العنود: لا ما استحي..بس ما احب يمدحني..
ريم تطالع العنود بحب بعدين رمت نفسها في حضنها: والله احبك يا بنت عمي...
العنود: ههههههه وانا بعد..
&&&&&&&&
بالليل راح الكل على بيته...وفي بيت ابو ماجد بالتحديد..
العنود قاعده في غرفتها...تقلب ماضيها وحاضرها ومستقبلها..وكيف كل شي ممكن يتغير في يوم وليله..امس كانت تحب طلال وما يحبها...اللي بعده طلال حبها..اللي بعده تركت طلال..واللي بعده طلال يخطب اختها...وشلون كل هذا يصير واي عقل ممكن يتحمل هذا المنطق او يفسره...
قطع عليها تفكيرها صوت الباب..
العنود: تفضل...
عبير طلت عليها من الفتحه: ممكن ادخل...
العنود ابتسمت: ايوه ممكن..
عبير دخلت وسكرت الباب وجلست على السرير..:وش تسوين...
العنود: افكر...
عبير: في ايش؟؟
العنود تستهبل: في حبك اللي اخذ عقلي...
عبير:مشكوره يا قلبي..
العنود: لا تصدقين عمرك..وش عندك جايه....
عبير محتاره كيف تبدا: بصراحه انا جايتك في موضوع ودي افاتحك فيه من زمان بس ماكان فيه وقت..والحين احس انه القوت المناسب...
العنود وهي خايفه من الموضوع: تكلمي..
عبير: انا يا العنود بصراحه ادري انك...شوفي بتقولين في البدايه اني انانيه واني واني واني..بس صدقيني يا العنود ما اقدر اسوي مثل اللي سويتيه..
العنود: وش تدرين عنه؟؟
عبير وهي خايفه من ردة فعل العنود: كنت ادري انك....انك تحبين طلال..
العنود انصدمت: كنتي تعرفين وشلون...؟؟
عبير: امم سمعتك وانتي تكلمين ريم وكنتي منفعله انتي وياها..
العنود مازلت مصدومه: ايوه ولما عرفتي وش سويتي..
عبير وهي تلعب في اظافرها: صدقيني يا العنود..اني زعلت انك ضحيتي به...حتى لو كان عشاني..بس في نفس الوقت كبرتي في عيني مليون مره..وحسيت نفسي اني صغيره قدامك..وماني عارفه كيف اجازيك مو عشانك تركتي طلال لي..لا لانك تركتيه عشاني...عشان خاطري ما تكسرين فيه...
العنود ابتسمت ابتسامه سخريه: عادي..ما سويت شي..
عبير: العنود...انا ما راح اوفق على طلال لحد ما انتي توافقين..لو ما اخذناه انا وياك..عادي راضيه باللي انتي تقررينه..
العنود: عبير احب اقول لك شي اوضحه لك..اني اكتشفت ان حبي لطلال وهم..فراغ عاطفي...لان قلب العنود مستحيل احد يدخله...عشان كذا وافقي عليه وما عليك مني..بعدين ليش تخلينه لغيرك..ترى طلال كل بنت تتمناه..وانتي تستاهلينه وهو يستاهلك..
عبير فرحت: صدق يا العنود انتي راضيه..
العنود: ترى اصدق عمري..
عبير ضمت العنود: والله لو الف الدنيا كلها ما راح القى وحده مثلك..
العنود: بشويش علي ..تراني حساسه...
عبير باست العنود: الله يخليك لي ا نشا الله ولا يحرمني منك يا الغاليه..
العنود: يله روحي لغرفتك ابي انام...
عبير: تصبحين على خير..
واول ما طلعت عبير...العنود رمت نفسها على السرير..وبكت وبكت وطلعت كل اللي في قلبها..ودعت كل خيوط الامل وهي مقتنعه باللي سوته وارضيه ميه بالميه..كذا الحياه علمتها ان مو كل شي نبيه ممكن يتحقق ومو كل شي حاولنا الوصول له نوصل له..العنود حاولت وحاولت وحاولت ووصلت لكن ما امداها تتهنى في نجاحها لان القدر يحب يلعب في قلوب البشر..القدر لعبته صعبه وما تنفهم..القدر شي مستحيل الانسان يتوقع حصوله..لانه كله في علم الغيب...
&&&&&&&&&&&&&&&&&&&&&&&
في ارض بعيده عن الكل...بعيده عن الاهل والاصدقاء والاحباب..في الغربه والوحده وعالم من الحزن..يتوسطه وليد...
وليد يمشي في شوارع عاصمة كندا اوتاوا..تحت المطر بدون مظله..راح يدرس عسى الدراسه تلهيه عن الي خذت قلبه وفكره لكنه اكتشف ان هي الوحيده المسيطره عليه...يمشي ويطالع اللي حوله...اشكال غربيه..ناس مختلفه..اطباع عجيبه..كيف بعيش وسط هالناس..واخيرا وصل للباب العماره اللي ساكن فيها ودخل..طلع اللفت للدور الثالث..طلّع مفتاح شقته وفتح الباب ودخل..
راح سيده يغير ملابسه المبلله ويتروش ويرتااااح...وبعد هذا كله صلح له كوب كوفي...وجلس على كنبه في الصاله..يفكر كيف يتخطى هذي المرحله اللي عايشها..لازم يكمل حياته ويبداها من جديد.. بس بأسلوب ثاني..فكر.....فكر...ووصل لحل..انه لازم يعيش بقلب من حديد..ويرجع وليد الاول بقوته ووليد الثاني بقسوته...وقرر يقسى على نفسه وعلى الناس..وعلى الكل..وان هذا الحل الوحيد والمناسب لمثل هذي الحاله وهذي العيشه..<<يا ترى بيقدر..
&&&&&&&&&&&&&&&&&&&&&&&&&
في الرياض ..خصوصا في بيوت ابطالنا الدنيا مختبصه ..بكره زواج رغد وتركي..والهنوف ومشاري...
ريم ورغد حاضنين بعض ويبكون...
ريم وهي تشاهق: والله بشتاق لك يا رغد...وشلون اكمل حياتي بدونك..
رغد تشاهق اكثر منها: خلاص والله قطعتي قلبي..
ريم تكمل: والله البيت بدونك بيظلم...مين بيكلمني..ومع مين بسولف..ومين راح اغثه بلقافتي..
رغد: حرام عليك والله عذبتيني..ترى بهون..
ريم بعدت عنها: لالا خلاص..بس والله والله اني بيضيع بدونك..
جات ام مشاري: وش فيكم..
ريم: يمه رغد بتروح وتخلينا..
ام مشاري دمعت عيونها: تعالي رغد قلبي في حضن امك يا بعد قلبي..
رغد راحت ركض لحضن امها: يمه والله عورتوا قلبي..
ام مشاري: والله بفقد الغاليه رغد..ودلوعتي رغد..والكبيره رغد .والعاقله رغد..واللي اعتمد عليها..
ريم سكتت وطيرت عيونها: لا والله وش بقى لي..
ام مشاري:انتي مثلها..بس هي بتروح وتخليني...
رغد: ترى بهون..خلاص مابي اتزوج ابي اقعد معاكم...
ام مشاري مسحت دموعها: بلا هبال...الحين انتي عروس..وحافظي على بيت زوجك يمه..وطيعيه.."وقعدت تنصح فيها وريم قاطه في السالفه"
&&&&&&&&&&&&&&&&&&&&&&&&&
الهنوف في بيتهم مسويه نون وما يعلمون..خايفه وتبكي وصارت تنتفض من الخوف..
ام تركي: خلاص يمه الهنوف اهدي شوي..والله مو لهدرجه يخوف,,
الهنوف: لا يمه...انا خايفه..خايفه اروح اسكن بروحي مع واحد ما اعرفه صعبه والله صعبه..
ام تركي: يا ربي وش يفهمها هذي..
جاء تركي: خير وش صاير..
ام تركي: هنوفتي خايفه وما ادري وش فيها...
تركي: اتركي عنك دلع البنات...ترى مشاري ما يحب هالدلع..
الهنوف سكتت: صدق!!
ام تركي: يمه منكم يا هالبنات...
الهنوف ضحكت من بين دموعها: يمه وش اسوي؟؟؟
ام تركي قعدت تهدي في بنتها وتقرا عليها وتنصحها..
&&&&& | |
|
| | |
أنامل ساحرة
Admin
المساهمات : 293
تاريخ التسجيل : 28/02/2014
العمر : 26
| | موضوع: رد: رواية أحلى صدفة السبت مارس 15, 2014 10:32 am | |
| جاء اليوم المنتظر..يوم الزواج...الكل مستعد بكل الترتيبات اللازمه..القاعه جاهزه..كانت بلونين الوردي والسماوي..نص القاعه وردي والنص الثاني سماوي..والطاولات نفس الشي..والكوشه كمان..الكوشه عباره عن قوقعتين كبيرتين وكل وحده تحمل كرسيين..تعبيرا عن العرايس لانهم اكيد بيكنون مثل اللولو..غالي وثمين وفي نفس الوقت جذاب وحلو,,
في غرفة العروستين..رغد ماسكه ايد الهنوف..
رغد: الهنوف.. قلبي بيوقف من كثر ما يدق..
الهنوف: وانا اكثر منك,...بس لا تخليني ابكي الحين...
دخلت ريم: هاي..
كانت لابسه فستان فوشي واسود حرير..توب من عند الصدر وملفوف على صدرها وخصرها..ومخصر بالمره..وبعدين يوسع من عند نهاية الخصر وطويل..وكم واحد موديل فراشه..وحاطه شدوا فوشي واسود...طالعه غير هالمره..
رغد والهنوف: هاي...
ريم: الهنوف خصلتي ميك اب.,.
الهنوف: ايوه لسه مخلصه..
ريم: رغد متى بتبدين..؟
رغد: بعد شوي...وين البنات...
ريم: في الطريق...مشا الله يهبل مكياجك يا هنيف طالعه قمر..
الهنوف: الله يسلمك..
ريم: ما اقول الا الله يعينك يا اخوي يا مشاري..بيذوب في مكانه المسكين..
الهنوف استحت: خلاص عاد..
ريم: هههه طيب بروح واجي..
طلعت تكلم سليمان..
سليمان: هلا والله وغلا بهالصوت..
ريم: اهلين..كيفك وش اخبارك...
سليمان: من اسمع صوتك ادري اني بخير..
ريم: ههههه الله يسلمك..الحين وينك وش تسوي...
سليمان: اضبط المعرس محتاس...
ريم: الله الله بزوج اختي...
سليمان بخبث: وزوجك..
ريم: زوجي في عيوني..
جات العنود وعبير اللي توهم واصلين وسكرت من سليمان....
العنود مصدومه:رويم..هذي انتي...
ريم تلف على نفسها: وش رايكم فيني..
عبير: بصراحه محلوه ومتغيره..
ريم: ايه الحين انا عروس..
العنود: فستانك شي خطير..
ريم: هذا ايلي صعب مو حيا الله..
عبير: لا بسم الهع عليك كأنك اميره..
ريم بدلع ماسخ: ترى استحي..
العنود: اقول روحي فيذاك لا اطيرك..لا تقعدين تلوعين كبدي..اقول وين العرايس خلوني اهبل فيهم...
ريم: فوق...بس بشويش عليهم..
عبير: هم على جريف؟؟؟
ريم: قولي لهم بس لا..على طول يبكون..
عبير: اجل خلوني اوسع صدري..
ريم: وهذا زواجك بعد ثلاث اسابيع وهذي حركاتك..
عبير: خليني اوسع صدري بس..
بعدها جات نوف وفجر بكرشتها ولين..
نوف: وش هالزين كله..
ريم: الله يسلمك..حتى انتي طالعه تهبلين قبل لا تفصخين العبايه..
فجر: هلا والله وغلا بحرم سليمان..
ريم ابتسمت: هلا فيك..وانتي ما بعد ولدتي..
فجر: اسكتي بس..امس فيصل هزئني يقول شكل الولد بيطلع له اسنان وما بعد طلع..
ريم: هههههه حلوه ..صادق طولتيها..
فجر: ليه هو كيفي..يعني كفايه متحمله هالكرش اللي قدامي متر..وغير المرافس والالم..خليها على الله..
ريم: تبين نصيحتي..ارقصي اليوم لحد ما تدوخين وصدقيني على طول غرفة الولاده..
فجر: بسم الله علي اخاف اموت بس...لان نصايحك دايم انتحاريه..
ريم: كيفك اجل..ليون مرت اخوي تعالي سلمي علي..
لين: هلا ...مشعل وينه..
ريم: اكيد عند الرجال..
لين: يعني ما راح يشوف كشختي..
ريم: بسم الله عليك كانك عروسه ...لا انا بخليه يشوفك..زين كذا!
لين مستغربه: اول مره تسوينها...
ريم عصبت: اقول انقلعي عن وجهي وعناد فيك ما راح تشوفين مشعل...
لين: اصلا مو على كيفك.."وراحت"
ريم: هين اوريك..."شافت شجون من بعيد"
شجون تصفر: يا هوووووه وش هالحلا كله..ما بقيتي لنا شي..
ريم: يالله المعجبين اليوم ذبحوني...
شجون تقرص خدها: بسم الله عليك..
ريم تتطالع شجون: والله انتي اللي تهبلين وش مسويه بنفسك..
شجون: لا يفوتك اللي مسويه لي لبناني....
ريم: كذااااااااابه..
شجون: والله..بس لا تعلمين احد..
ريم: عشان كذا طالعه زينه ولا انتي شينه...
شجون: مسكينه ما راح ارد عليك..وين العروس خليني ابارك لها....
ريم: فوق روحي لها..
جات مها ونجلاء..
مها: هلا هلا بمرت اخوي القمر..
ريم استحت: اهلين...
نجلاء: اشهد ان اخوي عرف يختار..
ريم: الله يسلمك..
مها تهمس لها: اشك ان سليمان بيخلي الزواج بكره..
ريم ضربتها: اقول روحي ارتاحي هناك احسن...نجلاء تفضلي..
نجلاء: زاد فضلك...
مها: وين العروستين..؟؟
ريم: شكلي بعلق لوحه...شوفيهم فوق...
مها: طيب انا رايحه..
وخلال ساعات اجتمعت الناس والقاعه امتلت..وصار وقت الزفه..
الهنوف: رغد خلي زفتك الاولى..
رغد: ما علي منك احنا متفقين انك انتي الاولى..
ريم: اخلصوا وحده منكم تستعد...مين هي.؟؟
الهنوف: خلاص انا..
ريم: زين بروح اكلم المسئول عن الزفه..
البنات كلهم تحت...
الهنوف وقفت عند البوابه بفستانها الؤلؤي..ما كان كبير بالمره ..حجمه معقول..كان من فوق لاف حول القبه..وفيه موجه من اللون الوردي..
وانفتح الباب وبدت دقات قلبها تزود مع ارتفاع الموسيقى..اول شي كان مقطع اغنيه اهداء من مشاري..وبعدها قصيده فيها وفي مشاري..لحد ما وصلت للكوشه وجلست في القوقعه الورديه....بعد دقايق..دخل مشاري مع ابوه ومشعل وابو تركي بس...وانزفوا على اغنيه سريعه ووصل لعند الهنوف..
الهنوف وقفت لما وصل ومشاري اللي سلم عليها وباسها من جبينها وهمس لها مبروك..وهي نفس الشي باركت له..وبدا الناس يباركون لهم وبعدها بدا شوط البنات وانواع الردح وخصوصا ريم ما قصرت من كثر الردح...وكل العيون عليهم..
وطلع ابو تركي ابو مشاري ومشعل..
رغد مستعده عند نفس الباب..وهي خايفه وميته رعب...فستانها ابيض..توب من عند الصدر ومن تحت الصدر شريط كرستالات بعدين مخصر لحد نهاية الخصر ويكبر بحجم معقول...
انفتحت البوابه..كل الاعين عليها..جمالها الصارخ والناعم في نفس الوقت طغى على المكان..الكل يسمي عليها ويدعي لها بالتوفيق..بدت تتحرك على صوت دق بيانوا رومنسي وهادي...بعدين قصيده فيها وفي تركي...واخيرا جلست على الكرسي..ودخل بعدها موكب تركي كان معه ابوه وابو مشاري..وعلى نغمه سريعه بعد..وجلس جنب رغد ومسك ايدها وباسها..
تركي: مبروك.
رغد: الله يبارك فيك..
تركي: ودي اسوي حركه بس اخاف تنحرجين..
رغد توها بتقول لا..الا تركي باسها مع خدها اليمين واليسار..وقدام الكل وتحت تصوير المصوره...رغد دوروها ما تلاقونها..
تركي ابتسم: ما قدرت اصبر..
رغد غمضت عيونها خلاص تبي تطلع من هالمكان بسرعه..ورقصوا البنات للمره الثانيه عشان رغد..
وبعد خمس دقايق من التبريكات والكلام والسلام...قام مشاري ومعاه الهنوف...ونزلوا من الكوشه..ووراهم تركي ورغد..وطلعوا على اغنيه سريعه من الطقاقه والطقاق"الفنان"
وراح كل واحد مع عروسته لغرفة التصوير..وانتوا اعرف بالمصورات وحركاتهم.
العنود: ما شالله عليهم كأنهم صدق لولو..
ريم وهي تمسح دمعتها: وانتي الصادقه..يا الله بفقد اخوي واختي وصديقة اختي في يوم واحد...
لعنود: هونيها وتهون يا بنت..وبعدين انا عندك وبنام عندكم طول شهر العسل وش بعد..
ريم: تسليمن يا عمري..
العنود: الا وين راح يسافرون..؟؟
ريم: بيرحون جزر المالديف..
العنود: الله يهنيهم..
قطع عليهم صوت موبايل ريم..
ريم بصوت عالي: الووو..
سليمان يصارخ مثلها: هلا وينك..
ريم: انا في القاعه..
سليمان: اطلعي ما اسمع...
ريم: طيب بأطلع واتصل عليك..
طلعت ريم وعيونها على موبايلها..
سليمان بهدوء: وانا كل ما اشوفك الا الموبايل بأيدك..
ريم اخترعت: سليمان..
سليمان ابتسم: ايه وش فيك؟؟
ريم: ما قلت لي انك بتشوفني..
سليمان: زوجتي بكيفي..."وصار يطالعها من فوق لتحت بأنبهار"..رورو اليوم طالعه ملاك..القمر بنفسه..
ريم نزلت عيونها: عيونك الحلوه..
سليمان مسك أيدها بحنان: ريم صدقيني حبك يكبر في قلبي يوم عن يوم..
ريم: وانا بعد..كل يوم اكتشف فيك شي واحبك اكثر واكثر..
سليمان باسها من خدها: انت اليوم قمري انا..
وسمعوا غنيه لها صداها داخل القاعه..
صدفه و من بين كل الناس علقني
من يوم شفته وعيني جات في عينه
حسيت شي في عيونه حيل يجذبني
لما ابتسم بانت بوجهي تلاوينه
ريم: تصدق اذا قلت انك انت احلى صدفه بحياتي كلها..
سليمان: وتصدقين اني اذا قلت لك انك انتي احلى شي بحياتي..
وختموها بقبله حاره وصادقه تعبر عن حبهم وعشقهم لبعض...
سلم علي وجلس جمبي وكلمني
كل الحواجز تلاشت بيني و بينه
اخذ ايديني بايديه وقام يوصفني
ولا تمنيت ايدي تترك ايدينه
قالي كلام بصراحه حلو دوخني
ماقد سمعت بحلاته اه يازينه
معاه احس الأغاني عنه وعني
واجمل اغاني الغزل شعري وتلحينه
""نهاية الفصل الاول"
الجزء الواحد والأربعون..{والأخير}
""الفصل الثاني""
بعد ثلاث سنين..
اجازة الصيف بدت ما صار لها اسبوع..والكل مجتمع في بيت ابو ماجد..
الكل جالس في الصاله...البنات في الصاله الاولى..والحريم في الصاله الثانيه ..وكلها مفتوحه على بعض...
رغد: رويم متى نسبتك..
ريم: تكفين فكيني منها...ولا تضيقين صدري...
العنود: يله بسرعه...تعالي معي في الجامعه والله فله..
ريم: مثل ايام الثانوي لما كنا مع بعض..
العنود: واحلى..ولا كلنا قسم واحد ادارة اعمال عشان نكون في نفس المباني..وبنطلع ولا احلى...
عبيروهي تلبس بنتها ريوف سندلها: كان نسمع بأنيهار في الجامعه والسبه انتي وياها..
فجر بكرشتها تصارخ: جنااااااا..يامال الوجع ان شا الله تعالي اغسلك..كم مره قايله لك لا تاكلين شوكلاته شوفي وسختي نفسك..
جنا اللي عمرها 3 سنين: ما ما..انا اسفه..
فجر: وين اخوك سبيدر مان..
جنا: ريان يلعب برا..
لين كبرت وتغيرت مره واكيد احلوت: فجر هاتيها بروح اغسلها عنك..
فجر: تسلمين يا قلبي
نوف جالسه بكرشها الصغير: بنات تتوقعون بأجيب بنت ولا ولد..
مها متزوجه من واحد يقرب لها من بعيد بس ما حملت: انا ودي بصراحه بنت وتطلع تشبه امها..
شجون لسه متزوجه واحد من ربع فيصل في الاجازه اللي بين الفصلين: وانا بعد ابيها بنت..
رغد: وين بنتي رهف..؟
ريم: المدلعه رهيف شايفتها تناقز...""تنطط""......هناك..
العنود: رغد بصراحه انتي مدلعه بنتك بزياده..
رغد: بنتي قلبي اكيد بدلعها..
جات رهف من ورى ريم وتعلقت في رقبتها: حاله حاله سيليني..."خاله خاله شيليني"
ريم: بعدي عني لا ارفسك هناك..
رهف: حالتي انا احبك..
ريم لفت عليها: وانا احبك بس وانتي بعيده..وانتي امسكيها عني"ورمتها على رغد"
رغد: بشويش على بنتي تراها رقيقه..
العنود: اكيد ..مين امها ومين عمتها ..
جات الهنوف وولدها فارس: وش فيها عمتها وش تحشون فيني..
رغد: يقولون بنتي رقيقه على عمتها..
الهنوف: اكيد..ولا بعد مرت ولدي فارس اكيد بتصير رقيقه..
ريم: حضانه كل وحده جايه ومعها توابعها..
العنود: تصدقين راسي صدع تقولين في ملاهي...
عبير: بسم الله علينا...
الحريم يطالعون بناتهم..
ام مشاري: ما شالله بناتنا كبروا وصاروا امهات..
ام فيصل: والمشكله صرنا عجايز..
ام ماجد: الله يتمم علينا فرحتنا..
ام سليمان: وتبقى لنا ايامينا هذي..ولا ننحرم منها..
ام فواز: امين...
بدور: وتنعاد علينا كل سنه..
الكل: امين...
وبينما الكل يسولف وصراخ وازعاج وضحك وهواش...
سمعوا صوت الصاله ينفتح...يمكن في البدايه ما اهتموا للشخص...فتح الباب..دخل انصدم ما توقع ان البيت بالشكل هذا مليان..
دخل وسكر الباب..طالع جهة الحريم..الحريم ما تغيروا..حس انه تركهم فتره طويله..طالع جهة البنات لاحظ ان البزارين مالين المكان..وبينما هو يطالع..حس ان في شي تعلق برجله..حط شنطة السفر على جنب..كان لابس بدله رسميه..قميص ابيض فيه ربطة عنق سوداء..وعليها جاكيت اسود فخم..وبنطلون اسود..طالع تحت حصلها بنت صغيره..مثل القمر...
رهف: بابا..سيليني..
طالع ملامحها..ملامحها ماهي غريبه عليه..العيون العسليه هذي يعرفها...الشعر المايل للشقار يعرفه..الشفايف الصغار كمان يعرفها..البنت هذي تذكره بوحده او نسخه منها...تذكره بحب تقريبا نساه..وقدر يتعداه..نزل وطبع بوسه على خدها...
قامت عبير بتروح المطبخ...شافت رجال واقف عند بابهم ويبوس بنوته..
عبيرطاح اللي كان بيدها : وليد..
الكل سمع الكلمه وما استوعب...الكل لف للجهه اللي تطالعها عبير....
وليد بصوت واثق: احم...السلام عليكم..
ام ماجد كان في ايدها فنجان قهوه طاح منها": ولدي وليد..
وراحت له ركض...
العنود وقفت تبي تستوعب..ما حست بنفسها الا رايحه لجهته لا ارادي..
ام ماجد وهي تضم ولدها وبأقوى حيلها والدموع تنهمر على خدها: ليه يمه رحت وتركتني ليه...
وليد يبوس راس امه وايدها وضمها ولكن فيه نوع من الجمود: هلا يمه وشلونك عساك بخير..
ام ماجد: انا بشوفتك بخير يمه...
عبير وهي تبكي: وليد الحمد لله على السلامه...
ورمت نفسها في حضنه بعد ما بعدت امها...
وليد وهو يطبطب عليها: االله يسلمك..وشلونك وشلون عيالك..
عبير: انا زعلانه منك ما حضرت زواجي ولا عيالي شافوك...
وليد بنص ابتسامه: وهذا انا جيت..
العنود وهي تبكي: خلاص عاد وخري...
وليد اشتاق لهم بس كل هذا ما بين..
العنود ضمت وليد: الحمد لله على سلامتك يا الغالي..اشتقت لك يا الغثه..
وليد: الله يسلمك...."وبعدين رجع يطالع البنت"...من هذ بنته الاموره..
عبير وقف لسانها ما تقدر تقولها...ام ماجد ما ودها تخسر ولدها من جديد..العنود اكيد عاجزه عن نطق الاسم..
رهف بكل ببرائه: انا بنت امي رغد...انت مين؟؟
وليد مع انه حاس انها بنتها...بس حس بكهرباء بجسمه لما سمع اسمها..ولا من لسان بنتها..
الثلاثه كانت متقلبه وجيهم..
ام ماجد تغير الموضوع: وليد تعال يمه سلم على عمتك وخلاتك..
وليد اللي وجه طغى عليه الجمود اكثر: ان شالله..
سلم على الحريم ببرود وجمود..مثل ما تعود..عايش حياته بدون ملامح..كل شي ما يأثر فيه لاحزن..لا فرح...لا حب..لا كره..ولا شي ممكن يحرك الجمود هذا..
بعدها جلس شوي وقبل لا يطلع جاوا البنات بيسلمون عليه..
ريم تصافحه: الحمد لله على سلامتك يا ولدعمي..
وليد: الله يسلمك..
نوف: تو ما نورت الرياض..
وليد: منوره بأهلها..
فجر: الحمد لله على سلامتك..وسلم على جنا وريان...
وليد: الله يسلمك.."وبوس عيالها"
عبير: ريوف تعالي سلمي على عمو..
وليد سلم عليها وباسها..
شجون: الحمد لله على سلامتك يا وليد..
وليد: الله يسلمك..
الهنوف: الحمد لله على سلامتك..وهذا فارس ولد مشاري..
وليد: هلا بالشيخ .."وباسه"
مها: الحمد لله على سلامتك..
وليد: الله يسلمك...."رفع عينه على اللي بعدها واخر وحده"
رغد وهي مرتبكه وبصوت مبحوح: الحمد لله على سلامتك يا ولد عمي...
وليد ببرود: الله يسلمك...
رغد طالعت في عينه...تدور شي مفقود فيها..اول كان في عيونه لمعه لما كان يطالعها..كان فيها بسمه فيها حب...دورتها ما حصلتها..اكتشفت وعرفت انها خلاص صارت من الماضي عند وليد..
جات رهف وتعلقت برجل ريم: حاله حاله..
ريم: اقول انقلعي عن وجهي احسن لك..رغيد وخري بنتك عني...
رغد راحت لها: بشويش عليها...
رهف بتبكي رواحت عند شخص مفروض ما تروح له: بابا..بابا..."وتهزه"
وليد وقف شعر راسه من هالكلمه...جد مفروض تنقال له الكلمه هذي..مفروض البنت هذي تكون بنته من رغد...مفروض رغد زوجته..حاول يبعد ها الافكار من راسه..خلاص هو تعدى كل هذا..شال رهف وحطها على رجلها..
وليد بحنان: عيون بابا...
رغد وجهها تلون بكل لون...بلعت ريقها..ما تخليت هالموقف بيحصل لها...راحت تدارك الموضوع..
رغد: رهوفه قلبي تعالي عند ماما..
رهف تعلقت برقبه وليد: لا انا ابي بابا...
رغد من بين اسنانها: رهوف تعالي هذا مو بابا...
رهف تطالع وليد بكل برائه وتطالع عيونه: بس هذا مثل بابا..
وليد تغيرت ملامحه للعصبيه...
العنود حست انها لو ما تنقذ الموقف يمكن يحصل كارثه..راحت وشالت رهف بالقوه وودتها لرغد..
العنود: تكفين فكينا من المشاكل...
رغد اخذت بنتها اللي تبكي واختفت عن الانظار..
قام وليد من مكانه: انا بروح عند الر جال....باالاذن...
طلع واخذ نفس استعداد لمواجهة الكل...من تركي لمشاري للعيال...
دخل مع باب الخيمه: السلام عليكم..
كانت الخيمه مليانه اصوات ضحك وسوالف,..وفجأه عم السكون على المكان للحظات...
وليد يطالعهم..هم نفسهم ما تغيروا...
فز ابو ماجد: وليد!!!...الحمد لله على السلامه....متى جيت؟؟؟
راح وليد وباس راس ابوه وحضنه بس..بدون هذيك المشاعر الجياشه...
ابو ماجد ودموعه تجمعت: الحمد لله على سلامتك....الحمد لله..
وسلموا عليه الرجال...
لف على جهة العيال...وعلى طول طار له ماجد..
ماجد يحضن اخوه بحراره: اشتقت لك يا اخوي....اشتقت لسندي...الحمد لله على سلامتك..
وليد: الله يسلمك..
فواز: هلا هلا بالشيخ"وضمه" الحمد لله عالسلامه..
وليد: الله يسلمك...
طلال: انا زعلان منك ما حضرت عرس اختك وولد عمتك...
وليد: صدقني ارحم لك..لاني ما راح اوفق...
طلال: اجل اشوا انك ما حضرت...
فيصل: هلا والله بالوليد...تو ما نورت الرياض..
وليد: منوره بأهلها...
سليمان: هلا بأخوي الوليد..
وليد: هلا فيك..."وبعدين طالع مشاري"...يعني ما ودك تسلم...
مشاري ابتسم: هلا والله بولد عمي...
وليد:هلا فيك يا ولد العم...
مشعل كبر وتغير واكيد صار احلى واحلى:هلا والله بالوليد الحمد لها على سلامتك..
وليد: هلاااااا مشيعل والله صرت طويل..
محمد: هلا هلا وليد الحمد لله على سلامتك يا الغالي..
وليد: هلا فيك وحتى انت صرت طويل وعريض والله وكبرتوا...
جاء تركي بيضم وليد....وليد صده ومد ايده: الله يسلمك..
تركي انقهر: ابرك..
العيال كلهم تجمدوا من حركة وليد..توقعوا ان خلاص نسى اللي راح وبترجع المياه الى مجاريها بس شكل الحرب توها تبدى....
وليد بأحتقار: ما انزل نفس اكثر من كذا....زين سلمت عليك..
تركي والدم تجمع الدم بوجهه ووده يضربه...بس اللي ماسكه انه في بيتهم : اصلا لك الشرف اذا سلمت عليك...بس انت مانت بكفو لا حشيمه ولا كرامه...
وليد جلس على الكنب وحط رجل على رجل وطنش تركي: عيال اجلسوا..تعالوا سولفوا وش صار من رحت...
جلسوا العيال وقعدوا يسولفون..بس ما بلعوا حركة وليد..
تركي ما طول على طول طلع...وبعد ربع ساعه لحقه سليمان...
&&&&&&&&&&& | |
|
| | |
أنامل ساحرة
Admin
المساهمات : 293
تاريخ التسجيل : 28/02/2014
العمر : 26
| | موضوع: رد: رواية أحلى صدفة السبت مارس 15, 2014 10:45 am | |
| في اخر السهره....
فجر رابطه راسها من الصداع: والله هالبزارين هبلوا فيني...
ريم: واحد قال لك صيري قطوه وكل سنه واحد...
فجر: واللي يرحم والديك اسكتي...ليه هو بيكفي..فيصل يقول يبي يكثر نسله...
العنود: على حسابك يا الغبيه...
عبير: متى بتولدين...؟
فجر: والله ما ادري...بس قريب وتسمعون برائد طلع للدنيا...
نوف: الله يسهل على الجميع....
رغد: عاد انتي بسم الله عليك اللي يشوفك بالشهر الا ول مو السادس...
نوف: نواف يقول اشك انك حامل وان هذا كرش...لانه ما كبر...
البنات ماتوا ضحك...
العنود: مافي مثل عبير يومها حامل...والله توقعت بتجيب دب مو طفل...
عبير: انقعلي بس...تصدقين عاد..طلال دايما يهزئني اذا قربت منه..يقول ابعدي في بينا حواجز...
ريم: احسن تستاهلين..
رغد: مافي مثلي بسم الله علي حل وسط....
العنود: مسكينه...اللي يشوفك..يقول كرشها اكبر منها..
رغد: مسكينه هذي انتي...
شجون: وش تتوقعون كرشتي...
فجر: اتوقع ولاده على طول بدون حمل...
والكل فقع ضحك..
مها: وانا؟؟
العنود: انتي بتولدين واحد والثاني مجانا ههههههههههه..
والكل مات ضحك...
رغد: خلاص خلاص بطني....ترى بولد عليكم الحين...
ريم: عاد الدكتوره ريم بتولدك..
العنود: كان الولد هج ورجع كرشة امه ارحم له...
&&&&&&&&&&&&&&&&&&&&
بعد اسبوع على الاحداث....
ام ماجد: وليد يمه..الى متى وانت على هالحال..
وليد: وش فيني؟؟؟
ام ماجد: ابيك تتزوج واشوف عيالك....
وليد: انتي خلصي موضوع ماجد بعدين انا...
ام ماجد: ماجد خالص ما بقى الا العرس...وانت خلني ادور لك بنت الحلال..
وليد مل من هالسالفه كل يوم امه تفاتحه بالموضوع: خلاص سوي اللي تبينه يمه...
ام ماجد: ابشر بالبنت اللي تقول للقمر ابعد وتجلس مكانه...
وليد: هذي باربي مو بنت..
ام ماجد: وتشوف وتقول امي ما قالت...
وليد: نشوف..
وطلع من البيت...
وليد: صدق ليش ما اتزوج واعيش حياتي...على الاقل في احد يهتم فيني..ومو لازم حب وخرابيط...
&&&&&&&&&&&&&&&&&&&&
بعد شهر......بكره زواج ريم وسليمان...زواج الحب العظيم...والعشق الكبير...
ريم مبسوطه: بكره انا وسلوم مع بعض ماني مصدقه...
رغد: بسم الله عليك..انا اتذكر يوم زواجي طقتني ام اركب انتافض وانتي ما شالله عليك..ترقصين وتستهبلين...
ريم: خايفه ومتوتره...بس بدون مبالغه يعني عادي...
رغد: الله يتمم عليك..
اتصلت العنود..
العنود: هلا ببنت عمي اللي بكره بتتزوج وتخليني...
ريم: عنوده تكفين لا تضيقين صدري...
العنود: لا والله مبسوطه لك..وبعدين بكره بفلها مع العجايز بدونك...
ريم خنقتها العبره: والله كانت ايام حلوه...
العنود: تصدقين العجايز حفظوني من كثر الزوجات وعرفوا اني نصابه...بس بكره بدور غيرهم من اهل سليمان..
ريم: خلي حمولتي على جنب..
العنود: سليمان وقلنا معليش..حتى اهله ما نتكلم فيهم..
ريم: هذولي من ريحة الغالي...
العنود: الله يوفقك بس..
ريم: امين...
&&&&&&&&&&&&&&&&&&&
اليوم زواج ريم وسليمان المنتظر...الكل يستنى هالزواج الاسطوري...كان مجهز بأفخم التجهيزات..
كان كل شي على شكل عصري قديم..كأنه ايام الروم القدماء..الكراسي غريبه الشكل بزخارفها..وطاولتها بعد غريبه بنقوشها..الجدران كانت الوانها غريبه والروسومات اللي عليها اغرب...
الكوشه وكأنها كرسي ملك الروم من ناحية الحجم والنقوش والزخارف..كل شي يدل على ذاك العصر..ايام الروم..
البنات اتبعوا نفس الاسلوب..فسانتيهم موديل الستينات مع التسريحات..والعروس نفس الشي...
ريم لابسه فستانها الا بيض الكبير..اكمام طويله..ومن عند الكتف كان منتفخ شوي..وبعدين فتحتة الصدر دائريه ومخصر على جسمها بعدين يكبر بالمررره..صحيح غريب لكنه روعه تحفه فنيه...وكأنها اميرات ذاك العصر..ولابسه جونتي دانتيل..ومسويه شعرها "ويف" يناسب ذاك العصر.. والطرحه حقتها نفس الشي من الدانتيل ونازله على وجهها لحد رقبتها..
رغد: بسم الله عليك الرحمن الرحيم...صوره وربي كأنك لوحه لفنان كبير..يمكن اللي راسمك بيكاسوا..
ريم ابتسمت: تسلمين..حتى انتي يا ام كرش...
رغد: والله ضايق صدري..كان ودي البس فستان سنع..
ريم: تهبلين بكل حالاتك..
وجاوا البنات وسلموا عليها وجلسوا عندها...
العنود: رويم..حسبي الله على بليسك غطيتي علينا...
ريم: انا العروس لازم اكون حلوه..
عبير: انتي احلى عروس..
نوف: بسم الله عليك...
شجون: بنت خالتي..حطيني جنبك عشان يقولون تقرب لها...
ريم رفعت خشمها: يا ريبه يحبون يتلزقون في الحلوين..ترى انا ما اعطي احد وجه..
الهنوف: ترى هذي تصدق بسرعه..هيه تراني احلى منك...
ريم: روحي هناك تكفين..
&&&&&&&&&&&&&&&&&&&
عند الرجال...
سليمان: اقول لك رجولي ما تشيلني ادخل عند الحريم...
تركي: والها النكبه..خلك رجال..تراها خمس دقايق وتطلع...
سليمان: ولو خايف..
تركي: كل الزوجات تدخل وتترقص وش معنى اليوم...
سليمان: اليوم انا معرس وابتزوج ريم قلبي...
مشاري: وش فيه النسيب؟
تركي ينعم صوته: خاااايف..
مشاري: ترى ريم اختي ما خافت كثرك امس ترقص وتستهبل وتطاق العالم حتى ولدي ما سلم منها...
سليمان تفشل: احم...اقول متى الزفه...
&&&&&&&&&&&&&&&&&&
جاء وقت الزفه..ريم جاهزه ومستعده..اخذت نفس وفتحوا لها البوابه...تحركت على موسيقى بعد من ذاك العصر..موسيقى صاخبه وفيها دقة رعب..نزلت على نغمتها والعيون عليها..بنت غريبه بفستانها وعجيبه بمكياجها..جذابه بجمالها..وساحره كلها على بعضها..واخير ووصلت للكرسي الفخم وصدق حست نفسها ملكه او اميرة زمانها...
دخل سليمان مناقض جدا لكل شي ..دخل بالزي السعودي النجدي مع البشت..وابو مشاري ومشاري مشعل ومحمد معاهم سيوف ..
كانت اغنيه الزفه العرضه السعوديه النجديه...
جلس سليمان جنبها وهو ينتفض..مسك ايدها وباسها مع جبينها..غمض عيونه..حس انه ما زال يحلم وانه اذا فتح عيونه بيختفي كل هذا..
ريم: الله يبارك فيك..
سليمان فتح عينه...طالع ريم...يعني انا في واقع مو في حلم..
سليمان: ريم....اليوم بس فرحتي كملت...
ريم نزلت عيونها : وانا بعد...
لفوا يطالعون الرجال كيف يعرضون بالسيف...
حضارتين منتاقضه كل النتاقض بس في نفس الوقت متجانسه..
بعدها طلعوا الرجال وبدوا البنات يردحون ويرقصون ويستهبلون...
وطلعوا المعاريس وصورا في غرفه مخصصه للتصوير...وعلى طول توجهوا للمطار راحيين لاسبانيا وتحديدا في سيدني....
&&&&&&&&&&&&&
وليد خطبت له ام ماجد بنت مثل فقلة القمر على ما يقولون..كانت مو حلوه بس الا الحلا كله...الكل يتكلم عن جمالها الرباني..ودلعها الطبيعي وفي نفس الوقت بعيده عن الغرور ومتواضعه...وليد ما طلب يشوفها ولا مره..لا في الخطبه ولا في الملكه ولا اخذ رقمها ولا كلمها ابد...اللي يعرفه ان اسمها ملاك اسم على مسمى...
يوم زواج وليد الكل فرحان ومبسوط اولهم رغد اكثر وحده فرحانه...راح وليد مع زوجته للفندق..حتى الان ما بعد شافها...
ملاك جالسه في صالة السويت مستحيه بفستانها...
وليد ولا عبرها دخل الغرفه وبدل ولبس البيجامه حرير..وجلس في الصاله..وطلب عشا لهم وشغل التلفزيون...
ملاك انصدمت منه..ما كلمها ولا عبرها حتى..
ملاك وقفت: انا رايحه ابدل...
وليد لف ببرود عليها ورجع يطالع اتلفزيون: خذي راحتك..
دخلت ملاك غرفتها وهي خانقها العبره...بس عدتها لسه عروس بدلت ملابسها ولبست فستان ناعم وروعه..مكون من لونين اللؤلؤي والذهبي.. وعدلت تسريحتها بسطيه..ضبطت شكلها وطلعت له...تبيه يطالعها ما شافها لحد الان..
توقعت اذا طلعت بيطالعها لكنها حصلت العكس تحطمت وجلست جنبه..
مرت لحظات صمت بينهم..بعدين وليد قطع هالصمت لف عليها بيتكلم ..الكلام وقف على لسانه..طالع اللي جنبه هذي بشر مستحيل..هذي ملاك...لا جد اسم على مسمى..صار يطالعها ويرمش بعيونه..يبي يستوعب الحلا كله...
ملاك استحت من نظارته: احم...وليد..
وليد صحى ولف وجه عنها: هلا..
ملاك تبي تسولف قالت يمكن خجول او ما يعرف يسولف: مين خواتك...ما عرفتهم..
وليد: بكره ان شالله تعرفينهم..
ملاك: طيب تكلم عنهم..
وليم تنرفز يعني غصب يتكلم صرخ: خلاص بكره تتعرفين عليهم..
ملاك بلعت ريقها ..هذا وال يوم وكذا يعاملها..خنقتها العبره...
وليد رحمها بس ما بين هذا الشعور: معليش ما قدرت اتحكم في اعصابي...
ملاك: لا عادي..
وليد يبي يلطف الجو: الحين العشا بيجي اكيد جوعانه...
ملاك سكتت...جاء العشا وتعشوا وناموا وما كان في بينهم أي حوار يذكر...
بعد ايام....في بيت ابو ماجد..
ملاك: ممكن تكلمني...
وليد يضبط نفسه قدام المرايه: ماني فاضي لك..ما تشوفيني ابطلع...
ملاك: طيب ليش تعامليني كذا...
وليد لف عليها وببرود: اجل وشلون تبيني اعاملك..
ملاك: يا حبيبي خف علي شوي..لا تصير جاف...
وليد عناد: انا كذا ..وطبعي كذا...تحمليني..."وطلع"..
ملاك: والله ماهي عيشه.."وصارت تبكي"
بأخر الليل على وجه الفجر....
رجع وليد..دخل غرفته حصل ملاك منسدحه وتبكي...
وليد: يا لليل ...الحين وش فيك تبكين...
ملاك ما ردت عليه...
وليد: والله حره...خلك مثل ما انتي لا تتكلمين...
ملاك عصبت: انت من ايش مخلوق ..من حديد..ما تحس..تراني بشر مو جدار...
وليد: تصدقين توني ادري...اقول لا تقعدين تعورين راسي ترى خلقه مصدع...اخمدي احسن لك..
ملاك قامت بتطلع من الغرفه..
وليد بحزم: على وين؟؟؟
ملاك خافت: ابطلع...
وليد بقسوه: ارجعي مكانك احسن لك...تبين تفضحينا انتي...ملاك تعوذي من ابليس احسن لك...
ملاك خافت منه ورجعت لسريرها وهي تبكي بصمت...
&&&&&&&&&&&&&&&&&&&&
من بكره...
العصر طلعت ملاك من غرفتها..ونفسيتها تعبانه..ما تدري وش تسوي مع وليد...اللي ماهي عارفه كيف تراضيه..اوكيف تعامله..لا الطيب نفع معاه ولا القوه..وقررت انها تعرف السبب...
نزلت تحت شافت العنود تلعب في الاب توب وتضحك..
ملاك: هااااي...
العنود: هلا والله بمرت اخوي الجديده..
ملاك ابتسمت: لازم التعريف كامل...
العنود: عشان نفرق بينك وبين مرت ماجد اسيل...
ملاك: الا صدق وينها اسيل..
العنود بطفش: في بيت اهلها...
ملاك: وش فيك عليها..
العنود: شايفه نفسها ما ادري على ايش...ما تحب تجلس معانا..بس هين انا لها...
ملاك: لا يكون انا مثلها بعد...
العنود: لا يا قلبي انتي وين وهي وين...
ملاك ابتسمت: عاد اهم شي رضاك..
العنود رزت نفسها: احم احم...ادري...
ملاك بجديه: العنود..
العنود شالت عينها عن اللاب توب وطالعتها: هلا...
ملاك: ممكن اسألك سؤال صريح وتجاوبيني عليه..
العنود: اكيد...
ملاك: قولي والله اقول الصدق..بس عشان اتطمن...
العنود: ولا يهمك..والله..
ملاك وهي تلعب في ايديها متوتره: آآآآ أبسألك عن وليد...وليد وش طبعه يعني وش شخصيته....
العنود: وليد حبوب وطيوب..بس طبعه حاد..يعني ممكن ما تفهمينه على طول..
ملاك: طيب أمانه..بأمانه..هو كان يحب وحده من قبل لا يخطبني...
العنود طيرت عيونها..السؤال مره صعب وجوابه اصعب...صعب تقول لزوجه ان زوجك ما يحبك وما زال متعلق في حب قديم مقطوع الامل فيه..
ملاك: وش فيك سكتي..يعني افهم انه كان فيه..
العنود: والله ما ادري وش اقول لك يا ملاك...
ملاك: اوكي انا فهمت..بس انا اعرفها...
العنود بتردد: ايه...رغد بنت عمي...
ملاك انصدت::رغد.."سكتت شوي"....بس رغد متزوجه..
العنود: وليد حبها بس هي ما حبته..
ملاك دخلت في دوامه من الافكار..واستنتجت ان وليد كان حبه حب فاشل..والدليل زواج رغد من غيره وطريقة معاملته لها..
العنود: ملاك.....ملاك....
ملاك: هلا..
العنود: بليز ملاك ما تزعلين..وترى السالفه من زمان صايره...ووليد نسها خلاص...
ملاك ابتسمت مجامله: ادري..وليد يحبني..وهذا اللي يأكد لي...
العنود رجعت تطالع اللاب توب بس بالها بعيد..تفكر هل فعلا وليد يحب ملاك..ونسى رغد..
&&&&&&&&&&&&&&&&&&&&&
بالليل اجتمع الكل في بيت ابو مشاري..
وعند البنات بالتحديد..
رغد سلمت على ملاك: هلا والله وغلا..
ملاك تطالعها وسلمت عليها ببرود: هلا..
رغد استغربت برودها ..بس مشتها..
جلسوا البنات وبدت السوالف والضحكات تعلى...
ملاك تطالع رغد..:"" رغد حلوه وتاخذ العقل..وطيبه وحبوبه..بس اتوقع اني احلى منها..يعني ما فيها زود عني...يمكن بس عيونها العسليه جننته..او غمزاتها اللي ما تبان الا لما تضحك..بس اتوقع ان كل هذا مو كافي انه يتعلق فيها وهي متزوجه...""
رغد: ملاك....وش رايك انتي...
ملاك: هاه..
رغد:لا البنت مو معانا..كنت اقول لك..من احلى بنتي رهف ولا بنت عبوره ريوف...
ملاك طالتعهم : لا كلهم يهبلون..
ريم: لالا عاد بنت اختي احلى..طالعه على امها..
ملاك رجعت تطالع رغد..رغد حست فيها وقربت منها وهمست لها...
رغد بحنان: ملاك حبيبتي فيك شي..تعبانه او تشكين من شي..
ملاك: لالا ما فيني شي...
رغد: احب اقول لك يا بعد عمري اذا احتجتي تتكلمين لاحد او تفضفضين لاحد..تراني موجوده..واحنا بنات ونفهم على بعض ونقدر نساعد بعض...
ملاك وهي رافعه حاجب: انتي متأكده انك تقدرين تساعديني..
رغد تحمست: انتي جربيني وشوفي..
ملاك: انا مشكلتي.....مع.....مع وليد..
رغد استغربت: وليد....!!!
ملاك: ايوه وليد..
رغد والتعجب مالي عيونها: وش فيه؟؟؟
ملاك: والله ماهو لمي..ولا يحبني ولا حتى ما يطالعني من ارضي..ولا يتكلم معاي مثل الناس..ولا يسولف معي مثل العرايس..ولا حسيت اني عروس من اول يوم تزوجته فيه...
رغد: معقوله...
ملاك: هذا اللي صار...
رغد: طيب انتي حاولتي تجذبينه...
ملاك: حاولت بس فشلت..
رغد: شوفي يا قلبي ..عشان تجذبين زوجك لازم تعرفين اللي يميل له ويحبه وتعالي له من ذاك الطريق..
ملاك عقدت حواجبها: يعني مثل ايش..؟
رغد: يعني وليد مثلا يحب الحرمه اللي تفهم عليه على طول..تغرقه بحبها وكرمها..واحساسها..وليد تراه حساس وشاعري..وانتي تعالي له من الناحيه هذي..
ملاك بخبث: مشا الله كل هذا عارفته عن وليد..
رغد ارتبكت بس ما بينت: ولد عمي وعايشه معه نص عمري اكيد بأفهم عليه...
ملاك ابتسمت لها: انا فهمت عليك..بحاول اسوي اللي قلتيه لي واشوف..مشكوره يا قلبي على النصيحه...صدقيني كنت محتاره وماني عارفه وش اسوي...
رغد ابتسمت: ولو يا ملاك..واذا احتجتي أي شي تذكري دايم ان اختك رغد موجوده..
ملاك: تسلمين..
عبير: وش تقولين لمرت اخوي..لا تخربينها...
رغد: اقول وين اسيل ما جات معاكم...
العنود رافعه خشمها ورزاه صدرها تقلد اسيل: واله انا رايحه بيت اهلي مسوين بارتي...
الكل ضحك عليها لانها عرفت تقلدها..
عبير: الله يعينك بس عليها..
العنود: والله ودي اقوم واكفخها بس اسكت والله عشان ماجد اخوي..
نوف: اجل نفس اللي عندي...ندى اخت نواف..
ريم: مازالت شايفه نفسها ام خشه مايله..
نوف: تغار مني بشكل مو طبيعي تقلدني في كل شي...تشتري نفس اللبس اللي البسه وتتبلى علي وتقول لي لا تقلديني....
فجر: الله يلوع كبدها الماسخه..
ريم: احقريها..
نوف: والله متحملتها..بس استناها تتزوج وافتك منها..
ريم:تكفين من اللي داعي عليه امه عشان ياخذها...
نوف: في هذي صدقتي..والمشكله تتشرط من زين الوجه..
العنود: بعد..والله حاله...
نوف: ما شفتوا شي...طلبات غريبه عجيبه وموصفات زوجها اغرب..يعني شروط تعجيزيه..
مها: لا بالله رحتي فيها...
نوف: الله يكون في عوني ويصبرني بس...
الكل: امين..
& &&&&&&&&&&&&& | |
|
| | |
أنامل ساحرة
Admin
المساهمات : 293
تاريخ التسجيل : 28/02/2014
العمر : 26
| | موضوع: رد: رواية أحلى صدفة السبت مارس 15, 2014 10:53 am | |
| رجع الكل على بيته وفي غرفة وليد بالتحديد..
ملاك وهي تمشط شعرها على التسريحه..: تصدق ياوليد ارتحت للبنات بالمره..
وليد وهو منسدح وساند ظهره على ظهر السرير: ايوه زين..
ملاك بقصد: وبصراحه ارتحت لبنت عمك رغد..
وليد وهو يشرب مويه بعد البندول شرق فيها: كح كح..ايوه رغد..
ملاك راحت وجلست جنبه: بصراحه هالبنت مره حبوبه..
وليد يصرف: ايه..ايه..يله ما ودك تنامين..
ملاك بدلع: من عيوني يا بعد عمري انت..
وقربت من وليد بالمره..ومسكت ايده وحطت راسها على صدره اللي بدون قميص..
ملاك: احس ان الناس تحسدني عليك...
وليد ارتبك من قربها..هو ما قد قرب منها...
وليد: لا...انا اللي تحسدني الناس عليك...
ملاك رفعت راسها تطالعه: وليد تحبني مثل ما انا احبك..
وليد بلع ريقه وسحب ايده: ايوه..يله نامي...ترى بكره وراي دوام..
وعطاها ظهره..
ملاك انسدحت وهي حاطه في بالها انها راح تنسيه رغد..وابو رغد بعد...
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
اليوم اللي بعده..
رجع وليد من الدوام..تعبان وهلكان..دخل غرفته حصلها..متغيره..كل شي احمر...فرش السرير احمر..في كل مكان ورد احمر..الانوار حمراء..وريحة الورد ماليه المكان..طلت عليه ملاك بأبتسامه حلوه ومرحه: حبيبي انت جيت...
وليد ابتسم غصب عنه جمالها ما يرحم: ايوه جيت..
راحت ملاك واخذت شماغه منه وعلقته واخذت ثوبه وعلقتهم..
جلس وليد بيفسخ جزمته..جات ملاك وجلست عند رجوله وفسخت جزمته"الله يكرمكم.."
ملاك: كيف الشغل اليوم..
وليد ما استوعب حركتها:لا..تمام الحمد لله...
ملاك: اكيد يا قلبي تعبان يا بعدي والله..مجهزه لك حمام يحبه قلبك..
وسحبته من ايده..
ملاك: يله تروش وارتاح..عشان نتغدا انا وياك..
وليد سوى اللي قالته له ملاك بدون نقاش او حتى كلمه..
طلع وليد وهو ينشف شعره وجلس على الكرسي قبال التسريحه..جات ملاك واخذت المنشفه وصارت تنشف شعره..وصار شعره الاسود على وجهه ..ملاك تطالعه من المرايه: تصدق شكلك كذا يجنن...
وليد ابتسم لها: تسلمين عيونك الحلوه...
ملاك فرحت انه قال كلمتين على بعض: الله يسلمك..يله قوم خلينا نتغدا..ترى انا اللي مسويه الغدا بنفسي..
وليد مستغرب: صدق!!..تعرفين تطبخين..
ملاك: هو انا ما اعرف بس عشانك تعلمت ولما ضبطته مره..بأخليك تذوقه..
وليد تحمس لها: اوكيه..نشوف يا شيف ملاك..
ملاك قرصت خشمه: اكيد بيعجبك...
وليد نزل معاها وهو مبهور منها...اليوم وامس حركاتها غير...صايره جريئه بزياده..تسوي الاشياء اللي مفروض هو يسويها لها...
ملاك فتحت غرفة الطعام: تراااااا..وش رايك..
وليد يطالع طاولة الطعام اللي مليانه شموع حمرا..واكلات واصناف متنوعه..ومرتبه بشكل انيق..
وليد طالعها: مشا اله كل هذا انتي مسويته..
ملاك: ا نشا الله يعجبك..
وليد: اكيد بيعجبني..
ملاك حست انها بدت تحقق كم خطوه من هدفها: اوكيه الحين ذوق الاكل وعطيني رايك..
جلس وليد وجلست معاه ملاك..وحطت له من كل شي وحطته قدامه..اخذ وليد الشوكه وصار يذوق ويثني على كل طبق..وملاك الابتسامه ما فارقتها ابد..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
بعد ايام...كانت حياة وليد كل يوم احلى الثاني..والفضل بعد الله يرجع لملاك..حس انه بدا يطلع من السواد والظلام اللي عايشه وماشي عليه من ثلاث سنين..من لما قرر يغير طريقة حياته..ملاك كل يوم تحببه فيها اكثر..من اهتمامها..من رعايتها..خوفها عليه..حرصها عليه..كل يوم شي جديد..كل يوم روح جديده...بدا يتغير معاها..مو كثير لكن احسن من اول بكثير..ملاك حست انها حققت نص هدفها لكن ما وصلت للنهايه..والنهايه انه يحبها حب حقيقي وينسى حبه الماضي....
&&&&&&&&&&&
نروح لماجد وزجته اسيل..ناخذ موقف من حياتهم اليوميه واللي دايم مثله يتكرر...
اسيل: بصراحه اهلك مره مو شي...
ماجد: وش تقصدين..
اسيل: هذي العنود..مره...مره أي شي...
ماجد وهو كاره حياته: اسيل ترى هذي اللي تتكلمين عنها اختي...
اسيل: ادري انها اختك..اعوذ بالله غثه...من تشوفني تحب تنرفزني تطلعني من طوري..
ماجد: العنود اكبر من كذا..
اسيل: يعني انا كذابه..
ماجد: ما قلت شي انا...
اسيل: احمد ربك اني متحمله العيشه مع اهلك..
ماجد: انسي اني اطلع من بيت ابوي...
اسيل: ليه...يا روح ماما..ما تقدر تفارقها...
ماجد: اسيل عدلي اسلوبك احسن لك..
اسيل اخذت عبايتها: اوكي لا تعصب انا طالعه...
ماجد: على وين؟؟؟
اسيل: بروح لوحده من صاحباتي عازمتني...
ماجد: ما فيه طلعه..
اسيل: مو بكيفك..
ماجد: اسيل ترى ان تعديتي الباب بخطوه ما تلومين الا نفسك..
اسيل: قلت لك مو على كيفك..
وطلعت..
لحقها ماجد ومسكها ولفها عليه وعطاها كف..افزع صمت الجدران...
اسيل مسكت خدها ودموعها في عيونها: تضربني..انا ابوي ما تجرا يضربني....
ماجد منفعل: عشان كذا ما تربيتي..واذا تبين تطلعين روحي بيت اهلك مره وحده...
اسيل: اوكيه..انا رايحه لبيت اهلي.."وقفت عند الدرج"..يا روح ماما...
ونزلت الدرج بسرعه..
ماجد خلاص تعب من هالمسلسل اللي كل يوم يعيد نفسه..كل يوم يتهاوشون على شي..وكل ما حاول يرضيها ما يعجبها شي..وانقلبت حياة ماجد الى جحيم مستمر..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
في مكان ثاني...
رغد لابسه وكاشخه ومتعدله..وتحط اللمسات الاخيره..
دخل تركي ..وطالعها..
تركي بأبتسامه: مشا الله وش هالكشخه والاناقه..وش عندك؟؟.. اكيد اليوم ذكرى زواجنا...ولا يوم ميلادك..
رغد مفتشله: ههه لا هذا ولا ذاك..
تركي بخبث: اجل كاشخه لي..يا حبي لك والله..
رغد ما تبي تفشله: ليه انا ما قلت لك اني بطلع..الهنوف عازمتني..
تركي بنفجر: بعد الهنوف...محد قال لك من قبل اني زوجك...يا اختي محد قال لك...اني مسؤل منك..كل يوم ناطه عندها وشوله...
رغد: بس بس لا تصارخ..وش فيك يا قلبي..انا بروح ازور امي وفي نفس الوقت اقعد عند الهنوف اوسع صدري...
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
الهنوف في المطبخ وتصلح وتضبط..
دخل مشاري: الله....ريحة كيك..
الهوف بأبتسامه: ايوه كيك..
مشاري شاف الكيكه: يا قلبي يا هنوفه...من قال لك اني احب هالكيكه..
الهنوف ما تدري وش السالفه: ه ه ه
مشاري: ليه تعبتي نفسك عشاني ..بس اكيد لذيذه لانها كيكة هنوفة قلبي..
الهنوف: اكيد...بس......بس هذي مو...لك..
مشاري وجه صار احمرررررر: اكيد رغيد..
الهنوف خافت يعصب: مشاري لحظه..اصبر..خلني افهمك السالفه..
مشاري: رغد...رغد..خليها تجي ..بأذبحها وافتك منهااااااا للأبد..
الهنوف: مشاري وش فيك..خلاص ولا يهمك اصلح لك بكره احلى منها..
مشاري طلع وهو يتحلطم: انا بتصل على زوجها يضفها بعيد عنا..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
في بيت ثاني وفي جو ثاني وعالم ثاني...
ريم: انا اقول لك الجوري..
سليمان: وانا اقول لك نوره على جدتي..
ريم: وانا وش علي من جدتك..حرام عليك من الجوري الى نوره..يا اخي حس شوي...
سليمان: حرام عليك كانت جدتي الله يرحمها تحبني..
ريم: الله يرحمها...بس اسمي بنتي نوره انسى...
سليمان: طيب خلي البنت على جنب افرضي..حملتي وجبتي ولد وش نسميه...
ريم: نسميه....امممممممم سطام..
سليمان: لالالا انا ما اوفقك ..بأسميه على عم ابوي دحيم..
ريم: شكلي ما راح احمل طول عمري..
سليمان: ليش؟؟
ريم: وش فيك انت وش فيك...ما عندك شي اسمه ذوق..ولا ما بعد تعرفت عليه..
سليمان: دحيم وش فيه..كان عم ابوي هذا..هو اللي سماني سليمان الله يرحمه..
ريم: سليمان حلو عنده ذوق..بس دحيم هذا وشلون اسمي ولدي عليه..يا اخي حس ولدي بيتعقد بسبة اسمه..
سليمان: طيب اوكيه خلي الولد على جنب..
ريم: اذا مو بنت ولا ولد وش بيطلع شي ثالث...
سليمان: صح نسيت...
ريم: ياربي هالرجال ما ادري وش اسوي فيه..وين خالتي انا بروح لخالتي ارحم لي..
"وقامت".....
سليمان: دحيم ...وش فيه دحيم حلو ولا ودلع بعد..خليني اروح اقنعها....
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
بعد سنتين..
راح اتكلم عن كل بطل من ابطالنا..
فجر +فيصل...فجر جابت ولد وسمته رائد..وحياتهم كلها حب في حب..والناتج اكيد سعاده ابديه مع الاستقرار...
مشاري+ الهنوف..جابت الهنوف بعد فارس بنوته حلوه تشبه مشاري واسمها غدير نسبه من اسم رغد..وعايشين حياتهم تمام التمام..<<الله لايغير عليهم..
ماجد+اسيل...ماجد ما تحمل اكثر اسيل وحركاتها وارسل لها ورقة طلاقها..وامه تحن عليه يتزوج بس هو شايل الفكره من راسه...بس اكيد ام ماجد ما راح تخليه...
فواز+بدور....عايشين حياة طبيعيه ويتخللها الحب...وبدور جابت ولد وسمته ضاري...
طلال+عبير...عايشين حياتهم سمنه على عسل..مبسوطين بس عبير ما حملت..
رغد+تركي... مافي مثلهم عايشين الحب بالطول والعرض ورغد جابت مع رهف ولد وسمته عبد العزيز على ابوها..
نوف +نواف...ولدت نوف وجابت توم<<ما ادري وشلون جابتهم..
بنتين مثل القمر يهبلون على امهم..وسمت الاولى يارا والثانيه لارا...
شجون+زوجها مهند ...حملت شجون ومازالت دلوعه وما تغيرت عن اول..
مها+ زوجها راشد....مسكينه مها خايفه ان يكون فيها شي لانها لسه ما حملت وهذا الشي مسوي اضطراب في زواجها..
وليد+ملاك....وليد حب ملاك حب عظيم..حس معاها بمعنى الحياة الحقيقه..يعيش كل يوم معاها قصة حب جديده..ملاك قدرت توصل لهدفها بعد ما تعبت كثير مع وليد وكل هذا بفضل الله ثم بفضل رغد وفكرتها..قدرت ملاك تنسي وليد رغد عن طريق رغد نفسها""سبحان الله"..
ريم+سليمان...طيور الكناري او طيور الحب ..مازالوا هايمين في الحب وطايرين فيه وعايشين حياتهم على البساطه بدون مبالغه في أي شي..حياتهم حلوه وبسيطه بدون التعقيد اللي يخلي الحياة حجيم..ووحملت ريوم وجابت ولد وسمته اكيد دحيم لالا امزح سمته سطام...
العنود....فتحوا لها اعمامها شركه نسائيه فرع لشركتهم الاساس..وصارت العنود مديرة هالشركه..كرست حياتها لتثبت للكل انها قد المسؤليه..وصارت حياتها للشغل وللشركه...وفعلا اثبتت وجودها..وصارت تنافس شركات رجاليه لها صيتها..طبعا محد قدر يفتح قلبها مره ثانيه...بس الله العالم في المستقبل وش ممكن يصير..
مشعل +لين... اكيد حلم الطفوله لازم يتحقق والوعد اللي كان بينهم لازم يوفى..مشعل خطب لين بعد ما تخرجت من الثانويه على طول..والحين عايشين ايام الخطوبه مثل روميو وجولييت ..لين مبسوطه بالمره انها في النهايه من نصيب حبيبها منذ الصغر مشعل..ومشعل نفس الشي...
محمد...دخل العسكريه وصار ضابط كبير..وقرر انه يتزوج بس ما زال يبحث عن وحده تحبه حب كبير مثل حب لين لمشعل...
سعود...تزوج اخت نواف ندى..وقدر يغيرها مع فرق العمر اللي بينهم .. بس هذا ما شكل عائق في حياتهم...وتغيرت وكمل حياته والحين عنده ولد واحد...
فهد...كبر وصار رجال وبالنسبه لامه وابوه ماتغيروا..بس هو الوحيد اللي تغير وعاش حياته وسافر برى المملكه يكمل دراسته وياخذ شهاده ترفع راسه ويرجع دكتور لوطنه..
ابو الهنوف...من بعد رجعته الاخيره للرياض وخطبة الهنوف وزواجها صحاه من اللي كان فيه..وحن لعياله ولام اعياله..وقرر يعيد نفسه من اول وجديد عسى يقدر يلحق يعوضهم ربع اللي راح..ويقدر يرضي ضميره...
الامهات...مازالوا انفسهم ما تغيروا بس طلع لهم كم شيبه في روسهم ومازلت كلمتهم احنا لسه شباب..
الابوان.... زاد الشيب اكثر واكثر وما تغيروا هم نفسهم يبقون الشياب...
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&&
النهايه.... | |
|
| | |
| | رواية أحلى صدفة | |
|
